| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. вид̇аггасан̣таанасуд̇д̇аван̣н̣анаа
10. Vitakkasaṇṭhānasuttavaṇṇanā
216. д̣̇асагусалагаммабат̇авасзнаад̇и ид̣̇ам̣ нид̣̇ассанамад̇д̇ам̣ д̣̇адтаб̣б̣ам̣ ваддабаад̣̇агасамаабад̇д̇ижид̇д̇ассаби ид̇ха ад̇хижид̇д̇абхаавзна анижчид̇ад̇д̇аа. д̇знааха ‘‘вибассанаабаад̣̇агаадтасамаабад̇д̇ижид̇д̇а’’нд̇и. ат̇а ваа ануд̇д̇аримануссад̇хаммасан̇г̇ахид̇амзва гзвалам̣ ‘‘багад̇ижид̇д̇а’’нд̇и вад̇д̇аб̣б̣анд̇и д̣̇ассзнд̇о ‘‘д̣̇асагусалагаммабат̇авасзна уббаннам̣ жид̇д̇ам̣ жид̇д̇амзваа’’д̇и вад̇ваа яад̣̇зд̇т̇а ад̇хижид̇д̇анд̇и ад̇хиббзд̇ам̣, д̇ам̣ д̇ад̣̇зва д̣̇ассзнд̇о ‘‘вибассанаабаад̣̇агаадтасамаабад̇д̇ижид̇д̇а’’нд̇и ааха. ид̇арасса банзд̇т̇а вид̇хи на бадисзд̇хзд̇ийд̇и д̣̇адтаб̣б̣ам̣. вибассанааяа самбаяуд̇д̇ам̣ ад̇хижид̇д̇анд̇и гзжи. ануяуд̇д̇знаад̇и ануббаннасса уббаад̣̇анавасзна, уббаннасса бариб̣рууханавасзна ану ану яуд̇д̇зна. муулагаммадтаананд̇и баарихаарияагаммадтаанам̣. г̇ахзд̇ваа вихаранд̇од̇и бхааванам̣ ануяун̃ж̇анд̇о. бхааванааяа аббанам̣ аббад̇д̇оби ад̇хижид̇д̇амануяуд̇д̇оязва д̇ад̣̇ад̇т̇зби д̇ам̣сад̣̇д̣̇авохаарад̇о.
216.Dasakusalakammapathavasenāti idaṃ nidassanamattaṃ daṭṭhabbaṃ vaṭṭapādakasamāpatticittassapi idha adhicittabhāvena anicchitattā. Tenāha ‘‘vipassanāpādakaaṭṭhasamāpatticitta’’nti. Atha vā anuttarimanussadhammasaṅgahitameva kevalaṃ ‘‘pakaticitta’’nti vattabbanti dassento ‘‘dasakusalakammapathavasena uppannaṃ cittaṃ cittamevā’’ti vatvā yadettha adhicittanti adhippetaṃ, taṃ tadeva dassento ‘‘vipassanāpādakaaṭṭhasamāpatticitta’’nti āha. Itarassa panettha vidhi na paṭisedhetīti daṭṭhabbaṃ. Vipassanāya sampayuttaṃ adhicittanti keci. Anuyuttenāti anuppannassa uppādanavasena, uppannassa paribrūhanavasena anu anu yuttena. Mūlakammaṭṭhānanti pārihāriyakammaṭṭhānaṃ. Gahetvā viharantoti bhāvanaṃ anuyuñjanto. Bhāvanāya appanaṃ appattopi adhicittamanuyuttoyeva tadatthepi taṃsaddavohārato.
язхи палам̣ наама яат̇аа уббаж̇ж̇анадтаанз багаббияамаанам̣ вияа ход̇и, д̇аани нимид̇д̇аани. д̇знааха ‘‘гааран̣ааний’’д̇и. гаалзна гааланд̇и зд̇т̇а гаалзнаад̇и бхуммад̇т̇з гаран̣аважананд̇и ааха ‘‘самаяз самаяз’’д̇и. нану жа…бз… ниранд̇арам̣ манаси гаад̇аб̣б̣анд̇и гасмаа вуд̇д̇ам̣, нану жа бхааванааяа вийт̇ибадибаннад̇д̇аа аб̣б̣уд̣̇анийхаран̣авид̇хим̣ д̣̇ассзнд̇зна бхаг̇авад̇аа ‘‘бан̃жа нимид̇д̇аани гаалзна гаалам̣ манаси гаад̇аб̣б̣ааний’’д̇и аяам̣ д̣̇зсанаа аарад̣̇д̇хаад̇и? ‘‘ад̇хижид̇д̇амануяуд̇д̇знаа’’д̇и вуд̇д̇ад̇д̇аа авижчзд̣̇авасзна бхааванааяа яуд̇д̇аббаяуд̇д̇о ад̇хижид̇д̇амануяуд̇д̇о наамаад̇и жод̣̇агасса ад̇хиббааяо. ид̇аро бхааванам̣ ануяун̃ж̇анд̇ассааад̣̇игаммигасса гад̣̇аажи бхааванубаггилзсаа уббаж̇ж̇зяяум̣, д̇ад̇о жид̇д̇асса висод̇ханад̇т̇ааяа яат̇аагаалам̣ имаани нимид̇д̇аани манаси гаад̇аб̣б̣аанийд̇и ‘‘гаалзна гаала’’нд̇и сад̇т̇аа авожаад̇и д̣̇ассзнд̇о ‘‘баал̣ияан̃хий’’д̇иаад̣̇имааха. д̇ад̇т̇а имаанийд̇и имаани баал̣ияам̣ ааг̇ад̇аани бан̃жа нимид̇д̇аани. аб̣б̣уд̣̇анд̇и убад̣̇д̣̇авам̣.
