| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੧੦. વਿਤਕ੍ਕਸਣ੍ਠਾਨਸੁਤ੍ਤਂ
10. Vitakkasaṇṭhānasuttaṃ
੨੧੬. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਭਿਕ੍ਖવੋ’’ਤਿ। ‘‘ਭਦਨ੍ਤੇ’’ਤਿ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ –
216. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ਅਧਿਚਿਤ੍ਤਮਨੁਯੁਤ੍ਤੇਨ, ਭਿਕ੍ਖવੇ, ਭਿਕ੍ਖੁਨਾ ਪਞ੍ਚ ਨਿਮਿਤ੍ਤਾਨਿ ਕਾਲੇਨ ਕਾਲਂ ਮਨਸਿ ਕਾਤਬ੍ਬਾਨਿ। ਕਤਮਾਨਿ ਪਞ੍ਚ? ਇਧ, ਭਿਕ੍ਖવੇ, ਭਿਕ੍ਖੁਨੋ ਯਂ ਨਿਮਿਤ੍ਤਂ ਆਗਮ੍ਮ ਯਂ ਨਿਮਿਤ੍ਤਂ ਮਨਸਿਕਰੋਤੋ ਉਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ, ਤੇਨ, ਭਿਕ੍ਖવੇ, ਭਿਕ੍ਖੁਨਾ ਤਮ੍ਹਾ ਨਿਮਿਤ੍ਤਾ ਅਞ੍ਞਂ ਨਿਮਿਤ੍ਤਂ ਮਨਸਿ ਕਾਤਬ੍ਬਂ ਕੁਸਲੂਪਸਂਹਿਤਂ। ਤਸ੍ਸ ਤਮ੍ਹਾ ਨਿਮਿਤ੍ਤਾ ਅਞ੍ਞਂ ਨਿਮਿਤ੍ਤਂ ਮਨਸਿਕਰੋਤੋ ਕੁਸਲੂਪਸਂਹਿਤਂ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ 1 ਸਮਾਧਿਯਤਿ। ਸੇਯ੍ਯਥਾਪਿ, ਭਿਕ੍ਖવੇ, ਦਕ੍ਖੋ ਪਲਗਣ੍ਡੋ વਾ ਪਲਗਣ੍ਡਨ੍ਤੇવਾਸੀ વਾ ਸੁਖੁਮਾਯ ਆਣਿਯਾ ਓਲ਼ਾਰਿਕਂ ਆਣਿਂ ਅਭਿਨਿਹਨੇਯ੍ਯ ਅਭਿਨੀਹਰੇਯ੍ਯ ਅਭਿਨਿવਤ੍ਤੇਯ੍ਯ 2; ਏવਮੇવ ਖੋ, ਭਿਕ੍ਖવੇ, ਭਿਕ੍ਖੁਨੋ ਯਂ ਨਿਮਿਤ੍ਤਂ ਆਗਮ੍ਮ ਯਂ ਨਿਮਿਤ੍ਤਂ ਮਨਸਿਕਰੋਤੋ ਉਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ, ਤੇਨ, ਭਿਕ੍ਖવੇ, ਭਿਕ੍ਖੁਨਾ ਤਮ੍ਹਾ ਨਿਮਿਤ੍ਤਾ ਅਞ੍ਞਂ ਨਿਮਿਤ੍ਤਂ ਮਨਸਿ ਕਾਤਬ੍ਬਂ ਕੁਸਲੂਪਸਂਹਿਤਂ। ਤਸ੍ਸ ਤਮ੍ਹਾ ਨਿਮਿਤ੍ਤਾ ਅਞ੍ਞਂ ਨਿਮਿਤ੍ਤਂ ਮਨਸਿਕਰੋਤੋ ਕੁਸਲੂਪਸਂਹਿਤਂ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ।
‘‘Adhicittamanuyuttena, bhikkhave, bhikkhunā pañca nimittāni kālena kālaṃ manasi kātabbāni. Katamāni pañca? Idha, bhikkhave, bhikkhuno yaṃ nimittaṃ āgamma yaṃ nimittaṃ manasikaroto uppajjanti pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tamhā nimittā aññaṃ nimittaṃ manasi kātabbaṃ kusalūpasaṃhitaṃ. Tassa tamhā nimittā aññaṃ nimittaṃ manasikaroto kusalūpasaṃhitaṃ ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti 3 samādhiyati. Seyyathāpi, bhikkhave, dakkho palagaṇḍo vā palagaṇḍantevāsī vā sukhumāya āṇiyā oḷārikaṃ āṇiṃ abhinihaneyya abhinīhareyya abhinivatteyya 4; evameva kho, bhikkhave, bhikkhuno yaṃ nimittaṃ āgamma yaṃ nimittaṃ manasikaroto uppajjanti pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tamhā nimittā aññaṃ nimittaṃ manasi kātabbaṃ kusalūpasaṃhitaṃ. Tassa tamhā nimittā aññaṃ nimittaṃ manasikaroto kusalūpasaṃhitaṃ ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
੨੧੭. ‘‘ਤਸ੍ਸ ਚੇ, ਭਿਕ੍ਖવੇ, ਭਿਕ੍ਖੁਨੋ ਤਮ੍ਹਾ ਨਿਮਿਤ੍ਤਾ ਅਞ੍ਞਂ ਨਿਮਿਤ੍ਤਂ ਮਨਸਿਕਰੋਤੋ ਕੁਸਲੂਪਸਂਹਿਤਂ ਉਪ੍ਪਜ੍ਜਨ੍ਤੇવ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ, ਤੇਨ, ਭਿਕ੍ਖવੇ, ਭਿਕ੍ਖੁਨਾ ਤੇਸਂ વਿਤਕ੍ਕਾਨਂ ਆਦੀਨવੋ ਉਪਪਰਿਕ੍ਖਿਤਬ੍ਬੋ – ‘ਇਤਿਪਿਮੇ વਿਤਕ੍ਕਾ ਅਕੁਸਲਾ, ਇਤਿਪਿਮੇ વਿਤਕ੍ਕਾ ਸਾવਜ੍ਜਾ, ਇਤਿਪਿਮੇ વਿਤਕ੍ਕਾ ਦੁਕ੍ਖવਿਪਾਕਾ’ਤਿ। ਤਸ੍ਸ ਤੇਸਂ વਿਤਕ੍ਕਾਨਂ ਆਦੀਨવਂ ਉਪਪਰਿਕ੍ਖਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਸੇਯ੍ਯਥਾਪਿ, ਭਿਕ੍ਖવੇ, ਇਤ੍ਥੀ વਾ ਪੁਰਿਸੋ વਾ ਦਹਰੋ ਯੁવਾ ਮਣ੍ਡਨਕਜਾਤਿਕੋ ਅਹਿਕੁਣਪੇਨ વਾ ਕੁਕ੍ਕੁਰਕੁਣਪੇਨ વਾ ਮਨੁਸ੍ਸਕੁਣਪੇਨ વਾ ਕਣ੍ਠੇ ਆਸਤ੍ਤੇਨ ਅਟ੍ਟਿਯੇਯ੍ਯ ਹਰਾਯੇਯ੍ਯ ਜਿਗੁਚ੍ਛੇਯ੍ਯ; ਏવਮੇવ ਖੋ, ਭਿਕ੍ਖવੇ, ਤਸ੍ਸ ਚੇ ਭਿਕ੍ਖੁਨੋ ਤਮ੍ਹਾਪਿ ਨਿਮਿਤ੍ਤਾ ਅਞ੍ਞਂ ਨਿਮਿਤ੍ਤਂ ਮਨਸਿਕਰੋਤੋ ਕੁਸਲੂਪਸਂਹਿਤਂ ਉਪ੍ਪਜ੍ਜਨ੍ਤੇવ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ, ਤੇਨ, ਭਿਕ੍ਖવੇ, ਭਿਕ੍ਖੁਨਾ ਤੇਸਂ વਿਤਕ੍ਕਾਨਂ ਆਦੀਨવੋ ਉਪਪਰਿਕ੍ਖਿਤਬ੍ਬੋ – ‘ਇਤਿਪਿਮੇ વਿਤਕ੍ਕਾ ਅਕੁਸਲਾ, ਇਤਿਪਿਮੇ વਿਤਕ੍ਕਾ ਸਾવਜ੍ਜਾ, ਇਤਿਪਿਮੇ વਿਤਕ੍ਕਾ ਦੁਕ੍ਖવਿਪਾਕਾ’ਤਿ। ਤਸ੍ਸ ਤੇਸਂ વਿਤਕ੍ਕਾਨਂ ਆਦੀਨવਂ ਉਪਪਰਿਕ੍ਖਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ।
