| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
10. вид̇аггасан̣таанасуд̇д̇ам̣
10. Vitakkasaṇṭhānasuttaṃ
216. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
216. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ад̇хижид̇д̇амануяуд̇д̇зна, бхигкавз, бхигкунаа бан̃жа нимид̇д̇аани гаалзна гаалам̣ манаси гаад̇аб̣б̣аани. гад̇амаани бан̃жа? ид̇ха, бхигкавз, бхигкуно яам̣ нимид̇д̇ам̣ ааг̇амма яам̣ нимид̇д̇ам̣ манасигарод̇о уббаж̇ж̇анд̇и баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби, д̇зна, бхигкавз, бхигкунаа д̇амхаа нимид̇д̇аа ан̃н̃ам̣ нимид̇д̇ам̣ манаси гаад̇аб̣б̣ам̣ гусалуубасам̣хид̇ам̣. д̇асса д̇амхаа нимид̇д̇аа ан̃н̃ам̣ нимид̇д̇ам̣ манасигарод̇о гусалуубасам̣хид̇ам̣ яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и 1 самаад̇хияад̇и. сзяяат̇ааби, бхигкавз, д̣̇агко балаг̇ан̣д̣о ваа балаг̇ан̣д̣анд̇зваасий ваа сукумааяа аан̣ияаа ол̣ааригам̣ аан̣им̣ абхиниханзяяа абхинийхарзяяа абхинивад̇д̇зяяа 2; звамзва ко, бхигкавз, бхигкуно яам̣ нимид̇д̇ам̣ ааг̇амма яам̣ нимид̇д̇ам̣ манасигарод̇о уббаж̇ж̇анд̇и баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби, д̇зна, бхигкавз, бхигкунаа д̇амхаа нимид̇д̇аа ан̃н̃ам̣ нимид̇д̇ам̣ манаси гаад̇аб̣б̣ам̣ гусалуубасам̣хид̇ам̣. д̇асса д̇амхаа нимид̇д̇аа ан̃н̃ам̣ нимид̇д̇ам̣ манасигарод̇о гусалуубасам̣хид̇ам̣ яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и.
‘‘Adhicittamanuyuttena, bhikkhave, bhikkhunā pañca nimittāni kālena kālaṃ manasi kātabbāni. Katamāni pañca? Idha, bhikkhave, bhikkhuno yaṃ nimittaṃ āgamma yaṃ nimittaṃ manasikaroto uppajjanti pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tamhā nimittā aññaṃ nimittaṃ manasi kātabbaṃ kusalūpasaṃhitaṃ. Tassa tamhā nimittā aññaṃ nimittaṃ manasikaroto kusalūpasaṃhitaṃ ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti 3 samādhiyati. Seyyathāpi, bhikkhave, dakkho palagaṇḍo vā palagaṇḍantevāsī vā sukhumāya āṇiyā oḷārikaṃ āṇiṃ abhinihaneyya abhinīhareyya abhinivatteyya 4; evameva kho, bhikkhave, bhikkhuno yaṃ nimittaṃ āgamma yaṃ nimittaṃ manasikaroto uppajjanti pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tamhā nimittā aññaṃ nimittaṃ manasi kātabbaṃ kusalūpasaṃhitaṃ. Tassa tamhā nimittā aññaṃ nimittaṃ manasikaroto kusalūpasaṃhitaṃ ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
217. ‘‘д̇асса жз, бхигкавз, бхигкуно д̇амхаа нимид̇д̇аа ан̃н̃ам̣ нимид̇д̇ам̣ манасигарод̇о гусалуубасам̣хид̇ам̣ уббаж̇ж̇анд̇зва баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби, д̇зна, бхигкавз, бхигкунаа д̇зсам̣ вид̇аггаанам̣ аад̣̇ийнаво убабаригкид̇аб̣б̣о – ‘ид̇ибимз вид̇аггаа агусалаа, ид̇ибимз вид̇аггаа сааваж̇ж̇аа, ид̇ибимз вид̇аггаа д̣̇угкавибаагаа’д̇и. д̇асса д̇зсам̣ вид̇аггаанам̣ аад̣̇ийнавам̣ убабаригкад̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. сзяяат̇ааби, бхигкавз, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго ахигун̣абзна ваа гуггурагун̣абзна ваа мануссагун̣абзна ваа ган̣тз аасад̇д̇зна аддиязяяа харааязяяа ж̇иг̇ужчзяяа; звамзва ко, бхигкавз, д̇асса жз бхигкуно д̇амхааби нимид̇д̇аа ан̃н̃ам̣ нимид̇д̇ам̣ манасигарод̇о гусалуубасам̣хид̇ам̣ уббаж̇ж̇анд̇зва баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби, д̇зна, бхигкавз, бхигкунаа д̇зсам̣ вид̇аггаанам̣ аад̣̇ийнаво убабаригкид̇аб̣б̣о – ‘ид̇ибимз вид̇аггаа агусалаа, ид̇ибимз вид̇аггаа сааваж̇ж̇аа, ид̇ибимз вид̇аггаа д̣̇угкавибаагаа’д̇и. д̇асса д̇зсам̣ вид̇аггаанам̣ аад̣̇ийнавам̣ убабаригкад̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и.
