| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
២-៦. វិត្ថតសុត្តាទិវណ្ណនា
2-6. Vitthatasuttādivaṇṇanā
២-៦. ទុតិយេ ហិរីយតីតិ លជ្ជតិ វិរជ្ជតិ។ យស្មា ហិរី បាបជិគុច្ឆនលក្ខណា, តស្មា ‘‘ជិគុច្ឆតីតិ អត្ថោ’’តិ វុត្តំ។ ឱត្តប្បតីតិ ឧត្រសតិ។ បាបុត្រាសលក្ខណញ្ហិ ឱត្តប្បំ។
2-6. Dutiye hirīyatīti lajjati virajjati. Yasmā hirī pāpajigucchanalakkhaṇā, tasmā ‘‘jigucchatīti attho’’ti vuttaṃ. Ottappatīti utrasati. Pāputrāsalakkhaṇañhi ottappaṃ.
បគ្គហិតវីរិយោតិ សង្កោចំ អនាបន្នវីរិយោ។ តេនាហ ‘‘អនោសក្កិតមានសោ’’តិ។ បហានត្ថាយាតិ សមុច្ឆិន្នត្ថាយ។ កុសលានំ ធម្មានំ ឧបសម្បទា នាម សមធិគមោ ឯវាតិ អាហ ‘‘បដិលាភត្ថាយា’’តិ។
Paggahitavīriyoti saṅkocaṃ anāpannavīriyo. Tenāha ‘‘anosakkitamānaso’’ti. Pahānatthāyāti samucchinnatthāya. Kusalānaṃ dhammānaṃ upasampadā nāma samadhigamo evāti āha ‘‘paṭilābhatthāyā’’ti.
គតិអត្ថា ធាតុសទ្ទា ពុទ្ធិអត្ថា ហោន្តីតិ អាហ ‘‘ឧទយញ្ច វយញ្ច បដិវិជ្ឈិតុំ សមត្ថាយា’’តិ។ មិស្សកនយេនាយំ ទេសនា គតាតិ អាហ ‘‘វិក្ខម្ភនវសេន ច សមុច្ឆេទវសេន ចា’’តិ។ តេនាហ ‘‘វិបស្សនាបញ្ញាយ ចេវ មគ្គបញ្ញាយ ចា’’តិ។ វិបស្សនាបញ្ញាយ វិក្ខម្ភនកិរិយតោ សា ច ខោ បទេសិកាតិ និប្បទេសិកំ កត្វា ទស្សេតុំ ‘‘មគ្គបញ្ញាយ បដិលាភសំវត្តនតោ’’តិ វុត្តំ។ ទុក្ខក្ខយគាមិនិភាវេបិ ឯសេវ នយោ។ សម្មាតិ យាថាវតោ។ អកុប្បធម្មតាយ ហិ មគ្គបញ្ញាយ ខេបិតំ ខេបិតមេវ, នាស្ស បុន ខេបនកិច្ចំ អត្ថីតិ ឧបាយេន ញាយេន សា បវត្តតីតិ អាហ ‘‘ហេតុនា នយេនា’’តិ។ តតិយាទីសុ នត្ថិ វត្តព្ពំ។
Gatiatthā dhātusaddā buddhiatthā hontīti āha ‘‘udayañca vayañca paṭivijjhituṃ samatthāyā’’ti. Missakanayenāyaṃ desanā gatāti āha ‘‘vikkhambhanavasena ca samucchedavasena cā’’ti. Tenāha ‘‘vipassanāpaññāya ceva maggapaññāya cā’’ti. Vipassanāpaññāya vikkhambhanakiriyato sā ca kho padesikāti nippadesikaṃ katvā dassetuṃ ‘‘maggapaññāya paṭilābhasaṃvattanato’’ti vuttaṃ. Dukkhakkhayagāminibhāvepi eseva nayo. Sammāti yāthāvato. Akuppadhammatāya hi maggapaññāya khepitaṃ khepitameva, nāssa puna khepanakiccaṃ atthīti upāyena ñāyena sā pavattatīti āha ‘‘hetunā nayenā’’ti. Tatiyādīsu natthi vattabbaṃ.
វិត្ថតសុត្តាទិវណ្ណនា និដ្ឋិតា។
Vitthatasuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
២. វិត្ថតសុត្តំ • 2. Vitthatasuttaṃ
៣. ទុក្ខសុត្តំ • 3. Dukkhasuttaṃ
៤. យថាភតសុត្តំ • 4. Yathābhatasuttaṃ
៥. សិក្ខាសុត្តំ • 5. Sikkhāsuttaṃ
៦. សមាបត្តិសុត្តំ • 6. Samāpattisuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
២. វិត្ថតសុត្តវណ្ណនា • 2. Vitthatasuttavaṇṇanā
៦. សមាបត្តិសុត្តវណ្ណនា • 6. Samāpattisuttavaṇṇanā
