| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੯. વਨਸਂਯੁਤ੍ਤਂ
9. Vanasaṃyuttaṃ
੧. વਿવੇਕਸੁਤ੍ਤਂ
1. Vivekasuttaṃ
੨੨੧. ਏવਂ ਮੇ ਸੁਤਂ – ਏਕਂ ਸਮਯਂ ਅਞ੍ਞਤਰੋ ਭਿਕ੍ਖੁ ਕੋਸਲੇਸੁ વਿਹਰਤਿ ਅਞ੍ਞਤਰਸ੍ਮਿਂ વਨਸਣ੍ਡੇ। ਤੇਨ ਖੋ ਪਨ ਸਮਯੇਨ ਸੋ ਭਿਕ੍ਖੁ ਦਿવਾવਿਹਾਰਗਤੋ ਪਾਪਕੇ ਅਕੁਸਲੇ વਿਤਕ੍ਕੇ વਿਤਕ੍ਕੇਤਿ ਗੇਹਨਿਸ੍ਸਿਤੇ। ਅਥ ਖੋ ਯਾ ਤਸ੍ਮਿਂ વਨਸਣ੍ਡੇ ਅਧਿવਤ੍ਥਾ ਦੇવਤਾ ਤਸ੍ਸ ਭਿਕ੍ਖੁਨੋ ਅਨੁਕਮ੍ਪਿਕਾ ਅਤ੍ਥਕਾਮਾ ਤਂ ਭਿਕ੍ਖੁਂ ਸਂવੇਜੇਤੁਕਾਮਾ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤਂ ਭਿਕ੍ਖੁਂ ਗਾਥਾਹਿ ਅਜ੍ਝਭਾਸਿ –
221. Evaṃ me sutaṃ – ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu divāvihāragato pāpake akusale vitakke vitakketi gehanissite. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi –
‘‘વਿવੇਕਕਾਮੋਸਿ વਨਂ ਪવਿਟ੍ਠੋ,
‘‘Vivekakāmosi vanaṃ paviṭṭho,
ਅਥ ਤੇ ਮਨੋ ਨਿਚ੍ਛਰਤੀ ਬਹਿਦ੍ਧਾ।
Atha te mano niccharatī bahiddhā;
ਜਨੋ ਜਨਸ੍ਮਿਂ વਿਨਯਸ੍ਸੁ ਛਨ੍ਦਂ,
Jano janasmiṃ vinayassu chandaṃ,
ਤਤੋ ਸੁਖੀ ਹੋਹਿਸਿ વੀਤਰਾਗੋ॥
Tato sukhī hohisi vītarāgo.
‘‘ਅਰਤਿਂ ਪਜਹਾਸਿ ਸਤੋ, ਭવਾਸਿ ਸਤਂ ਤਂ ਸਾਰਯਾਮਸੇ।
‘‘Aratiṃ pajahāsi sato, bhavāsi sataṃ taṃ sārayāmase;
ਪਾਤਾਲਰਜੋ ਹਿ ਦੁਤ੍ਤਰੋ, ਮਾ ਤਂ ਕਾਮਰਜੋ ਅવਾਹਰਿ॥
Pātālarajo hi duttaro, mā taṃ kāmarajo avāhari.
‘‘ਸਕੁਣੋ ਯਥਾ ਪਂਸੁਕੁਨ੍ਥਿਤੋ 1, વਿਧੁਨਂ ਪਾਤਯਤਿ ਸਿਤਂ ਰਜਂ।
‘‘Sakuṇo yathā paṃsukunthito 2, vidhunaṃ pātayati sitaṃ rajaṃ;
ਏવਂ ਭਿਕ੍ਖੁ ਪਧਾਨવਾ ਸਤਿਮਾ, વਿਧੁਨਂ ਪਾਤਯਤਿ ਸਿਤਂ ਰਜ’’ਨ੍ਤ੍ਨ੍ਤ੍ਤਿ॥
Evaṃ bhikkhu padhānavā satimā, vidhunaṃ pātayati sitaṃ raja’’ntntti.
ਅਥ ਖੋ ਸੋ ਭਿਕ੍ਖੁ ਤਾਯ ਦੇવਤਾਯ ਸਂવੇਜਿਤੋ ਸਂવੇਗਮਾਪਾਦੀਤਿ।
Atha kho so bhikkhu tāya devatāya saṃvejito saṃvegamāpādīti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. વਿવੇਕਸੁਤ੍ਤવਣ੍ਣਨਾ • 1. Vivekasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. વਿવੇਕਸੁਤ੍ਤવਣ੍ਣਨਾ • 1. Vivekasuttavaṇṇanā