217. ‘‘Tassa ce, bhikkhave, bhikkhuno tamhā nimittā aññaṃ nimittaṃ manasikaroto kusalūpasaṃhitaṃ uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tesaṃ vitakkānaṃ ādīnavo upaparikkhitabbo – ‘itipime vitakkā akusalā, itipime vitakkā sāvajjā, itipime vitakkā dukkhavipākā’ti. Tassa tesaṃ vitakkānaṃ ādīnavaṃ upaparikkhato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Seyyathāpi, bhikkhave, itthī vā puriso vā daharo yuvā maṇḍanakajātiko ahikuṇapena vā kukkurakuṇapena vā manussakuṇapena vā kaṇṭhe āsattena aṭṭiyeyya harāyeyya jiguccheyya; evameva kho, bhikkhave, tassa ce bhikkhuno tamhāpi nimittā aññaṃ nimittaṃ manasikaroto kusalūpasaṃhitaṃ uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tesaṃ vitakkānaṃ ādīnavo upaparikkhitabbo – ‘itipime vitakkā akusalā, itipime vitakkā sāvajjā, itipime vitakkā dukkhavipākā’ti. Tassa tesaṃ vitakkānaṃ ādīnavaṃ upaparikkhato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
218. ‘‘д̇асса жз, бхигкавз, бхигкуно д̇зсамби вид̇аггаанам̣ аад̣̇ийнавам̣ убабаригкад̇о уббаж̇ж̇анд̇зва баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби, д̇зна, бхигкавз, бхигкунаа д̇зсам̣ вид̇аггаанам̣ асад̇иаманасигааро аабаж̇ж̇ид̇аб̣б̣о. д̇асса д̇зсам̣ вид̇аггаанам̣ асад̇иаманасигаарам̣ аабаж̇ж̇ад̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. сзяяат̇ааби, бхигкавз, жагкумаа бурисо аабаат̇аг̇ад̇аанам̣ руубаанам̣ ад̣̇ассанагаамо асса; со нимийлзяяа ваа ан̃н̃зна ваа абалогзяяа. звамзва ко, бхигкавз, д̇асса жз бхигкуно д̇зсамби вид̇аггаанам̣ аад̣̇ийнавам̣ убабаригкад̇о уббаж̇ж̇анд̇зва баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби, д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и.