217. ‘‘Tassa ce, bhikkhave, bhikkhuno tamhā nimittā aññaṃ nimittaṃ manasikaroto kusalūpasaṃhitaṃ uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tesaṃ vitakkānaṃ ādīnavo upaparikkhitabbo – ‘itipime vitakkā akusalā, itipime vitakkā sāvajjā, itipime vitakkā dukkhavipākā’ti. Tassa tesaṃ vitakkānaṃ ādīnavaṃ upaparikkhato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Seyyathāpi, bhikkhave, itthī vā puriso vā daharo yuvā maṇḍanakajātiko ahikuṇapena vā kukkurakuṇapena vā manussakuṇapena vā kaṇṭhe āsattena aṭṭiyeyya harāyeyya jiguccheyya; evameva kho, bhikkhave, tassa ce bhikkhuno tamhāpi nimittā aññaṃ nimittaṃ manasikaroto kusalūpasaṃhitaṃ uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tesaṃ vitakkānaṃ ādīnavo upaparikkhitabbo – ‘itipime vitakkā akusalā, itipime vitakkā sāvajjā, itipime vitakkā dukkhavipākā’ti. Tassa tesaṃ vitakkānaṃ ādīnavaṃ upaparikkhato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
੨੧੮. ‘‘ਤਸ੍ਸ ਚੇ, ਭਿਕ੍ਖવੇ, ਭਿਕ੍ਖੁਨੋ ਤੇਸਮ੍ਪਿ વਿਤਕ੍ਕਾਨਂ ਆਦੀਨવਂ ਉਪਪਰਿਕ੍ਖਤੋ ਉਪ੍ਪਜ੍ਜਨ੍ਤੇવ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ, ਤੇਨ, ਭਿਕ੍ਖવੇ, ਭਿਕ੍ਖੁਨਾ ਤੇਸਂ વਿਤਕ੍ਕਾਨਂ ਅਸਤਿਅਮਨਸਿਕਾਰੋ ਆਪਜ੍ਜਿਤਬ੍ਬੋ। ਤਸ੍ਸ ਤੇਸਂ વਿਤਕ੍ਕਾਨਂ ਅਸਤਿਅਮਨਸਿਕਾਰਂ ਆਪਜ੍ਜਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਸੇਯ੍ਯਥਾਪਿ, ਭਿਕ੍ਖવੇ, ਚਕ੍ਖੁਮਾ ਪੁਰਿਸੋ ਆਪਾਥਗਤਾਨਂ ਰੂਪਾਨਂ ਅਦਸ੍ਸਨਕਾਮੋ ਅਸ੍ਸ; ਸੋ ਨਿਮੀਲੇਯ੍ਯ વਾ ਅਞ੍ਞੇਨ વਾ ਅਪਲੋਕੇਯ੍ਯ। ਏવਮੇવ ਖੋ, ਭਿਕ੍ਖવੇ, ਤਸ੍ਸ ਚੇ ਭਿਕ੍ਖੁਨੋ ਤੇਸਮ੍ਪਿ વਿਤਕ੍ਕਾਨਂ ਆਦੀਨવਂ ਉਪਪਰਿਕ੍ਖਤੋ ਉਪ੍ਪਜ੍ਜਨ੍ਤੇવ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ, ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ।
