| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. வனஸங்யுத்தங்
9. Vanasaṃyuttaṃ
1. விவேகஸுத்தவண்ணனா
1. Vivekasuttavaṇṇanā
221. வனஸங்யுத்தஸ்ஸ பட²மே கோஸலேஸு விஹரதீதி ஸத்து² ஸந்திகே கம்மட்டா²னங் க³ஹெத்வா தஸ்ஸ ஜனபத³ஸ்ஸ ஸுலப⁴பி⁴க்க²தாய தத்த² க³ந்த்வா விஹரதி. ஸங்வேஜேதுகாமாதி விவேகங் படிபஜ்ஜாபேதுகாமா. விவேககாமோதி தயோ விவேகே பத்த²யந்தோ. நிச்ச²ரதீ ப³ஹித்³தா⁴தி பா³ஹிரேஸு புது²த்தாரம்மணேஸு சரதி. ஜனோ ஜனஸ்மிந்தி த்வங் ஜனோ அஞ்ஞஸ்மிங் ஜனே ச²ந்த³ராக³ங் வினயஸ்ஸு. பஜஹாஸீதி பஜஹ. ப⁴வாஸீதி ப⁴வ. ஸதங் தங் ஸாரயாமஸேதி ஸதிமந்தங் பண்டி³தங் தங் மயம்பி ஸாரயாம, ஸதங் வா த⁴ம்மங் மயங் தங் ஸாரயாமாதி அத்தோ². பாதாலரஜோதி அப்பதிட்ட²ட்டே²ன பாதாலஸங்கா²தோ கிலேஸரஜோ. மா தங் காமரஜோதி அயங் காமராக³ரஜோ தங் மா அவஹரி, அபாயமேவ மா நேதூதி அத்தோ². பங்ஸுகுந்தி²தோதி பங்ஸுமக்கி²தோ. விது⁴னந்தி விது⁴னந்தோ. ஸிதங் ரஜந்தி ஸரீரலக்³க³ங் ரஜங். ஸங்வேக³மாபாதீ³தி தே³வதாபி நாம மங் ஏவங் ஸாரேதீதி விவேகமாபன்னோ, உத்தமவீரியங் வா பக்³க³ய்ஹ பரமவிவேகங் மக்³க³மேவ படிபன்னோதி. பட²மங்.
221. Vanasaṃyuttassa paṭhame kosalesu viharatīti satthu santike kammaṭṭhānaṃ gahetvā tassa janapadassa sulabhabhikkhatāya tattha gantvā viharati. Saṃvejetukāmāti vivekaṃ paṭipajjāpetukāmā. Vivekakāmoti tayo viveke patthayanto. Niccharatī bahiddhāti bāhiresu puthuttārammaṇesu carati. Jano janasminti tvaṃ jano aññasmiṃ jane chandarāgaṃ vinayassu. Pajahāsīti pajaha. Bhavāsīti bhava. Sataṃ taṃ sārayāmaseti satimantaṃ paṇḍitaṃ taṃ mayampi sārayāma, sataṃ vā dhammaṃ mayaṃ taṃ sārayāmāti attho. Pātālarajoti appatiṭṭhaṭṭhena pātālasaṅkhāto kilesarajo. Mā taṃ kāmarajoti ayaṃ kāmarāgarajo taṃ mā avahari, apāyameva mā netūti attho. Paṃsukunthitoti paṃsumakkhito. Vidhunanti vidhunanto. Sitaṃ rajanti sarīralaggaṃ rajaṃ. Saṃvegamāpādīti devatāpi nāma maṃ evaṃ sāretīti vivekamāpanno, uttamavīriyaṃ vā paggayha paramavivekaṃ maggameva paṭipannoti. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. விவேகஸுத்தங் • 1. Vivekasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. விவேகஸுத்தவண்ணனா • 1. Vivekasuttavaṇṇanā
