| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. вид̇д̇асуд̇д̇аван̣н̣анаа
3. Vittasuttavaṇṇanā
73. сад̣̇д̇хааяаад̇и сад̣̇д̇хаахзд̇у. гуласамбад̣̇аад̇и кад̇д̇ияаад̣̇исамбад̇д̇ияо. саб̣б̣алогияалогуд̇д̇аравид̇д̇абадилаабхахзд̇уд̇о сад̣̇д̇хаавид̇д̇амзва. хздтаа д̇ин̣н̣ам̣ д̣̇ваараанам̣ васзна уббаннагасса саб̣б̣ассаби анаваж̇ж̇ад̇хаммасса сан̇г̇ан̣ханад̇о ‘‘д̇хаммод̇и д̣̇асагусалагаммабат̇о’’д̇и вуд̇д̇ам̣. асам̣гилидтасуканд̇и. нираамисам̣ сукам̣. д̇амзва саамисам̣ убанид̇хааяа самбхаавзнд̇о ааха ‘‘асам̣гилидта’’нд̇и. асзжанагабхаавзна абхиружиж̇ананад̇о бияаагижчагаран̣ад̇о б̣ахум̣ сужирамби гаалам̣ аасзванд̇асса ад̣̇осаавахад̇о сажжамзва мад̇хурад̇арам̣. на хи д̇ам̣ бивид̇аб̣б̣ад̇о саад̣̇ид̇аб̣б̣ад̇о анубхавид̇аб̣б̣ад̇о расод̇и вад̇д̇аб̣б̣ад̇ам̣ арахад̇и. ид̣̇аани д̇асса гижжасамбад̇д̇иад̇т̇зхиби махаарахад̇ам̣ д̣̇ассзд̇ум̣ ‘‘сажжасмим̣ хий’’д̇иаад̣̇и вуд̇д̇ам̣. д̇ад̇т̇а над̣̇ийнивад̇д̇анам̣ махаагаббинавад̇т̇уаад̣̇ийхи (д̇ха. ба. адта. 1.махаагаббинад̇т̇зравад̇т̇у; а. ни. адта. 1.1.231; т̇зраг̇аа. адта. 2.махаагаббинад̇т̇зраг̇аат̇ааван̣н̣анаа) д̣̇ийбзд̇аб̣б̣ам̣, ид̇араани ган̣хад̣̇ийбааяанаж̇аад̇ага- (ж̇аа. 1.10.62 аад̣̇аяо) суд̇асома- (ж̇аа. 2.21.371 аад̣̇аяо) мажчаж̇аад̇агзхи (ж̇аа. 1.1.34, 75; 1.2.131 аад̣̇аяо) д̣̇ийбзд̇аб̣б̣аани. ниммад̣̇д̣̇знд̇и абхибхаванд̇и. мад̇хурад̇аранд̇и сунд̣̇арад̇арам̣ сздтзсууд̇и ад̇т̇о. бан̃н̃ааж̇ийвийд̇и бан̃н̃ааяа ж̇ийванасийлод̇и бан̃н̃ааж̇ийвий, бан̃н̃аабуб̣б̣ан̇г̇амажарияод̇и ад̇т̇о. бан̃н̃ааж̇ийвийд̇и жа бан̃н̃аавасзна ирияад̇и вад̇д̇ад̇и ж̇ийвид̇ам̣ бавад̇д̇зд̇ийд̇и ад̇т̇од̇и д̣̇ассзнд̇о ‘‘яо бан̃н̃ааж̇ийвий’’д̇иаад̣̇имааха. ‘‘ж̇ийвад̇а’’нд̇и гзжи батанд̇и, ж̇ийванд̇аанам̣ бан̃н̃ааж̇ийвим̣ сздтамаахууд̇и ад̇т̇о.
73.Saddhāyāti saddhāhetu. Kulasampadāti khattiyādisampattiyo. Sabbalokiyalokuttaravittapaṭilābhahetuto saddhāvittameva. Heṭṭhā tiṇṇaṃ dvārānaṃ vasena uppannakassa sabbassapi anavajjadhammassa saṅgaṇhanato ‘‘dhammoti dasakusalakammapatho’’ti vuttaṃ. Asaṃkiliṭṭhasukhanti. Nirāmisaṃ sukhaṃ. Tameva sāmisaṃ upanidhāya sambhāvento āha ‘‘asaṃkiliṭṭha’’nti. Asecanakabhāvena abhirucijananato piyākicchakaraṇato bahuṃ sucirampi kālaṃ āsevantassa adosāvahato saccameva madhurataraṃ. Na hi taṃ pivitabbato sāditabbato anubhavitabbato rasoti vattabbataṃ arahati. Idāni tassa kiccasampattiatthehipi mahārahataṃ dassetuṃ ‘‘saccasmiṃ hī’’tiādi vuttaṃ. Tattha nadīnivattanaṃ mahākappinavatthuādīhi (dha. pa. aṭṭha. 1.mahākappinattheravatthu; a. ni. aṭṭha. 1.1.231; theragā. aṭṭha. 2.mahākappinattheragāthāvaṇṇanā) dīpetabbaṃ, itarāni kaṇhadīpāyanajātaka- (jā. 1.10.62 ādayo) sutasoma- (jā. 2.21.371 ādayo) macchajātakehi (jā. 1.1.34, 75; 1.2.131 ādayo) dīpetabbāni. Nimmaddenti abhibhavanti. Madhurataranti sundarataraṃ seṭṭhesūti attho. Paññājīvīti paññāya jīvanasīloti paññājīvī, paññāpubbaṅgamacariyoti attho. Paññājīvīti ca paññāvasena iriyati vattati jīvitaṃ pavattetīti atthoti dassento ‘‘yo paññājīvī’’tiādimāha. ‘‘Jīvata’’nti keci paṭhanti, jīvantānaṃ paññājīviṃ seṭṭhamāhūti attho.
вид̇д̇асуд̇д̇аван̣н̣анаа нидтид̇аа.
Vittasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. вид̇д̇асуд̇д̇ам̣ • 3. Vittasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. вид̇д̇асуд̇д̇аван̣н̣анаа • 3. Vittasuttavaṇṇanā