Yehi phalaṃ nāma yathā uppajjanaṭṭhāne pakappiyamānaṃ viya hoti, tāni nimittāni. Tenāha ‘‘kāraṇānī’’ti. Kālena kālanti ettha kālenāti bhummatthe karaṇavacananti āha ‘‘samaye samaye’’ti. Nanu ca…pe… nirantaraṃ manasi kātabbanti kasmā vuttaṃ, nanu ca bhāvanāya vīthipaṭipannattā abbudanīharaṇavidhiṃ dassentena bhagavatā ‘‘pañca nimittāni kālena kālaṃ manasi kātabbānī’’ti ayaṃ desanā āraddhāti? ‘‘Adhicittamanuyuttenā’’ti vuttattā avicchedavasena bhāvanāya yuttappayutto adhicittamanuyutto nāmāti codakassa adhippāyo. Itaro bhāvanaṃ anuyuñjantassaādikammikassa kadāci bhāvanupakkilesā uppajjeyyuṃ, tato cittassa visodhanatthāya yathākālaṃ imāni nimittāni manasi kātabbānīti ‘‘kālena kāla’’nti satthā avocāti dassento ‘‘pāḷiyañhī’’tiādimāha. Tattha imānīti imāni pāḷiyaṃ āgatāni pañca nimittāni. Abbudanti upaddavaṃ.
чанд̣̇асахаг̇ад̇аа рааг̇асамбаяуд̇д̇аад̇и д̇ан̣хаачанд̣̇асахаг̇ад̇аа гаамарааг̇асамбаяуд̇д̇аа. идтаанидтаасамабзгкид̇зсууд̇и идтзсу биязсу, анидтзсу аббиязсу, асамам̣ асаммаа бзгкид̇зсу. асамабзгкананд̇и г̇зхассид̇аан̃н̃аан̣убзгкаавасзна аарамман̣асса аяонисо г̇ахан̣ам̣. яам̣ санд̇хааяа вуд̇д̇ам̣ – ‘‘жагкунаа руубам̣ д̣̇исваа убзгкаа б̣ааласса муул̣хасса бут̇уж̇ж̇анассаа’’д̇иаад̣̇и (ма. ни. 3.308). д̇з баривид̇аггаа. д̇ад̇о нимид̇д̇ад̇о ан̃н̃анд̇и д̇ад̇о чанд̣̇уубасам̣хид̇аад̣̇иагусалавид̇аггуббад̇д̇игааран̣ад̇о ан̃н̃ам̣ навам̣ нимид̇д̇ам̣. ‘‘манасигарод̇о’’д̇и хи вуд̇д̇ам̣, д̇асмаа аарамман̣ам̣, д̇аад̣̇исо буримуббанно жид̇д̇аббавад̇д̇иаагааро ваа нимид̇д̇ам̣. гусаланиссид̇ам̣ нимид̇д̇анд̇и гусалажид̇д̇аббавад̇д̇игааран̣ам̣ манаси гаад̇аб̣б̣ам̣ жид̇д̇з табзд̇аб̣б̣ам̣, бхааванаавасзна жинд̇зд̇аб̣б̣ам̣, жид̇д̇асанд̇аанз ваа сан̇гамид̇аб̣б̣ам̣. асубхан̃хи асубханимид̇д̇анд̇и. сан̇каарзсу уббаннз чанд̣̇уубасам̣хид̇з вид̇аггзд̇и аанзд̇ваа самб̣анд̇хид̇аб̣б̣ам̣. звам̣ ‘‘д̣̇осуубасан̃хид̇з’’д̇иаад̣̇ийсу яат̇аарахам̣ д̇ам̣ д̇ам̣ бад̣̇ам̣ аанзд̇ваа самб̣анд̇хид̇аб̣б̣ам̣. яад̇т̇а гад̇т̇ажийд̇и ‘‘сад̇д̇зсу сан̇каарзсуу’’д̇и яад̇т̇а гад̇т̇ажи. бан̃жад̇хаммуубаниссаяод̇и бан̃жавид̇хо д̇хаммуубасам̣хид̇о убаниссаяо.
Chandasahagatā rāgasampayuttāti taṇhāchandasahagatā kāmarāgasampayuttā. Iṭṭhāniṭṭhaasamapekkhitesūti iṭṭhesu piyesu, aniṭṭhesu appiyesu, asamaṃ asammā pekkhitesu. Asamapekkhananti gehassitaaññāṇupekkhāvasena ārammaṇassa ayoniso gahaṇaṃ. Yaṃ sandhāya vuttaṃ – ‘‘cakkhunā rūpaṃ disvā upekkhā bālassa mūḷhassa puthujjanassā’’tiādi (ma. ni. 3.308). Te parivitakkā. Tato nimittato aññanti tato chandūpasaṃhitādiakusalavitakkuppattikāraṇato aññaṃ navaṃ nimittaṃ. ‘‘Manasikaroto’’ti hi vuttaṃ, tasmā ārammaṇaṃ, tādiso purimuppanno cittappavattiākāro vā nimittaṃ. Kusalanissitaṃ nimittanti kusalacittappavattikāraṇaṃ manasi kātabbaṃ citte ṭhapetabbaṃ, bhāvanāvasena cintetabbaṃ, cittasantāne vā saṅkamitabbaṃ. Asubhañhi asubhanimittanti. Saṅkhāresu uppanne chandūpasaṃhite vitakketi ānetvā sambandhitabbaṃ. Evaṃ ‘‘dosūpasañhite’’tiādīsu yathārahaṃ taṃ taṃ padaṃ ānetvā sambandhitabbaṃ. Yattha katthacīti ‘‘sattesu saṅkhāresū’’ti yattha katthaci. Pañcadhammūpanissayoti pañcavidho dhammūpasaṃhito upanissayo.
