| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. вид̇т̇ад̇аб̣аласуд̇д̇ам̣
4. Vitthatabalasuttaṃ
4. ‘‘сад̇д̇имаани, бхигкавз, б̣алаани. гад̇амаани сад̇д̇а? сад̣̇д̇хааб̣ала, вийрияаб̣алам̣, хирийб̣алам̣, од̇д̇аббаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣.
4. ‘‘Sattimāni, bhikkhave, balāni. Katamāni satta? Saddhābala, vīriyabalaṃ, hirībalaṃ, ottappabalaṃ, satibalaṃ, samādhibalaṃ, paññābalaṃ.
‘‘гад̇аман̃жа, бхигкавз, сад̣̇д̇хааб̣алам̣? ид̇ха, бхигкавз, арияасааваго сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. ид̣̇ам̣ вужжад̇и, бхигкавз, сад̣̇д̇хааб̣алам̣.
‘‘Katamañca, bhikkhave, saddhābalaṃ? Idha, bhikkhave, ariyasāvako saddho hoti, saddahati tathāgatassa bodhiṃ – ‘itipi so bhagavā arahaṃ sammāsambuddho…pe… satthā devamanussānaṃ buddho bhagavā’ti. Idaṃ vuccati, bhikkhave, saddhābalaṃ.
‘‘гад̇аман̃жа, бхигкавз, вийрияаб̣алам̣? ид̇ха, бхигкавз, арияасааваго аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. ид̣̇ам̣ вужжад̇и, бхигкавз, вийрияаб̣алам̣.
‘‘Katamañca, bhikkhave, vīriyabalaṃ? Idha, bhikkhave, ariyasāvako āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Idaṃ vuccati, bhikkhave, vīriyabalaṃ.
‘‘гад̇аман̃жа, бхигкавз, хирийб̣алам̣? ид̇ха, бхигкавз, арияасааваго хиримаа ход̇и, хирийяад̇и гааяад̣̇ужжарид̇зна важийд̣̇ужжарид̇зна манод̣̇ужжарид̇зна, хирийяад̇и баабагаанам̣ агусалаанам̣ д̇хаммаанам̣ самаабад̇д̇ияаа. ид̣̇ам̣ вужжад̇и, бхигкавз, хирийб̣алам̣.
‘‘Katamañca, bhikkhave, hirībalaṃ? Idha, bhikkhave, ariyasāvako hirimā hoti, hirīyati kāyaduccaritena vacīduccaritena manoduccaritena, hirīyati pāpakānaṃ akusalānaṃ dhammānaṃ samāpattiyā. Idaṃ vuccati, bhikkhave, hirībalaṃ.
‘‘гад̇аман̃жа, бхигкавз, од̇д̇аббаб̣алам̣? ид̇ха, бхигкавз, арияасааваго од̇д̇аббий ход̇и, од̇д̇аббад̇и гааяад̣̇ужжарид̇зна важийд̣̇ужжарид̇зна манод̣̇ужжарид̇зна, од̇д̇аббад̇и баабагаанам̣ агусалаанам̣ д̇хаммаанам̣ самаабад̇д̇ияаа. ид̣̇ам̣ вужжад̇и, бхигкавз, од̇д̇аббаб̣алам̣.
‘‘Katamañca, bhikkhave, ottappabalaṃ? Idha, bhikkhave, ariyasāvako ottappī hoti, ottappati kāyaduccaritena vacīduccaritena manoduccaritena, ottappati pāpakānaṃ akusalānaṃ dhammānaṃ samāpattiyā. Idaṃ vuccati, bhikkhave, ottappabalaṃ.
‘‘гад̇аман̃жа, бхигкавз, сад̇иб̣алам̣? ид̇ха, бхигкавз, арияасааваго сад̇имаа ход̇и барамзна сад̇инзбаггзна саманнааг̇ад̇о жирагад̇амби жирабхаасид̇амби сарид̇аа ануссарид̇аа. ид̣̇ам̣, вужжад̇и, бхигкавз, сад̇иб̣алам̣.
‘‘Katamañca, bhikkhave, satibalaṃ? Idha, bhikkhave, ariyasāvako satimā hoti paramena satinepakkena samannāgato cirakatampi cirabhāsitampi saritā anussaritā. Idaṃ, vuccati, bhikkhave, satibalaṃ.
‘‘гад̇аман̃жа, бхигкавз, самаад̇хиб̣алам̣? ид̇ха, бхигкавз, арияасааваго вивижжзва гаамзхи…бз… жад̇уд̇т̇ам̣ жхаанам̣ убасамбаж̇ж̇а вихарад̇и. ид̣̇ам̣ вужжад̇и, бхигкавз, самаад̇хиб̣алам̣.
‘‘Katamañca, bhikkhave, samādhibalaṃ? Idha, bhikkhave, ariyasāvako vivicceva kāmehi…pe… catutthaṃ jhānaṃ upasampajja viharati. Idaṃ vuccati, bhikkhave, samādhibalaṃ.
‘‘гад̇аман̃жа , бхигкавз, бан̃н̃ааб̣алам̣? ид̇ха, бхигкавз, арияасааваго бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. ид̣̇ам̣ вужжад̇и, бхигкавз, бан̃н̃ааб̣алам̣. имаани ко, бхигкавз, сад̇д̇а б̣алаанийд̇и.
‘‘Katamañca , bhikkhave, paññābalaṃ? Idha, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Idaṃ vuccati, bhikkhave, paññābalaṃ. Imāni kho, bhikkhave, satta balānīti.
‘‘сад̣̇д̇хааб̣алам̣ вийрияан̃жа, хирий од̇д̇аббияам̣ б̣алам̣;
‘‘Saddhābalaṃ vīriyañca, hirī ottappiyaṃ balaṃ;
сад̇иб̣алам̣ самаад̇хи жа, бан̃н̃аа вз сад̇д̇амам̣ б̣алам̣;
Satibalaṃ samādhi ca, paññā ve sattamaṃ balaṃ;
зд̇зхи б̣алаваа бхигку, сукам̣ ж̇ийвад̇и бан̣д̣ид̇о.
Etehi balavā bhikkhu, sukhaṃ jīvati paṇḍito.
‘‘яонисо вижинз д̇хаммам̣, бан̃н̃ааяад̇т̇ам̣ вибассад̇и;
‘‘Yoniso vicine dhammaṃ, paññāyatthaṃ vipassati;
баж̇ж̇од̇ассзва ниб̣б̣аанам̣, вимогко ход̇и жзд̇асо’’д̇и. жад̇уд̇т̇ам̣;
Pajjotasseva nibbānaṃ, vimokkho hoti cetaso’’ti. catutthaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-5. батамабияасуд̇д̇аад̣̇иван̣н̣анаа • 1-5. Paṭhamapiyasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. д̇ханаваг̇г̇аван̣н̣анаа • 1. Dhanavaggavaṇṇanā
