| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. вид̇т̇аарасуд̇д̇аван̣н̣анаа
2. Vitthārasuttavaṇṇanā
233. д̣̇уд̇ияз саб̣яааб̣аж̇жханд̇и сад̣̇осам̣. гааяасан̇кааранд̇и гааяад̣̇вааражзд̇анам̣. абхисан̇карод̇ийд̇и ааяуухад̇и самбин̣д̣зд̇и. сзсад̣̇ваязби зсзва наяо. саб̣яааб̣аж̇жхам̣ логанд̇и сад̣̇угкам̣ логам̣. саб̣яааб̣аж̇жхаа пассаад̇и сад̣̇угкаа вибаагапассаа. саб̣яааб̣аж̇жхам̣ взд̣̇анам̣ взд̣̇ияад̇ийд̇и сааб̣аад̇хам̣ вибаагавзд̣̇анам̣ взд̣̇ияад̇и. зганд̇ад̣̇угканд̇и зганд̇знзва д̣̇угкам̣, на сукасаммиссам̣. сзяяат̇ааби сад̇д̇аа нзраяигаад̇и зд̇т̇а сзяяат̇аабийд̇и нид̣̇ассанад̇т̇з нибаад̇о. д̇зна гзвалам̣ нзраяигасад̇д̇з д̣̇ассзд̇и, ан̃н̃з бана д̇ам̣саригкагаа наама над̇т̇и. иминаа убааязна саб̣б̣ад̇т̇а ад̇т̇о взд̣̇ид̇аб̣б̣о. сзяяат̇ааби мануссаад̇иаад̣̇ийсу бана мануссаанам̣ д̇аава гаалзна сукаа взд̣̇анаа уббаж̇ж̇ад̇и, гаалзна д̣̇угкаа взд̣̇анаа. згажжз жа д̣̇зваад̇и зд̇т̇а бана гаамааважарад̣̇зваа д̣̇адтаб̣б̣аа. д̇зсан̃хи махзсагкад̇араа д̣̇звад̇аа д̣̇исваа нисиннаасанад̇о вудтаанам̣, бааруд̇ауд̇д̇араасан̇г̇асса од̇ааран̣ам̣, ан̃ж̇алибаг̇г̇ан̣хананд̇иаад̣̇ийнам̣ васзна гаалзна д̣̇угкам̣ уббаж̇ж̇ад̇и, д̣̇иб̣б̣асамбад̇д̇им̣ анубхаванд̇аанам̣ гаалзна сукам̣. згажжз жа винибаад̇игаад̇и зд̇т̇а взмаанигабзд̇аа д̣̇адтаб̣б̣аа. д̇з ниранд̇арамзва згасмим̣ гаалз сукам̣, згасмим̣ гаалз д̣̇угкам̣ взд̣̇ияанд̇и. нааг̇асубан̣н̣ахад̇т̇иассаад̣̇аяо бана мануссаа вияа вогин̣н̣асукад̣̇угкаава хонд̇и. бахаанааяа яаа жзд̇анаад̇и зд̇т̇а виваддаг̇ааминий маг̇г̇ажзд̇анаа взд̣̇ид̇аб̣б̣аа. саа хи гаммагкаяааяа сам̣вад̇д̇ад̇ийд̇и.
233. Dutiye sabyābajjhanti sadosaṃ. Kāyasaṅkhāranti kāyadvāracetanaṃ. Abhisaṅkharotīti āyūhati sampiṇḍeti. Sesadvayepi eseva nayo. Sabyābajjhaṃ lokanti sadukkhaṃ lokaṃ. Sabyābajjhā phassāti sadukkhā vipākaphassā. Sabyābajjhaṃ vedanaṃ vediyatīti sābādhaṃ vipākavedanaṃ vediyati. Ekantadukkhanti ekanteneva dukkhaṃ, na sukhasammissaṃ. Seyyathāpi sattā nerayikāti ettha seyyathāpīti nidassanatthe nipāto. Tena kevalaṃ nerayikasatte dasseti, aññe pana taṃsarikkhakā nāma natthi. Iminā upāyena sabbattha attho veditabbo. Seyyathāpi manussātiādīsu pana manussānaṃ tāva kālena sukhā vedanā uppajjati, kālena dukkhā vedanā. Ekacceca devāti ettha pana kāmāvacaradevā daṭṭhabbā. Tesañhi mahesakkhatarā devatā disvā nisinnāsanato vuṭṭhānaṃ, pārutauttarāsaṅgassa otāraṇaṃ, añjalipaggaṇhanantiādīnaṃ vasena kālena dukkhaṃ uppajjati, dibbasampattiṃ anubhavantānaṃ kālena sukhaṃ. Ekacce ca vinipātikāti ettha vemānikapetā daṭṭhabbā. Te nirantarameva ekasmiṃ kāle sukhaṃ, ekasmiṃ kāle dukkhaṃ vediyanti. Nāgasupaṇṇahatthiassādayo pana manussā viya vokiṇṇasukhadukkhāva honti. Pahānāya yā cetanāti ettha vivaṭṭagāminī maggacetanā veditabbā. Sā hi kammakkhayāya saṃvattatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. вид̇т̇аарасуд̇д̇ам̣ • 2. Vitthārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. вид̇т̇аарасуд̇д̇аван̣н̣анаа • 2. Vitthārasuttavaṇṇanā
