| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. વਨਸਂਯੁਤ੍ਤਂ
9. Vanasaṃyuttaṃ
੧. વਿવੇਕਸੁਤ੍ਤવਣ੍ਣਨਾ
1. Vivekasuttavaṇṇanā
੨੨੧. ਸਂવੇਜੇਤੁਕਾਮਾਤਿ ਅਤ੍ਥਤੋ ਸਂવੇਗਂ ਉਪ੍ਪਾਦੇਤੁਕਾਮਾ। ਤਥਾਭੂਤਾ ਨਂ ਕਿਲੇਸਸਙ੍ਗਣਿਕਾਦਿਤੋ વਿવੇਚੇਤੁਕਾਮਾ ਨਾਮ ਹੋਤੀਤਿ વੁਤ੍ਤਂ ‘‘વਿવੇਕਂ ਪਟਿਪਜ੍ਜਾਪੇਤੁਕਾਮਾ’’ਤਿ। ਬਾਹਿਰੇਸੂਤਿ ਗੋਚਰਜ੍ਝਤ੍ਤਤੋ ਬਹਿਭੂਤੇਸੁ। ਪੁਥੁਤ੍ਤਾਰਮ੍ਮਣੇਸੂਤਿ ਰੂਪਾਦਿਨਾਨਾਰਮ੍ਮਣੇਸੁ। ਚਰਤੀਤਿ ਪવਤ੍ਤਤਿ। ਤ੍વਂ ਜਨੋਤਿ ਤ੍વਂ ਅਤ੍ਤਨੋ ਕਿਲੇਸੇਹਿ ਜਨਨਤੋ વਿਸੁਂ ਜਾਤੋ ਤਾਦਿਸੇ ਏવ ਅਞ੍ਞਸ੍ਮਿਂ ਜਨੇ ਇਮਂ ਅਯੋਨਿਸੋਮਨਸਿਕਾਰવਸੇਨ ਪવਤ੍ਤਮਾਨਂ ਛਨ੍ਦਰਾਗਂ વਿਨਯਸ੍ਸੁ વਿਨੋਦੇਹਿ। ਸਤਂ ਤਂ ਸਾਰਯਾਮਸੇਤਿ ਨਿਯ੍ਯਾਨਿਕਸਾਸਨੇ ਪਬ੍ਬਜਿਤ੍વਾ ਸਤ੍ਥੁ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ ਅਰਞ੍ਞવਾਸੇਨ ਚ ਸਤਿਮਨ੍ਤਂ ਪਣ੍ਡਿਤਂ ਤਂ ਮਯਮ੍ਪਿ ਯਥਾਉਪ੍ਪਨ੍ਨਂ વਿਤਕ੍ਕਂ વਿਨੋਦਨਾਯ ਸਾਰਯਾਮ, ਸਤਂ વਾ ਸਪ੍ਪੁਰਿਸਾਨਂ ਕਿਲੇਸવਿਗਮਨਧਮ੍ਮਂ ਪਟਿਪਜ੍ਜਿਤ੍વਾ વਸਨ੍ਤਂ ਤਂ ਸਾਰਯਾਮ વਟ੍ਟਦੁਕ੍ਖਂ। ਪਾਤਾਲਨ੍ਤਿ ਮੋਹਪਾਤਾਲਂ ਕਿਲੇਸਰਜੋ, ਤਦੇવ ‘‘ਪਾਤਾਲ’’ਨ੍ਤਿ વੁਤ੍ਤਂ। ਮਾ ਅવਹਰੀਤਿ ਹੇਟ੍ਠਾ ਦੁਗ੍ਗਤਿਸੋਤਂ ਮਾ ਉਪਨੇਸਿ। ਸਿਤਨ੍ਤਿ ਸਮ੍ਬਨ੍ਧਂ। ਤੇਨਾਹ ‘‘ਸਰੀਰਲਗ੍ਗ’’ਨ੍ਤਿ। વਿવੇਕਮਾਪਨ੍ਨੋਤਿ ਕਿਲੇਸવਿવੇਕਂ ਸਮਥવਿਪਸ੍ਸਨਾਭਾવਨਮਾਪਨ੍ਨੋ। ਉਤ੍ਤਮવੀਰਿਯਨ੍ਤਿ ਉਸ੍ਸੋਲ਼੍ਹਿਲਕ੍ਖਣਪ੍ਪਤ੍ਤਂ વੀਰਿਯਂ, ਚਤੁਬ੍ਬਿਧਂ ਸਮਪ੍ਪਧਾਨવੀਰਿਯਂ વਾ ਸਮ੍ਪਤ੍ਤਂ। ਪਗ੍ਗਯ੍ਹਾਤਿ ਆਰੋਪੇਤ੍વਾ। ਪਰਮવਿવੇਕਨ੍ਤਿ ਪਰਮਂ ਸਮੁਚ੍ਛੇਦવਿવੇਕਂ।
221.Saṃvejetukāmāti atthato saṃvegaṃ uppādetukāmā. Tathābhūtā naṃ kilesasaṅgaṇikādito vivecetukāmā nāma hotīti vuttaṃ ‘‘vivekaṃ paṭipajjāpetukāmā’’ti. Bāhiresūti gocarajjhattato bahibhūtesu. Puthuttārammaṇesūti rūpādinānārammaṇesu. Caratīti pavattati. Tvaṃ janoti tvaṃ attano kilesehi jananato visuṃ jāto tādise eva aññasmiṃ jane imaṃ ayonisomanasikāravasena pavattamānaṃ chandarāgaṃ vinayassu vinodehi. Sataṃ taṃ sārayāmaseti niyyānikasāsane pabbajitvā satthu santike kammaṭṭhānaṃ gahetvā araññavāsena ca satimantaṃ paṇḍitaṃ taṃ mayampi yathāuppannaṃ vitakkaṃ vinodanāya sārayāma, sataṃ vā sappurisānaṃ kilesavigamanadhammaṃ paṭipajjitvā vasantaṃ taṃ sārayāma vaṭṭadukkhaṃ. Pātālanti mohapātālaṃ kilesarajo, tadeva ‘‘pātāla’’nti vuttaṃ. Mā avaharīti heṭṭhā duggatisotaṃ mā upanesi. Sitanti sambandhaṃ. Tenāha ‘‘sarīralagga’’nti. Vivekamāpannoti kilesavivekaṃ samathavipassanābhāvanamāpanno. Uttamavīriyanti ussoḷhilakkhaṇappattaṃ vīriyaṃ, catubbidhaṃ samappadhānavīriyaṃ vā sampattaṃ. Paggayhāti āropetvā. Paramavivekanti paramaṃ samucchedavivekaṃ.
વਿવੇਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vivekasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. વਿવੇਕਸੁਤ੍ਤਂ • 1. Vivekasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. વਿવੇਕਸੁਤ੍ਤવਣ੍ਣਨਾ • 1. Vivekasuttavaṇṇanā
