| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੮. વਿਤਕ੍ਕવਿਪ੍ਫਾਰਸਦ੍ਦਕਥਾવਣ੍ਣਨਾ
8. Vitakkavipphārasaddakathāvaṇṇanā
੫੬੩. ਇਦਾਨਿ વਿਤਕ੍ਕવਿਪ੍ਫਾਰਸਦ੍ਦਕਥਾ ਨਾਮ ਹੋਤਿ। ਤਤ੍ਥ ਯਸ੍ਮਾ ‘‘વਿਤਕ੍ਕવਿਚਾਰਾ વਚੀਸਙ੍ਖਾਰਾ’’ਤਿ વੁਤ੍ਤਾ, ਤਸ੍ਮਾ ਸਬ੍ਬਸੋ વਿਤਕ੍ਕਯਤੋ વਿਚਾਰਯਤੋ ਅਨ੍ਤਮਸੋ ਮਨੋਧਾਤੁਪવਤ੍ਤਿਕਾਲੇਪਿ વਿਤਕ੍ਕવਿਪ੍ਫਾਰੋ ਸਦ੍ਦੋਯੇવਾਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਪੁਬ੍ਬਸੇਲਿਯਾਨਂ; ਤੇ ਸਨ੍ਧਾਯ ਸਬ੍ਬਸੋਤਿ ਪੁਚ੍ਛਾ ਸਕવਾਦਿਸ੍ਸ ਪਟਿਞ੍ਞਾ ਇਤਰਸ੍ਸ। ਅਥ ਨਂ ਯਦਿ વਿਤਕ੍ਕવਿਪ੍ਫਾਰਮਤ੍ਤਂ ਸਦ੍ਦੋ, ਫਸ੍ਸਾਦਿવਿਪ੍ਫਾਰੋਪਿ ਸਦ੍ਦੋ ਭવੇਯ੍ਯਾਤਿ ਚੋਦੇਤੁਂ ਸਬ੍ਬਸੋ ਫੁਸਯਤੋਤਿਆਦਿਮਾਹ। ਇਤਰੋ ਤਾਦਿਸਂ ਸੁਤ੍ਤਲੇਸਂ ਅਪਸ੍ਸਨ੍ਤੋ ਪਟਿਕ੍ਖਿਪਤਿ। વਿਤਕ੍ਕવਿਪ੍ਫਾਰੋ ਸਦ੍ਦੋ ਸੋਤવਿਞ੍ਞੇਯ੍ਯੋਤਿ વਿਤਕ੍ਕਸ੍ਸ વਿਪ੍ਫਾਰਮਤ੍ਤਮੇવ ਸਦ੍ਦੋਤਿ ਕਤ੍વਾ ਪੁਚ੍ਛਤਿ, ਨ વਿਤਕ੍ਕવਿਪ੍ਫਾਰਸਮੁਟ੍ਠਿਤਂ ਸੁਤ੍ਤਪਮਤ੍ਤਾਨਂ ਸਦ੍ਦਂ, ਇਤਰੋ ਪਟਿਕ੍ਖਿਪਤਿ। ਨਨੁ વਿਤਕ੍ਕવਿਪ੍ਫਾਰਸਦ੍ਦੋ ਨ ਸੋਤવਿਞ੍ਞੇਯ੍ਯੋਤਿ ਇਦਂ ਤਸ੍ਸੇવ ਲਦ੍ਧਿਯਾ ਦਸ੍ਸੇਤਿ। ਸੋ ਹਿ વਿਤਕ੍ਕવਿਪ੍ਫਾਰਮਤ੍ਤਮੇવ ਸਦ੍ਦਂ વਦਤਿ, ਸੋ ਨ ਸੋਤવਿਞ੍ਞੇਯ੍ਯੋਤਿ। ਇਤਰੋ ਪਨ ‘‘વਿਤਕ੍ਕવਿਪ੍ਫਾਰਸਦ੍ਦਂ ਸੁਤ੍વਾ ਆਦਿਸਤੀ’’ ਤਿ (ਦੀ॰ ਨਿ॰ ੩.੧੪੮) વਚਨਤੋ ਸੋਤવਿਞ੍ਞੇਯ੍ਯੋવਾਤਿ વਦਤਿ।
563. Idāni vitakkavipphārasaddakathā nāma hoti. Tattha yasmā ‘‘vitakkavicārā vacīsaṅkhārā’’ti vuttā, tasmā sabbaso vitakkayato vicārayato antamaso manodhātupavattikālepi vitakkavipphāro saddoyevāti yesaṃ laddhi, seyyathāpi pubbaseliyānaṃ; te sandhāya sabbasoti pucchā sakavādissa paṭiññā itarassa. Atha naṃ yadi vitakkavipphāramattaṃ saddo, phassādivipphāropi saddo bhaveyyāti codetuṃ sabbaso phusayatotiādimāha. Itaro tādisaṃ suttalesaṃ apassanto paṭikkhipati. Vitakkavipphāro saddo sotaviññeyyoti vitakkassa vipphāramattameva saddoti katvā pucchati, na vitakkavipphārasamuṭṭhitaṃ suttapamattānaṃ saddaṃ, itaro paṭikkhipati. Nanu vitakkavipphārasaddo na sotaviññeyyoti idaṃ tasseva laddhiyā dasseti. So hi vitakkavipphāramattameva saddaṃ vadati, so na sotaviññeyyoti. Itaro pana ‘‘vitakkavipphārasaddaṃ sutvā ādisatī’’ ti (dī. ni. 3.148) vacanato sotaviññeyyovāti vadati.
વਿਤਕ੍ਕવਿਪ੍ਫਾਰਸਦ੍ਦਕਥਾવਣ੍ਣਨਾ।
Vitakkavipphārasaddakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੯੧) ੮. વਿਤਕ੍ਕવਿਪ੍ਫਾਰਸਦ੍ਦਕਥਾ • (91) 8. Vitakkavipphārasaddakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੮. વਿਤਕ੍ਕવਿਪ੍ਫਾਰਸਦ੍ਦਕਥਾવਣ੍ਣਨਾ • 8. Vitakkavipphārasaddakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੮. વਿਤਕ੍ਕવਿਪ੍ਫਾਰਸਦ੍ਦਕਥਾવਣ੍ਣਨਾ • 8. Vitakkavipphārasaddakathāvaṇṇanā
