| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๙. นวมวโคฺค
9. Navamavaggo
(๙๑) ๘. วิตกฺกวิปฺผารสทฺทกถา
(91) 8. Vitakkavipphārasaddakathā
๕๖๓. สพฺพโส วิตกฺกยโต วิจารยโต วิตกฺกวิปฺผาโร สโทฺทติ? อามนฺตาฯ สพฺพโส ผุสยโต ผสฺสวิปฺผาโร สโทฺท, สพฺพโส เวทยโต เวทนาวิปฺผาโร สโทฺท, สพฺพโส สญฺชานโต สญฺญาวิปฺผาโร สโทฺท, สพฺพโส เจตยโต เจตนาวิปฺผาโร สโทฺท, สพฺพโส จินฺตยโต จิตฺตวิปฺผาโร สโทฺท, สพฺพโส สรโต สติวิปฺผาโร สโทฺท, สพฺพโส ปชานโต ปญฺญาวิปฺผาโร สโทฺทติ? น เหวํ วตฺตเพฺพ…เป.…ฯ
563. Sabbaso vitakkayato vicārayato vitakkavipphāro saddoti? Āmantā. Sabbaso phusayato phassavipphāro saddo, sabbaso vedayato vedanāvipphāro saddo, sabbaso sañjānato saññāvipphāro saddo, sabbaso cetayato cetanāvipphāro saddo, sabbaso cintayato cittavipphāro saddo, sabbaso sarato sativipphāro saddo, sabbaso pajānato paññāvipphāro saddoti? Na hevaṃ vattabbe…pe….
สพฺพโส วิตกฺกยโต วิจารยโต วิตกฺกวิปฺผาโร สโทฺทติ? อามนฺตาฯ วิตกฺกวิปฺผาโร สโทฺท โสตวิเญฺญโยฺย โสตสฺมิํ ปฎิหญฺญติ โสตสฺส อาปาถํ อาคจฺฉตีติ? น เหวํ วตฺตเพฺพ…เป.…ฯ นนุ วิตกฺกวิปฺผาโร สโทฺท น โสตวิเญฺญโยฺย น โสตสฺมิํ ปฎิหญฺญติ น โสตสฺส อาปาถํ อาคจฺฉตีติ? อามนฺตาฯ หญฺจิ วิตกฺกวิปฺผาโร สโทฺท น โสตวิเญฺญโยฺย น โสตสฺมิํ ปฎิหญฺญติ น โสตสฺส อาปาถํ อาคจฺฉติ, โน จ วต เร วตฺตเพฺพ – ‘‘สพฺพโส วิตกฺกยโต วิจารยโต วิตกฺกวิปฺผาโร สโทฺท’’ติฯ
Sabbaso vitakkayato vicārayato vitakkavipphāro saddoti? Āmantā. Vitakkavipphāro saddo sotaviññeyyo sotasmiṃ paṭihaññati sotassa āpāthaṃ āgacchatīti? Na hevaṃ vattabbe…pe…. Nanu vitakkavipphāro saddo na sotaviññeyyo na sotasmiṃ paṭihaññati na sotassa āpāthaṃ āgacchatīti? Āmantā. Hañci vitakkavipphāro saddo na sotaviññeyyo na sotasmiṃ paṭihaññati na sotassa āpāthaṃ āgacchati, no ca vata re vattabbe – ‘‘sabbaso vitakkayato vicārayato vitakkavipphāro saddo’’ti.
วิตกฺกวิปฺผารสทฺทกถา นิฎฺฐิตาฯ
Vitakkavipphārasaddakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๘. วิตกฺกวิปฺผารสทฺทกถาวณฺณนา • 8. Vitakkavipphārasaddakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๘. วิตกฺกวิปฺผารสทฺทกถาวณฺณนา • 8. Vitakkavipphārasaddakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๘. วิตกฺกวิปฺผารสทฺทกถาวณฺณนา • 8. Vitakkavipphārasaddakathāvaṇṇanā
