| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
4. вод̣̇аанан̃аан̣анид̣̇д̣̇зсо
4. Vodānañāṇaniddeso
158. гад̇амаани д̇зраса вод̣̇аанз н̃аан̣аани? ад̇ийд̇аануд̇хааванам̣ жид̇д̇ам̣ вигкзбаанубад̇ид̇ам̣; д̇ам̣ виваж̇ж̇аяид̇ваа згадтаанз самаад̣̇ахад̇и – звамби жид̇д̇ам̣ на вигкзбам̣ г̇ажчад̇и. анааг̇ад̇абадиган̇канам̣ жид̇д̇ам̣ вигамбид̇ам̣ ; д̇ам̣ виваж̇ж̇аяид̇ваа д̇ад̇т̇зва ад̇химожзд̇и – звамби жид̇д̇ам̣ на вигкзбам̣ г̇ажчад̇и. лийнам̣ жид̇д̇ам̣ госаж̇ж̇аанубад̇ид̇ам̣; д̇ам̣ баг̇г̇ан̣хид̇ваа госаж̇ж̇ам̣ баж̇ахад̇и – звамби жид̇д̇ам̣ на вигкзбам̣ г̇ажчад̇и. ад̇ибаг̇г̇ахид̇ам̣ жид̇д̇ам̣ уд̣̇д̇хажжаанубад̇ид̇ам̣; д̇ам̣ виниг̇г̇ан̣хид̇ваа уд̣̇д̇хажжам̣ баж̇ахад̇и – звамби жид̇д̇ам̣ на вигкзбам̣ г̇ажчад̇и. абхинад̇ам̣ жид̇д̇ам̣ рааг̇аанубад̇ид̇ам̣; д̇ам̣ самбаж̇аано худ̇ваа рааг̇ам̣ баж̇ахад̇и – звамби жид̇д̇ам̣ на вигкзбам̣ г̇ажчад̇и. абанад̇ам̣ жид̇д̇ам̣ б̣яаабаад̣̇аанубад̇ид̇ам̣; д̇ам̣ самбаж̇аано худ̇ваа б̣яаабаад̣̇ам̣ баж̇ахад̇и – звамби жид̇д̇ам̣ на вигкзбам̣ г̇ажчад̇и. имзхи чахи таанзхи барисуд̣̇д̇хам̣ жид̇д̇ам̣ барияод̣̇аад̇ам̣ згад̇д̇аг̇ад̇ам̣ ход̇и.
158. Katamāni terasa vodāne ñāṇāni? Atītānudhāvanaṃ cittaṃ vikkhepānupatitaṃ; taṃ vivajjayitvā ekaṭṭhāne samādahati – evampi cittaṃ na vikkhepaṃ gacchati. Anāgatapaṭikaṅkhanaṃ cittaṃ vikampitaṃ ; taṃ vivajjayitvā tattheva adhimoceti – evampi cittaṃ na vikkhepaṃ gacchati. Līnaṃ cittaṃ kosajjānupatitaṃ; taṃ paggaṇhitvā kosajjaṃ pajahati – evampi cittaṃ na vikkhepaṃ gacchati. Atipaggahitaṃ cittaṃ uddhaccānupatitaṃ; taṃ viniggaṇhitvā uddhaccaṃ pajahati – evampi cittaṃ na vikkhepaṃ gacchati. Abhinataṃ cittaṃ rāgānupatitaṃ; taṃ sampajāno hutvā rāgaṃ pajahati – evampi cittaṃ na vikkhepaṃ gacchati. Apanataṃ cittaṃ byāpādānupatitaṃ; taṃ sampajāno hutvā byāpādaṃ pajahati – evampi cittaṃ na vikkhepaṃ gacchati. Imehi chahi ṭhānehi parisuddhaṃ cittaṃ pariyodātaṃ ekattagataṃ hoti.