218. ‘‘Tassa ce, bhikkhave, bhikkhuno tesampi vitakkānaṃ ādīnavaṃ upaparikkhato uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tesaṃ vitakkānaṃ asatiamanasikāro āpajjitabbo. Tassa tesaṃ vitakkānaṃ asatiamanasikāraṃ āpajjato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Seyyathāpi, bhikkhave, cakkhumā puriso āpāthagatānaṃ rūpānaṃ adassanakāmo assa; so nimīleyya vā aññena vā apalokeyya. Evameva kho, bhikkhave, tassa ce bhikkhuno tesampi vitakkānaṃ ādīnavaṃ upaparikkhato uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
219. ‘‘д̇асса жз, бхигкавз, бхигкуно д̇зсамби вид̇аггаанам̣ асад̇иаманасигаарам̣ аабаж̇ж̇ад̇о уббаж̇ж̇анд̇зва баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби, д̇зна, бхигкавз, бхигкунаа д̇зсам̣ вид̇аггаанам̣ вид̇аггасан̇каарасан̣таанам̣ манасигаад̇аб̣б̣ам̣. д̇асса д̇зсам̣ вид̇аггаанам̣ вид̇аггасан̇каарасан̣таанам̣ манасигарод̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. сзяяат̇ааби, бхигкавз, бурисо сийгхам̣ г̇ажчзяяа. д̇асса звамасса – ‘гим̣ ну ко ахам̣ сийгхам̣ г̇ажчаами? яам̣нуунаахам̣ сан̣игам̣ г̇ажчзяяа’нд̇и. со сан̣игам̣ г̇ажчзяяа. д̇асса звамасса – ‘гим̣ ну ко ахам̣ сан̣игам̣ г̇ажчаами? яам̣нуунаахам̣ д̇идтзяяа’нд̇и. со д̇идтзяяа . д̇асса звамасса – ‘гим̣ ну ко ахам̣ тид̇о? яам̣нуунаахам̣ нисийд̣̇зяяа’нд̇и. со нисийд̣̇зяяа. д̇асса звамасса – ‘гим̣ ну ко ахам̣ нисинно? яам̣нуунаахам̣ нибаж̇ж̇зяяа’нд̇и. со нибаж̇ж̇зяяа. зван̃хи со, бхигкавз, бурисо ол̣ааригам̣ ол̣ааригам̣ ирияаабат̇ам̣ абхиниваж̇ж̇зд̇ваа 5 сукумам̣ сукумам̣ ирияаабат̇ам̣ габбзяяа. звамзва ко, бхигкавз, д̇асса жз бхигкуно д̇зсамби вид̇аггаанам̣ асад̇иаманасигаарам̣ аабаж̇ж̇ад̇о уббаж̇ж̇анд̇зва баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и.
219. ‘‘Tassa ce, bhikkhave, bhikkhuno tesampi vitakkānaṃ asatiamanasikāraṃ āpajjato uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tesaṃ vitakkānaṃ vitakkasaṅkhārasaṇṭhānaṃ manasikātabbaṃ. Tassa tesaṃ vitakkānaṃ vitakkasaṅkhārasaṇṭhānaṃ manasikaroto ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Seyyathāpi, bhikkhave, puriso sīghaṃ gaccheyya. Tassa evamassa – ‘kiṃ nu kho ahaṃ sīghaṃ gacchāmi? Yaṃnūnāhaṃ saṇikaṃ gaccheyya’nti. So saṇikaṃ gaccheyya. Tassa evamassa – ‘kiṃ nu kho ahaṃ saṇikaṃ gacchāmi? Yaṃnūnāhaṃ tiṭṭheyya’nti. So tiṭṭheyya . Tassa evamassa – ‘kiṃ nu kho ahaṃ ṭhito? Yaṃnūnāhaṃ nisīdeyya’nti. So nisīdeyya. Tassa evamassa – ‘kiṃ nu kho ahaṃ nisinno? Yaṃnūnāhaṃ nipajjeyya’nti. So nipajjeyya. Evañhi so, bhikkhave, puriso oḷārikaṃ oḷārikaṃ iriyāpathaṃ abhinivajjetvā 6 sukhumaṃ sukhumaṃ iriyāpathaṃ kappeyya. Evameva kho, bhikkhave, tassa ce bhikkhuno tesampi vitakkānaṃ asatiamanasikāraṃ āpajjato uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
