| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೫. ಅಕ್ಕೋಸವಗ್ಗೋ
5. Akkosavaggo
೧-೮. ವಿವಾದಸುತ್ತಾದಿವಣ್ಣನಾ
1-8. Vivādasuttādivaṇṇanā
೪೧-೪೮. ಪಞ್ಚಮಸ್ಸ ಪಠಮಾದೀನಿ ಉತ್ತಾನತ್ಥಾನಿ। ಛಟ್ಠೇ ಖಣಭಙ್ಗುರತಾಯ ನ ನಿಚ್ಚಾ ನ ಧುವಾತಿ ಅನಿಚ್ಚಾ। ತತೋ ಏವ ಪಣ್ಡಿತೇಹಿ ನ ಇಚ್ಚಾ ನ ಉಪಗನ್ತಬ್ಬಾತಿಪಿ ಅನಿಚ್ಚಾ। ಸ್ವಾಯಂ ನೇಸಂ ಅನಿಚ್ಚಟ್ಠೋ ಉದಯವಯಪರಿಚ್ಛಿನ್ನತಾಯ ವೇದಿತಬ್ಬೋತಿ ಆಹ ‘‘ಹುತ್ವಾ ಅಭಾವಿನೋ’’ತಿ, ಉಪ್ಪಜ್ಜಿತ್ವಾ ವಿನಸ್ಸಕಾತಿ ಅತ್ಥೋ। ಸಾರರಹಿತಾತಿ ನಿಚ್ಚಸಾರಧುವಸಾರಅತ್ತಸಾರವಿರಹಿತಾ। ಮುಸಾತಿ ವಿಸಂವಾದನಟ್ಠೇನ ಮುಸಾ, ಏಕಂಸೇನ ಅಸುಭಾದಿಸಭಾವಾ ತೇ ಬಾಲಾನಂ ಸುಭಾದಿಭಾವೇನ ಉಪಟ್ಠಹನ್ತಿ, ಸುಭಾದಿಗ್ಗಹಣಸ್ಸ ಪಚ್ಚಯಭಾವೇನ ಸತ್ತೇ ವಿಸಂವಾದೇನ್ತಿ। ತೇನಾಹ ‘‘ನಿಚ್ಚಸುಭಸುಖಾ ವಿಯಾ’’ತಿಆದಿ। ನ ಪಸ್ಸನಸಭಾವಾತಿ ಖಣಪಭಙ್ಗುರತಾಇತ್ತರಪಚ್ಚುಪಟ್ಠಾನತಾಯ ದಿಸ್ಸಮಾನಾ ವಿಯ ಹುತ್ವಾ ಅದಸ್ಸನಪಕತಿಕಾ। ಏತೇ ಹಿ ಖೇತ್ತಂ ವಿಯ ವತ್ಥು ವಿಯ ಹಿರಞ್ಞಸುವಣ್ಣಂ ವಿಯ ಚ ಪಞ್ಞಾಯಿತ್ವಾಪಿ ಕತಿಪಾಹೇನೇವ ಸುಪಿನಕೇ ದಿಟ್ಠಾ ವಿಯ ನ ಪಞ್ಞಾಯನ್ತಿ। ಸತ್ತಮಟ್ಠಮಾನಿ ಸುವಿಞ್ಞೇಯ್ಯಾನಿ।
41-48. Pañcamassa paṭhamādīni uttānatthāni. Chaṭṭhe khaṇabhaṅguratāya na niccā na dhuvāti aniccā. Tato eva paṇḍitehi na iccā na upagantabbātipi aniccā. Svāyaṃ nesaṃ aniccaṭṭho udayavayaparicchinnatāya veditabboti āha ‘‘hutvā abhāvino’’ti, uppajjitvā vinassakāti attho. Sārarahitāti niccasāradhuvasāraattasāravirahitā. Musāti visaṃvādanaṭṭhena musā, ekaṃsena asubhādisabhāvā te bālānaṃ subhādibhāvena upaṭṭhahanti, subhādiggahaṇassa paccayabhāvena satte visaṃvādenti. Tenāha ‘‘niccasubhasukhā viyā’’tiādi. Na passanasabhāvāti khaṇapabhaṅguratāittarapaccupaṭṭhānatāya dissamānā viya hutvā adassanapakatikā. Ete hi khettaṃ viya vatthu viya hiraññasuvaṇṇaṃ viya ca paññāyitvāpi katipāheneva supinake diṭṭhā viya na paññāyanti. Sattamaṭṭhamāni suviññeyyāni.
ವಿವಾದಸುತ್ತಾದಿವಣ್ಣನಾ ನಿಟ್ಠಿತಾ।
Vivādasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೧. ವಿವಾದಸುತ್ತಂ • 1. Vivādasuttaṃ
೨. ಪಠಮವಿವಾದಮೂಲಸುತ್ತಂ • 2. Paṭhamavivādamūlasuttaṃ
೩. ದುತಿಯವಿವಾದಮೂಲಸುತ್ತಂ • 3. Dutiyavivādamūlasuttaṃ
೪. ಕುಸಿನಾರಸುತ್ತಂ • 4. Kusinārasuttaṃ
೫. ರಾಜನ್ತೇಪುರಪ್ಪವೇಸನಸುತ್ತಂ • 5. Rājantepurappavesanasuttaṃ
೬. ಸಕ್ಕಸುತ್ತಂ • 6. Sakkasuttaṃ
೭. ಮಹಾಲಿಸುತ್ತಂ • 7. Mahālisuttaṃ
೮. ಪಬ್ಬಜಿತಅಭಿಣ್ಹಸುತ್ತಂ • 8. Pabbajitaabhiṇhasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೪. ಕುಸಿನಾರಸುತ್ತವಣ್ಣನಾ • 4. Kusinārasuttavaṇṇanā
೫. ರಾಜನ್ತೇಪುರಪ್ಪವೇಸನಸುತ್ತವಣ್ಣನಾ • 5. Rājantepurappavesanasuttavaṇṇanā
೬. ಸಕ್ಕಸುತ್ತವಣ್ಣನಾ • 6. Sakkasuttavaṇṇanā
೭. ಮಹಾಲಿಸುತ್ತವಣ್ಣನಾ • 7. Mahālisuttavaṇṇanā
೮. ಪಬ್ಬಜಿತಅಭಿಣ್ಹಸುತ್ತವಣ್ಣನಾ • 8. Pabbajitaabhiṇhasuttavaṇṇanā
