| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. વਨਸਂਯੁਤ੍ਤਂ
9. Vanasaṃyuttaṃ
੧. વਿવੇਕਸੁਤ੍ਤવਣ੍ਣਨਾ
1. Vivekasuttavaṇṇanā
੨੨੧. વਨਸਂਯੁਤ੍ਤਸ੍ਸ ਪਠਮੇ ਕੋਸਲੇਸੁ વਿਹਰਤੀਤਿ ਸਤ੍ਥੁ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ ਤਸ੍ਸ ਜਨਪਦਸ੍ਸ ਸੁਲਭਭਿਕ੍ਖਤਾਯ ਤਤ੍ਥ ਗਨ੍ਤ੍વਾ વਿਹਰਤਿ। ਸਂવੇਜੇਤੁਕਾਮਾਤਿ વਿવੇਕਂ ਪਟਿਪਜ੍ਜਾਪੇਤੁਕਾਮਾ। વਿવੇਕਕਾਮੋਤਿ ਤਯੋ વਿવੇਕੇ ਪਤ੍ਥਯਨ੍ਤੋ। ਨਿਚ੍ਛਰਤੀ ਬਹਿਦ੍ਧਾਤਿ ਬਾਹਿਰੇਸੁ ਪੁਥੁਤ੍ਤਾਰਮ੍ਮਣੇਸੁ ਚਰਤਿ। ਜਨੋ ਜਨਸ੍ਮਿਨ੍ਤਿ ਤ੍વਂ ਜਨੋ ਅਞ੍ਞਸ੍ਮਿਂ ਜਨੇ ਛਨ੍ਦਰਾਗਂ વਿਨਯਸ੍ਸੁ। ਪਜਹਾਸੀਤਿ ਪਜਹ। ਭવਾਸੀਤਿ ਭવ। ਸਤਂ ਤਂ ਸਾਰਯਾਮਸੇਤਿ ਸਤਿਮਨ੍ਤਂ ਪਣ੍ਡਿਤਂ ਤਂ ਮਯਮ੍ਪਿ ਸਾਰਯਾਮ, ਸਤਂ વਾ ਧਮ੍ਮਂ ਮਯਂ ਤਂ ਸਾਰਯਾਮਾਤਿ ਅਤ੍ਥੋ। ਪਾਤਾਲਰਜੋਤਿ ਅਪ੍ਪਤਿਟ੍ਠਟ੍ਠੇਨ ਪਾਤਾਲਸਙ੍ਖਾਤੋ ਕਿਲੇਸਰਜੋ। ਮਾ ਤਂ ਕਾਮਰਜੋਤਿ ਅਯਂ ਕਾਮਰਾਗਰਜੋ ਤਂ ਮਾ ਅવਹਰਿ, ਅਪਾਯਮੇવ ਮਾ ਨੇਤੂਤਿ ਅਤ੍ਥੋ। ਪਂਸੁਕੁਨ੍ਥਿਤੋਤਿ ਪਂਸੁਮਕ੍ਖਿਤੋ। વਿਧੁਨਨ੍ਤਿ વਿਧੁਨਨ੍ਤੋ। ਸਿਤਂ ਰਜਨ੍ਤਿ ਸਰੀਰਲਗ੍ਗਂ ਰਜਂ। ਸਂવੇਗਮਾਪਾਦੀਤਿ ਦੇવਤਾਪਿ ਨਾਮ ਮਂ ਏવਂ ਸਾਰੇਤੀਤਿ વਿવੇਕਮਾਪਨ੍ਨੋ, ਉਤ੍ਤਮવੀਰਿਯਂ વਾ ਪਗ੍ਗਯ੍ਹ ਪਰਮવਿવੇਕਂ ਮਗ੍ਗਮੇવ ਪਟਿਪਨ੍ਨੋਤਿ। ਪਠਮਂ।
221. Vanasaṃyuttassa paṭhame kosalesu viharatīti satthu santike kammaṭṭhānaṃ gahetvā tassa janapadassa sulabhabhikkhatāya tattha gantvā viharati. Saṃvejetukāmāti vivekaṃ paṭipajjāpetukāmā. Vivekakāmoti tayo viveke patthayanto. Niccharatī bahiddhāti bāhiresu puthuttārammaṇesu carati. Jano janasminti tvaṃ jano aññasmiṃ jane chandarāgaṃ vinayassu. Pajahāsīti pajaha. Bhavāsīti bhava. Sataṃ taṃ sārayāmaseti satimantaṃ paṇḍitaṃ taṃ mayampi sārayāma, sataṃ vā dhammaṃ mayaṃ taṃ sārayāmāti attho. Pātālarajoti appatiṭṭhaṭṭhena pātālasaṅkhāto kilesarajo. Mā taṃ kāmarajoti ayaṃ kāmarāgarajo taṃ mā avahari, apāyameva mā netūti attho. Paṃsukunthitoti paṃsumakkhito. Vidhunanti vidhunanto. Sitaṃ rajanti sarīralaggaṃ rajaṃ. Saṃvegamāpādīti devatāpi nāma maṃ evaṃ sāretīti vivekamāpanno, uttamavīriyaṃ vā paggayha paramavivekaṃ maggameva paṭipannoti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. વਿવੇਕਸੁਤ੍ਤਂ • 1. Vivekasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. વਿવੇਕਸੁਤ੍ਤવਣ੍ਣਨਾ • 1. Vivekasuttavaṇṇanā
