| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. вид̇т̇ад̇ад̇ханасуд̇д̇ам̣
6. Vitthatadhanasuttaṃ
6. ‘‘сад̇д̇имаани, бхигкавз, д̇ханаани. гад̇амаани сад̇д̇а? сад̣̇д̇хаад̇ханам̣, сийлад̇ханам̣, хирийд̇ханам̣, од̇д̇аббад̇ханам̣, суд̇ад̇ханам̣, жааг̇ад̇ханам̣, бан̃н̃аад̇ханам̣.
6. ‘‘Sattimāni, bhikkhave, dhanāni. Katamāni satta? Saddhādhanaṃ, sīladhanaṃ, hirīdhanaṃ, ottappadhanaṃ, sutadhanaṃ, cāgadhanaṃ, paññādhanaṃ.
‘‘гад̇аман̃жа, бхигкавз, сад̣̇д̇хаад̇ханам̣? ид̇ха, бхигкавз, арияасааваго сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо…бз… б̣уд̣̇д̇хо бхаг̇аваа’д̇и. ид̣̇ам̣ вужжад̇и, бхигкавз, сад̣̇д̇хаад̇ханам̣.
‘‘Katamañca, bhikkhave, saddhādhanaṃ? Idha, bhikkhave, ariyasāvako saddho hoti, saddahati tathāgatassa bodhiṃ – ‘itipi so bhagavā arahaṃ sammāsambuddho…pe… buddho bhagavā’ti. Idaṃ vuccati, bhikkhave, saddhādhanaṃ.
‘‘гад̇аман̃жа , бхигкавз, сийлад̇ханам̣? ид̇ха, бхигкавз, арияасааваго баан̣аад̇ибаад̇аа бадивирад̇о ход̇и…бз… сураамзраяамаж̇ж̇абамаад̣̇адтаанаа бадивирад̇о ход̇и. ид̣̇ам̣ вужжад̇и, бхигкавз, сийлад̇ханам̣.
‘‘Katamañca , bhikkhave, sīladhanaṃ? Idha, bhikkhave, ariyasāvako pāṇātipātā paṭivirato hoti…pe… surāmerayamajjapamādaṭṭhānā paṭivirato hoti. Idaṃ vuccati, bhikkhave, sīladhanaṃ.
‘‘гад̇аман̃жа, бхигкавз, хирийд̇ханам̣? ид̇ха, бхигкавз, арияасааваго хириймаа ход̇и, хирийяад̇и гааяад̣̇ужжарид̇зна важийд̣̇ужжарид̇зна манод̣̇ужжарид̇зна, хирийяад̇и баабагаанам̣ агусалаанам̣ д̇хаммаанам̣ самаабад̇д̇ияаа. ид̣̇ам̣ вужжад̇и, бхигкавз, хирийд̇ханам̣.
‘‘Katamañca, bhikkhave, hirīdhanaṃ? Idha, bhikkhave, ariyasāvako hirīmā hoti, hirīyati kāyaduccaritena vacīduccaritena manoduccaritena, hirīyati pāpakānaṃ akusalānaṃ dhammānaṃ samāpattiyā. Idaṃ vuccati, bhikkhave, hirīdhanaṃ.
‘‘гад̇аман̃жа, бхигкавз, од̇д̇аббад̇ханам̣? ид̇ха, бхигкавз, арияасааваго од̇д̇аббий ход̇и, од̇д̇аббад̇и гааяад̣̇ужжарид̇зна важийд̣̇ужжарид̇зна манод̣̇ужжарид̇зна, од̇д̇аббад̇и баабагаанам̣ агусалаанам̣ д̇хаммаанам̣ самаабад̇д̇ияаа. ид̣̇ам̣ вужжад̇и, бхигкавз, од̇д̇аббад̇ханам̣.