218. ‘‘Tassa ce, bhikkhave, bhikkhuno tesampi vitakkānaṃ ādīnavaṃ upaparikkhato uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tesaṃ vitakkānaṃ asatiamanasikāro āpajjitabbo. Tassa tesaṃ vitakkānaṃ asatiamanasikāraṃ āpajjato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Seyyathāpi, bhikkhave, cakkhumā puriso āpāthagatānaṃ rūpānaṃ adassanakāmo assa; so nimīleyya vā aññena vā apalokeyya. Evameva kho, bhikkhave, tassa ce bhikkhuno tesampi vitakkānaṃ ādīnavaṃ upaparikkhato uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
੨੧੯. ‘‘ਤਸ੍ਸ ਚੇ, ਭਿਕ੍ਖવੇ, ਭਿਕ੍ਖੁਨੋ ਤੇਸਮ੍ਪਿ વਿਤਕ੍ਕਾਨਂ ਅਸਤਿਅਮਨਸਿਕਾਰਂ ਆਪਜ੍ਜਤੋ ਉਪ੍ਪਜ੍ਜਨ੍ਤੇવ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ, ਤੇਨ, ਭਿਕ੍ਖવੇ, ਭਿਕ੍ਖੁਨਾ ਤੇਸਂ વਿਤਕ੍ਕਾਨਂ વਿਤਕ੍ਕਸਙ੍ਖਾਰਸਣ੍ਠਾਨਂ ਮਨਸਿਕਾਤਬ੍ਬਂ। ਤਸ੍ਸ ਤੇਸਂ વਿਤਕ੍ਕਾਨਂ વਿਤਕ੍ਕਸਙ੍ਖਾਰਸਣ੍ਠਾਨਂ ਮਨਸਿਕਰੋਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਸੇਯ੍ਯਥਾਪਿ, ਭਿਕ੍ਖવੇ, ਪੁਰਿਸੋ ਸੀਘਂ ਗਚ੍ਛੇਯ੍ਯ। ਤਸ੍ਸ ਏવਮਸ੍ਸ – ‘ਕਿਂ ਨੁ ਖੋ ਅਹਂ ਸੀਘਂ ਗਚ੍ਛਾਮਿ? ਯਂਨੂਨਾਹਂ ਸਣਿਕਂ ਗਚ੍ਛੇਯ੍ਯ’ਨ੍ਤਿ। ਸੋ ਸਣਿਕਂ ਗਚ੍ਛੇਯ੍ਯ। ਤਸ੍ਸ ਏવਮਸ੍ਸ – ‘ਕਿਂ ਨੁ ਖੋ ਅਹਂ ਸਣਿਕਂ ਗਚ੍ਛਾਮਿ? ਯਂਨੂਨਾਹਂ ਤਿਟ੍ਠੇਯ੍ਯ’ਨ੍ਤਿ। ਸੋ ਤਿਟ੍ਠੇਯ੍ਯ । ਤਸ੍ਸ ਏવਮਸ੍ਸ – ‘ਕਿਂ ਨੁ ਖੋ ਅਹਂ ਠਿਤੋ? ਯਂਨੂਨਾਹਂ ਨਿਸੀਦੇਯ੍ਯ’ਨ੍ਤਿ। ਸੋ ਨਿਸੀਦੇਯ੍ਯ। ਤਸ੍ਸ ਏવਮਸ੍ਸ – ‘ਕਿਂ ਨੁ ਖੋ ਅਹਂ ਨਿਸਿਨ੍ਨੋ? ਯਂਨੂਨਾਹਂ ਨਿਪਜ੍ਜੇਯ੍ਯ’ਨ੍ਤਿ। ਸੋ ਨਿਪਜ੍ਜੇਯ੍ਯ। ਏવਞ੍ਹਿ ਸੋ, ਭਿਕ੍ਖવੇ, ਪੁਰਿਸੋ ਓਲ਼ਾਰਿਕਂ ਓਲ਼ਾਰਿਕਂ ਇਰਿਯਾਪਥਂ ਅਭਿਨਿવਜ੍ਜੇਤ੍વਾ 5 ਸੁਖੁਮਂ ਸੁਖੁਮਂ ਇਰਿਯਾਪਥਂ ਕਪ੍ਪੇਯ੍ਯ। ਏવਮੇવ ਖੋ, ਭਿਕ੍ਖવੇ, ਤਸ੍ਸ ਚੇ ਭਿਕ੍ਖੁਨੋ ਤੇਸਮ੍ਪਿ વਿਤਕ੍ਕਾਨਂ ਅਸਤਿਅਮਨਸਿਕਾਰਂ ਆਪਜ੍ਜਤੋ ਉਪ੍ਪਜ੍ਜਨ੍ਤੇવ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ।