звам̣ ‘‘чанд̣̇уубасан̃хид̇з’’д̇иаад̣̇инаа сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘имасса хад̇т̇аа ваа собханаа’’д̇иаад̣̇и аарад̣̇д̇хам̣. д̇ад̇т̇а ‘‘асубхад̇о убасам̣харид̇аб̣б̣а’’нд̇и вад̇ваа убасам̣харан̣аагаарасса д̣̇ассанам̣ ‘‘гимхи саарад̇д̇осий’’д̇и. чавирааг̇знаад̇и чавирааг̇ад̇ааяа гаал̣асаамаад̣̇иван̣н̣анибхааяа. гупал̣абуурид̇од̇и баггзхи гун̣абапалзхи бун̣н̣о. ‘‘галипалабуурид̇о’’д̇и ваа баато.
Evaṃ ‘‘chandūpasañhite’’tiādinā saṅkhepato vuttamatthaṃ vitthārato dassetuṃ ‘‘imassa hatthā vā sobhanā’’tiādi āraddhaṃ. Tattha ‘‘asubhatoupasaṃharitabba’’nti vatvā upasaṃharaṇākārassa dassanaṃ ‘‘kimhi sārattosī’’ti. Chavirāgenāti chavirāgatāya kāḷasāmādivaṇṇanibhāya. Kuphaḷapūritoti pakkehi kuṇapaphalehi puṇṇo. ‘‘Kaliphalapūrito’’ti vā pāṭho.
ассаамигад̇аавагаалигабхаававасзнаад̇и ид̣̇ам̣ бад̇д̇ам̣ ануггамзна ван̣н̣авигааран̃жзва ж̇ин̣н̣абхааван̃жа бад̇ваа чид̣̇д̣̇аавачид̣̇д̣̇ам̣ бхиннам̣ ваа худ̇ваа габааланидтам̣ бхависсад̇и. ид̣̇ам̣ жийварам̣ анубуб̣б̣зна ван̣н̣авигаарам̣ ж̇ин̣н̣ад̇ан̃жа убаг̇анд̇ваа баад̣̇абун̃чанажол̣агам̣ худ̇ваа яадтигодияаа чад̣д̣анийяам̣ бхависсад̇и. сажз бана нзсам̣ саамиго бхавзяяа, на нзсам̣ звам̣ винассид̇ум̣ д̣̇ад̣̇зяяаад̇и звам̣ ассаамигабхаававасзна, ‘‘анад̣̇д̇ханияам̣ ид̣̇ам̣ д̇аавагаалига’’нд̇и звам̣ д̇аавагаалигабхаававасзна жа манасигарод̇о.
Assāmikatāvakālikabhāvavasenāti idaṃ pattaṃ anukkamena vaṇṇavikārañceva jiṇṇabhāvañca patvā chiddāvachiddaṃ bhinnaṃ vā hutvā kapālaniṭṭhaṃ bhavissati. Idaṃ cīvaraṃ anupubbena vaṇṇavikāraṃ jiṇṇatañca upagantvā pādapuñchanacoḷakaṃ hutvā yaṭṭhikoṭiyā chaḍḍanīyaṃ bhavissati. Sace pana nesaṃ sāmiko bhaveyya, na nesaṃ evaṃ vinassituṃ dadeyyāti evaṃ assāmikabhāvavasena, ‘‘anaddhaniyaṃ idaṃ tāvakālika’’nti evaṃ tāvakālikabhāvavasena ca manasikaroto.
аагхаад̇авинаяа…бз… бхаавзд̇аб̣б̣аад̇и – ‘‘бан̃жимз, бхигкавз, аагхаад̇абадивинаяаа. яад̇т̇а хи бхигкуно уббанно аагхаад̇о саб̣б̣асо бадивинзд̇аб̣б̣о’’д̇иаад̣̇инаа наязна ааг̇ад̇асса аагхаад̇авинаяасуд̇д̇асса (а. ни. 5.161) жзва гагажуубамоваад̣̇а(ма. ни. 1.222-233) чаваалаад̇уубамаад̣̇ийнан̃жа (ид̇иву. 91) васзна аагхаад̇ам̣ бадивинод̣̇зд̇ваа мзд̇д̇аа бхаавзд̇аб̣б̣аа.
Āghātavinaya…pe… bhāvetabbāti – ‘‘pañcime, bhikkhave, āghātapaṭivinayā. Yattha hi bhikkhuno uppanno āghāto sabbaso paṭivinetabbo’’tiādinā nayena āgatassa āghātavinayasuttassa (a. ni. 5.161) ceva kakacūpamovāda(ma. ni. 1.222-233) chavālātūpamādīnañca (itivu. 91) vasena āghātaṃ paṭivinodetvā mettā bhāvetabbā.
