| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. વਿਤ੍ਥਾਰਸੁਤ੍ਤવਣ੍ਣਨਾ
2. Vitthārasuttavaṇṇanā
੨੩੩. ਦੁਤਿਯੇ ਸਬ੍ਯਾਬਜ੍ਝਨ੍ਤਿ ਸਦੋਸਂ। ਕਾਯਸਙ੍ਖਾਰਨ੍ਤਿ ਕਾਯਦ੍વਾਰਚੇਤਨਂ। ਅਭਿਸਙ੍ਖਰੋਤੀਤਿ ਆਯੂਹਤਿ ਸਮ੍ਪਿਣ੍ਡੇਤਿ। ਸੇਸਦ੍વਯੇਪਿ ਏਸੇવ ਨਯੋ। ਸਬ੍ਯਾਬਜ੍ਝਂ ਲੋਕਨ੍ਤਿ ਸਦੁਕ੍ਖਂ ਲੋਕਂ। ਸਬ੍ਯਾਬਜ੍ਝਾ ਫਸ੍ਸਾਤਿ ਸਦੁਕ੍ਖਾ વਿਪਾਕਫਸ੍ਸਾ। ਸਬ੍ਯਾਬਜ੍ਝਂ વੇਦਨਂ વੇਦਿਯਤੀਤਿ ਸਾਬਾਧਂ વਿਪਾਕવੇਦਨਂ વੇਦਿਯਤਿ। ਏਕਨ੍ਤਦੁਕ੍ਖਨ੍ਤਿ ਏਕਨ੍ਤੇਨੇવ ਦੁਕ੍ਖਂ, ਨ ਸੁਖਸਮ੍ਮਿਸ੍ਸਂ। ਸੇਯ੍ਯਥਾਪਿ ਸਤ੍ਤਾ ਨੇਰਯਿਕਾਤਿ ਏਤ੍ਥ ਸੇਯ੍ਯਥਾਪੀਤਿ ਨਿਦਸ੍ਸਨਤ੍ਥੇ ਨਿਪਾਤੋ। ਤੇਨ ਕੇવਲਂ ਨੇਰਯਿਕਸਤ੍ਤੇ ਦਸ੍ਸੇਤਿ, ਅਞ੍ਞੇ ਪਨ ਤਂਸਰਿਕ੍ਖਕਾ ਨਾਮ ਨਤ੍ਥਿ। ਇਮਿਨਾ ਉਪਾਯੇਨ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ। ਸੇਯ੍ਯਥਾਪਿ ਮਨੁਸ੍ਸਾਤਿਆਦੀਸੁ ਪਨ ਮਨੁਸ੍ਸਾਨਂ ਤਾવ ਕਾਲੇਨ ਸੁਖਾ વੇਦਨਾ ਉਪ੍ਪਜ੍ਜਤਿ, ਕਾਲੇਨ ਦੁਕ੍ਖਾ વੇਦਨਾ। ਏਕਚ੍ਚੇ ਚ ਦੇવਾਤਿ ਏਤ੍ਥ ਪਨ ਕਾਮਾવਚਰਦੇવਾ ਦਟ੍ਠਬ੍ਬਾ। ਤੇਸਞ੍ਹਿ ਮਹੇਸਕ੍ਖਤਰਾ ਦੇવਤਾ ਦਿਸ੍વਾ ਨਿਸਿਨ੍ਨਾਸਨਤੋ વੁਟ੍ਠਾਨਂ, ਪਾਰੁਤਉਤ੍ਤਰਾਸਙ੍ਗਸ੍ਸ ਓਤਾਰਣਂ, ਅਞ੍ਜਲਿਪਗ੍ਗਣ੍ਹਨਨ੍ਤਿਆਦੀਨਂ વਸੇਨ ਕਾਲੇਨ ਦੁਕ੍ਖਂ ਉਪ੍ਪਜ੍ਜਤਿ, ਦਿਬ੍ਬਸਮ੍ਪਤ੍ਤਿਂ ਅਨੁਭવਨ੍ਤਾਨਂ ਕਾਲੇਨ ਸੁਖਂ। ਏਕਚ੍ਚੇ ਚ વਿਨਿਪਾਤਿਕਾਤਿ ਏਤ੍ਥ વੇਮਾਨਿਕਪੇਤਾ ਦਟ੍ਠਬ੍ਬਾ। ਤੇ ਨਿਰਨ੍ਤਰਮੇવ ਏਕਸ੍ਮਿਂ ਕਾਲੇ ਸੁਖਂ, ਏਕਸ੍ਮਿਂ ਕਾਲੇ ਦੁਕ੍ਖਂ વੇਦਿਯਨ੍ਤਿ। ਨਾਗਸੁਪਣ੍ਣਹਤ੍ਥਿਅਸ੍ਸਾਦਯੋ ਪਨ ਮਨੁਸ੍ਸਾ વਿਯ વੋਕਿਣ੍ਣਸੁਖਦੁਕ੍ਖਾવ ਹੋਨ੍ਤਿ। ਪਹਾਨਾਯ ਯਾ ਚੇਤਨਾਤਿ ਏਤ੍ਥ વਿવਟ੍ਟਗਾਮਿਨੀ ਮਗ੍ਗਚੇਤਨਾ વੇਦਿਤਬ੍ਬਾ। ਸਾ ਹਿ ਕਮ੍ਮਕ੍ਖਯਾਯ ਸਂવਤ੍ਤਤੀਤਿ।
233. Dutiye sabyābajjhanti sadosaṃ. Kāyasaṅkhāranti kāyadvāracetanaṃ. Abhisaṅkharotīti āyūhati sampiṇḍeti. Sesadvayepi eseva nayo. Sabyābajjhaṃ lokanti sadukkhaṃ lokaṃ. Sabyābajjhā phassāti sadukkhā vipākaphassā. Sabyābajjhaṃ vedanaṃ vediyatīti sābādhaṃ vipākavedanaṃ vediyati. Ekantadukkhanti ekanteneva dukkhaṃ, na sukhasammissaṃ. Seyyathāpi sattā nerayikāti ettha seyyathāpīti nidassanatthe nipāto. Tena kevalaṃ nerayikasatte dasseti, aññe pana taṃsarikkhakā nāma natthi. Iminā upāyena sabbattha attho veditabbo. Seyyathāpi manussātiādīsu pana manussānaṃ tāva kālena sukhā vedanā uppajjati, kālena dukkhā vedanā. Ekacceca devāti ettha pana kāmāvacaradevā daṭṭhabbā. Tesañhi mahesakkhatarā devatā disvā nisinnāsanato vuṭṭhānaṃ, pārutauttarāsaṅgassa otāraṇaṃ, añjalipaggaṇhanantiādīnaṃ vasena kālena dukkhaṃ uppajjati, dibbasampattiṃ anubhavantānaṃ kālena sukhaṃ. Ekacce ca vinipātikāti ettha vemānikapetā daṭṭhabbā. Te nirantarameva ekasmiṃ kāle sukhaṃ, ekasmiṃ kāle dukkhaṃ vediyanti. Nāgasupaṇṇahatthiassādayo pana manussā viya vokiṇṇasukhadukkhāva honti. Pahānāya yā cetanāti ettha vivaṭṭagāminī maggacetanā veditabbā. Sā hi kammakkhayāya saṃvattatīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. વਿਤ੍ਥਾਰਸੁਤ੍ਤਂ • 2. Vitthārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. વਿਤ੍ਥਾਰਸੁਤ੍ਤવਣ੍ਣਨਾ • 2. Vitthārasuttavaṇṇanā