220. ‘‘д̇асса жз, бхигкавз, бхигкуно д̇зсамби вид̇аггаанам̣ вид̇аггасан̇каарасан̣таанам̣ манасигарод̇о уббаж̇ж̇анд̇зва баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби. д̇зна, бхигкавз, бхигкунаа д̣̇анд̇збхид̣̇анд̇амаад̇хааяа 7 ж̇ивхааяа д̇аалум̣ аахажжа жзд̇асаа жид̇д̇ам̣ абхиниг̇г̇ан̣хид̇аб̣б̣ам̣ абхиниббийл̣зд̇аб̣б̣ам̣ абхисанд̇аабзд̇аб̣б̣ам̣ . д̇асса д̣̇анд̇збхид̣̇анд̇амаад̇хааяа ж̇ивхааяа д̇аалум̣ аахажжа жзд̇асаа жид̇д̇ам̣ абхиниг̇г̇ан̣хад̇о абхиниббийл̣аяад̇о абхисанд̇аабаяад̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. сзяяат̇ааби, бхигкавз, б̣алаваа бурисо д̣̇уб̣б̣алад̇арам̣ бурисам̣ сийсз ваа г̇алз ваа канд̇хз ваа г̇ахзд̇ваа абхиниг̇г̇ан̣хзяяа абхиниббийл̣зяяа абхисанд̇аабзяяа; звамзва ко, бхигкавз, д̇асса жз бхигкуно д̇зсамби вид̇аггаанам̣ вид̇аггасан̇каарасан̣таанам̣ манасигарод̇о уббаж̇ж̇анд̇зва баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби. д̇зна, бхигкавз, бхигкунаа д̣̇анд̇збхид̣̇анд̇амаад̇хааяа ж̇ивхааяа д̇аалум̣ аахажжа жзд̇асаа жид̇д̇ам̣ абхиниг̇г̇ан̣хид̇аб̣б̣ам̣ абхиниббийл̣зд̇аб̣б̣ам̣ абхисанд̇аабзд̇аб̣б̣ам̣. д̇асса д̣̇анд̇збхид̣̇анд̇амаад̇хааяа ж̇ивхааяа д̇аалум̣ аахажжа жзд̇асаа жид̇д̇ам̣ абхиниг̇г̇ан̣хад̇о абхиниббийл̣аяад̇о абхисанд̇аабаяад̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и.
220. ‘‘Tassa ce, bhikkhave, bhikkhuno tesampi vitakkānaṃ vitakkasaṅkhārasaṇṭhānaṃ manasikaroto uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi. Tena, bhikkhave, bhikkhunā dantebhidantamādhāya 8 jivhāya tāluṃ āhacca cetasā cittaṃ abhiniggaṇhitabbaṃ abhinippīḷetabbaṃ abhisantāpetabbaṃ . Tassa dantebhidantamādhāya jivhāya tāluṃ āhacca cetasā cittaṃ abhiniggaṇhato abhinippīḷayato abhisantāpayato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Seyyathāpi, bhikkhave, balavā puriso dubbalataraṃ purisaṃ sīse vā gale vā khandhe vā gahetvā abhiniggaṇheyya abhinippīḷeyya abhisantāpeyya; evameva kho, bhikkhave, tassa ce bhikkhuno tesampi vitakkānaṃ vitakkasaṅkhārasaṇṭhānaṃ manasikaroto uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi. Tena, bhikkhave, bhikkhunā dantebhidantamādhāya jivhāya tāluṃ āhacca cetasā cittaṃ abhiniggaṇhitabbaṃ abhinippīḷetabbaṃ abhisantāpetabbaṃ. Tassa dantebhidantamādhāya jivhāya tāluṃ āhacca cetasā cittaṃ abhiniggaṇhato abhinippīḷayato abhisantāpayato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