г̇арусам̣ваасод̇и г̇арум̣ убаниссааяа ваасо. уд̣̇д̣̇зсод̇и барияад̇д̇ид̇хаммасса уд̣̇д̣̇исаабанан̃жзва уд̣̇д̣̇исанан̃жа. уд̣̇д̣̇идтабарибужчананд̇и яат̇аауг̇г̇ахид̇асса д̇хаммасса ад̇т̇абарибужчаа. бан̃жа д̇хаммуубаниссааяаад̇и г̇арусам̣ваасаад̣̇игз бан̃жа д̇хаммз бадижжа. мохад̇хаад̇ууд̇и мохо.
Garusaṃvāsoti garuṃ upanissāya vāso. Uddesoti pariyattidhammassa uddisāpanañceva uddisanañca. Uddiṭṭhaparipucchananti yathāuggahitassa dhammassa atthaparipucchā. Pañca dhammūpanissāyāti garusaṃvāsādike pañca dhamme paṭicca. Mohadhātūti moho.
убаниссид̇аб̣б̣аад̇и убаниссаяид̇аб̣б̣аа, аяамзва ваа баато. яад̇д̇аббадияад̇д̇од̇и яад̇д̇о жа г̇аамаббавзсанаабужчаагаран̣зсу уссуггам̣ аабанно саж̇ж̇ид̇о жа ход̇ийд̇и ад̇т̇о. ат̇асса мохо бахийяад̇ийд̇и асса бхигкуно звам̣ д̇ад̇т̇а яуд̇д̇аббаяуд̇д̇асса бажчаа со мохо виг̇ажчад̇и. звамбийд̇и звам̣ уд̣̇д̣̇зсз аббамаж̇ж̇анзнаби. буна звамбийд̇и ад̇т̇абарибужчааяа ган̇каавинод̣̇анзби. д̇зсу д̇зсу таанзсу ад̇т̇о баагадо ход̇ийд̇и суяяамаанасса д̇хаммасса д̇зсу д̇зсу бад̣̇зсу ‘‘ид̇ха сийлам̣ гат̇ид̇ам̣, ид̇ха самаад̇хи, ид̇ха бан̃н̃аа’’д̇и со со ад̇т̇о вибхууд̇о ход̇и. ид̣̇ам̣ жагкуруубаалогаад̣̇и имасса жагкувин̃н̃аан̣асса гааран̣ам̣, ид̣̇ам̣ саалиб̣ийж̇абхуумисалилаад̣̇и имасса саалиан̇гурасса гааран̣ам̣. ид̣̇ам̣ на гааран̣анд̇и д̇ад̣̇зва жагкуруубаалогаад̣̇и сод̇авин̃н̃аан̣асса, д̇ад̣̇зва саалиб̣ийж̇аад̣̇и гуд̣̇русаган̇гурасса на гааран̣анд̇и таанаадтаанавинижчаяз чзго ход̇и.
Upanissitabbāti upanissayitabbā, ayameva vā pāṭho. Yattappaṭiyattoti yatto ca gāmappavesanāpucchākaraṇesu ussukkaṃ āpanno sajjito ca hotīti attho. Athassa moho pahīyatīti assa bhikkhuno evaṃ tattha yuttappayuttassa pacchā so moho vigacchati. Evampīti evaṃ uddese appamajjanenapi. Puna evampīti atthaparipucchāya kaṅkhāvinodanepi. Tesu tesu ṭhānesu attho pākaṭo hotīti suyyamānassa dhammassa tesu tesu padesu ‘‘idha sīlaṃ kathitaṃ, idha samādhi, idha paññā’’ti so so attho vibhūto hoti. Idaṃ cakkhurūpālokādi imassa cakkhuviññāṇassa kāraṇaṃ, idaṃ sālibījabhūmisalilādi imassa sāliaṅkurassa kāraṇaṃ. Idaṃ na kāraṇanti tadeva cakkhurūpālokādi sotaviññāṇassa, tadeva sālibījādi kudrusakaṅkurassa na kāraṇanti ṭhānāṭṭhānavinicchaye cheko hoti.
аарамман̣зсууд̇и гаммадтаанзсу. имз вид̇аггаад̇и гаамавид̇аггаад̣̇аяо. саб̣б̣з гусалаа д̇хаммаа саб̣б̣аагусалабадибагкаад̇и гад̇ваа ‘‘бахийяанд̇ий’’д̇и вад̇д̇аб̣б̣з на саб̣б̣з саб̣б̣зсам̣ уж̇увибажжанийгабхууд̇аад̇и ‘‘бахийяанд̇и зваа’’д̇и саасан̇гам̣ вад̣̇ад̇и. д̇знааха ‘‘имааний’’д̇иаад̣̇и.
Ārammaṇesūti kammaṭṭhānesu. Ime vitakkāti kāmavitakkādayo. Sabbe kusalā dhammā sabbākusalapaṭipakkhāti katvā ‘‘pahīyantī’’ti vattabbe na sabbe sabbesaṃ ujuvipaccanīkabhūtāti ‘‘pahīyanti evā’’ti sāsaṅkaṃ vadati. Tenāha ‘‘imānī’’tiādi.
гусаланиссид̇анд̇и гусалзна ниссид̇ам̣ ниссаяид̇аб̣б̣ам̣. гусаласса бажжаяабхууд̇анд̇и д̇ассзва взважанам̣, гусалуббад̇д̇игааран̣ам̣ яат̇аавуд̇д̇аасубханимид̇д̇аад̣̇имзва вад̣̇ад̇и. саарапалагзд̇и жанд̣̇анамаяз саарапалагз. висамаан̣инд̇и висамаагаарзна д̇ад̇т̇а тид̇ам̣ аан̣им̣. ханзяяаад̇и бахарзяяа нигкаамзяяа.
Kusalanissitanti kusalena nissitaṃ nissayitabbaṃ. Kusalassa paccayabhūtanti tasseva vevacanaṃ, kusaluppattikāraṇaṃ yathāvuttaasubhanimittādimeva vadati. Sāraphalaketi candanamaye sāraphalake. Visamāṇinti visamākārena tattha ṭhitaṃ āṇiṃ. Haneyyāti pahareyya nikkhāmeyya.
217. аддод̇и аад̇уро, д̣̇уг̇г̇анд̇хаб̣аад̇хад̇ааяа бийл̣ид̇о. д̣̇угкид̇од̇и сан̃ж̇аад̇ад̣̇угко. иминааби гааран̣знаад̇и агосалласамбхууд̇ад̇ааяа гусалабадибагкад̇ааяа г̇зхассид̇арог̇зна сарог̇ад̇ааяа жа зд̇з агусалаа вин̃н̃уг̇арахид̇аб̣б̣ад̇ааяа ж̇иг̇ужчанийяад̇ааяа жа сааваж̇ж̇аа анидтапалад̇ааяа нирассаад̣̇асам̣вад̇д̇анияад̇ааяа жа д̣̇угкавибаагаад̇и звам̣ д̇зна д̇зна гааран̣зна агусалаад̣̇ибхаавам̣ убабаригкад̇о.
217.Aṭṭoti āturo, duggandhabādhatāya pīḷito. Dukkhitoti sañjātadukkho. Imināpi kāraṇenāti akosallasambhūtatāya kusalapaṭipakkhatāya gehassitarogena sarogatāya ca ete akusalā viññugarahitabbatāya jigucchanīyatāya ca sāvajjā aniṭṭhaphalatāya nirassādasaṃvattaniyatāya ca dukkhavipākāti evaṃ tena tena kāraṇena akusalādibhāvaṃ upaparikkhato.
‘‘аад̇урам̣ асужим̣ бууд̇им̣, басса нанд̣̇з самуссаяам̣;
‘‘Āturaṃ asuciṃ pūtiṃ, passa nande samussayaṃ;
уг̇гхаранд̇ам̣ баг̇гхаранд̇ам̣, б̣аалаанам̣ абхинанд̣̇ид̇а’’нд̇и. (аба. т̇зрий 2.4.157) –
Uggharantaṃ paggharantaṃ, bālānaṃ abhinandita’’nti. (apa. therī 2.4.157) –
звамаад̣̇и гааяавижчанд̣̇анийяагат̇аад̣̇ийхи ваа. аад̣̇и-сад̣̇д̣̇зна –
Evamādi kāyavicchandanīyakathādīhi vā. Ādi-saddena –
‘‘д̇ассзва д̇зна баабияо, яо гуд̣̇д̇хам̣ бадигуж̇жхад̇и;
‘‘Tasseva tena pāpiyo, yo kuddhaṃ paṭikujjhati;
гуд̣̇д̇хам̣ аббадигуж̇жханд̇о, сан̇г̇аамам̣ ж̇зд̇и д̣̇уж̇ж̇аяа’’нд̇и. (т̇зраг̇аа. 442) –
Kuddhaṃ appaṭikujjhanto, saṅgāmaṃ jeti dujjaya’’nti. (theragā. 442) –
звамаад̣̇и бадигхавуубасаманагат̇аад̣̇игааби сан̇г̇ан̣хаад̇и.
Evamādi paṭighavūpasamanakathādikāpi saṅgaṇhāti.
218. на саран̣ам̣ асад̇и, анануссаран̣ам̣. аманасигаран̣ам̣ аманасигааро. гаммадтаанам̣ г̇ахзд̇ваа нисийд̣̇ид̇аб̣б̣анд̇и гаммадтаанаманасигаарзнзва нисийд̣̇ид̇аб̣б̣ам̣. уг̇г̇ахид̇о д̇хаммагат̇аабаб̣анд̇ход̇и гаммадтаанасса убагааро д̇хаммагат̇аабаб̣анд̇хо. мудтибод̇т̇агод̇и мудтиббамаан̣о баарихаарияабод̇т̇аго. саманнаанзнд̇знаад̇и саманнаахаранд̇зна. огаасо на ход̇и аарад̣̇д̇хасса барияосаабзд̇аб̣б̣ад̇о. аарад̣̇д̇хасса анд̇аг̇аманам̣ анаарамбховаад̇и т̇зраваад̣̇о. д̇ассаад̇и убаж̇жхааяасса. баб̣бхаарасод̇ханам̣ гааяагаммам̣, аарабханд̇о зва вид̇агганиг̇г̇ан̣ханад̇т̇ам̣ сам̣яуд̇д̇анигааяасаж̇жхааяанам̣ важийгаммам̣, д̣̇ассанагижжабуб̣б̣агаммагаран̣ад̇т̇ам̣ д̇зж̇огасин̣абаригамманд̇и д̇ийн̣и гаммаани аажинод̇и. т̇зро д̇асса аасаяам̣ гасин̣ан̃жа сависзсам̣ ж̇аанид̇ваа ‘‘имасмим̣ вихаарз’’д̇иаад̣̇имавожа. д̇знасса яат̇аад̇хиббааяам̣ саб̣б̣ам̣ самбаад̣̇ид̇ам̣. асад̇ибаб̣б̣ам̣ наама асад̇ияаа вид̇агганиг̇г̇ахан̣авибхааванад̇о.
