| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. ৰনসংযুত্তং
9. Vanasaṃyuttaṃ
১. ৰিৰেকসুত্তং
1. Vivekasuttaṃ
২২১. এৰং মে সুতং – একং সমযং অঞ্ঞতরো ভিক্খু কোসলেসু ৰিহরতি অঞ্ঞতরস্মিং ৰনসণ্ডে। তেন খো পন সমযেন সো ভিক্খু দিৰাৰিহারগতো পাপকে অকুসলে ৰিতক্কে ৰিতক্কেতি গেহনিস্সিতে। অথ খো যা তস্মিং ৰনসণ্ডে অধিৰত্থা দেৰতা তস্স ভিক্খুনো অনুকম্পিকা অত্থকামা তং ভিক্খুং সংৰেজেতুকামা যেন সো ভিক্খু তেনুপসঙ্কমি; উপসঙ্কমিত্ৰা তং ভিক্খুং গাথাহি অজ্ঝভাসি –
221. Evaṃ me sutaṃ – ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu divāvihāragato pāpake akusale vitakke vitakketi gehanissite. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi –
‘‘ৰিৰেককামোসি ৰনং পৰিট্ঠো,
‘‘Vivekakāmosi vanaṃ paviṭṭho,
অথ তে মনো নিচ্ছরতী বহিদ্ধা।
Atha te mano niccharatī bahiddhā;
জনো জনস্মিং ৰিনযস্সু ছন্দং,
Jano janasmiṃ vinayassu chandaṃ,
ততো সুখী হোহিসি ৰীতরাগো॥
Tato sukhī hohisi vītarāgo.
‘‘অরতিং পজহাসি সতো, ভৰাসি সতং তং সারযামসে।
‘‘Aratiṃ pajahāsi sato, bhavāsi sataṃ taṃ sārayāmase;
পাতালরজো হি দুত্তরো, মা তং কামরজো অৰাহরি॥
Pātālarajo hi duttaro, mā taṃ kāmarajo avāhari.
‘‘সকুণো যথা পংসুকুন্থিতো 1, ৰিধুনং পাতযতি সিতং রজং।
‘‘Sakuṇo yathā paṃsukunthito 2, vidhunaṃ pātayati sitaṃ rajaṃ;
এৰং ভিক্খু পধানৰা সতিমা, ৰিধুনং পাতযতি সিতং রজ’’ন্ত্ন্ত্তি॥
Evaṃ bhikkhu padhānavā satimā, vidhunaṃ pātayati sitaṃ raja’’ntntti.
অথ খো সো ভিক্খু তায দেৰতায সংৰেজিতো সংৰেগমাপাদীতি।
Atha kho so bhikkhu tāya devatāya saṃvejito saṃvegamāpādīti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. ৰিৰেকসুত্তৰণ্ণনা • 1. Vivekasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. ৰিৰেকসুত্তৰণ্ণনা • 1. Vivekasuttavaṇṇanā
