| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೯. ವನಸಂಯುತ್ತಂ
9. Vanasaṃyuttaṃ
೧. ವಿವೇಕಸುತ್ತಂ
1. Vivekasuttaṃ
೨೨೧. ಏವಂ ಮೇ ಸುತಂ – ಏಕಂ ಸಮಯಂ ಅಞ್ಞತರೋ ಭಿಕ್ಖು ಕೋಸಲೇಸು ವಿಹರತಿ ಅಞ್ಞತರಸ್ಮಿಂ ವನಸಣ್ಡೇ। ತೇನ ಖೋ ಪನ ಸಮಯೇನ ಸೋ ಭಿಕ್ಖು ದಿವಾವಿಹಾರಗತೋ ಪಾಪಕೇ ಅಕುಸಲೇ ವಿತಕ್ಕೇ ವಿತಕ್ಕೇತಿ ಗೇಹನಿಸ್ಸಿತೇ। ಅಥ ಖೋ ಯಾ ತಸ್ಮಿಂ ವನಸಣ್ಡೇ ಅಧಿವತ್ಥಾ ದೇವತಾ ತಸ್ಸ ಭಿಕ್ಖುನೋ ಅನುಕಮ್ಪಿಕಾ ಅತ್ಥಕಾಮಾ ತಂ ಭಿಕ್ಖುಂ ಸಂವೇಜೇತುಕಾಮಾ ಯೇನ ಸೋ ಭಿಕ್ಖು ತೇನುಪಸಙ್ಕಮಿ; ಉಪಸಙ್ಕಮಿತ್ವಾ ತಂ ಭಿಕ್ಖುಂ ಗಾಥಾಹಿ ಅಜ್ಝಭಾಸಿ –
221. Evaṃ me sutaṃ – ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu divāvihāragato pāpake akusale vitakke vitakketi gehanissite. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi –
‘‘ವಿವೇಕಕಾಮೋಸಿ ವನಂ ಪವಿಟ್ಠೋ,
‘‘Vivekakāmosi vanaṃ paviṭṭho,
ಅಥ ತೇ ಮನೋ ನಿಚ್ಛರತೀ ಬಹಿದ್ಧಾ।
Atha te mano niccharatī bahiddhā;
ಜನೋ ಜನಸ್ಮಿಂ ವಿನಯಸ್ಸು ಛನ್ದಂ,
Jano janasmiṃ vinayassu chandaṃ,
ತತೋ ಸುಖೀ ಹೋಹಿಸಿ ವೀತರಾಗೋ॥
Tato sukhī hohisi vītarāgo.
‘‘ಅರತಿಂ ಪಜಹಾಸಿ ಸತೋ, ಭವಾಸಿ ಸತಂ ತಂ ಸಾರಯಾಮಸೇ।
‘‘Aratiṃ pajahāsi sato, bhavāsi sataṃ taṃ sārayāmase;
ಪಾತಾಲರಜೋ ಹಿ ದುತ್ತರೋ, ಮಾ ತಂ ಕಾಮರಜೋ ಅವಾಹರಿ॥
Pātālarajo hi duttaro, mā taṃ kāmarajo avāhari.
‘‘ಸಕುಣೋ ಯಥಾ ಪಂಸುಕುನ್ಥಿತೋ 1, ವಿಧುನಂ ಪಾತಯತಿ ಸಿತಂ ರಜಂ।
‘‘Sakuṇo yathā paṃsukunthito 2, vidhunaṃ pātayati sitaṃ rajaṃ;
ಏವಂ ಭಿಕ್ಖು ಪಧಾನವಾ ಸತಿಮಾ, ವಿಧುನಂ ಪಾತಯತಿ ಸಿತಂ ರಜ’’ನ್ತ್ನ್ತ್ತಿ॥
Evaṃ bhikkhu padhānavā satimā, vidhunaṃ pātayati sitaṃ raja’’ntntti.
ಅಥ ಖೋ ಸೋ ಭಿಕ್ಖು ತಾಯ ದೇವತಾಯ ಸಂವೇಜಿತೋ ಸಂವೇಗಮಾಪಾದೀತಿ।
Atha kho so bhikkhu tāya devatāya saṃvejito saṃvegamāpādīti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧. ವಿವೇಕಸುತ್ತವಣ್ಣನಾ • 1. Vivekasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧. ವಿವೇಕಸುತ್ತವಣ್ಣನಾ • 1. Vivekasuttavaṇṇanā