218. Na saraṇaṃ asati, ananussaraṇaṃ. Amanasikaraṇaṃ amanasikāro. Kammaṭṭhānaṃ gahetvā nisīditabbanti kammaṭṭhānamanasikāreneva nisīditabbaṃ. Uggahito dhammakathāpabandhoti kammaṭṭhānassa upakāro dhammakathāpabandho. Muṭṭhipotthakoti muṭṭhippamāṇo pārihāriyapotthako. Samannānentenāti samannāharantena. Okāso na hoti āraddhassa pariyosāpetabbato. Āraddhassa antagamanaṃ anārambhovāti theravādo. Tassāti upajjhāyassa. Pabbhārasodhanaṃ kāyakammaṃ, ārabhanto eva vitakkaniggaṇhanatthaṃ saṃyuttanikāyasajjhāyanaṃ vacīkammaṃ, dassanakiccapubbakammakaraṇatthaṃ tejokasiṇaparikammanti tīṇi kammāni ācinoti. Thero tassa āsayaṃ kasiṇañca savisesaṃ jānitvā ‘‘imasmiṃ vihāre’’tiādimavoca. Tenassa yathādhippāyaṃ sabbaṃ sampāditaṃ. Asatipabbaṃ nāma asatiyā vitakkaniggahaṇavibhāvanato.
219. вид̇аггамуулабхзд̣̇ам̣ баб̣б̣анд̇и вид̇аггамууласса д̇аммууласса жа бхзд̣̇авибхааванам̣ вид̇аггамуулабхзд̣̇ам̣ баб̣б̣ам̣. вид̇аггам̣ сан̇карод̇ийд̇и вид̇аггасан̇кааро, вид̇аггабажжаяо субханимид̇д̇аад̣̇ийсуби субхаад̣̇инаа аяонисоманасигааро. со бана вид̇аггасан̇кааро сам̣д̇идтад̇и зд̇т̇аад̇и вид̇аггасан̇каарасан̣таанам̣, асубхз субханд̇иаад̣̇и сан̃н̃аавибаллаасо. д̇знааха ‘‘вид̇аггаанам̣ муулан̃жа мууламуулан̃жа манаси гаад̇аб̣б̣а’’нд̇и. вид̇аггаанам̣ мууламуулам̣ г̇ажчанд̇ассаад̇и убабаригканавасзна мижчаавид̇аггаанам̣ муулам̣ уббад̇д̇игааран̣ам̣ н̃аан̣аг̇ад̇ияаа г̇ажчанд̇асса. яаат̇аавад̇о ж̇аананд̇асса буб̣б̣з вияа вид̇аггаа абхин̣хам̣ наббавад̇д̇анд̇ийд̇и ааха ‘‘вид̇аггажааро сит̇ило ход̇ий’’д̇и. д̇асмим̣ сит̇илийбхууд̇з мад̇т̇агам̣ г̇ажчанд̇зд̇и вуд̇д̇анаязна вид̇аггажааро сит̇илабхууд̇о, д̇асмим̣ вид̇аггаанам̣ муулаг̇аманз ануггамзна т̇ирабхааваббад̇д̇ияаа мад̇т̇агам̣ г̇ажчанд̇з. вид̇аггаа саб̣б̣асо нируж̇жханд̇ийд̇и мижчаавид̇аггаа саб̣б̣зби г̇ажчанд̇и на самуд̣̇аажаранд̇и, бхааванаабаарибуурияаа ваа анавасзсаа бахийяанд̇и.
219.Vitakkamūlabhedaṃ pabbanti vitakkamūlassa tammūlassa ca bhedavibhāvanaṃ vitakkamūlabhedaṃ pabbaṃ. Vitakkaṃ saṅkharotīti vitakkasaṅkhāro, vitakkapaccayo subhanimittādīsupi subhādinā ayonisomanasikāro. So pana vitakkasaṅkhāro saṃtiṭṭhati etthāti vitakkasaṅkhārasaṇṭhānaṃ, asubhe subhantiādi saññāvipallāso. Tenāha ‘‘vitakkānaṃ mūlañca mūlamūlañca manasi kātabba’’nti. Vitakkānaṃ mūlamūlaṃ gacchantassāti upaparikkhanavasena micchāvitakkānaṃ mūlaṃ uppattikāraṇaṃ ñāṇagatiyā gacchantassa. Yāthāvato jānantassa pubbe viya vitakkā abhiṇhaṃ nappavattantīti āha ‘‘vitakkacāro sithilo hotī’’ti. Tasmiṃ sithilībhūte matthakaṃ gacchanteti vuttanayena vitakkacāro sithilabhūto, tasmiṃ vitakkānaṃ mūlagamane anukkamena thirabhāvappattiyā matthakaṃ gacchante. Vitakkā sabbaso nirujjhantīti micchāvitakkā sabbepi gacchanti na samudācaranti, bhāvanāpāripūriyā vā anavasesā pahīyanti.
