| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৯. নৰমৰগ্গো
9. Navamavaggo
(৯১) ৮. ৰিতক্কৰিপ্ফারসদ্দকথা
(91) 8. Vitakkavipphārasaddakathā
৫৬৩. সব্বসো ৰিতক্কযতো ৰিচারযতো ৰিতক্কৰিপ্ফারো সদ্দোতি? আমন্তা। সব্বসো ফুসযতো ফস্সৰিপ্ফারো সদ্দো, সব্বসো ৰেদযতো ৰেদনাৰিপ্ফারো সদ্দো, সব্বসো সঞ্জানতো সঞ্ঞাৰিপ্ফারো সদ্দো, সব্বসো চেতযতো চেতনাৰিপ্ফারো সদ্দো, সব্বসো চিন্তযতো চিত্তৰিপ্ফারো সদ্দো, সব্বসো সরতো সতিৰিপ্ফারো সদ্দো, সব্বসো পজানতো পঞ্ঞাৰিপ্ফারো সদ্দোতি? ন হেৰং ৰত্তব্বে…পে॰…।
563. Sabbaso vitakkayato vicārayato vitakkavipphāro saddoti? Āmantā. Sabbaso phusayato phassavipphāro saddo, sabbaso vedayato vedanāvipphāro saddo, sabbaso sañjānato saññāvipphāro saddo, sabbaso cetayato cetanāvipphāro saddo, sabbaso cintayato cittavipphāro saddo, sabbaso sarato sativipphāro saddo, sabbaso pajānato paññāvipphāro saddoti? Na hevaṃ vattabbe…pe….
সব্বসো ৰিতক্কযতো ৰিচারযতো ৰিতক্কৰিপ্ফারো সদ্দোতি? আমন্তা। ৰিতক্কৰিপ্ফারো সদ্দো সোতৰিঞ্ঞেয্যো সোতস্মিং পটিহঞ্ঞতি সোতস্স আপাথং আগচ্ছতীতি? ন হেৰং ৰত্তব্বে…পে॰…। ননু ৰিতক্কৰিপ্ফারো সদ্দো ন সোতৰিঞ্ঞেয্যো ন সোতস্মিং পটিহঞ্ঞতি ন সোতস্স আপাথং আগচ্ছতীতি? আমন্তা। হঞ্চি ৰিতক্কৰিপ্ফারো সদ্দো ন সোতৰিঞ্ঞেয্যো ন সোতস্মিং পটিহঞ্ঞতি ন সোতস্স আপাথং আগচ্ছতি, নো চ ৰত রে ৰত্তব্বে – ‘‘সব্বসো ৰিতক্কযতো ৰিচারযতো ৰিতক্কৰিপ্ফারো সদ্দো’’তি।
Sabbaso vitakkayato vicārayato vitakkavipphāro saddoti? Āmantā. Vitakkavipphāro saddo sotaviññeyyo sotasmiṃ paṭihaññati sotassa āpāthaṃ āgacchatīti? Na hevaṃ vattabbe…pe…. Nanu vitakkavipphāro saddo na sotaviññeyyo na sotasmiṃ paṭihaññati na sotassa āpāthaṃ āgacchatīti? Āmantā. Hañci vitakkavipphāro saddo na sotaviññeyyo na sotasmiṃ paṭihaññati na sotassa āpāthaṃ āgacchati, no ca vata re vattabbe – ‘‘sabbaso vitakkayato vicārayato vitakkavipphāro saddo’’ti.
ৰিতক্কৰিপ্ফারসদ্দকথা নিট্ঠিতা।
Vitakkavipphārasaddakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৮. ৰিতক্কৰিপ্ফারসদ্দকথাৰণ্ণনা • 8. Vitakkavipphārasaddakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৮. ৰিতক্কৰিপ্ফারসদ্দকথাৰণ্ণনা • 8. Vitakkavipphārasaddakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৮. ৰিতক্কৰিপ্ফারসদ্দকথাৰণ্ণনা • 8. Vitakkavipphārasaddakathāvaṇṇanā