‘‘Katamañca, bhikkhave, ottappadhanaṃ? Idha, bhikkhave, ariyasāvako ottappī hoti, ottappati kāyaduccaritena vacīduccaritena manoduccaritena, ottappati pāpakānaṃ akusalānaṃ dhammānaṃ samāpattiyā. Idaṃ vuccati, bhikkhave, ottappadhanaṃ.
‘‘гад̇аман̃жа , бхигкавз, суд̇ад̇ханам̣? ид̇ха , бхигкавз, арияасааваго б̣ахуссуд̇о ход̇и суд̇ад̇харо суд̇асаннижаяо. яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и. д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа. ид̣̇ам̣ вужжад̇и, бхигкавз, суд̇ад̇ханам̣.
‘‘Katamañca , bhikkhave, sutadhanaṃ? Idha , bhikkhave, ariyasāvako bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ abhivadanti. Tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā. Idaṃ vuccati, bhikkhave, sutadhanaṃ.
‘‘гад̇аман̃жа, бхигкавз, жааг̇ад̇ханам̣? ид̇ха, бхигкавз, арияасааваго виг̇ад̇амаламажчзрзна жзд̇асаа аг̇аарам̣ аж̇жхаавасад̇и муд̇д̇ажааг̇о баяад̇абаан̣и воссаг̇г̇арад̇о яаажаяог̇о д̣̇аанасам̣вибхааг̇арад̇о. ид̣̇ам̣ вужжад̇и, бхигкавз, жааг̇ад̇ханам̣.
‘‘Katamañca, bhikkhave, cāgadhanaṃ? Idha, bhikkhave, ariyasāvako vigatamalamaccherena cetasā agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato. Idaṃ vuccati, bhikkhave, cāgadhanaṃ.
‘‘гад̇аман̃жа, бхигкавз, бан̃н̃аад̇ханам̣? ид̇ха, бхигкавз, арияасааваго бан̃н̃аваа ход̇и…бз… саммаа д̣̇угкагкаяаг̇ааминияаа. ид̣̇ам̣ вужжад̇и, бхигкавз, бан̃н̃аад̇ханам̣. имаани ко, бхигкавз, сад̇д̇ад̇ханаанийд̇и.
‘‘Katamañca, bhikkhave, paññādhanaṃ? Idha, bhikkhave, ariyasāvako paññavā hoti…pe… sammā dukkhakkhayagāminiyā. Idaṃ vuccati, bhikkhave, paññādhanaṃ. Imāni kho, bhikkhave, sattadhanānīti.
‘‘сад̣̇д̇хаад̇ханам̣ сийлад̇ханам̣, хирий од̇д̇аббияам̣ д̇ханам̣;
‘‘Saddhādhanaṃ sīladhanaṃ, hirī ottappiyaṃ dhanaṃ;
суд̇ад̇ханан̃жа жааг̇о жа, бан̃н̃аа вз сад̇д̇амам̣ д̇ханам̣.
Sutadhanañca cāgo ca, paññā ve sattamaṃ dhanaṃ.
‘‘яасса зд̇з д̇ханаа ад̇т̇и, ид̇т̇ияаа бурисасса ваа;
‘‘Yassa ete dhanā atthi, itthiyā purisassa vā;
ад̣̇алид̣̇д̣̇од̇и д̇ам̣ ааху, амогхам̣ д̇асса ж̇ийвид̇ам̣.
Adaliddoti taṃ āhu, amoghaṃ tassa jīvitaṃ.
‘‘д̇асмаа сад̣̇д̇хан̃жа сийлан̃жа, басаад̣̇ам̣ д̇хаммад̣̇ассанам̣;
‘‘Tasmā saddhañca sīlañca, pasādaṃ dhammadassanaṃ;
ануяун̃ж̇зт̇а мзд̇хаавий, сарам̣ б̣уд̣̇д̇хаана саасана’’нд̇и. чадтам̣;
Anuyuñjetha medhāvī, saraṃ buddhāna sāsana’’nti. chaṭṭhaṃ;
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. д̇ханаваг̇г̇аван̣н̣анаа • 1. Dhanavaggavaṇṇanā