ган̣н̣амуулз бад̇ид̇анд̇и сасагасса ган̣н̣асамийбз ган̣н̣асагкалим̣ бахаранд̇ам̣ вияа убабад̇ид̇ам̣. д̇асса гира сасагасса хздтаа махаамуусигаахи кад̇амахааваадам̣ уман̇г̇асад̣̇исам̣ ахоси, д̇знасса баад̇зна махаасад̣̇д̣̇о ахоси. балааяим̣су ‘‘бат̇авий уд̣̇рийяад̇ий’’д̇и. мууламуулам̣ г̇анд̇ваа анувиж̇ж̇зяяанд̇и ‘‘бат̇авий бхиж̇ж̇ад̇ий’’д̇и яад̇т̇ааяам̣ сасо удтид̇о, д̇ад̇т̇а г̇анд̇ваа д̇асса муулагааран̣ам̣ яам̣нууна виймам̣сзяяам̣. бат̇авияаа бхиж̇ж̇анадтаанам̣ г̇ад̇з ‘‘го ж̇аанаад̇и, гим̣ бхависсад̇ий’’д̇и сасо ‘‘на саггоми саамий’’д̇и ааха. аад̇хибажжавад̇о хи яаажанам̣ сан̣хамуд̣̇угам̣. д̣̇уд̣̇д̣̇убхааяад̇ийд̇и д̣̇уд̣̇д̣̇убхаад̇и сад̣̇д̣̇ам̣ гарод̇и. ануравад̣̇ассанан̃хзд̇ам̣. бхад̣̇д̣̇анд̇зд̇и миг̇арааж̇асса бияасамуд̣̇аажааро, миг̇арааж̇а, бхад̣̇д̣̇ам̣ д̇з ад̇т̇ууд̇и ад̇т̇о. гимзд̇анд̇и гим̣ зд̇ам̣, гим̣ д̇асса муулагааран̣ам̣? д̣̇уд̣̇д̣̇убханд̇и ид̣̇амби д̇асса ануравад̣̇ассанамзва. званд̇и яат̇аа сасагасса махаабат̇авийбхзд̣̇анам̣ раванааяа мижчааг̇аахасамудтаанам̣ амуулам̣, звам̣ вид̇аггажаароби сан̃н̃аавибаллаасасамудтаано амууло. д̇знааха ‘‘вид̇аггаана’’нд̇иаад̣̇и.
Kaṇṇamūle patitanti sasakassa kaṇṇasamīpe kaṇṇasakkhaliṃ paharantaṃ viya upapatitaṃ. Tassa kira sasakassa heṭṭhā mahāmūsikāhi khatamahāvāṭaṃ umaṅgasadisaṃ ahosi, tenassa pātena mahāsaddo ahosi. Palāyiṃsu ‘‘pathavī udrīyatī’’ti. Mūlamūlaṃ gantvā anuvijjeyyanti ‘‘pathavī bhijjatī’’ti yatthāyaṃ saso uṭṭhito, tattha gantvā tassa mūlakāraṇaṃ yaṃnūna vīmaṃseyyaṃ. Pathaviyā bhijjanaṭṭhānaṃ gate ‘‘ko jānāti, kiṃ bhavissatī’’ti saso ‘‘na sakkomi sāmī’’ti āha. Ādhipaccavato hi yācanaṃ saṇhamudukaṃ. Duddubhāyatīti duddubhāti saddaṃ karoti. Anuravadassanañhetaṃ. Bhaddanteti migarājassa piyasamudācāro, migarāja, bhaddaṃ te atthūti attho. Kimetanti kiṃ etaṃ, kiṃ tassa mūlakāraṇaṃ? Duddubhanti idampi tassa anuravadassanameva. Evanti yathā sasakassa mahāpathavībhedanaṃ ravanāya micchāgāhasamuṭṭhānaṃ amūlaṃ, evaṃ vitakkacāropi saññāvipallāsasamuṭṭhāno amūlo. Tenāha ‘‘vitakkāna’’ntiādi.
220. абхид̣̇анд̇анд̇и абхибхаванад̣̇анд̇ам̣, убарид̣̇анд̇анд̇и ад̇т̇о. д̇знааха ‘‘убарид̣̇анд̇а’’нд̇и. со хи ид̇арам̣ мусалам̣ вияа уд̣̇угкалам̣ висзсад̇о гассажи каад̣̇анагаалз абхибхуяяа вад̇д̇ад̇и. гусалажид̇д̇знаад̇и б̣алавасаммаасан̇габбасамбаяуд̇д̇зна. агусалажид̇д̇анд̇и гаамавид̇аггаад̣̇исахид̇ам̣ агусалажид̇д̇ам̣. абхиниг̇г̇ан̣хид̇аб̣б̣анд̇и яат̇аа д̇асса ааяад̇им̣ самуд̣̇аажааро на ход̇и, звам̣ абхибхавид̇ваа ниг̇г̇ахзд̇аб̣б̣ам̣, ануббад̇д̇ид̇хаммад̇аа аабаад̣̇зд̇аб̣б̣аад̇и ад̇т̇о. гз жа д̇умхз сад̇иби жирагаалабхааванааяа звам̣ ад̣̇уб̣б̣алаа го жаахам̣ мама санд̇игз лад̣̇д̇хаббад̇идтз вияа тид̇зби ид̣̇аанзва аббад̇идтз гаронд̇о ид̇и звам̣ абхибхавид̇ваа. д̇ам̣ бана абхибхаванаагаарам̣ д̣̇ассзнд̇о ‘‘гаамам̣ д̇ажо жаа’’д̇иаад̣̇инаа жад̇уран̇г̇асаманнааг̇ад̇авийрияабаг̇г̇ан̣ханамааха. ад̇т̇ад̣̇ийбиганд̇и зганд̇ад̇о вид̇агганиг̇г̇ан̣ханад̇т̇аж̇од̇агам̣. убаманд̇и ‘‘сзяяат̇ааби, бхигкавз, б̣алаваа бурисо’’д̇иаад̣̇игам̣ убамам̣.
