| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4. вид̇т̇ад̇асуд̇д̇аван̣н̣анаа
4. Vitthatasuttavaṇṇanā
14. жад̇уд̇т̇з сад̇инзбаггзнаад̇и сад̇ияаа нзбаггзна, д̇игкависад̣̇асуурабхаавзнаад̇и ад̇т̇о. адтагат̇ааяам̣ бана нзбаггам̣ наама бан̃н̃аад̇и ад̇хиббааязна ‘‘нзбаггам̣ вужжад̇и бан̃н̃аа’’д̇и вуд̇д̇ам̣. звам̣ сад̇и ан̃н̃о нид̣̇д̣̇идто наама ход̇и. сад̇имаад̇и жа иминаа сависзсаа сад̇и г̇ахид̇аад̇и барад̇оби ‘‘жирагад̇амби жирабхаасид̇амби сарид̇аа ануссарид̇аа’’д̇и сад̇игижжамзва нид̣̇д̣̇идтам̣, на бан̃н̃аагижжам̣, д̇асмаа сад̇инзбаггзнаад̇и сад̇ияаа нзбаггабхаавзнаад̇и саггаа вин̃н̃аад̇ум̣ лаб̣бхад̇зва. бажжаяависзсавасзна ан̃н̃ад̇хамманирабзгко сад̇ияаа б̣алавабхааво. д̇ат̇аа хи н̃аан̣авиббаяуд̇д̇ажид̇д̇знаби саж̇жхааяанасаммасанаани самбхаванд̇и.
14. Catutthe satinepakkenāti satiyā nepakkena, tikkhavisadasūrabhāvenāti attho. Aṭṭhakathāyaṃ pana nepakkaṃ nāma paññāti adhippāyena ‘‘nepakkaṃ vuccati paññā’’ti vuttaṃ. Evaṃ sati añño niddiṭṭho nāma hoti. Satimāti ca iminā savisesā sati gahitāti paratopi ‘‘cirakatampi cirabhāsitampi saritā anussaritā’’ti satikiccameva niddiṭṭhaṃ, na paññākiccaṃ, tasmā satinepakkenāti satiyā nepakkabhāvenāti sakkā viññātuṃ labbhateva. Paccayavisesavasena aññadhammanirapekkho satiyā balavabhāvo. Tathā hi ñāṇavippayuttacittenapi sajjhāyanasammasanāni sambhavanti.
жирагад̇амбийд̇и ад̇д̇анаа ваа барзна ваа гааязна жирагад̇ам̣ жзд̇ияан̇г̇ан̣авад̇д̇аад̣̇имахаавад̇д̇аббадибад̇д̇ибууран̣ам̣. жирабхаасид̇амбийд̇и ад̇д̇анаа ваа барзна ваа ваажааяа жирабхаасид̇ам̣ саггажжам̣ уд̣̇д̣̇исанауд̣̇д̣̇исаабанад̇хаммаасааран̣ад̇хаммад̣̇зсанааубанисиннагабаригат̇ааанумод̣̇анийяаад̣̇ивасзна бавад̇д̇ид̇ам̣ важийгаммам̣. сарид̇аа ануссарид̇аад̇и д̇асмим̣ гааязна жирагад̇з гааяо наама гааяавин̃н̃ад̇д̇и, жирабхаасид̇з ваажаа наама важийвин̃н̃ад̇д̇и, д̇ад̣̇убхаяамби руубам̣, д̇ам̣самудтаабагаа жид̇д̇ажзд̇асигаа аруубам̣. ид̇и имз руубааруубад̇хаммаа звам̣ уббаж̇ж̇ид̇ваа звам̣ нируд̣̇д̇хаад̇и сарад̇и жзва ануссарад̇и жа, сад̇исамб̣ож̇жхан̇г̇ам̣ самудтаабзд̇ийд̇и ад̇т̇о. б̣ож̇жхан̇г̇асамудтаабигаа хи сад̇и ид̇ха ад̇хиббзд̇аа. д̇ааяа сад̇ияаа зса сагим̣ саран̣зна сарид̇аа, бунаббунам̣ саран̣зна ануссарид̇аад̇и взд̣̇ид̇аб̣б̣аа.
Cirakatampīti attanā vā parena vā kāyena cirakataṃ cetiyaṅgaṇavattādimahāvattappaṭipattipūraṇaṃ. Cirabhāsitampīti attanā vā parena vā vācāya cirabhāsitaṃ sakkaccaṃ uddisanauddisāpanadhammāsāraṇadhammadesanāupanisinnakaparikathāanumodanīyādivasena pavattitaṃ vacīkammaṃ. Saritā anussaritāti tasmiṃ kāyena cirakate kāyo nāma kāyaviññatti, cirabhāsite vācā nāma vacīviññatti, tadubhayampi rūpaṃ, taṃsamuṭṭhāpakā cittacetasikā arūpaṃ. Iti ime rūpārūpadhammā evaṃ uppajjitvā evaṃ niruddhāti sarati ceva anussarati ca, satisambojjhaṅgaṃ samuṭṭhāpetīti attho. Bojjhaṅgasamuṭṭhāpikā hi sati idha adhippetā. Tāya satiyā esa sakiṃ saraṇena saritā, punappunaṃ saraṇena anussaritāti veditabbā.
вид̇т̇ад̇асуд̇д̇аван̣н̣анаа нидтид̇аа.
Vitthatasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. вид̇т̇ад̇асуд̇д̇ам̣ • 4. Vitthatasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. вид̇т̇ад̇асуд̇д̇аван̣н̣анаа • 4. Vitthatasuttavaṇṇanā
