| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. વਿਤ੍ਥਾਰਸੁਤ੍ਤવਣ੍ਣਨਾ
2. Vitthārasuttavaṇṇanā
੨੩੩. ਦੁਤਿਯੇ ਸਬ੍ਯਾਬਜ੍ਝਨ੍ਤਿ વਾ ਸਦੁਕ੍ਖਂ, ਅਤ੍ਤਨਾ ਉਪ੍ਪਾਦੇਤਬ੍ਬੇਨ ਦੁਕ੍ਖੇਨ ਸਦੁਕ੍ਖਨ੍ਤਿ ਅਤ੍ਥੋ, ਦੁਕ੍ਖਸਂવਤ੍ਤਨਿਕਨ੍ਤਿ વੁਤ੍ਤਂ ਹੋਤਿ। ਕਾਯਸਙ੍ਖਾਰਾਦੀਸੁ ਕਾਯਦ੍વਾਰੇ ਗਹਣਾਦਿવਸੇਨ ਚੋਪਨਪ੍ਪਤ੍ਤਾ ਦ੍વਾਦਸ ਅਕੁਸਲਚੇਤਨਾ ਅਬ੍ਯਾਬਜ੍ਝਕਾਯਸਙ੍ਖਾਰੋ ਨਾਮ। વਚੀਦ੍વਾਰੇ ਹਨੁਸਂਚੋਪਨવਸੇਨ વਚੀਭੇਦਪ੍ਪવਤ੍ਤਿਕਾ ਤਾਯੇવ ਦ੍વਾਦਸ વਚੀਸਙ੍ਖਾਰੋ ਨਾਮ। ਉਭਯਚੋਪਨਂ ਅਪ੍ਪਤ੍વਾ ਰਹੋ ਚਿਨ੍ਤੇਨ੍ਤਸ੍ਸ ਮਨੋਦ੍વਾਰੇ ਪવਤ੍ਤਾ ਮਨੋਸਙ੍ਖਾਰੋ ਨਾਮ। ਇਤਿ ਤੀਸੁਪਿ ਦ੍વਾਰੇਸੁ ਕਾਯਦੁਚ੍ਚਰਿਤਾਦਿਭੇਦਾ ਅਕੁਸਲਾ ਚੇਤਨਾવ ਸਙ੍ਖਾਰਾਤਿ વੇਦਿਤਬ੍ਬਾ। ਅਭਿਸਙ੍ਖਰੋਤੀਤਿ ਆਯੂਹਤਿ, ਤਂ ਪਨ ਆਯੂਹਨਂ ਪਚ੍ਚਯਸਮવਾਯਸਿਦ੍ਧਿਤੋ ਸਙ੍ਕਡ੍ਢਿਤ੍વਾ ਪਿਣ੍ਡਨਂ વਿਯ ਹੋਤਿ। ਸਦੁਕ੍ਖਂ ਲੋਕਨ੍ਤਿ ਅਪਾਯਲੋਕਮਾਹ। વਿਪਾਕਫਸ੍ਸਾਤਿ ਫਸ੍ਸਸੀਸੇਨ ਤਤ੍ਥ વਿਪਾਕਪ੍ਪવਤ੍ਤਮਾਹ। વੇਮਾਨਿਕਪੇਤਾਤਿ ਇਦਂ ਬਾਹੁਲ੍ਲਤੋ વੁਤ੍ਤਂ, ਇਤਰੇਸਮ੍ਪਿ વਿਨਿਪਾਤਿਕਾਨਂ ਕਾਲੇਨ ਸੁਖਂ, ਕਾਲੇਨ ਦੁਕ੍ਖਂ ਹੋਤਿ। ਤਸ੍ਸ ਪਹਾਨਾਯਾਤਿ ਤਸ੍ਸ ਯਥਾવੁਤ੍ਤਸ੍ਸ ਕਮ੍ਮਸ੍ਸ ਅਨੁਪ੍ਪਤ੍ਤਿਧਮ੍ਮਤਾਪਾਦਨਾਯ। ਯਾ ਚੇਤਨਾਤਿ ਯਾ ਅਪਚਯਗਾਮਿਨਿਚੇਤਨਾ। ਤੇਨੇવਾਹ ‘‘વਿવਟ੍ਟਗਾਮਿਨੀ ਮਗ੍ਗਚੇਤਨਾ વੇਦਿਤਬ੍ਬਾ’’ਤਿ।
233. Dutiye sabyābajjhanti vā sadukkhaṃ, attanā uppādetabbena dukkhena sadukkhanti attho, dukkhasaṃvattanikanti vuttaṃ hoti. Kāyasaṅkhārādīsu kāyadvāre gahaṇādivasena copanappattā dvādasa akusalacetanā abyābajjhakāyasaṅkhāro nāma. Vacīdvāre hanusaṃcopanavasena vacībhedappavattikā tāyeva dvādasa vacīsaṅkhāro nāma. Ubhayacopanaṃ appatvā raho cintentassa manodvāre pavattā manosaṅkhāro nāma. Iti tīsupi dvāresu kāyaduccaritādibhedā akusalā cetanāva saṅkhārāti veditabbā. Abhisaṅkharotīti āyūhati, taṃ pana āyūhanaṃ paccayasamavāyasiddhito saṅkaḍḍhitvā piṇḍanaṃ viya hoti. Sadukkhaṃ lokanti apāyalokamāha. Vipākaphassāti phassasīsena tattha vipākappavattamāha. Vemānikapetāti idaṃ bāhullato vuttaṃ, itaresampi vinipātikānaṃ kālena sukhaṃ, kālena dukkhaṃ hoti. Tassa pahānāyāti tassa yathāvuttassa kammassa anuppattidhammatāpādanāya. Yā cetanāti yā apacayagāminicetanā. Tenevāha ‘‘vivaṭṭagāminī maggacetanā veditabbā’’ti.
વਿਤ੍ਥਾਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vitthārasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. વਿਤ੍ਥਾਰਸੁਤ੍ਤਂ • 2. Vitthārasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. વਿਤ੍ਥਾਰਸੁਤ੍ਤવਣ੍ਣਨਾ • 2. Vitthārasuttavaṇṇanā