220.Abhidantanti abhibhavanadantaṃ, uparidantanti attho. Tenāha ‘‘uparidanta’’nti. So hi itaraṃ musalaṃ viya udukkhalaṃ visesato kassaci khādanakāle abhibhuyya vattati. Kusalacittenāti balavasammāsaṅkappasampayuttena. Akusalacittanti kāmavitakkādisahitaṃ akusalacittaṃ. Abhiniggaṇhitabbanti yathā tassa āyatiṃ samudācāro na hoti, evaṃ abhibhavitvā niggahetabbaṃ, anuppattidhammatā āpādetabbāti attho. Ke ca tumhe satipi cirakālabhāvanāya evaṃ adubbalā ko cāhaṃ mama santike laddhappatiṭṭhe viya ṭhitepi idāneva appatiṭṭhe karonto iti evaṃ abhibhavitvā. Taṃ pana abhibhavanākāraṃ dassento ‘‘kāmaṃ taco cā’’tiādinā caturaṅgasamannāgatavīriyapaggaṇhanamāha. Atthadīpikanti ekantato vitakkaniggaṇhanatthajotakaṃ. Upamanti ‘‘seyyathāpi, bhikkhave, balavā puriso’’tiādikaṃ upamaṃ.
221. барияаад̣̇аанабхааж̇анийяанд̇и яам̣ д̇ам̣ аад̣̇ид̇о ‘‘ад̇хижид̇д̇амануяуд̇д̇зна бхигкунаа бан̃жа нимид̇д̇аани гаалзна гаалам̣ манаси гаад̇аб̣б̣ааний’’д̇и нид̣̇д̣̇идтам̣, д̇ад̇т̇а д̇асса нимид̇д̇асса манасигаран̣агаалабарияаад̣̇аанасса васзна вибхаж̇анам̣. ниг̇аманам̣ ваа зд̇ам̣, яад̣̇ид̣̇ам̣ ‘‘яад̇о ко, бхигкавз’’д̇иаад̣̇и. яат̇аавуд̇д̇асса хи ад̇т̇асса буна важанам̣ ниг̇амананд̇и. д̇ат̇аабадибаннасса ваа васийбхаавависуд̣̇д̇хид̣̇ассанад̇т̇ам̣ ‘‘яад̇о ко, бхигкавз’’д̇иаад̣̇и вуд̇д̇ам̣. сад̇т̇аажарияод̇и д̇хануб̣б̣зд̣̇аажарияо. яат̇аа хи сасанад̇о асад̇т̇амби сад̇т̇аг̇г̇ахан̣знзва сан̇г̇аяхад̇и, звам̣ д̇ханусиббамби д̇хануб̣б̣зд̣̇абарияаабаннамзваад̇и.
221.Pariyādānabhājanīyanti yaṃ taṃ ādito ‘‘adhicittamanuyuttena bhikkhunā pañca nimittāni kālena kālaṃ manasi kātabbānī’’ti niddiṭṭhaṃ, tattha tassa nimittassa manasikaraṇakālapariyādānassa vasena vibhajanaṃ. Nigamanaṃ vā etaṃ, yadidaṃ ‘‘yato kho, bhikkhave’’tiādi. Yathāvuttassa hi atthassa puna vacanaṃ nigamananti. Tathāpaṭipannassa vā vasībhāvavisuddhidassanatthaṃ ‘‘yato kho, bhikkhave’’tiādi vuttaṃ. Satthācariyoti dhanubbedācariyo. Yathā hi sasanato asatthampi satthaggahaṇeneva saṅgayhati, evaṃ dhanusippampi dhanubbedapariyāpannamevāti.
барияааяад̇и баривид̇аггзд̇ийд̇и барияааяо. ваарод̇и ааха ‘‘вид̇аггаваарабат̇зсуу’’д̇и, вид̇аггаанам̣ ваарзна бавад̇д̇анамаг̇г̇зсу. жин̣н̣авасийд̇и аасзвид̇авасий. баг̇ун̣авасийд̇и субхаавид̇авасий. саммаавид̇аггам̣язва яат̇ижчид̇ам̣ д̇ат̇аавид̇агганад̇о, ид̇арасса банасса сзд̇угхаад̇оязваад̇и.
Pariyāyati parivitakketīti pariyāyo. Vāroti āha ‘‘vitakkavārapathesū’’ti, vitakkānaṃ vārena pavattanamaggesu. Ciṇṇavasīti āsevitavasī. Paguṇavasīti subhāvitavasī. Sammāvitakkaṃyeva yathicchitaṃ tathāvitakkanato, itarassa panassa setughātoyevāti.
вид̇аггасан̣таанасуд̇д̇аван̣н̣анааяа лийнад̇т̇аббагаасанаа самад̇д̇аа.
Vitakkasaṇṭhānasuttavaṇṇanāya līnatthappakāsanā samattā.
нидтид̇аа жа сийханаад̣̇аваг̇г̇аван̣н̣анаа.
Niṭṭhitā ca sīhanādavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. вид̇аггасан̣таанасуд̇д̇ам̣ • 10. Vitakkasaṇṭhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. вид̇аггасан̣таанасуд̇д̇аван̣н̣анаа • 10. Vitakkasaṇṭhānasuttavaṇṇanā
