| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. вийд̇асогад̇т̇зраг̇аат̇ааван̣н̣анаа
5. Vītasokattheragāthāvaṇṇanā
гзсз мз оликиссанд̇ийд̇иаад̣̇игаа ааяасмад̇о вийд̇асогад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз б̣раахман̣агулз ниб̣б̣ад̇д̇ид̇ваа б̣раахман̣аанам̣ виж̇ж̇аасиббзсу нибпад̇д̇им̣ г̇ад̇о гаамз бахааяа исибаб̣б̣аж̇ж̇ам̣ баб̣б̣аж̇ид̇ваа махад̇аа исиг̇ан̣зна баривуд̇о аран̃н̃з васанд̇о б̣уд̣̇д̇хуббаад̣̇ам̣ суд̇ваа хадтад̇удто ‘‘уд̣̇умб̣арабубпасад̣̇исаа д̣̇уллабхад̣̇ассанаа б̣уд̣̇д̇хаа бхаг̇аванд̇о, ид̣̇аанзва убаг̇анд̇аб̣б̣аа’’д̇и махад̇ияаа барисааяа сад̣̇д̇хим̣ сад̇т̇аарам̣ д̣̇адтум̣ г̇ажчанд̇о д̣̇ияад̣дхаяож̇анз сзсз б̣яаад̇хиго худ̇ваа б̣уд̣̇д̇хаг̇ад̇ааяа сан̃н̃ааяа гаалан̇гад̇о д̣̇звзсу уббаж̇ж̇ид̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з адтаарасавассаад̇хигаанам̣ д̣̇виннам̣ вассасад̇аанам̣ мад̇т̇агз д̇хаммаасогаран̃н̃о ганидтабхаад̇аа худ̇ваа ниб̣б̣ад̇д̇и, д̇асса вийд̇асогод̇и наама ахоси. со ваяаббад̇д̇о кад̇д̇ияагумаарзхи сигкид̇аб̣б̣авиж̇ж̇аасиббзсу нибпад̇д̇им̣ г̇ад̇о г̇ирид̣̇ад̇д̇ад̇т̇зрам̣ ниссааяа г̇ихибхууд̇о суд̇д̇анд̇абидагз абхид̇хаммабидагз жа висаарад̣̇о худ̇ваа згад̣̇ивасам̣ массугаммасамаяз габбагасса хад̇т̇ад̇о аад̣̇аасам̣ г̇ахзд̇ваа гааяам̣ ологзнд̇о валид̇абалид̇аад̣̇ийни д̣̇исваа сан̃ж̇аад̇асам̣взг̇о вибассанааяа жид̇д̇ам̣ од̇аарзд̇ваа бхааванам̣ уссуггаабзд̇ваа д̇асмим̣язва аасанз сод̇аабанно худ̇ваа г̇ирид̣̇ад̇д̇ад̇т̇зрасса санд̇игз баб̣б̣аж̇ид̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.49.9-26) –
Kese me olikhissantītiādikā āyasmato vītasokattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto siddhatthassa bhagavato kāle brāhmaṇakule nibbattitvā brāhmaṇānaṃ vijjāsippesu nipphattiṃ gato kāme pahāya isipabbajjaṃ pabbajitvā mahatā isigaṇena parivuto araññe vasanto buddhuppādaṃ sutvā haṭṭhatuṭṭho ‘‘udumbarapupphasadisā dullabhadassanā buddhā bhagavanto, idāneva upagantabbā’’ti mahatiyā parisāya saddhiṃ satthāraṃ daṭṭhuṃ gacchanto diyaḍḍhayojane sese byādhiko hutvā buddhagatāya saññāya kālaṅkato devesu uppajjitvā aparāparaṃ devamanussesu saṃsaranto imasmiṃ buddhuppāde aṭṭhārasavassādhikānaṃ dvinnaṃ vassasatānaṃ matthake dhammāsokarañño kaniṭṭhabhātā hutvā nibbatti, tassa vītasokoti nāma ahosi. So vayappatto khattiyakumārehi sikkhitabbavijjāsippesu nipphattiṃ gato giridattattheraṃ nissāya gihibhūto suttantapiṭake abhidhammapiṭake ca visārado hutvā ekadivasaṃ massukammasamaye kappakassa hatthato ādāsaṃ gahetvā kāyaṃ olokento valitapalitādīni disvā sañjātasaṃvego vipassanāya cittaṃ otāretvā bhāvanaṃ ussukkāpetvā tasmiṃyeva āsane sotāpanno hutvā giridattattherassa santike pabbajitvā nacirasseva arahattaṃ pāpuṇi. Tena vuttaṃ apadāne (apa. thera 2.49.9-26) –
‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;
‘‘Ajjhāyako mantadharo, tiṇṇaṃ vedāna pāragū;
лагкан̣з ид̇ихаасз жа, санигхан̣д̣усагздубхз.
