| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. вид̇т̇аарасуд̇д̇аван̣н̣анаа
2. Vitthārasuttavaṇṇanā
162. д̣̇уд̇ияз абхигкан̣анд̇и абхин̣хам̣. аананд̇арияанд̇и ананд̇аравибаагад̣̇ааяагам̣ маг̇г̇асамаад̇хим̣. аасаваанам̣ каяааяаад̇и арахад̇д̇апалад̇т̇ааяа. бан̃жинд̣̇рияаанийд̇и вибассанаабан̃жамагаани бан̃жинд̣̇рияаани. бан̃н̃инд̣̇рияанд̇и хи зд̇т̇а вибассанаабан̃н̃аава бан̃н̃инд̣̇рияанд̇и ад̇хиббзд̇ам̣. сзсамзд̇т̇а баал̣ивасзна уд̇д̇аанамзва.
162. Dutiye abhikkhaṇanti abhiṇhaṃ. Ānantariyanti anantaravipākadāyakaṃ maggasamādhiṃ. Āsavānaṃ khayāyāti arahattaphalatthāya. Pañcindriyānīti vipassanāpañcamakāni pañcindriyāni. Paññindriyanti hi ettha vipassanāpaññāva paññindriyanti adhippetaṃ. Sesamettha pāḷivasena uttānameva.
имаасам̣ бана бадибад̣̇аанам̣ аяам̣ аавибхаавагат̇аа – ид̇ха бхигку буб̣б̣з агад̇аабхинивзсо буб̣б̣абхааг̇з руубабариг̇г̇ахз гиламад̇и, аруубабариг̇г̇ахз гиламад̇и, бажжаяабариг̇г̇ахз гиламад̇и, д̇ийсу ад̣̇д̇хаасу гиламад̇и, маг̇г̇аамаг̇г̇з гиламад̇и. звам̣ бан̃жасу таанзсу гиламанд̇о вибассанам̣ баабун̣аад̇и. вибассанам̣ бад̇вааби уд̣̇аяаб̣б̣аяаанубассанз, бхан̇г̇аанубассанз, бхаяад̇убадтаанз, аад̣̇ийнаваанубассанз, ниб̣б̣ид̣̇аанубассанз, мужжид̇угамяад̇аан̃аан̣з, сан̇каарубзгкаан̃аан̣з, ануломан̃аан̣з, г̇од̇рабхун̃аан̣зд̇и имзсу навасу вибассанаан̃аан̣зсуби гиламид̇ваава логуд̇д̇арамаг̇г̇ам̣ баабун̣аад̇и. д̇асса со логуд̇д̇арамаг̇г̇о звам̣ д̣̇угкзна г̇арубхаавзна сажчигад̇ад̇д̇аа д̣̇угкабадибад̣̇о д̣̇анд̇хаабхин̃н̃о наама ж̇аад̇о. яо бана буб̣б̣абхааг̇з бан̃жасу н̃аан̣зсу гиламанд̇о абарабхааг̇з навасу вибассанаан̃аан̣зсу агиламид̇ваава маг̇г̇ам̣ сажчигарод̇и, д̇асса со маг̇г̇о звам̣ д̣̇угкзна аг̇арубхаавзна сажчигад̇ад̇д̇аа д̣̇угкабадибад̣̇о киббаабхин̃н̃о наама ж̇аад̇о. иминаа убааязна ид̇арааби д̣̇вз взд̣̇ид̇аб̣б̣аа.
