| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. விதக்கஸுத்தங்
7. Vitakkasuttaṃ
1077. ‘‘மா, பி⁴க்க²வே, பாபகே அகுஸலே விதக்கே விதக்கெய்யாத² 1, ஸெய்யதி²த³ங் – காமவிதக்கங், ப்³யாபாத³விதக்கங், விஹிங்ஸாவிதக்கங். தங் கிஸ்ஸ ஹேது? நேதே, பி⁴க்க²வே, விதக்கா அத்த²ஸங்ஹிதா நாதி³ப்³ரஹ்மசரியகா ந நிப்³பி³தா³ய ந விராகா³ய ந நிரோதா⁴ய ந உபஸமாய ந அபி⁴ஞ்ஞாய ந ஸம்போ³தா⁴ய ந நிப்³பா³னாய ஸங்வத்தந்தி.
1077. ‘‘Mā, bhikkhave, pāpake akusale vitakke vitakkeyyātha 2, seyyathidaṃ – kāmavitakkaṃ, byāpādavitakkaṃ, vihiṃsāvitakkaṃ. Taṃ kissa hetu? Nete, bhikkhave, vitakkā atthasaṃhitā nādibrahmacariyakā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattanti.
‘‘விதக்கெந்தா ச கோ² தும்ஹே, பி⁴க்க²வே, ‘இத³ங் து³க்க²’ந்தி விதக்கெய்யாத², ‘அயங் து³க்க²ஸமுத³யோ’தி விதக்கெய்யாத², ‘அயங் து³க்க²னிரோதோ⁴’தி விதக்கெய்யாத², ‘அயங் து³க்க²னிரோத⁴கா³மினீ படிபதா³’தி விதக்கெய்யாத². தங் கிஸ்ஸ ஹேது? ஏதே, பி⁴க்க²வே, விதக்கா அத்த²ஸங்ஹிதா ஏதே ஆதி³ப்³ரஹ்மசரியகா ஏதே நிப்³பி³தா³ய விராகா³ய நிரோதா⁴ய உபஸமாய அபி⁴ஞ்ஞாய ஸம்போ³தா⁴ய நிப்³பா³னாய ஸங்வத்தந்தி.
‘‘Vitakkentā ca kho tumhe, bhikkhave, ‘idaṃ dukkha’nti vitakkeyyātha, ‘ayaṃ dukkhasamudayo’ti vitakkeyyātha, ‘ayaṃ dukkhanirodho’ti vitakkeyyātha, ‘ayaṃ dukkhanirodhagāminī paṭipadā’ti vitakkeyyātha. Taṃ kissa hetu? Ete, bhikkhave, vitakkā atthasaṃhitā ete ādibrahmacariyakā ete nibbidāya virāgāya nirodhāya upasamāya abhiññāya sambodhāya nibbānāya saṃvattanti.
‘‘தஸ்மாதிஹ, பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. ஸத்தமங்.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Sattamaṃ.
Footnotes:
