| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. вид̇аггавибпаарасад̣̇д̣̇агат̇ааван̣н̣анаа
8. Vitakkavipphārasaddakathāvaṇṇanā
563. ид̣̇аани вид̇аггавибпаарасад̣̇д̣̇агат̇аа наама ход̇и. д̇ад̇т̇а яасмаа ‘‘вид̇аггавижаараа важийсан̇каараа’’д̇и вуд̇д̇аа, д̇асмаа саб̣б̣асо вид̇аггаяад̇о вижаараяад̇о анд̇амасо манод̇хаад̇убавад̇д̇игаалзби вид̇аггавибпааро сад̣̇д̣̇оязваад̇и язсам̣ лад̣̇д̇хи, сзяяат̇ааби буб̣б̣асзлияаанам̣; д̇з санд̇хааяа саб̣б̣асод̇и бужчаа сагаваад̣̇исса бадин̃н̃аа ид̇арасса. ат̇а нам̣ яад̣̇и вид̇аггавибпаарамад̇д̇ам̣ сад̣̇д̣̇о, пассаад̣̇ивибпаароби сад̣̇д̣̇о бхавзяяаад̇и жод̣̇зд̇ум̣ саб̣б̣асо пусаяад̇од̇иаад̣̇имааха. ид̇аро д̇аад̣̇исам̣ суд̇д̇алзсам̣ абассанд̇о бадигкибад̇и. вид̇аггавибпааро сад̣̇д̣̇о сод̇авин̃н̃зяяод̇и вид̇аггасса вибпаарамад̇д̇амзва сад̣̇д̣̇од̇и гад̇ваа бужчад̇и, на вид̇аггавибпаарасамудтид̇ам̣ суд̇д̇абамад̇д̇аанам̣ сад̣̇д̣̇ам̣, ид̇аро бадигкибад̇и. нану вид̇аггавибпаарасад̣̇д̣̇о на сод̇авин̃н̃зяяод̇и ид̣̇ам̣ д̇ассзва лад̣̇д̇хияаа д̣̇ассзд̇и. со хи вид̇аггавибпаарамад̇д̇амзва сад̣̇д̣̇ам̣ вад̣̇ад̇и, со на сод̇авин̃н̃зяяод̇и. ид̇аро бана ‘‘вид̇аггавибпаарасад̣̇д̣̇ам̣ суд̇ваа аад̣̇исад̇ий’’ д̇и (д̣̇ий. ни. 3.148) важанад̇о сод̇авин̃н̃зяяоваад̇и вад̣̇ад̇и.
563. Idāni vitakkavipphārasaddakathā nāma hoti. Tattha yasmā ‘‘vitakkavicārā vacīsaṅkhārā’’ti vuttā, tasmā sabbaso vitakkayato vicārayato antamaso manodhātupavattikālepi vitakkavipphāro saddoyevāti yesaṃ laddhi, seyyathāpi pubbaseliyānaṃ; te sandhāya sabbasoti pucchā sakavādissa paṭiññā itarassa. Atha naṃ yadi vitakkavipphāramattaṃ saddo, phassādivipphāropi saddo bhaveyyāti codetuṃ sabbaso phusayatotiādimāha. Itaro tādisaṃ suttalesaṃ apassanto paṭikkhipati. Vitakkavipphāro saddo sotaviññeyyoti vitakkassa vipphāramattameva saddoti katvā pucchati, na vitakkavipphārasamuṭṭhitaṃ suttapamattānaṃ saddaṃ, itaro paṭikkhipati. Nanu vitakkavipphārasaddo na sotaviññeyyoti idaṃ tasseva laddhiyā dasseti. So hi vitakkavipphāramattameva saddaṃ vadati, so na sotaviññeyyoti. Itaro pana ‘‘vitakkavipphārasaddaṃ sutvā ādisatī’’ ti (dī. ni. 3.148) vacanato sotaviññeyyovāti vadati.
вид̇аггавибпаарасад̣̇д̣̇агат̇ааван̣н̣анаа.
Vitakkavipphārasaddakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (91) 8. вид̇аггавибпаарасад̣̇д̣̇агат̇аа • (91) 8. Vitakkavipphārasaddakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 8. вид̇аггавибпаарасад̣̇д̣̇агат̇ааван̣н̣анаа • 8. Vitakkavipphārasaddakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. вид̇аггавибпаарасад̣̇д̣̇агат̇ааван̣н̣анаа • 8. Vitakkavipphārasaddakathāvaṇṇanā