221. ‘‘яад̇о ко 9, бхигкавз, бхигкуно яам̣ нимид̇д̇ам̣ ааг̇амма яам̣ нимид̇д̇ам̣ манасигарод̇о уббаж̇ж̇анд̇и баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби, д̇асса д̇амхаа нимид̇д̇аа ан̃н̃ам̣ нимид̇д̇ам̣ манасигарод̇о гусалуубасам̣хид̇ам̣ яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. д̇зсамби вид̇аггаанам̣ аад̣̇ийнавам̣ убабаригкад̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. д̇зсамби вид̇аггаанам̣ асад̇иаманасигаарам̣ аабаж̇ж̇ад̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. д̇зсамби вид̇аггаанам̣ вид̇аггасан̇каарасан̣таанам̣ манасигарод̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. д̣̇анд̇збхид̣̇анд̇амаад̇хааяа ж̇ивхааяа д̇аалум̣ аахажжа жзд̇асаа жид̇д̇ам̣ абхиниг̇г̇ан̣хад̇о абхиниббийл̣аяад̇о абхисанд̇аабаяад̇о яз баабагаа агусалаа вид̇аггаа чанд̣̇уубасам̣хид̇ааби д̣̇осуубасам̣хид̇ааби мохуубасам̣хид̇ааби д̇з бахийяанд̇и д̇з аб̣бхад̇т̇ам̣ г̇ажчанд̇и. д̇зсам̣ бахаанаа аж̇жхад̇д̇амзва жид̇д̇ам̣ санд̇идтад̇и саннисийд̣̇ад̇и згод̣̇и ход̇и самаад̇хияад̇и. аяам̣ вужжад̇и, бхигкавз, бхигку васий вид̇аггабарияааяабат̇зсу. яам̣ вид̇аггам̣ ааган̇киссад̇и д̇ам̣ вид̇аггам̣ вид̇аггзссад̇и, яам̣ вид̇аггам̣ нааган̇киссад̇и на д̇ам̣ вид̇аггам̣ вид̇аггзссад̇и. ажчзжчи д̇ан̣хам̣, вивад̇д̇аяи 10 сам̣яож̇анам̣, саммаа маанаабхисамаяаа анд̇амагааси д̣̇угкассаа’’д̇и.
221. ‘‘Yato kho 11, bhikkhave, bhikkhuno yaṃ nimittaṃ āgamma yaṃ nimittaṃ manasikaroto uppajjanti pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tassa tamhā nimittā aññaṃ nimittaṃ manasikaroto kusalūpasaṃhitaṃ ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Tesampi vitakkānaṃ ādīnavaṃ upaparikkhato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Tesampi vitakkānaṃ asatiamanasikāraṃ āpajjato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Tesampi vitakkānaṃ vitakkasaṅkhārasaṇṭhānaṃ manasikaroto ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Dantebhidantamādhāya jivhāya tāluṃ āhacca cetasā cittaṃ abhiniggaṇhato abhinippīḷayato abhisantāpayato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Ayaṃ vuccati, bhikkhave, bhikkhu vasī vitakkapariyāyapathesu. Yaṃ vitakkaṃ ākaṅkhissati taṃ vitakkaṃ vitakkessati, yaṃ vitakkaṃ nākaṅkhissati na taṃ vitakkaṃ vitakkessati. Acchecchi taṇhaṃ, vivattayi 12 saṃyojanaṃ, sammā mānābhisamayā antamakāsi dukkhassā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
вид̇аггасан̣таанасуд̇д̇ам̣ нидтид̇ам̣ д̣̇асамам̣.
Vitakkasaṇṭhānasuttaṃ niṭṭhitaṃ dasamaṃ.
сийханаад̣̇аваг̇г̇о нидтид̇о д̣̇уд̇ияо.
Sīhanādavaggo niṭṭhito dutiyo.
д̇ассуд̣̇д̣̇аанам̣ –
Tassuddānaṃ –
жуул̣асийханаад̣̇аломахам̣саваро, махаажуул̣ад̣̇угкагканд̇хаанумаанигасуд̇д̇ам̣;
Cūḷasīhanādalomahaṃsavaro, mahācūḷadukkhakkhandhaanumānikasuttaṃ;
килабад̇т̇амад̇хубин̣д̣игад̣̇вид̇хаавид̇агга, бан̃жанимид̇д̇агат̇аа буна ваг̇г̇о.
Khilapatthamadhupiṇḍikadvidhāvitakka, pañcanimittakathā puna vaggo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. вид̇аггасан̣таанасуд̇д̇аван̣н̣анаа • 10. Vitakkasaṇṭhānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. вид̇аггасан̣таанасуд̇д̇аван̣н̣анаа • 10. Vitakkasaṇṭhānasuttavaṇṇanā
