| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. ванасам̣яуд̇д̇ам̣
9. Vanasaṃyuttaṃ
1. вивзгасуд̇д̇аван̣н̣анаа
1. Vivekasuttavaṇṇanā
221. сам̣взж̇зд̇угаамаад̇и ад̇т̇ад̇о сам̣взг̇ам̣ уббаад̣̇зд̇угаамаа. д̇ат̇аабхууд̇аа нам̣ гилзсасан̇г̇ан̣игаад̣̇ид̇о вивзжзд̇угаамаа наама ход̇ийд̇и вуд̇д̇ам̣ ‘‘вивзгам̣ бадибаж̇ж̇аабзд̇угаамаа’’д̇и. б̣аахирзсууд̇и г̇ожараж̇жхад̇д̇ад̇о б̣ахибхууд̇зсу. бут̇уд̇д̇аарамман̣зсууд̇и руубаад̣̇инаанаарамман̣зсу. жарад̇ийд̇и бавад̇д̇ад̇и. д̇вам̣ ж̇анод̇и д̇вам̣ ад̇д̇ано гилзсзхи ж̇ананад̇о висум̣ ж̇аад̇о д̇аад̣̇исз зва ан̃н̃асмим̣ ж̇анз имам̣ аяонисоманасигааравасзна бавад̇д̇амаанам̣ чанд̣̇арааг̇ам̣ винаяассу винод̣̇зхи. сад̇ам̣ д̇ам̣ саараяаамасзд̇и нияяаанигасаасанз баб̣б̣аж̇ид̇ваа сад̇т̇у санд̇игз гаммадтаанам̣ г̇ахзд̇ваа аран̃н̃аваасзна жа сад̇иманд̇ам̣ бан̣д̣ид̇ам̣ д̇ам̣ маяамби яат̇аауббаннам̣ вид̇аггам̣ винод̣̇анааяа саараяаама, сад̇ам̣ ваа саббурисаанам̣ гилзсавиг̇аманад̇хаммам̣ бадибаж̇ж̇ид̇ваа васанд̇ам̣ д̇ам̣ саараяаама ваддад̣̇угкам̣. баад̇ааланд̇и мохабаад̇аалам̣ гилзсараж̇о, д̇ад̣̇зва ‘‘баад̇аала’’нд̇и вуд̇д̇ам̣. маа авахарийд̇и хздтаа д̣̇уг̇г̇ад̇исод̇ам̣ маа убанзси. сид̇анд̇и самб̣анд̇хам̣. д̇знааха ‘‘сарийралаг̇г̇а’’нд̇и. вивзгамаабаннод̇и гилзсавивзгам̣ самат̇авибассанаабхааванамаабанно. уд̇д̇амавийрияанд̇и уссол̣хилагкан̣аббад̇д̇ам̣ вийрияам̣, жад̇уб̣б̣ид̇хам̣ самаббад̇хаанавийрияам̣ ваа самбад̇д̇ам̣. баг̇г̇аяхаад̇и ааробзд̇ваа. барамавивзганд̇и барамам̣ самужчзд̣̇авивзгам̣.
221.Saṃvejetukāmāti atthato saṃvegaṃ uppādetukāmā. Tathābhūtā naṃ kilesasaṅgaṇikādito vivecetukāmā nāma hotīti vuttaṃ ‘‘vivekaṃ paṭipajjāpetukāmā’’ti. Bāhiresūti gocarajjhattato bahibhūtesu. Puthuttārammaṇesūti rūpādinānārammaṇesu. Caratīti pavattati. Tvaṃ janoti tvaṃ attano kilesehi jananato visuṃ jāto tādise eva aññasmiṃ jane imaṃ ayonisomanasikāravasena pavattamānaṃ chandarāgaṃ vinayassu vinodehi. Sataṃ taṃ sārayāmaseti niyyānikasāsane pabbajitvā satthu santike kammaṭṭhānaṃ gahetvā araññavāsena ca satimantaṃ paṇḍitaṃ taṃ mayampi yathāuppannaṃ vitakkaṃ vinodanāya sārayāma, sataṃ vā sappurisānaṃ kilesavigamanadhammaṃ paṭipajjitvā vasantaṃ taṃ sārayāma vaṭṭadukkhaṃ. Pātālanti mohapātālaṃ kilesarajo, tadeva ‘‘pātāla’’nti vuttaṃ. Mā avaharīti heṭṭhā duggatisotaṃ mā upanesi. Sitanti sambandhaṃ. Tenāha ‘‘sarīralagga’’nti. Vivekamāpannoti kilesavivekaṃ samathavipassanābhāvanamāpanno. Uttamavīriyanti ussoḷhilakkhaṇappattaṃ vīriyaṃ, catubbidhaṃ samappadhānavīriyaṃ vā sampattaṃ. Paggayhāti āropetvā. Paramavivekanti paramaṃ samucchedavivekaṃ.
вивзгасуд̇д̇аван̣н̣анаа нидтид̇аа.
Vivekasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. вивзгасуд̇д̇ам̣ • 1. Vivekasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. вивзгасуд̇д̇аван̣н̣анаа • 1. Vivekasuttavaṇṇanā