Lakkhaṇe itihāse ca, sanighaṇḍusakeṭubhe.
‘‘над̣̇ийсод̇абадибхааг̇аа, сиссаа ааяанд̇и мз д̇ад̣̇аа;
‘‘Nadīsotapaṭibhāgā, sissā āyanti me tadā;
д̇зсаахам̣ манд̇з ваажзми, рад̇д̇инд̣̇ивамад̇анд̣̇ид̇о.
Tesāhaṃ mante vācemi, rattindivamatandito.
‘‘сид̣̇д̇хад̇т̇о наама самб̣уд̣̇д̇хо, логз уббаж̇ж̇и д̇аавад̣̇з;
‘‘Siddhattho nāma sambuddho, loke uppajji tāvade;
д̇аманд̇хагаарам̣ наасзд̇ваа, н̃аан̣аалогам̣ бавад̇д̇аяи.
Tamandhakāraṃ nāsetvā, ñāṇālokaṃ pavattayi.
‘‘мама ан̃н̃ад̇аро сиссо, сиссаанам̣ со гат̇зси мз;
‘‘Mama aññataro sisso, sissānaṃ so kathesi me;
суд̇ваана д̇з зд̇амад̇т̇ам̣, аарожзсум̣ мамам̣ д̇ад̣̇аа.
Sutvāna te etamatthaṃ, ārocesuṃ mamaṃ tadā.
‘‘б̣уд̣̇д̇хо логз самуббанно, саб̣б̣ан̃н̃уу логанааяаго;
‘‘Buddho loke samuppanno, sabbaññū lokanāyako;
д̇ассаанувад̇д̇ад̇и ж̇ано, лаабхо амхам̣ на виж̇ж̇ад̇и.
Tassānuvattati jano, lābho amhaṃ na vijjati.
‘‘ад̇хижжуббад̇д̇игаа б̣уд̣̇д̇хаа, жагкуманд̇о махааяасаа;
‘‘Adhiccuppattikā buddhā, cakkhumanto mahāyasā;
яам̣нуунаахам̣ б̣уд̣̇д̇хасздтам̣, бассзяяам̣ логанааяагам̣.
Yaṃnūnāhaṃ buddhaseṭṭhaṃ, passeyyaṃ lokanāyakaṃ.
‘‘аж̇инам̣ мз г̇ахзд̇ваана, ваагажийрам̣ гаман̣д̣алум̣;
‘‘Ajinaṃ me gahetvāna, vākacīraṃ kamaṇḍaluṃ;
ассамаа абхинигкамма, сиссз ааманд̇аяим̣ ахам̣.
Assamā abhinikkhamma, sisse āmantayiṃ ahaṃ.
‘‘од̣̇умб̣аригабубпам̣ва, жанд̣̇амхи сасагам̣ яат̇аа;
‘‘Odumbarikapupphaṃva, candamhi sasakaṃ yathā;
вааяасаанам̣ яат̇аа кийрам̣, д̣̇уллабхо логанааяаго.
Vāyasānaṃ yathā khīraṃ, dullabho lokanāyako.
‘‘б̣уд̣̇д̇хо логамхи уббанно, мануссад̇д̇амби д̣̇уллабхам̣;
‘‘Buddho lokamhi uppanno, manussattampi dullabhaṃ;
убхосу виж̇ж̇амаанзсу, саванан̃жа суд̣̇уллабхам̣.
