| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
8. විතක්‌කවිප්‌ඵාරසද්‌දකථාවණ්‌ණනා
8. Vitakkavipphārasaddakathāvaṇṇanā
563. ඉදානි විතක්‌කවිප්‌ඵාරසද්‌දකථා නාම හොති. තත්‌ථ යස්‌මා ‘‘විතක්‌කවිචාරා වචීසඞ්‌ඛාරා’’ති වුත්‌තා, තස්‌මා සබ්‌බසො විතක්‌කයතො විචාරයතො අන්‌තමසො මනොධාතුපවත්‌තිකාලෙපි විතක්‌කවිප්‌ඵාරො සද්‌දොයෙවාති යෙසං ලද්‌ධි, සෙය්‍යථාපි පුබ්‌බසෙලියානං; තෙ සන්‌ධාය සබ්‌බසොති පුච්‌ඡා සකවාදිස්‌ස පටිඤ්‌ඤා ඉතරස්‌ස. අථ නං යදි විතක්‌කවිප්‌ඵාරමත්‌තං සද්‌දො, ඵස්‌සාදිවිප්‌ඵාරොපි සද්‌දො භවෙය්‍යාති චොදෙතුං සබ්‌බසො ඵුසයතොතිආදිමාහ. ඉතරො තාදිසං සුත්‌තලෙසං අපස්‌සන්‌තො පටික්‌ඛිපති. විතක්‌කවිප්‌ඵාරො සද්‌දො සොතවිඤ්‌ඤෙය්‍යොති විතක්‌කස්‌ස විප්‌ඵාරමත්‌තමෙව සද්‌දොති කත්‌වා පුච්‌ඡති, න විතක්‌කවිප්‌ඵාරසමුට්‌ඨිතං සුත්‌තපමත්‌තානං සද්‌දං, ඉතරො පටික්‌ඛිපති. නනු විතක්‌කවිප්‌ඵාරසද්‌දො න සොතවිඤ්‌ඤෙය්‍යොති ඉදං තස්‌සෙව ලද්‌ධියා දස්‌සෙති. සො හි විතක්‌කවිප්‌ඵාරමත්‌තමෙව සද්‌දං වදති, සො න සොතවිඤ්‌ඤෙය්‍යොති. ඉතරො පන ‘‘විතක්‌කවිප්‌ඵාරසද්‌දං සුත්‌වා ආදිසතී’’ ති (දී. නි. 3.148) වචනතො සොතවිඤ්‌ඤෙය්‍යොවාති වදති.
563. Idāni vitakkavipphārasaddakathā nāma hoti. Tattha yasmā ‘‘vitakkavicārā vacīsaṅkhārā’’ti vuttā, tasmā sabbaso vitakkayato vicārayato antamaso manodhātupavattikālepi vitakkavipphāro saddoyevāti yesaṃ laddhi, seyyathāpi pubbaseliyānaṃ; te sandhāya sabbasoti pucchā sakavādissa paṭiññā itarassa. Atha naṃ yadi vitakkavipphāramattaṃ saddo, phassādivipphāropi saddo bhaveyyāti codetuṃ sabbaso phusayatotiādimāha. Itaro tādisaṃ suttalesaṃ apassanto paṭikkhipati. Vitakkavipphāro saddo sotaviññeyyoti vitakkassa vipphāramattameva saddoti katvā pucchati, na vitakkavipphārasamuṭṭhitaṃ suttapamattānaṃ saddaṃ, itaro paṭikkhipati. Nanu vitakkavipphārasaddo na sotaviññeyyoti idaṃ tasseva laddhiyā dasseti. So hi vitakkavipphāramattameva saddaṃ vadati, so na sotaviññeyyoti. Itaro pana ‘‘vitakkavipphārasaddaṃ sutvā ādisatī’’ ti (dī. ni. 3.148) vacanato sotaviññeyyovāti vadati.
විතක්‌කවිප්‌ඵාරසද්‌දකථාවණ්‌ණනා.
Vitakkavipphārasaddakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (91) 8. විතක්‌කවිප්‌ඵාරසද්‌දකථා • (91) 8. Vitakkavipphārasaddakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 8. විතක්‌කවිප්‌ඵාරසද්‌දකථාවණ්‌ණනා • 8. Vitakkavipphārasaddakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 8. විතක්‌කවිප්‌ඵාරසද්‌දකථාවණ්‌ණනා • 8. Vitakkavipphārasaddakathāvaṇṇanā
