| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៥. អក្កោសវគ្គោ
5. Akkosavaggo
១-៨. វិវាទសុត្តាទិវណ្ណនា
1-8. Vivādasuttādivaṇṇanā
៤១-៤៨. បញ្ចមស្ស បឋមាទីនិ ឧត្តានត្ថានិ។ ឆដ្ឋេ ខណភង្គុរតាយ ន និច្ចា ន ធុវាតិ អនិច្ចា។ តតោ ឯវ បណ្ឌិតេហិ ន ឥច្ចា ន ឧបគន្តព្ពាតិបិ អនិច្ចា។ ស្វាយំ នេសំ អនិច្ចដ្ឋោ ឧទយវយបរិច្ឆិន្នតាយ វេទិតព្ពោតិ អាហ ‘‘ហុត្វា អភាវិនោ’’តិ, ឧប្បជ្ជិត្វា វិនស្សកាតិ អត្ថោ។ សាររហិតាតិ និច្ចសារធុវសារអត្តសារវិរហិតា។ មុសាតិ វិសំវាទនដ្ឋេន មុសា, ឯកំសេន អសុភាទិសភាវា តេ ពាលានំ សុភាទិភាវេន ឧបដ្ឋហន្តិ, សុភាទិគ្គហណស្ស បច្ចយភាវេន សត្តេ វិសំវាទេន្តិ។ តេនាហ ‘‘និច្ចសុភសុខា វិយា’’តិអាទិ។ ន បស្សនសភាវាតិ ខណបភង្គុរតាឥត្តរបច្ចុបដ្ឋានតាយ ទិស្សមានា វិយ ហុត្វា អទស្សនបកតិកា។ ឯតេ ហិ ខេត្តំ វិយ វត្ថុ វិយ ហិរញ្ញសុវណ្ណំ វិយ ច បញ្ញាយិត្វាបិ កតិបាហេនេវ សុបិនកេ ទិដ្ឋា វិយ ន បញ្ញាយន្តិ។ សត្តមដ្ឋមានិ សុវិញ្ញេយ្យានិ។
41-48. Pañcamassa paṭhamādīni uttānatthāni. Chaṭṭhe khaṇabhaṅguratāya na niccā na dhuvāti aniccā. Tato eva paṇḍitehi na iccā na upagantabbātipi aniccā. Svāyaṃ nesaṃ aniccaṭṭho udayavayaparicchinnatāya veditabboti āha ‘‘hutvā abhāvino’’ti, uppajjitvā vinassakāti attho. Sārarahitāti niccasāradhuvasāraattasāravirahitā. Musāti visaṃvādanaṭṭhena musā, ekaṃsena asubhādisabhāvā te bālānaṃ subhādibhāvena upaṭṭhahanti, subhādiggahaṇassa paccayabhāvena satte visaṃvādenti. Tenāha ‘‘niccasubhasukhā viyā’’tiādi. Na passanasabhāvāti khaṇapabhaṅguratāittarapaccupaṭṭhānatāya dissamānā viya hutvā adassanapakatikā. Ete hi khettaṃ viya vatthu viya hiraññasuvaṇṇaṃ viya ca paññāyitvāpi katipāheneva supinake diṭṭhā viya na paññāyanti. Sattamaṭṭhamāni suviññeyyāni.
វិវាទសុត្តាទិវណ្ណនា និដ្ឋិតា។
Vivādasuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
១. វិវាទសុត្តំ • 1. Vivādasuttaṃ
២. បឋមវិវាទមូលសុត្តំ • 2. Paṭhamavivādamūlasuttaṃ
៣. ទុតិយវិវាទមូលសុត្តំ • 3. Dutiyavivādamūlasuttaṃ
៤. កុសិនារសុត្តំ • 4. Kusinārasuttaṃ
៥. រាជន្តេបុរប្បវេសនសុត្តំ • 5. Rājantepurappavesanasuttaṃ
៦. សក្កសុត្តំ • 6. Sakkasuttaṃ
៧. មហាលិសុត្តំ • 7. Mahālisuttaṃ
៨. បព្ពជិតអភិណ្ហសុត្តំ • 8. Pabbajitaabhiṇhasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៤. កុសិនារសុត្តវណ្ណនា • 4. Kusinārasuttavaṇṇanā
៥. រាជន្តេបុរប្បវេសនសុត្តវណ្ណនា • 5. Rājantepurappavesanasuttavaṇṇanā
៦. សក្កសុត្តវណ្ណនា • 6. Sakkasuttavaṇṇanā
៧. មហាលិសុត្តវណ្ណនា • 7. Mahālisuttavaṇṇanā
៨. បព្ពជិតអភិណ្ហសុត្តវណ្ណនា • 8. Pabbajitaabhiṇhasuttavaṇṇanā
