| Library / Tipiṭaka / తిపిటక • Tipiṭaka / కథావత్థుపాళి • Kathāvatthupāḷi |
౯. నవమవగ్గో
9. Navamavaggo
(౯౧) ౮. వితక్కవిప్ఫారసద్దకథా
(91) 8. Vitakkavipphārasaddakathā
౫౬౩. సబ్బసో వితక్కయతో విచారయతో వితక్కవిప్ఫారో సద్దోతి? ఆమన్తా. సబ్బసో ఫుసయతో ఫస్సవిప్ఫారో సద్దో, సబ్బసో వేదయతో వేదనావిప్ఫారో సద్దో, సబ్బసో సఞ్జానతో సఞ్ఞావిప్ఫారో సద్దో, సబ్బసో చేతయతో చేతనావిప్ఫారో సద్దో, సబ్బసో చిన్తయతో చిత్తవిప్ఫారో సద్దో, సబ్బసో సరతో సతివిప్ఫారో సద్దో, సబ్బసో పజానతో పఞ్ఞావిప్ఫారో సద్దోతి? న హేవం వత్తబ్బే…పే॰….
563. Sabbaso vitakkayato vicārayato vitakkavipphāro saddoti? Āmantā. Sabbaso phusayato phassavipphāro saddo, sabbaso vedayato vedanāvipphāro saddo, sabbaso sañjānato saññāvipphāro saddo, sabbaso cetayato cetanāvipphāro saddo, sabbaso cintayato cittavipphāro saddo, sabbaso sarato sativipphāro saddo, sabbaso pajānato paññāvipphāro saddoti? Na hevaṃ vattabbe…pe….
సబ్బసో వితక్కయతో విచారయతో వితక్కవిప్ఫారో సద్దోతి? ఆమన్తా. వితక్కవిప్ఫారో సద్దో సోతవిఞ్ఞేయ్యో సోతస్మిం పటిహఞ్ఞతి సోతస్స ఆపాథం ఆగచ్ఛతీతి? న హేవం వత్తబ్బే…పే॰…. నను వితక్కవిప్ఫారో సద్దో న సోతవిఞ్ఞేయ్యో న సోతస్మిం పటిహఞ్ఞతి న సోతస్స ఆపాథం ఆగచ్ఛతీతి? ఆమన్తా. హఞ్చి వితక్కవిప్ఫారో సద్దో న సోతవిఞ్ఞేయ్యో న సోతస్మిం పటిహఞ్ఞతి న సోతస్స ఆపాథం ఆగచ్ఛతి, నో చ వత రే వత్తబ్బే – ‘‘సబ్బసో వితక్కయతో విచారయతో వితక్కవిప్ఫారో సద్దో’’తి.
Sabbaso vitakkayato vicārayato vitakkavipphāro saddoti? Āmantā. Vitakkavipphāro saddo sotaviññeyyo sotasmiṃ paṭihaññati sotassa āpāthaṃ āgacchatīti? Na hevaṃ vattabbe…pe…. Nanu vitakkavipphāro saddo na sotaviññeyyo na sotasmiṃ paṭihaññati na sotassa āpāthaṃ āgacchatīti? Āmantā. Hañci vitakkavipphāro saddo na sotaviññeyyo na sotasmiṃ paṭihaññati na sotassa āpāthaṃ āgacchati, no ca vata re vattabbe – ‘‘sabbaso vitakkayato vicārayato vitakkavipphāro saddo’’ti.
వితక్కవిప్ఫారసద్దకథా నిట్ఠితా.
Vitakkavipphārasaddakathā niṭṭhitā.
Related texts:
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౮. వితక్కవిప్ఫారసద్దకథావణ్ణనా • 8. Vitakkavipphārasaddakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౮. వితక్కవిప్ఫారసద్దకథావణ్ణనా • 8. Vitakkavipphārasaddakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౮. వితక్కవిప్ఫారసద్దకథావణ్ణనా • 8. Vitakkavipphārasaddakathāvaṇṇanā