219. ‘‘Tassa ce, bhikkhave, bhikkhuno tesampi vitakkānaṃ asatiamanasikāraṃ āpajjato uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tena, bhikkhave, bhikkhunā tesaṃ vitakkānaṃ vitakkasaṅkhārasaṇṭhānaṃ manasikātabbaṃ. Tassa tesaṃ vitakkānaṃ vitakkasaṅkhārasaṇṭhānaṃ manasikaroto ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Seyyathāpi, bhikkhave, puriso sīghaṃ gaccheyya. Tassa evamassa – ‘kiṃ nu kho ahaṃ sīghaṃ gacchāmi? Yaṃnūnāhaṃ saṇikaṃ gaccheyya’nti. So saṇikaṃ gaccheyya. Tassa evamassa – ‘kiṃ nu kho ahaṃ saṇikaṃ gacchāmi? Yaṃnūnāhaṃ tiṭṭheyya’nti. So tiṭṭheyya . Tassa evamassa – ‘kiṃ nu kho ahaṃ ṭhito? Yaṃnūnāhaṃ nisīdeyya’nti. So nisīdeyya. Tassa evamassa – ‘kiṃ nu kho ahaṃ nisinno? Yaṃnūnāhaṃ nipajjeyya’nti. So nipajjeyya. Evañhi so, bhikkhave, puriso oḷārikaṃ oḷārikaṃ iriyāpathaṃ abhinivajjetvā 6 sukhumaṃ sukhumaṃ iriyāpathaṃ kappeyya. Evameva kho, bhikkhave, tassa ce bhikkhuno tesampi vitakkānaṃ asatiamanasikāraṃ āpajjato uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
੨੨੦. ‘‘ਤਸ੍ਸ ਚੇ, ਭਿਕ੍ਖવੇ, ਭਿਕ੍ਖੁਨੋ ਤੇਸਮ੍ਪਿ વਿਤਕ੍ਕਾਨਂ વਿਤਕ੍ਕਸਙ੍ਖਾਰਸਣ੍ਠਾਨਂ ਮਨਸਿਕਰੋਤੋ ਉਪ੍ਪਜ੍ਜਨ੍ਤੇવ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ। ਤੇਨ, ਭਿਕ੍ਖવੇ, ਭਿਕ੍ਖੁਨਾ ਦਨ੍ਤੇਭਿਦਨ੍ਤਮਾਧਾਯ 7 ਜਿવ੍ਹਾਯ ਤਾਲੁਂ ਆਹਚ੍ਚ ਚੇਤਸਾ ਚਿਤ੍ਤਂ ਅਭਿਨਿਗ੍ਗਣ੍ਹਿਤਬ੍ਬਂ ਅਭਿਨਿਪ੍ਪੀਲ਼ੇਤਬ੍ਬਂ ਅਭਿਸਨ੍ਤਾਪੇਤਬ੍ਬਂ । ਤਸ੍ਸ ਦਨ੍ਤੇਭਿਦਨ੍ਤਮਾਧਾਯ ਜਿવ੍ਹਾਯ ਤਾਲੁਂ ਆਹਚ੍ਚ ਚੇਤਸਾ ਚਿਤ੍ਤਂ ਅਭਿਨਿਗ੍ਗਣ੍ਹਤੋ ਅਭਿਨਿਪ੍ਪੀਲ਼ਯਤੋ ਅਭਿਸਨ੍ਤਾਪਯਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਸੇਯ੍ਯਥਾਪਿ, ਭਿਕ੍ਖવੇ, ਬਲવਾ ਪੁਰਿਸੋ ਦੁਬ੍ਬਲਤਰਂ ਪੁਰਿਸਂ ਸੀਸੇ વਾ ਗਲੇ વਾ ਖਨ੍ਧੇ વਾ ਗਹੇਤ੍વਾ ਅਭਿਨਿਗ੍ਗਣ੍ਹੇਯ੍ਯ ਅਭਿਨਿਪ੍ਪੀਲ਼ੇਯ੍ਯ ਅਭਿਸਨ੍ਤਾਪੇਯ੍ਯ; ਏવਮੇવ ਖੋ, ਭਿਕ੍ਖવੇ, ਤਸ੍ਸ ਚੇ ਭਿਕ੍ਖੁਨੋ ਤੇਸਮ੍ਪਿ વਿਤਕ੍ਕਾਨਂ વਿਤਕ੍ਕਸਙ੍ਖਾਰਸਣ੍ਠਾਨਂ ਮਨਸਿਕਰੋਤੋ ਉਪ੍ਪਜ੍ਜਨ੍ਤੇવ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ। ਤੇਨ, ਭਿਕ੍ਖવੇ, ਭਿਕ੍ਖੁਨਾ ਦਨ੍ਤੇਭਿਦਨ੍ਤਮਾਧਾਯ ਜਿવ੍ਹਾਯ ਤਾਲੁਂ ਆਹਚ੍ਚ ਚੇਤਸਾ ਚਿਤ੍ਤਂ ਅਭਿਨਿਗ੍ਗਣ੍ਹਿਤਬ੍ਬਂ ਅਭਿਨਿਪ੍ਪੀਲ਼ੇਤਬ੍ਬਂ ਅਭਿਸਨ੍ਤਾਪੇਤਬ੍ਬਂ। ਤਸ੍ਸ ਦਨ੍ਤੇਭਿਦਨ੍ਤਮਾਧਾਯ ਜਿવ੍ਹਾਯ ਤਾਲੁਂ ਆਹਚ੍ਚ ਚੇਤਸਾ ਚਿਤ੍ਤਂ ਅਭਿਨਿਗ੍ਗਣ੍ਹਤੋ ਅਭਿਨਿਪ੍ਪੀਲ਼ਯਤੋ ਅਭਿਸਨ੍ਤਾਪਯਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ।
220. ‘‘Tassa ce, bhikkhave, bhikkhuno tesampi vitakkānaṃ vitakkasaṅkhārasaṇṭhānaṃ manasikaroto uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi. Tena, bhikkhave, bhikkhunā dantebhidantamādhāya 8 jivhāya tāluṃ āhacca cetasā cittaṃ abhiniggaṇhitabbaṃ abhinippīḷetabbaṃ abhisantāpetabbaṃ . Tassa dantebhidantamādhāya jivhāya tāluṃ āhacca cetasā cittaṃ abhiniggaṇhato abhinippīḷayato abhisantāpayato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Seyyathāpi, bhikkhave, balavā puriso dubbalataraṃ purisaṃ sīse vā gale vā khandhe vā gahetvā abhiniggaṇheyya abhinippīḷeyya abhisantāpeyya; evameva kho, bhikkhave, tassa ce bhikkhuno tesampi vitakkānaṃ vitakkasaṅkhārasaṇṭhānaṃ manasikaroto uppajjanteva pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi. Tena, bhikkhave, bhikkhunā dantebhidantamādhāya jivhāya tāluṃ āhacca cetasā cittaṃ abhiniggaṇhitabbaṃ abhinippīḷetabbaṃ abhisantāpetabbaṃ. Tassa dantebhidantamādhāya jivhāya tāluṃ āhacca cetasā cittaṃ abhiniggaṇhato abhinippīḷayato abhisantāpayato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati.