гад̇амз д̇з згад̇д̇аа? д̣̇аанавосаг̇г̇убадтаанзгад̇д̇ам̣, самат̇анимид̇д̇убадтаанзгад̇д̇ам̣, ваяалагкан̣убадтаанзгад̇д̇ам̣, нирод̇хубадтаанзгад̇д̇ам̣. д̣̇аанавосаг̇г̇убадтаанзгад̇д̇ам̣ жааг̇аад̇химуд̇д̇аанам̣, самат̇анимид̇д̇убадтаанзгад̇д̇ан̃жа ад̇хижид̇д̇амануяуд̇д̇аанам̣, ваяалагкан̣убадтаанзгад̇д̇ан̃жа вибассагаанам̣, нирод̇хубадтаанзгад̇д̇ан̃жа арияабуг̇г̇алаанам̣ – имзхи жад̇уухи таанзхи згад̇д̇аг̇ад̇ам̣ жид̇д̇ам̣ бадибад̣̇аависуд̣̇д̇хибагканд̣̇ан̃жзва ход̇и, убзгкаануб̣руухид̇ан̃жа, н̃аан̣зна жа самбахам̣сид̇ам̣.
Katame te ekattā? Dānavosaggupaṭṭhānekattaṃ, samathanimittupaṭṭhānekattaṃ, vayalakkhaṇupaṭṭhānekattaṃ, nirodhupaṭṭhānekattaṃ. Dānavosaggupaṭṭhānekattaṃ cāgādhimuttānaṃ, samathanimittupaṭṭhānekattañca adhicittamanuyuttānaṃ, vayalakkhaṇupaṭṭhānekattañca vipassakānaṃ, nirodhupaṭṭhānekattañca ariyapuggalānaṃ – imehi catūhi ṭhānehi ekattagataṃ cittaṃ paṭipadāvisuddhipakkhandañceva hoti, upekkhānubrūhitañca, ñāṇena ca sampahaṃsitaṃ.
батамасса жхаанасса го аад̣̇и, гим̣ маж̇жхз, гим̣ барияосаанам̣? батамасса жхаанасса бадибад̣̇аависуд̣̇д̇хи аад̣̇и, убзгкаануб̣рууханаа маж̇жхз, самбахам̣санаа барияосаанам̣. батамасса жхаанасса бадибад̣̇аависуд̣̇д̇хи аад̣̇и. аад̣̇исса гад̇и лагкан̣аани? аад̣̇исса д̇ийн̣и лагкан̣аани. яо д̇асса барибант̇о д̇ад̇о жид̇д̇ам̣ висуж̇жхад̇и, висуд̣̇д̇хад̇д̇аа жид̇д̇ам̣ маж̇жхимам̣ самат̇анимид̇д̇ам̣ бадибаж̇ж̇ад̇и, бадибаннад̇д̇аа д̇ад̇т̇а жид̇д̇ам̣ багканд̣̇ад̇и. яан̃жа барибант̇ад̇о жид̇д̇ам̣ висуж̇жхад̇и, яан̃жа висуд̣̇д̇хад̇д̇аа жид̇д̇ам̣ маж̇жхимам̣ самат̇анимид̇д̇ам̣ бадибаж̇ж̇ад̇и, яан̃жа бадибаннад̇д̇аа д̇ад̇т̇а жид̇д̇ам̣ багканд̣̇ад̇и. батамасса жхаанасса бадибад̣̇аависуд̣̇д̇хи аад̣̇и. аад̣̇исса имаани д̇ийн̣и лагкан̣аани. д̇зна вужжад̇и – ‘‘батамам̣ жхаанам̣ аад̣̇игаляаан̣ан̃жзва ход̇и лагкан̣асамбаннан̃жа’’.
