| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
3. வீதி²ஸம்மஜ்ஜகத்தே²ரஅபதா³னவண்ணனா
3. Vīthisammajjakattheraapadānavaṇṇanā
உதெ³ந்தங் ஸதரங்ஸிங் வாதிஆதி³கங் ஆயஸ்மதோ வீதி²ஸம்மஜ்ஜகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ அனேகேஸு ஜாதிஸதேஸு கதபுஞ்ஞஸஞ்சயோ ஸிகி²ஸ்ஸ ப⁴க³வதோ காலே குலகே³ஹே நிப்³ப³த்தோ க⁴ராவாஸங் வஸந்தோ நக³ரவாஸீஹி ஸத்³தி⁴ங் வீதி²ங் ஸஜ்ஜெத்வா நீயமானங் ப⁴க³வந்தங் தி³ஸ்வா பஸன்னமானஸோ வீதி²ங் ஸமங் கத்வா த⁴ஜங் தத்த² உஸ்ஸாபேஸி.
Udentaṃsataraṃsiṃ vātiādikaṃ āyasmato vīthisammajjakattherassa apadānaṃ. Ayampi purimabuddhesu katādhikāro anekesu jātisatesu katapuññasañcayo sikhissa bhagavato kāle kulagehe nibbatto gharāvāsaṃ vasanto nagaravāsīhi saddhiṃ vīthiṃ sajjetvā nīyamānaṃ bhagavantaṃ disvā pasannamānaso vīthiṃ samaṃ katvā dhajaṃ tattha ussāpesi.
15. ஸோ தேனேவ புஞ்ஞேன தே³வமனுஸ்ஸேஸு ஸங்ஸரந்தோ உப⁴யஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலே நிப்³ப³த்தோ விஞ்ஞுதங் பத்வா ஸத்து² த⁴ம்மதே³ஸனங் ஸுத்வா படிலத்³த⁴ஸத்³தோ⁴ ப³ஹுமானஹத³யோ பப்³ப³ஜித்வா லத்³தூ⁴பஸம்பதோ³ நசிரஸ்ஸேவ அரஹா ஹுத்வா அத்தனோ புப்³ப³கம்மங் அனுஸ்ஸரந்தோ பச்சக்க²தோ ஜானித்வா புப்³ப³சரிதாபதா³னங் பகாஸெந்தோ உதெ³ந்தங் ஸதரங்ஸிங் வாதிஆதி³மாஹ. தத்த² உதெ³ந்தங் உக்³க³ச்ச²ந்தங் ஸதரங்ஸிங் ஸதபப⁴ங். ஸதரங்ஸீதி தே³ஸனாஸீஸமத்தங், அனேகஸதஸஹஸ்ஸபப⁴ங் ஸூரியங் இவாதி அத்தோ². பீதரங்ஸிங்வ பா⁴ணுமந்தி பீதரங்ஸிங் ஸங்குசிதபப⁴ங் பா⁴ணுமங் பபா⁴வந்தங் சந்த³மண்ட³லங் இவ ஸம்பு³த்³த⁴ங் தி³ஸ்வாதி அத்தோ². ஸேஸங் ஸுவிஞ்ஞெய்யமேவாதி.
15. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kule nibbatto viññutaṃ patvā satthu dhammadesanaṃ sutvā paṭiladdhasaddho bahumānahadayo pabbajitvā laddhūpasampado nacirasseva arahā hutvā attano pubbakammaṃ anussaranto paccakkhato jānitvā pubbacaritāpadānaṃ pakāsento udentaṃ sataraṃsiṃ vātiādimāha. Tattha udentaṃ uggacchantaṃ sataraṃsiṃ satapabhaṃ. Sataraṃsīti desanāsīsamattaṃ, anekasatasahassapabhaṃ sūriyaṃ ivāti attho. Pītaraṃsiṃva bhāṇumanti pītaraṃsiṃ saṃkucitapabhaṃ bhāṇumaṃ pabhāvantaṃ candamaṇḍalaṃ iva sambuddhaṃ disvāti attho. Sesaṃ suviññeyyamevāti.
வீதி²ஸம்மஜ்ஜகத்தே²ரஅபதா³னவண்ணனா ஸமத்தா.
Vīthisammajjakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 3. வீதி²ஸம்மஜ்ஜகத்தே²ரஅபதா³னங் • 3. Vīthisammajjakattheraapadānaṃ