Ubhosu vijjamānesu, savanañca sudullabhaṃ.
‘‘б̣уд̣̇д̇хо логз самуббанно, жагкум̣ лажчаама но бхавам̣;
‘‘Buddho loke samuppanno, cakkhuṃ lacchāma no bhavaṃ;
зт̇а саб̣б̣з г̇амиссаама, саммаасамб̣уд̣̇д̇хасанд̇игам̣.
Etha sabbe gamissāma, sammāsambuddhasantikaṃ.
‘‘гаман̣д̣алуд̇хараа саб̣б̣з, карааж̇инаниваасино;
‘‘Kamaṇḍaludharā sabbe, kharājinanivāsino;
д̇з ж̇адаабхаарабхарид̇аа, нигкамум̣ вибинаа д̇ад̣̇аа.
Te jaṭābhārabharitā, nikkhamuṃ vipinā tadā.
‘‘яуг̇амад̇д̇ам̣ бзгкамаанаа, уд̇д̇амад̇т̇ам̣ г̇авзсино;
‘‘Yugamattaṃ pekkhamānā, uttamatthaṃ gavesino;
аасад̇д̇ид̣̇осарахид̇аа, асамбхийд̇аава гзсарий.
Āsattidosarahitā, asambhītāva kesarī.
‘‘аббагижжаа алолуббаа, нибагаа санд̇авуд̇д̇ино;
‘‘Appakiccā aloluppā, nipakā santavuttino;
ун̃чааяа жарамаанаа д̇з, б̣уд̣̇д̇хасздтамубааг̇амум̣.
Uñchāya caramānā te, buddhaseṭṭhamupāgamuṃ.
‘‘д̣̇ияад̣дхаяож̇анз сзсз, б̣яаад̇хи мз убабаж̇ж̇ат̇а;
‘‘Diyaḍḍhayojane sese, byādhi me upapajjatha;
б̣уд̣̇д̇хасздтам̣ сарид̇ваана, д̇ад̇т̇а гаалан̇гад̇о ахам̣.
Buddhaseṭṭhaṃ saritvāna, tattha kālaṅkato ahaṃ.
‘‘жад̇уннавуд̇ид̇о габбз, яам̣ сан̃н̃амалабхим̣ д̇ад̣̇аа;
‘‘Catunnavutito kappe, yaṃ saññamalabhiṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хасан̃н̃ааяид̣̇ам̣ палам̣.
Duggatiṃ nābhijānāmi, buddhasaññāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃ам̣ б̣яаагаронд̇о –
Arahattaṃ pana patvā aññaṃ byākaronto –
169.
169.
‘‘гзсз мз оликиссанд̇и, габбаго убасан̇гами;
‘‘Kese me olikhissanti, kappako upasaṅkami;
д̇ад̇о аад̣̇аасамаад̣̇ааяа, сарийрам̣ бажжавзгкисам̣.
Tato ādāsamādāya, sarīraṃ paccavekkhisaṃ.
170.
170.