Imāsaṃ pana paṭipadānaṃ ayaṃ āvibhāvakathā – idha bhikkhu pubbe akatābhiniveso pubbabhāge rūpapariggahe kilamati, arūpapariggahe kilamati, paccayapariggahe kilamati, tīsu addhāsu kilamati, maggāmagge kilamati. Evaṃ pañcasu ṭhānesu kilamanto vipassanaṃ pāpuṇāti. Vipassanaṃ patvāpi udayabbayānupassane, bhaṅgānupassane, bhayatupaṭṭhāne, ādīnavānupassane, nibbidānupassane, muccitukamyatāñāṇe, saṅkhārupekkhāñāṇe, anulomañāṇe, gotrabhuñāṇeti imesu navasu vipassanāñāṇesupi kilamitvāva lokuttaramaggaṃ pāpuṇāti. Tassa so lokuttaramaggo evaṃ dukkhena garubhāvena sacchikatattā dukkhapaṭipado dandhābhiñño nāma jāto. Yo pana pubbabhāge pañcasu ñāṇesu kilamanto aparabhāge navasu vipassanāñāṇesu akilamitvāva maggaṃ sacchikaroti, tassa so maggo evaṃ dukkhena agarubhāvena sacchikatattā dukkhapaṭipado khippābhiñño nāma jāto. Iminā upāyena itarāpi dve veditabbā.
г̇он̣абариязсагаубамаахи жзд̇аа вибхаавзд̇аб̣б̣аа – згасса хи бурисасса жад̇д̇ааро г̇он̣аа балааяид̇ваа адавим̣ бавидтаа. со саган̣дагз саг̇аханз ванз д̇з бариязсанд̇о г̇аханамаг̇г̇знзва гижчзна гасирзна г̇анд̇ваа г̇аханадтаанзязва нилийнз г̇он̣зби гижчзна гасирзна ад̣̇д̣̇аса. зго гижчзна г̇анд̇ваа аб̣бхогаасз тид̇з киббамзва ад̣̇д̣̇аса. абаро аб̣бхогаасамаг̇г̇зна сукзна г̇анд̇ваа г̇аханадтаанз нилийнз гижчзна гасирзна ад̣̇д̣̇аса. абаро аб̣бхогаасамаг̇г̇знзва сукзна г̇анд̇ваа аб̣бхогаасз тид̇зязва киббам̣ ад̣̇д̣̇аса. д̇ад̇т̇а жад̇д̇ааро г̇он̣аа вияа жад̇д̇ааро арияамаг̇г̇аа д̣̇адтаб̣б̣аа, г̇он̣абариязсаго бурисо вияа яог̇ааважаро, г̇аханамаг̇г̇зна гижчзна гасирзна г̇аманам̣ вияа буб̣б̣абхааг̇з бан̃жасу н̃аан̣зсу гиламад̇о д̣̇угкаабадибад̣̇аа. г̇аханадтаанз нилийнаанам̣ гижчзнзва д̣̇ассанам̣ вияа абарабхааг̇з навасу н̃аан̣зсу гиламанд̇асса арияамаг̇г̇аанам̣ д̣̇ассанам̣. иминаа убааязна сзсаубамааби яож̇зд̇аб̣б̣аа.
Goṇapariyesakaupamāhi cetā vibhāvetabbā – ekassa hi purisassa cattāro goṇā palāyitvā aṭaviṃ paviṭṭhā. So sakaṇṭake sagahane vane te pariyesanto gahanamaggeneva kicchena kasirena gantvā gahanaṭṭhāneyeva nilīne goṇepi kicchena kasirena addasa. Eko kicchena gantvā abbhokāse ṭhite khippameva addasa. Aparo abbhokāsamaggena sukhena gantvā gahanaṭṭhāne nilīne kicchena kasirena addasa. Aparo abbhokāsamaggeneva sukhena gantvā abbhokāse ṭhiteyeva khippaṃ addasa. Tattha cattāro goṇā viya cattāro ariyamaggā daṭṭhabbā, goṇapariyesako puriso viya yogāvacaro, gahanamaggena kicchena kasirena gamanaṃ viya pubbabhāge pañcasu ñāṇesu kilamato dukkhāpaṭipadā. Gahanaṭṭhāne nilīnānaṃ kiccheneva dassanaṃ viya aparabhāge navasu ñāṇesu kilamantassa ariyamaggānaṃ dassanaṃ. Iminā upāyena sesaupamāpi yojetabbā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. вид̇т̇аарасуд̇д̇ам̣ • 2. Vitthārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. вид̇т̇аарасуд̇д̇аван̣н̣анаа • 2. Vitthārasuttavaṇṇanā