Paṭhamassa jhānassa ko ādi, kiṃ majjhe, kiṃ pariyosānaṃ? Paṭhamassa jhānassa paṭipadāvisuddhi ādi, upekkhānubrūhanā majjhe, sampahaṃsanā pariyosānaṃ. Paṭhamassa jhānassa paṭipadāvisuddhi ādi. Ādissa kati lakkhaṇāni? Ādissa tīṇi lakkhaṇāni. Yo tassa paripantho tato cittaṃ visujjhati, visuddhattā cittaṃ majjhimaṃ samathanimittaṃ paṭipajjati, paṭipannattā tattha cittaṃ pakkhandati. Yañca paripanthato cittaṃ visujjhati, yañca visuddhattā cittaṃ majjhimaṃ samathanimittaṃ paṭipajjati, yañca paṭipannattā tattha cittaṃ pakkhandati. Paṭhamassa jhānassa paṭipadāvisuddhi ādi. Ādissa imāni tīṇi lakkhaṇāni. Tena vuccati – ‘‘paṭhamaṃ jhānaṃ ādikalyāṇañceva hoti lakkhaṇasampannañca’’.
батамасса жхаанасса убзгкаануб̣рууханаа маж̇жхз. маж̇жхасса гад̇и лагкан̣аани? маж̇жхасса д̇ийн̣и лагкан̣аани. висуд̣̇д̇хам̣ жид̇д̇ам̣ аж̇жхубзгкад̇и, самат̇абадибаннам̣ аж̇жхубзгкад̇и, згад̇д̇убадтаанам̣ аж̇жхубзгкад̇и. яан̃жа висуд̣̇д̇хам̣ жид̇д̇ам̣ аж̇жхубзгкад̇и, яан̃жа самат̇абадибаннам̣ аж̇жхубзгкад̇и, яан̃жа згад̇д̇убадтаанам̣ аж̇жхубзгкад̇и – батамасса жхаанасса убзгкаануб̣рууханаа маж̇жхз. маж̇жхасса имаани д̇ийн̣и лагкан̣аани. д̇зна вужжад̇и – ‘‘батамам̣ жхаанам̣ маж̇жхзгаляаан̣ан̃жзва ход̇и лагкан̣асамбаннан̃жа’’.
Paṭhamassa jhānassa upekkhānubrūhanā majjhe. Majjhassa kati lakkhaṇāni? Majjhassa tīṇi lakkhaṇāni. Visuddhaṃ cittaṃ ajjhupekkhati, samathapaṭipannaṃ ajjhupekkhati, ekattupaṭṭhānaṃ ajjhupekkhati. Yañca visuddhaṃ cittaṃ ajjhupekkhati, yañca samathapaṭipannaṃ ajjhupekkhati, yañca ekattupaṭṭhānaṃ ajjhupekkhati – paṭhamassa jhānassa upekkhānubrūhanā majjhe. Majjhassa imāni tīṇi lakkhaṇāni. Tena vuccati – ‘‘paṭhamaṃ jhānaṃ majjhekalyāṇañceva hoti lakkhaṇasampannañca’’.
батамасса жхаанасса самбахам̣санаа барияосаанам̣. барияосаанасса гад̇и лагкан̣аани? барияосаанасса жад̇д̇аари лагкан̣аани. д̇ад̇т̇а ж̇аад̇аанам̣ д̇хаммаанам̣ анад̇ивад̇д̇анадтзна самбахам̣санаа, инд̣̇рияаанам̣ згарасадтзна самбахам̣санаа, д̇ад̣̇убаг̇авийрияавааханадтзна самбахам̣санаа, аасзванадтзна самбахам̣санаа. батамасса жхаанасса самбахам̣санаа барияосаанам̣. барияосаанасса имаани жад̇д̇аари лагкан̣аани. д̇зна вужжад̇и – ‘‘батамам̣ жхаанам̣ барияосаанагаляаан̣ан̃жзва ход̇и лагкан̣асамбаннан̃жа’’. звам̣ д̇ивад̇д̇аг̇ад̇ам̣ жид̇д̇ам̣ д̇ивид̇хагаляаан̣агам̣ д̣̇асалагкан̣асамбаннам̣ вид̇аггасамбаннан̃жзва ход̇и вижаарасамбаннан̃жа бийд̇исамбаннан̃жа сукасамбаннан̃жа жид̇д̇асса ад̇хидтаанасамбаннан̃жа сад̣̇д̇хаасамбаннан̃жа вийрияасамбаннан̃жа сад̇исамбаннан̃жа самаад̇хисамбаннан̃жа бан̃н̃аасамбаннан̃жа.
Paṭhamassa jhānassa sampahaṃsanā pariyosānaṃ. Pariyosānassa kati lakkhaṇāni? Pariyosānassa cattāri lakkhaṇāni. Tattha jātānaṃ dhammānaṃ anativattanaṭṭhena sampahaṃsanā, indriyānaṃ ekarasaṭṭhena sampahaṃsanā, tadupagavīriyavāhanaṭṭhena sampahaṃsanā, āsevanaṭṭhena sampahaṃsanā. Paṭhamassa jhānassa sampahaṃsanā pariyosānaṃ. Pariyosānassa imāni cattāri lakkhaṇāni. Tena vuccati – ‘‘paṭhamaṃ jhānaṃ pariyosānakalyāṇañceva hoti lakkhaṇasampannañca’’. Evaṃ tivattagataṃ cittaṃ tividhakalyāṇakaṃ dasalakkhaṇasampannaṃ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
д̣̇уд̇ияасса жхаанасса го аад̣̇и, гим̣ маж̇жхз, гим̣ барияосаанам̣? д̣̇уд̇ияасса жхаанасса бадибад̣̇аависуд̣̇д̇хи аад̣̇и, убзгкаануб̣рууханаа маж̇жхз, самбахам̣санаа барияосаанам̣…бз… звам̣ д̇ивад̇д̇аг̇ад̇ам̣ жид̇д̇ам̣ д̇ивид̇хагаляаан̣агам̣ д̣̇асалагкан̣асамбаннам̣ бийд̇исамбаннан̃жзва ход̇и сукасамбаннан̃жа жид̇д̇асса ад̇хидтаанасамбаннан̃жа сад̣̇д̇хаасамбаннан̃жа вийрияасамбаннан̃жа сад̇исамбаннан̃жа самаад̇хисамбаннан̃жа бан̃н̃аасамбаннан̃жа.
Dutiyassa jhānassa ko ādi, kiṃ majjhe, kiṃ pariyosānaṃ? Dutiyassa jhānassa paṭipadāvisuddhi ādi, upekkhānubrūhanā majjhe, sampahaṃsanā pariyosānaṃ…pe… evaṃ tivattagataṃ cittaṃ tividhakalyāṇakaṃ dasalakkhaṇasampannaṃ pītisampannañceva hoti sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
д̇ад̇ияасса жхаанасса го аад̣̇и, гим̣ маж̇жхз, гим̣ барияосаанам̣…бз… звам̣ д̇ивад̇д̇аг̇ад̇ам̣ жид̇д̇ам̣ д̇ивид̇хагаляаан̣агам̣ д̣̇асалагкан̣асамбаннам̣ сукасамбаннан̃жзва ход̇и жид̇д̇асса ад̇хидтаанасамбаннан̃жа сад̣̇д̇хаасамбаннан̃жа вийрияасамбаннан̃жа сад̇исамбаннан̃жа самаад̇хисамбаннан̃жа бан̃н̃аасамбаннан̃жа.