‘‘д̇ужчо гааяо ад̣̇иссид̇т̇а, анд̇хагаарз д̇амо б̣яаг̇аа;
‘‘Tuccho kāyo adissittha, andhakāre tamo byagā;
саб̣б̣з жол̣аа самужчиннаа, над̇т̇и д̣̇аани бунаб̣бхаво’’д̇и. – г̇аат̇аад̣̇ваяам̣ абхааси;
Sabbe coḷā samucchinnā, natthi dāni punabbhavo’’ti. – gāthādvayaṃ abhāsi;
д̇ад̇т̇а гзсз мз оликиссанд̇и, габбаго убасан̇гамийд̇и г̇ихигаалз массугаммасамаяз ‘‘мама гзсз оликиссам̣ габбзмий’’д̇и гзсаад̣̇ийнам̣ чзд̣̇анаад̣̇ивасзна габбанад̇о габбаго нхаабид̇о мам̣ убаг̇ажчи. д̇ад̇од̇и габбагад̇о. сарийрам̣ бажжавзгкисанд̇и саб̣б̣агааяигз аад̣̇аасз балид̇авалид̇амуканимид̇д̇аад̣̇ид̣̇ассанамукзна ‘‘абхибхууд̇о вад̇а ж̇арааяа мз гааяо’’д̇и ж̇араабхибхууд̇ам̣ ад̇д̇ано сарийрам̣ бажжавзгким̣. звам̣ бажжавзгкад̇о жа д̇ужчо гааяо ад̣̇иссид̇т̇а нижжад̇хувасукасабхааваад̣̇ийхи рид̇д̇о худ̇ваа мз гааяо ад̣̇иссат̇а бан̃н̃ааяи. гасмаа? анд̇хагаарз д̇амо б̣яаг̇аа язна аяонисоманасигаарасан̇каад̇зна д̇амасаа ад̇д̇ано гааяз анд̇хаг̇ад̇аа виж̇ж̇амаанамби асубхаад̣̇исабхаавам̣ абассанд̇аа авиж̇ж̇амаанам̣ субхаад̣̇иаагаарам̣ г̇ан̣ханд̇и, д̇асмим̣ анд̇хагаарз анд̇хагаран̣адтаанз гааяз яонисоманасигаарасан̇каад̇зна н̃аан̣аалогзна авиж̇ж̇аад̇амо виг̇ад̇о, д̇ад̇о зва саб̣б̣з жол̣аа самужчиннаа жораа вияа гусалабхан̣д̣ажчзд̣̇анад̇о, саад̇хуухи алаад̇аб̣б̣ад̇о асан̇г̇ахзд̇аб̣б̣ад̇о сан̇гаарагуудаад̣̇ийсу чад̣д̣ид̇абилод̇игакан̣д̣ам̣ вияа иссараж̇анзна арияаж̇анзна ж̇иг̇ужчид̇аб̣б̣ад̇ааяа жол̣аа вияаад̇и ваа ‘‘жол̣аа’’д̇и лад̣̇д̇ханаамаа гилзсаа самужчиннаа. аг̇г̇амаг̇г̇зна самуг̇гхаадид̇ад̇д̇аа зва жа нзсам̣ над̇т̇и д̣̇аани бунаб̣бхаво ааяад̇им̣ бунаб̣бхаваабхиниб̣б̣ад̇д̇и над̇т̇ийд̇и.
Tattha kese me olikhissanti, kappako upasaṅkamīti gihikāle massukammasamaye ‘‘mama kese olikhissaṃ kappemī’’ti kesādīnaṃ chedanādivasena kappanato kappako nhāpito maṃ upagacchi. Tatoti kappakato. Sarīraṃ paccavekkhisanti sabbakāyike ādāse palitavalitamukhanimittādidassanamukhena ‘‘abhibhūto vata jarāya me kāyo’’ti jarābhibhūtaṃ attano sarīraṃ paccavekkhiṃ. Evaṃ paccavekkhato ca tuccho kāyo adissittha niccadhuvasukhasabhāvādīhi ritto hutvā me kāyo adissatha paññāyi. Kasmā? Andhakāre tamo byagā yena ayonisomanasikārasaṅkhātena tamasā attano kāye andhagatā vijjamānampi asubhādisabhāvaṃ apassantā avijjamānaṃ subhādiākāraṃ gaṇhanti, tasmiṃ andhakāre andhakaraṇaṭṭhāne kāye yonisomanasikārasaṅkhātena ñāṇālokena avijjātamo vigato, tato eva sabbe coḷā samucchinnā corā viya kusalabhaṇḍacchedanato, sādhūhi alātabbato asaṅgahetabbato saṅkārakūṭādīsu chaḍḍitapilotikakhaṇḍaṃ viya issarajanena ariyajanena jigucchitabbatāya coḷā viyāti vā ‘‘coḷā’’ti laddhanāmā kilesā samucchinnā. Aggamaggena samugghāṭitattā eva ca nesaṃ natthi dāni punabbhavo āyatiṃ punabbhavābhinibbatti natthīti.
вийд̇асогад̇т̇зраг̇аат̇ааван̣н̣анаа нидтид̇аа.
Vītasokattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. вийд̇асогад̇т̇зраг̇аат̇аа • 5. Vītasokattheragāthā