੨੨੧. ‘‘ਯਤੋ ਖੋ 9, ਭਿਕ੍ਖવੇ, ਭਿਕ੍ਖੁਨੋ ਯਂ ਨਿਮਿਤ੍ਤਂ ਆਗਮ੍ਮ ਯਂ ਨਿਮਿਤ੍ਤਂ ਮਨਸਿਕਰੋਤੋ ਉਪ੍ਪਜ੍ਜਨ੍ਤਿ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ, ਤਸ੍ਸ ਤਮ੍ਹਾ ਨਿਮਿਤ੍ਤਾ ਅਞ੍ਞਂ ਨਿਮਿਤ੍ਤਂ ਮਨਸਿਕਰੋਤੋ ਕੁਸਲੂਪਸਂਹਿਤਂ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਤੇਸਮ੍ਪਿ વਿਤਕ੍ਕਾਨਂ ਆਦੀਨવਂ ਉਪਪਰਿਕ੍ਖਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਤੇਸਮ੍ਪਿ વਿਤਕ੍ਕਾਨਂ ਅਸਤਿਅਮਨਸਿਕਾਰਂ ਆਪਜ੍ਜਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਤੇਸਮ੍ਪਿ વਿਤਕ੍ਕਾਨਂ વਿਤਕ੍ਕਸਙ੍ਖਾਰਸਣ੍ਠਾਨਂ ਮਨਸਿਕਰੋਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਦਨ੍ਤੇਭਿਦਨ੍ਤਮਾਧਾਯ ਜਿવ੍ਹਾਯ ਤਾਲੁਂ ਆਹਚ੍ਚ ਚੇਤਸਾ ਚਿਤ੍ਤਂ ਅਭਿਨਿਗ੍ਗਣ੍ਹਤੋ ਅਭਿਨਿਪ੍ਪੀਲ਼ਯਤੋ ਅਭਿਸਨ੍ਤਾਪਯਤੋ ਯੇ ਪਾਪਕਾ ਅਕੁਸਲਾ વਿਤਕ੍ਕਾ ਛਨ੍ਦੂਪਸਂਹਿਤਾਪਿ ਦੋਸੂਪਸਂਹਿਤਾਪਿ ਮੋਹੂਪਸਂਹਿਤਾਪਿ ਤੇ ਪਹੀਯਨ੍ਤਿ ਤੇ ਅਬ੍ਭਤ੍ਥਂ ਗਚ੍ਛਨ੍ਤਿ। ਤੇਸਂ ਪਹਾਨਾ ਅਜ੍ਝਤ੍ਤਮੇવ ਚਿਤ੍ਤਂ ਸਨ੍ਤਿਟ੍ਠਤਿ ਸਨ੍ਨਿਸੀਦਤਿ ਏਕੋਦਿ ਹੋਤਿ ਸਮਾਧਿਯਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਭਿਕ੍ਖੁ વਸੀ વਿਤਕ੍ਕਪਰਿਯਾਯਪਥੇਸੁ। ਯਂ વਿਤਕ੍ਕਂ ਆਕਙ੍ਖਿਸ੍ਸਤਿ ਤਂ વਿਤਕ੍ਕਂ વਿਤਕ੍ਕੇਸ੍ਸਤਿ, ਯਂ વਿਤਕ੍ਕਂ ਨਾਕਙ੍ਖਿਸ੍ਸਤਿ ਨ ਤਂ વਿਤਕ੍ਕਂ વਿਤਕ੍ਕੇਸ੍ਸਤਿ। ਅਚ੍ਛੇਚ੍ਛਿ ਤਣ੍ਹਂ, વਿવਤ੍ਤਯਿ 10 ਸਂਯੋਜਨਂ, ਸਮ੍ਮਾ ਮਾਨਾਭਿਸਮਯਾ ਅਨ੍ਤਮਕਾਸਿ ਦੁਕ੍ਖਸ੍ਸਾ’’ਤਿ।
221. ‘‘Yato kho 11, bhikkhave, bhikkhuno yaṃ nimittaṃ āgamma yaṃ nimittaṃ manasikaroto uppajjanti pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi, tassa tamhā nimittā aññaṃ nimittaṃ manasikaroto kusalūpasaṃhitaṃ ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Tesampi vitakkānaṃ ādīnavaṃ upaparikkhato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Tesampi vitakkānaṃ asatiamanasikāraṃ āpajjato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Tesampi vitakkānaṃ vitakkasaṅkhārasaṇṭhānaṃ manasikaroto ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Dantebhidantamādhāya jivhāya tāluṃ āhacca cetasā cittaṃ abhiniggaṇhato abhinippīḷayato abhisantāpayato ye pāpakā akusalā vitakkā chandūpasaṃhitāpi dosūpasaṃhitāpi mohūpasaṃhitāpi te pahīyanti te abbhatthaṃ gacchanti. Tesaṃ pahānā ajjhattameva cittaṃ santiṭṭhati sannisīdati ekodi hoti samādhiyati. Ayaṃ vuccati, bhikkhave, bhikkhu vasī vitakkapariyāyapathesu. Yaṃ vitakkaṃ ākaṅkhissati taṃ vitakkaṃ vitakkessati, yaṃ vitakkaṃ nākaṅkhissati na taṃ vitakkaṃ vitakkessati. Acchecchi taṇhaṃ, vivattayi 12 saṃyojanaṃ, sammā mānābhisamayā antamakāsi dukkhassā’’ti.
ਇਦਮવੋਚ ਭਗવਾ। ਅਤ੍ਤਮਨਾ ਤੇ ਭਿਕ੍ਖੂ ਭਗવਤੋ ਭਾਸਿਤਂ ਅਭਿਨਨ੍ਦੁਨ੍ਤਿ।
Idamavoca bhagavā. Attamanā te bhikkhū bhagavato bhāsitaṃ abhinandunti.
વਿਤਕ੍ਕਸਣ੍ਠਾਨਸੁਤ੍ਤਂ ਨਿਟ੍ਠਿਤਂ ਦਸਮਂ।
Vitakkasaṇṭhānasuttaṃ niṭṭhitaṃ dasamaṃ.
ਸੀਹਨਾਦવਗ੍ਗੋ ਨਿਟ੍ਠਿਤੋ ਦੁਤਿਯੋ।
Sīhanādavaggo niṭṭhito dutiyo.
ਤਸ੍ਸੁਦ੍ਦਾਨਂ –
Tassuddānaṃ –
ਚੂਲ਼ਸੀਹਨਾਦਲੋਮਹਂਸવਰੋ, ਮਹਾਚੂਲ਼ਦੁਕ੍ਖਕ੍ਖਨ੍ਧਅਨੁਮਾਨਿਕਸੁਤ੍ਤਂ।
Cūḷasīhanādalomahaṃsavaro, mahācūḷadukkhakkhandhaanumānikasuttaṃ;
ਖਿਲਪਤ੍ਥਮਧੁਪਿਣ੍ਡਿਕਦ੍વਿਧਾવਿਤਕ੍ਕ, ਪਞ੍ਚਨਿਮਿਤ੍ਤਕਥਾ ਪੁਨ વਗ੍ਗੋ॥
Khilapatthamadhupiṇḍikadvidhāvitakka, pañcanimittakathā puna vaggo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੧੦. વਿਤਕ੍ਕਸਣ੍ਠਾਨਸੁਤ੍ਤવਣ੍ਣਨਾ • 10. Vitakkasaṇṭhānasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੧੦. વਿਤਕ੍ਕਸਣ੍ਠਾਨਸੁਤ੍ਤવਣ੍ਣਨਾ • 10. Vitakkasaṇṭhānasuttavaṇṇanā
