| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. વਿਤ੍ਥਤਸੁਤ੍ਤવਣ੍ਣਨਾ
2. Vitthatasuttavaṇṇanā
੨. ਦੁਤਿਯੇ ਕਾਯਦੁਚ੍ਚਰਿਤੇਨਾਤਿਆਦੀਸੁ ਉਪਯੋਗਤ੍ਥੇ ਕਰਣવਚਨਂ, ਹਿਰੀਯਿਤਬ੍ਬਾਨਿ ਕਾਯਦੁਚ੍ਚਰਿਤਾਦੀਨਿ ਹਿਰੀਯਤਿ ਜਿਗੁਚ੍ਛਤੀਤਿ ਅਤ੍ਥੋ। ਓਤ੍ਤਪ੍ਪਨਿਦ੍ਦੇਸੇ ਹੇਤ੍વਤ੍ਥੇ ਕਰਣવਚਨਂ, ਕਾਯਦੁਚ੍ਚਰਿਤਾਦੀਹਿ ਓਤ੍ਤਪ੍ਪਸ੍ਸ ਹੇਤੁਭੂਤੇਹਿ ਓਤ੍ਤਪ੍ਪਤਿ ਭਾਯਤੀਤਿ ਅਤ੍ਥੋ।
2. Dutiye kāyaduccaritenātiādīsu upayogatthe karaṇavacanaṃ, hirīyitabbāni kāyaduccaritādīni hirīyati jigucchatīti attho. Ottappaniddese hetvatthe karaṇavacanaṃ, kāyaduccaritādīhi ottappassa hetubhūtehi ottappati bhāyatīti attho.
ਆਰਦ੍ਧવੀਰਿਯੋਤਿ ਪਗ੍ਗਹਿਤવੀਰਿਯੋ ਅਨੋਸਕ੍ਕਿਤਮਾਨਸੋ। ਪਹਾਨਾਯਾਤਿ ਪਹਾਨਤ੍ਥਾਯ। ਉਪਸਮ੍ਪਦਾਯਾਤਿ ਪਟਿਲਾਭਤ੍ਥਾਯ। ਥਾਮવਾਤਿ વੀਰਿਯਥਾਮੇਨ ਸਮਨ੍ਨਾਗਤੋ। ਦਲ਼੍ਹਪਰਕ੍ਕਮੋਤਿ ਥਿਰਪਰਕ੍ਕਮੋ। ਅਨਿਕ੍ਖਿਤ੍ਤਧੁਰੋ ਕੁਸਲੇਸੁ ਧਮ੍ਮੇਸੂਤਿ ਕੁਸਲੇਸੁ ਧਮ੍ਮੇਸੁ ਅਨੋਰੋਪਿਤਧੁਰੋ ਅਨੋਸਕ੍ਕਿਤવੀਰਿਯੋ।
Āraddhavīriyoti paggahitavīriyo anosakkitamānaso. Pahānāyāti pahānatthāya. Upasampadāyāti paṭilābhatthāya. Thāmavāti vīriyathāmena samannāgato. Daḷhaparakkamoti thiraparakkamo. Anikkhittadhuro kusalesu dhammesūti kusalesu dhammesu anoropitadhuro anosakkitavīriyo.
ਉਦਯਤ੍ਥਗਾਮਿਨਿਯਾਤਿ ਪਞ੍ਚਨ੍ਨਂ ਖਨ੍ਧਾਨਂ ਉਦਯવਯਗਾਮਿਨਿਯਾ ਉਦਯਞ੍ਚ વਯਞ੍ਚ ਪਟਿવਿਜ੍ਝਿਤੁਂ ਸਮਤ੍ਥਾਯ। ਪਞ੍ਞਾਯ ਸਮਨ੍ਨਾਗਤੋਤਿ વਿਪਸ੍ਸਨਾਪਞ੍ਞਾਯ ਚੇવ ਮਗ੍ਗਪਞ੍ਞਾਯ ਚ ਸਮਙ੍ਗਿਭੂਤੋ। ਅਰਿਯਾਯਾਤਿ વਿਕ੍ਖਮ੍ਭਨવਸੇਨ ਚ ਸਮੁਚ੍ਛੇਦવਸੇਨ ਚ ਕਿਲੇਸੇਹਿ ਆਰਕਾ ਠਿਤਾਯ ਪਰਿਸੁਦ੍ਧਾਯ। ਨਿਬ੍ਬੇਧਿਕਾਯਾਤਿ ਸਾ ਚ ਅਭਿਨਿવਿਜ੍ਝਨਤੋ ਨਿਬ੍ਬੇਧਿਕਾਤਿ વੁਚ੍ਚਤਿ, ਤਾਯ ਸਮਨ੍ਨਾਗਤੋਤਿ ਅਤ੍ਥੋ। ਤਤ੍ਥ ਮਗ੍ਗਪਞ੍ਞਾ ਸਮੁਚ੍ਛੇਦવਸੇਨ ਅਨਿਬ੍ਬਿਦ੍ਧਪੁਬ੍ਬਂ ਅਪ੍ਪਦਾਲਿਤਪੁਬ੍ਬਂ ਲੋਭਕ੍ਖਨ੍ਧਂ ਦੋਸਕ੍ਖਨ੍ਧਂ ਮੋਹਕ੍ਖਨ੍ਧਂ ਨਿਬ੍ਬਿਜ੍ਝਤਿ ਪਦਾਲੇਤੀਤਿ ਨਿਬ੍ਬੇਧਿਕਾ, વਿਪਸ੍ਸਨਾਪਞ੍ਞਾ ਤਦਙ੍ਗવਸੇਨ ਨਿਬ੍ਬੇਧਿਕਾ, ਮਗ੍ਗਪਞ੍ਞਾਯ ਪਟਿਲਾਭਸਂવਤ੍ਤਨਤੋ ਤਬ੍ਬਿਪਸ੍ਸਨਾ ਨਿਬ੍ਬੇਧਿਕਾਤਿ વਤ੍ਤੁਂ વਟ੍ਟਤਿ। ਸਮ੍ਮਾ ਦੁਕ੍ਖਕ੍ਖਯਗਾਮਿਨਿਯਾਤਿ ਇਧਾਪਿ ਮਗ੍ਗਪਞ੍ਞਾ ਸਮ੍ਮਾ ਹੇਤੁਨਾ ਨਯੇਨ વਟ੍ਟਦੁਕ੍ਖਞ੍ਚ ਕਿਲੇਸਦੁਕ੍ਖਞ੍ਚ ਖੇਪਯਮਾਨਾ ਗਚ੍ਛਤੀਤਿ ਸਮ੍ਮਾ ਦੁਕ੍ਖਕ੍ਖਯਗਾਮਿਨੀ ਨਾਮ, વਿਪਸ੍ਸਨਾਪਞ੍ਞਾ ਤਦਙ੍ਗવਸੇਨ વਟ੍ਟਦੁਕ੍ਖਞ੍ਚ ਕਿਲੇਸਦੁਕ੍ਖਞ੍ਚ ਖੇਪਯਮਾਨਾ ਗਚ੍ਛਤੀਤਿ ਦੁਕ੍ਖਕ੍ਖਯਗਾਮਿਨੀ। ਦੁਕ੍ਖਕ੍ਖਯਗਾਮਿਨਿਯਾ વਾ ਮਗ੍ਗਪਞ੍ਞਾਯ ਪਟਿਲਾਭਾਯ ਸਂવਤ੍ਤਨਤੋਪੇਸਾ ਦੁਕ੍ਖਕ੍ਖਯਗਾਮਿਨੀਤਿ વੇਦਿਤਬ੍ਬਾ। ਇਤਿ ਇਮਸ੍ਮਿਂ ਸੁਤ੍ਤੇ ਪਞ੍ਚ ਬਲਾਨਿ ਮਿਸ੍ਸਕਾਨੇવ ਕਥਿਤਾਨਿ, ਤਥਾ ਪਞ੍ਚਮੇ।
Udayatthagāminiyāti pañcannaṃ khandhānaṃ udayavayagāminiyā udayañca vayañca paṭivijjhituṃ samatthāya. Paññāyasamannāgatoti vipassanāpaññāya ceva maggapaññāya ca samaṅgibhūto. Ariyāyāti vikkhambhanavasena ca samucchedavasena ca kilesehi ārakā ṭhitāya parisuddhāya. Nibbedhikāyāti sā ca abhinivijjhanato nibbedhikāti vuccati, tāya samannāgatoti attho. Tattha maggapaññā samucchedavasena anibbiddhapubbaṃ appadālitapubbaṃ lobhakkhandhaṃ dosakkhandhaṃ mohakkhandhaṃ nibbijjhati padāletīti nibbedhikā, vipassanāpaññā tadaṅgavasena nibbedhikā, maggapaññāya paṭilābhasaṃvattanato tabbipassanā nibbedhikāti vattuṃ vaṭṭati. Sammā dukkhakkhayagāminiyāti idhāpi maggapaññā sammā hetunā nayena vaṭṭadukkhañca kilesadukkhañca khepayamānā gacchatīti sammā dukkhakkhayagāminī nāma, vipassanāpaññā tadaṅgavasena vaṭṭadukkhañca kilesadukkhañca khepayamānā gacchatīti dukkhakkhayagāminī. Dukkhakkhayagāminiyā vā maggapaññāya paṭilābhāya saṃvattanatopesā dukkhakkhayagāminīti veditabbā. Iti imasmiṃ sutte pañca balāni missakāneva kathitāni, tathā pañcame.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. વਿਤ੍ਥਤਸੁਤ੍ਤਂ • 2. Vitthatasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਮਹਾਸੁਪਿਨਸੁਤ੍ਤવਣ੍ਣਨਾ • 6. Mahāsupinasuttavaṇṇanā
