| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. વਿવਾਦਮੂਲਸੁਤ੍ਤવਣ੍ਣਨਾ
6. Vivādamūlasuttavaṇṇanā
੩੬. ਛਟ੍ਠੇ વਿવਾਦਮੂਲਾਨੀਤਿ વਿવਾਦਸ੍ਸ ਮੂਲਾਨਿ। ਕੋਧਨੋਤਿ ਕੁਜ੍ਝਨਲਕ੍ਖਣੇਨ ਕੋਧੇਨ ਸਮਨ੍ਨਾਗਤੋ। ਉਪਨਾਹੀਤਿ વੇਰਅਪ੍ਪਟਿਨਿਸ੍ਸਗ੍ਗਲਕ੍ਖਣੇਨ ਉਪਨਾਹੇਨ ਸਮਨ੍ਨਾਗਤੋ। ਅਹਿਤਾਯ ਦੁਕ੍ਖਾਯ ਦੇવਮਨੁਸ੍ਸਾਨਨ੍ਤਿ ਦ੍વਿਨ੍ਨਂ ਭਿਕ੍ਖੂਨਂ વਿવਾਦੋ ਕਥਂ ਦੇવਮਨੁਸ੍ਸਾਨਂ ਅਹਿਤਾਯ ਦੁਕ੍ਖਾਯ ਸਂવਤ੍ਤਤਿ? ਕੋਸਮ੍ਬਕਕ੍ਖਨ੍ਧਕੇ વਿਯ ਦ੍વੀਸੁ ਭਿਕ੍ਖੂਸੁ વਿવਾਦਂ ਆਪਨ੍ਨੇਸੁ ਤਸ੍ਮਿਂ વਿਹਾਰੇ ਤੇਸਂ ਅਨ੍ਤੇવਾਸਿਕਾ વਿવਦਨ੍ਤਿ, ਤੇਸਂ ਓવਾਦਂ ਗਣ੍ਹਨ੍ਤੋ ਭਿਕ੍ਖੁਨਿਸਙ੍ਘੋ વਿવਦਤਿ। ਤਤੋ ਤੇਸਂ ਉਪਟ੍ਠਾਕਾ વਿવਦਨ੍ਤਿ, ਅਥ ਮਨੁਸ੍ਸਾਨਂ ਆਰਕ੍ਖਦੇવਤਾ ਦ੍વੇ ਕੋਟ੍ਠਾਸਾ ਹੋਨ੍ਤਿ। ਤਥਾ ਧਮ੍ਮવਾਦੀਨਂ ਆਰਕ੍ਖਦੇવਤਾ ਧਮ੍ਮવਾਦਿਨਿਯੋ ਹੋਨ੍ਤਿ, ਅਧਮ੍ਮવਾਦੀਨਂ ਅਧਮ੍ਮવਾਦਿਨਿਯੋ। ਤਤੋ ਆਰਕ੍ਖਦੇવਤਾਨਂ ਮਿਤ੍ਤਾ ਭੁਮ੍ਮਦੇવਤਾ ਭਿਜ੍ਜਨ੍ਤਿ। ਏવਂ ਪਰਮ੍ਪਰਾਯ ਯਾવ ਬ੍ਰਹ੍ਮਲੋਕਾ ਠਪੇਤ੍વਾ ਅਰਿਯਸਾવਕੇ ਸਬ੍ਬੇ ਦੇવਮਨੁਸ੍ਸਾ ਦ੍વੇ ਕੋਟ੍ਠਾਸਾ ਹੋਨ੍ਤਿ। ਧਮ੍ਮવਾਦੀਹਿ ਪਨ ਅਧਮ੍ਮવਾਦਿਨੋવ ਬਹੁਤਰਾ ਹੋਨ੍ਤਿ। ਤਤੋ ਯਂ ਬਹੁਕੇਹਿ ਗਹਿਤਂ, ਤਂ ਗਚ੍ਛਨ੍ਤਿ। ਧਮ੍ਮਂ વਿਸ੍ਸਜ੍ਜੇਤ੍વਾ ਬਹੁਤਰਾવ ਅਧਮ੍ਮਂ ਗਣ੍ਹਨ੍ਤਿ। ਤੇ ਅਧਮ੍ਮਂ ਪੁਰਕ੍ਖਤ੍વਾ વਿਹਰਨ੍ਤਾ ਅਪਾਯੇ ਨਿਬ੍ਬਤ੍ਤਨ੍ਤਿ। ਏવਂ ਦ੍વਿਨ੍ਨਂ ਭਿਕ੍ਖੂਨਂ વਿવਾਦੋ ਦੇવਮਨੁਸ੍ਸਾਨਂ ਅਹਿਤਾਯ ਦੁਕ੍ਖਾਯ ਹੋਤਿ। ਅਜ੍ਝਤ੍ਤਂ વਾਤਿ ਤੁਮ੍ਹਾਕਂ ਅਬ੍ਭਨ੍ਤਰਪਰਿਸਾਯ। ਬਹਿਦ੍ਧਾਤਿ ਪਰੇਸਂ ਪਰਿਸਾਯ।
36. Chaṭṭhe vivādamūlānīti vivādassa mūlāni. Kodhanoti kujjhanalakkhaṇena kodhena samannāgato. Upanāhīti veraappaṭinissaggalakkhaṇena upanāhena samannāgato. Ahitāya dukkhāya devamanussānanti dvinnaṃ bhikkhūnaṃ vivādo kathaṃ devamanussānaṃ ahitāya dukkhāya saṃvattati? Kosambakakkhandhake viya dvīsu bhikkhūsu vivādaṃ āpannesu tasmiṃ vihāre tesaṃ antevāsikā vivadanti, tesaṃ ovādaṃ gaṇhanto bhikkhunisaṅgho vivadati. Tato tesaṃ upaṭṭhākā vivadanti, atha manussānaṃ ārakkhadevatā dve koṭṭhāsā honti. Tathā dhammavādīnaṃ ārakkhadevatā dhammavādiniyo honti, adhammavādīnaṃ adhammavādiniyo. Tato ārakkhadevatānaṃ mittā bhummadevatā bhijjanti. Evaṃ paramparāya yāva brahmalokā ṭhapetvā ariyasāvake sabbe devamanussā dve koṭṭhāsā honti. Dhammavādīhi pana adhammavādinova bahutarā honti. Tato yaṃ bahukehi gahitaṃ, taṃ gacchanti. Dhammaṃ vissajjetvā bahutarāva adhammaṃ gaṇhanti. Te adhammaṃ purakkhatvā viharantā apāye nibbattanti. Evaṃ dvinnaṃ bhikkhūnaṃ vivādo devamanussānaṃ ahitāya dukkhāya hoti. Ajjhattaṃ vāti tumhākaṃ abbhantaraparisāya. Bahiddhāti paresaṃ parisāya.
ਮਕ੍ਖੀਤਿ ਪਰੇਸਂ ਗੁਣਮਕ੍ਖਨਲਕ੍ਖਣੇਨ ਮਕ੍ਖੇਨ ਸਮਨ੍ਨਾਗਤੋ। ਪਲ਼ਾਸੀਤਿ ਯੁਗਗ੍ਗਾਹਲਕ੍ਖਣੇਨ ਪਲ਼ਾਸੇਨ ਸਮਨ੍ਨਾਗਤੋ। ਇਸ੍ਸੁਕੀਤਿ ਪਰਸ੍ਸ ਸਕ੍ਕਾਰਾਦੀਨਿ ਇਸ੍ਸਾਯਨਲਕ੍ਖਣਾਯ ਇਸ੍ਸਾਯ ਸਮਨ੍ਨਾਗਤੋ। ਮਚ੍ਛਰੀਤਿ ਆવਾਸਮਚ੍ਛਰਿਯਾਦੀਹਿ ਸਮਨ੍ਨਾਗਤੋ। ਸਠੋਤਿ ਕੇਰਾਟਿਕੋ। ਮਾਯਾવੀਤਿ ਕਤਪਟਿਚ੍ਛਾਦਕੋ। ਪਾਪਿਚ੍ਛੋਤਿ ਅਸਨ੍ਤਸਮ੍ਭਾવਨਿਚ੍ਛਕੋ ਦੁਸ੍ਸੀਲੋ। ਮਿਚ੍ਛਾਦਿਟ੍ਠੀਤਿ ਨਤ੍ਥਿਕવਾਦੀ, ਅਹੇਤੁવਾਦੀ, ਅਕਿਰਿਯવਾਦੀ। ਸਨ੍ਦਿਟ੍ਠਿਪਰਾਮਾਸੀਤਿ ਸਯਂ ਦਿਟ੍ਠਮੇવ ਪਰਾਮਸਤਿ। ਆਧਾਨਗ੍ਗਾਹੀਤਿ ਦਲ਼੍ਹਗ੍ਗਾਹੀ। ਦੁਪ੍ਪਟਿਨਿਸ੍ਸਗ੍ਗੀਤਿ ਨ ਸਕ੍ਕਾ ਹੋਤਿ ਗਹਿਤਂ વਿਸ੍ਸਜ੍ਜਾਪੇਤੁਂ। ਇਮਸ੍ਮਿਂ ਸੁਤ੍ਤੇ વਟ੍ਟਮੇવ ਕਥਿਤਂ।
Makkhīti paresaṃ guṇamakkhanalakkhaṇena makkhena samannāgato. Paḷāsīti yugaggāhalakkhaṇena paḷāsena samannāgato. Issukīti parassa sakkārādīni issāyanalakkhaṇāya issāya samannāgato. Maccharīti āvāsamacchariyādīhi samannāgato. Saṭhoti kerāṭiko. Māyāvīti katapaṭicchādako. Pāpicchoti asantasambhāvanicchako dussīlo. Micchādiṭṭhīti natthikavādī, ahetuvādī, akiriyavādī. Sandiṭṭhiparāmāsīti sayaṃ diṭṭhameva parāmasati. Ādhānaggāhīti daḷhaggāhī. Duppaṭinissaggīti na sakkā hoti gahitaṃ vissajjāpetuṃ. Imasmiṃ sutte vaṭṭameva kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. વਿવਾਦਮੂਲਸੁਤ੍ਤਂ • 6. Vivādamūlasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. વਿવਾਦਮੂਲਸੁਤ੍ਤવਣ੍ਣਨਾ • 6. Vivādamūlasuttavaṇṇanā
