| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. વੀਥਿਸਮ੍ਮਜ੍ਜਕਤ੍ਥੇਰਅਪਦਾਨવਣ੍ਣਨਾ
3. Vīthisammajjakattheraapadānavaṇṇanā
ਉਦੇਨ੍ਤਂ ਸਤਰਂਸਿਂ વਾਤਿਆਦਿਕਂ ਆਯਸ੍ਮਤੋ વੀਥਿਸਮ੍ਮਜ੍ਜਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਜਾਤਿਸਤੇਸੁ ਕਤਪੁਞ੍ਞਸਞ੍ਚਯੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ ਘਰਾવਾਸਂ વਸਨ੍ਤੋ ਨਗਰવਾਸੀਹਿ ਸਦ੍ਧਿਂ વੀਥਿਂ ਸਜ੍ਜੇਤ੍વਾ ਨੀਯਮਾਨਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ વੀਥਿਂ ਸਮਂ ਕਤ੍વਾ ਧਜਂ ਤਤ੍ਥ ਉਸ੍ਸਾਪੇਸਿ।
Udentaṃsataraṃsiṃ vātiādikaṃ āyasmato vīthisammajjakattherassa apadānaṃ. Ayampi purimabuddhesu katādhikāro anekesu jātisatesu katapuññasañcayo sikhissa bhagavato kāle kulagehe nibbatto gharāvāsaṃ vasanto nagaravāsīhi saddhiṃ vīthiṃ sajjetvā nīyamānaṃ bhagavantaṃ disvā pasannamānaso vīthiṃ samaṃ katvā dhajaṃ tattha ussāpesi.
੧੫. ਸੋ ਤੇਨੇવ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਟਿਲਦ੍ਧਸਦ੍ਧੋ ਬਹੁਮਾਨਹਦਯੋ ਪਬ੍ਬਜਿਤ੍વਾ ਲਦ੍ਧੂਪਸਮ੍ਪਦੋ ਨਚਿਰਸ੍ਸੇવ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਅਨੁਸ੍ਸਰਨ੍ਤੋ ਪਚ੍ਚਕ੍ਖਤੋ ਜਾਨਿਤ੍વਾ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਉਦੇਨ੍ਤਂ ਸਤਰਂਸਿਂ વਾਤਿਆਦਿਮਾਹ। ਤਤ੍ਥ ਉਦੇਨ੍ਤਂ ਉਗ੍ਗਚ੍ਛਨ੍ਤਂ ਸਤਰਂਸਿਂ ਸਤਪਭਂ। ਸਤਰਂਸੀਤਿ ਦੇਸਨਾਸੀਸਮਤ੍ਤਂ, ਅਨੇਕਸਤਸਹਸ੍ਸਪਭਂ ਸੂਰਿਯਂ ਇવਾਤਿ ਅਤ੍ਥੋ। ਪੀਤਰਂਸਿਂવ ਭਾਣੁਮਨ੍ਤਿ ਪੀਤਰਂਸਿਂ ਸਂਕੁਚਿਤਪਭਂ ਭਾਣੁਮਂ ਪਭਾવਨ੍ਤਂ ਚਨ੍ਦਮਣ੍ਡਲਂ ਇવ ਸਮ੍ਬੁਦ੍ਧਂ ਦਿਸ੍વਾਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
15. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kule nibbatto viññutaṃ patvā satthu dhammadesanaṃ sutvā paṭiladdhasaddho bahumānahadayo pabbajitvā laddhūpasampado nacirasseva arahā hutvā attano pubbakammaṃ anussaranto paccakkhato jānitvā pubbacaritāpadānaṃ pakāsento udentaṃ sataraṃsiṃ vātiādimāha. Tattha udentaṃ uggacchantaṃ sataraṃsiṃ satapabhaṃ. Sataraṃsīti desanāsīsamattaṃ, anekasatasahassapabhaṃ sūriyaṃ ivāti attho. Pītaraṃsiṃva bhāṇumanti pītaraṃsiṃ saṃkucitapabhaṃ bhāṇumaṃ pabhāvantaṃ candamaṇḍalaṃ iva sambuddhaṃ disvāti attho. Sesaṃ suviññeyyamevāti.
વੀਥਿਸਮ੍ਮਜ੍ਜਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Vīthisammajjakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. વੀਥਿਸਮ੍ਮਜ੍ਜਕਤ੍ਥੇਰਅਪਦਾਨਂ • 3. Vīthisammajjakattheraapadānaṃ
