| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. વਿਤ੍ਤਸੁਤ੍ਤવਣ੍ਣਨਾ
3. Vittasuttavaṇṇanā
੭੩. ਤਤਿਯੇ ਸਦ੍ਧੀਧ વਿਤ੍ਤਨ੍ਤਿ ਯਸ੍ਮਾ ਸਦ੍ਧੋ ਸਦ੍ਧਾਯ ਮੁਤ੍ਤਮਣਿਆਦੀਨਿਪਿ વਿਤ੍ਤਾਨਿ ਲਭਤਿ, ਤਿਸ੍ਸੋਪਿ ਕੁਲਸਮ੍ਪਦਾ, ਛ ਕਾਮਸਗ੍ਗਾਨਿ, ਨવ ਬ੍ਰਹ੍ਮਲੋਕੇ ਪਤ੍વਾ ਪਰਿਯੋਸਾਨੇ ਅਮਤਮਹਾਨਿਬ੍ਬਾਨਦਸ੍ਸਨਮ੍ਪਿ ਲਭਤਿ, ਤਸ੍ਮਾ ਮਣਿਮੁਤ੍ਤਾਦੀਹਿ વਿਤ੍ਤੇਹਿ ਸਦ੍ਧਾવਿਤ੍ਤਮੇવ ਸੇਟ੍ਠਂ। ਧਮ੍ਮੋਤਿ ਦਸਕੁਸਲਕਮ੍ਮਪਥੋ। ਸੁਖਮਾવਹਤੀਤਿ ਸਬ੍ਬਮ੍ਪਿ ਸਾਸવਾਨਾਸવਂ ਅਸਂਕਿਲਿਟ੍ਠਸੁਖਂ ਆવਹਤਿ। ਸਾਦੁਤਰਨ੍ਤਿ ਲੋਕਸ੍ਮਿਂ ਲੋਣਮ੍ਬਿਲਾਦੀਨਂ ਸਬ੍ਬਰਸਾਨਂ ਸਚ੍ਚਮੇવ ਮਧੁਰਤਰਂ। ਸਚ੍ਚਸ੍ਮਿਂ ਹਿ ਠਿਤਾ ਸੀਘવੇਗਂ ਨਦਿਮ੍ਪਿ ਨਿવਤ੍ਤੇਨ੍ਤਿ, વਿਸਮ੍ਪਿ ਨਿਮ੍ਮਦ੍ਦੇਨ੍ਤਿ, ਅਗ੍ਗਿਮ੍ਪਿ ਪਟਿਬਾਹਨ੍ਤਿ, ਦੇવਮ੍ਪਿ વਸ੍ਸਾਪੇਨ੍ਤਿ, ਤਸ੍ਮਾ ਤਂ ਸਬ੍ਬਰਸਾਨਂ ਮਧੁਰਤਰਨ੍ਤਿ વੁਤ੍ਤਂ। ਪਞ੍ਞਾਜੀવਿਂ ਜੀવਿਤਮਾਹੁ ਸੇਟ੍ਠਨ੍ਤਿ ਯੋ ਪਞ੍ਞਾਜੀવੀ ਗਹਟ੍ਠੋ ਸਮਾਨੋ ਪਞ੍ਚਸੁ ਸੀਲੇਸੁ ਪਤਿਟ੍ਠਾਯ ਸਲਾਕਭਤ੍ਤਾਦੀਨਿ ਪਟ੍ਠਪੇਤ੍વਾ ਪਞ੍ਞਾਯ ਜੀવਤਿ, ਪਬ੍ਬਜਿਤੋ વਾ ਪਨ ਧਮ੍ਮੇਨ ਉਪ੍ਪਨ੍ਨੇ ਪਚ੍ਚਯੇ ‘‘ਇਦਮਤ੍ਥ’’ਨ੍ਤਿ ਪਚ੍ਚવੇਕ੍ਖਿਤ੍વਾ ਪਰਿਭੁਞ੍ਜਨ੍ਤੋ ਕਮ੍ਮਟ੍ਠਾਨਂ ਆਦਾਯ વਿਪਸ੍ਸਨਂ ਪਟ੍ਠਪੇਤ੍વਾ ਅਰਿਯਫਲਾਧਿਗਮવਸੇਨ ਪਞ੍ਞਾਯ ਜੀવਤਿ, ਤਂ ਪਞ੍ਞਾਜੀવਿਂ ਪੁਗ੍ਗਲਂ ਸੇਟ੍ਠਂ ਜੀવਿਤਂ ਜੀવਤੀਤਿ ਆਹੁ। ਤਤਿਯਂ।
73. Tatiye saddhīdha vittanti yasmā saddho saddhāya muttamaṇiādīnipi vittāni labhati, tissopi kulasampadā, cha kāmasaggāni, nava brahmaloke patvā pariyosāne amatamahānibbānadassanampi labhati, tasmā maṇimuttādīhi vittehi saddhāvittameva seṭṭhaṃ. Dhammoti dasakusalakammapatho. Sukhamāvahatīti sabbampi sāsavānāsavaṃ asaṃkiliṭṭhasukhaṃ āvahati. Sādutaranti lokasmiṃ loṇambilādīnaṃ sabbarasānaṃ saccameva madhurataraṃ. Saccasmiṃ hi ṭhitā sīghavegaṃ nadimpi nivattenti, visampi nimmaddenti, aggimpi paṭibāhanti, devampi vassāpenti, tasmā taṃ sabbarasānaṃ madhurataranti vuttaṃ. Paññājīviṃ jīvitamāhu seṭṭhanti yo paññājīvī gahaṭṭho samāno pañcasu sīlesu patiṭṭhāya salākabhattādīni paṭṭhapetvā paññāya jīvati, pabbajito vā pana dhammena uppanne paccaye ‘‘idamattha’’nti paccavekkhitvā paribhuñjanto kammaṭṭhānaṃ ādāya vipassanaṃ paṭṭhapetvā ariyaphalādhigamavasena paññāya jīvati, taṃ paññājīviṃ puggalaṃ seṭṭhaṃ jīvitaṃ jīvatīti āhu. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. વਿਤ੍ਤਸੁਤ੍ਤਂ • 3. Vittasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. વਿਤ੍ਤਸੁਤ੍ਤવਣ੍ਣਨਾ • 3. Vittasuttavaṇṇanā
