| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. вид̇т̇ад̇асуд̇д̇аван̣н̣анаа
2. Vitthatasuttavaṇṇanā
2. д̣̇уд̇ияз гааяад̣̇ужжарид̇знаад̇иаад̣̇ийсу убаяог̇ад̇т̇з гаран̣аважанам̣, хирийяид̇аб̣б̣аани гааяад̣̇ужжарид̇аад̣̇ийни хирийяад̇и ж̇иг̇ужчад̇ийд̇и ад̇т̇о. од̇д̇аббанид̣̇д̣̇зсз хзд̇вад̇т̇з гаран̣аважанам̣, гааяад̣̇ужжарид̇аад̣̇ийхи од̇д̇аббасса хзд̇убхууд̇зхи од̇д̇аббад̇и бхааяад̇ийд̇и ад̇т̇о.
2. Dutiye kāyaduccaritenātiādīsu upayogatthe karaṇavacanaṃ, hirīyitabbāni kāyaduccaritādīni hirīyati jigucchatīti attho. Ottappaniddese hetvatthe karaṇavacanaṃ, kāyaduccaritādīhi ottappassa hetubhūtehi ottappati bhāyatīti attho.
аарад̣̇д̇хавийрияод̇и баг̇г̇ахид̇авийрияо аносаггид̇амаанасо. бахаанааяаад̇и бахаанад̇т̇ааяа. убасамбад̣̇ааяаад̇и бадилаабхад̇т̇ааяа. т̇аамаваад̇и вийрияат̇аамзна саманнааг̇ад̇о. д̣̇ал̣хабараггамод̇и т̇ирабараггамо. анигкид̇д̇ад̇хуро гусалзсу д̇хаммзсууд̇и гусалзсу д̇хаммзсу аноробид̇ад̇хуро аносаггид̇авийрияо.
Āraddhavīriyoti paggahitavīriyo anosakkitamānaso. Pahānāyāti pahānatthāya. Upasampadāyāti paṭilābhatthāya. Thāmavāti vīriyathāmena samannāgato. Daḷhaparakkamoti thiraparakkamo. Anikkhittadhuro kusalesu dhammesūti kusalesu dhammesu anoropitadhuro anosakkitavīriyo.
уд̣̇аяад̇т̇аг̇ааминияаад̇и бан̃жаннам̣ канд̇хаанам̣ уд̣̇аяаваяаг̇ааминияаа уд̣̇аяан̃жа ваяан̃жа бадивиж̇жхид̇ум̣ самад̇т̇ааяа. бан̃н̃ааяа саманнааг̇ад̇од̇и вибассанаабан̃н̃ааяа жзва маг̇г̇абан̃н̃ааяа жа саман̇г̇ибхууд̇о. арияааяаад̇и вигкамбханавасзна жа самужчзд̣̇авасзна жа гилзсзхи аарагаа тид̇ааяа барисуд̣̇д̇хааяа. ниб̣б̣зд̇хигааяаад̇и саа жа абхинивиж̇жханад̇о ниб̣б̣зд̇хигаад̇и вужжад̇и, д̇ааяа саманнааг̇ад̇од̇и ад̇т̇о. д̇ад̇т̇а маг̇г̇абан̃н̃аа самужчзд̣̇авасзна аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ лобхагканд̇хам̣ д̣̇осагканд̇хам̣ мохагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигаа, вибассанаабан̃н̃аа д̇ад̣̇ан̇г̇авасзна ниб̣б̣зд̇хигаа, маг̇г̇абан̃н̃ааяа бадилаабхасам̣вад̇д̇анад̇о д̇аб̣б̣ибассанаа ниб̣б̣зд̇хигаад̇и вад̇д̇ум̣ ваддад̇и. саммаа д̣̇угкагкаяаг̇ааминияаад̇и ид̇хааби маг̇г̇абан̃н̃аа саммаа хзд̇унаа наязна ваддад̣̇угкан̃жа гилзсад̣̇угкан̃жа кзбаяамаанаа г̇ажчад̇ийд̇и саммаа д̣̇угкагкаяаг̇ааминий наама, вибассанаабан̃н̃аа д̇ад̣̇ан̇г̇авасзна ваддад̣̇угкан̃жа гилзсад̣̇угкан̃жа кзбаяамаанаа г̇ажчад̇ийд̇и д̣̇угкагкаяаг̇ааминий. д̣̇угкагкаяаг̇ааминияаа ваа маг̇г̇абан̃н̃ааяа бадилаабхааяа сам̣вад̇д̇анад̇обзсаа д̣̇угкагкаяаг̇ааминийд̇и взд̣̇ид̇аб̣б̣аа. ид̇и имасмим̣ суд̇д̇з бан̃жа б̣алаани миссагаанзва гат̇ид̇аани, д̇ат̇аа бан̃жамз.
Udayatthagāminiyāti pañcannaṃ khandhānaṃ udayavayagāminiyā udayañca vayañca paṭivijjhituṃ samatthāya. Paññāyasamannāgatoti vipassanāpaññāya ceva maggapaññāya ca samaṅgibhūto. Ariyāyāti vikkhambhanavasena ca samucchedavasena ca kilesehi ārakā ṭhitāya parisuddhāya. Nibbedhikāyāti sā ca abhinivijjhanato nibbedhikāti vuccati, tāya samannāgatoti attho. Tattha maggapaññā samucchedavasena anibbiddhapubbaṃ appadālitapubbaṃ lobhakkhandhaṃ dosakkhandhaṃ mohakkhandhaṃ nibbijjhati padāletīti nibbedhikā, vipassanāpaññā tadaṅgavasena nibbedhikā, maggapaññāya paṭilābhasaṃvattanato tabbipassanā nibbedhikāti vattuṃ vaṭṭati. Sammā dukkhakkhayagāminiyāti idhāpi maggapaññā sammā hetunā nayena vaṭṭadukkhañca kilesadukkhañca khepayamānā gacchatīti sammā dukkhakkhayagāminī nāma, vipassanāpaññā tadaṅgavasena vaṭṭadukkhañca kilesadukkhañca khepayamānā gacchatīti dukkhakkhayagāminī. Dukkhakkhayagāminiyā vā maggapaññāya paṭilābhāya saṃvattanatopesā dukkhakkhayagāminīti veditabbā. Iti imasmiṃ sutte pañca balāni missakāneva kathitāni, tathā pañcame.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. вид̇т̇ад̇асуд̇д̇ам̣ • 2. Vitthatasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. махаасубинасуд̇д̇аван̣н̣анаа • 6. Mahāsupinasuttavaṇṇanā