Tatiyassa jhānassa ko ādi, kiṃ majjhe, kiṃ pariyosānaṃ…pe… evaṃ tivattagataṃ cittaṃ tividhakalyāṇakaṃ dasalakkhaṇasampannaṃ sukhasampannañceva hoti cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
жад̇уд̇т̇асса жхаанасса го аад̣̇и, гим̣ маж̇жхз, гим̣ барияосаанам̣…бз… звам̣ д̇ивад̇д̇аг̇ад̇ам̣ жид̇д̇ам̣ д̇ивид̇хагаляаан̣агам̣ д̣̇асалагкан̣асамбаннан̃жа убзгкаасамбаннан̃жзва ход̇и жид̇д̇асса ад̇хидтаанасамбаннан̃жа сад̣̇д̇хаасамбаннан̃жа вийрияасамбаннан̃жа сад̇исамбаннан̃жа самаад̇хисамбаннан̃жа бан̃н̃аасамбаннан̃жа.
Catutthassa jhānassa ko ādi, kiṃ majjhe, kiṃ pariyosānaṃ…pe… evaṃ tivattagataṃ cittaṃ tividhakalyāṇakaṃ dasalakkhaṇasampannañca upekkhāsampannañceva hoti cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
аагаасаанан̃жааяад̇анасамаабад̇д̇ияаа…бз… вин̃н̃аан̣ан̃жааяад̇анасамаабад̇д̇ияаа… аагин̃жан̃н̃ааяад̇анасамаабад̇д̇ияаа… нзвасан̃н̃аанаасан̃н̃ааяад̇анасамаабад̇д̇ияаа го аад̣̇и, гим̣ маж̇жхз, гим̣ барияосаанам̣…бз… звам̣ д̇ивад̇д̇аг̇ад̇ам̣ жид̇д̇ам̣ д̇ивид̇хагаляаан̣агам̣ д̣̇асалагкан̣асамбаннам̣ убзгкаасамбаннан̃жзва ход̇и жид̇д̇асса ад̇хидтаанасамбаннам̣ жа…бз… бан̃н̃аасамбаннан̃жа.
Ākāsānañcāyatanasamāpattiyā…pe… viññāṇañcāyatanasamāpattiyā… ākiñcaññāyatanasamāpattiyā… nevasaññānāsaññāyatanasamāpattiyā ko ādi, kiṃ majjhe, kiṃ pariyosānaṃ…pe… evaṃ tivattagataṃ cittaṃ tividhakalyāṇakaṃ dasalakkhaṇasampannaṃ upekkhāsampannañceva hoti cittassa adhiṭṭhānasampannaṃ ca…pe… paññāsampannañca.
анижжаанубассанааяа го аад̣̇и, гим̣ маж̇жхз, гим̣ барияосаанам̣…бз… звам̣ д̇ивад̇д̇аг̇ад̇ам̣ жид̇д̇ам̣ д̇ивид̇хагаляаан̣агам̣ д̣̇асалагкан̣асамбаннам̣ вид̇аггасамбаннан̃жзва ход̇и вижаарасамбаннан̃жа бийд̇исамбаннан̃жа сукасамбаннан̃жа жид̇д̇асса ад̇хидтаанасамбаннан̃жа сад̣̇д̇хаасамбаннан̃жа вийрияасамбаннан̃жа сад̇исамбаннан̃жа самаад̇хисамбаннан̃жа бан̃н̃аасамбаннан̃жа. д̣̇угкаанубассанааяа…бз… анад̇д̇аанубассанааяа… ниб̣б̣ид̣̇аанубассанааяа… вирааг̇аанубассанааяа… нирод̇хаанубассанааяа… бадиниссаг̇г̇аанубассанааяа… каяаанубассанааяа… ваяаанубассанааяа… вибарин̣аамаанубассанааяа… анимид̇д̇аанубассанааяа… аббан̣ихид̇аанубассанааяа… сун̃н̃ад̇аанубассанааяа… ад̇хибан̃н̃аад̇хаммавибассанааяа… яат̇аабхууд̇ан̃аан̣ад̣̇ассанааяа… аад̣̇ийнаваанубассанааяа… бадисан̇каанубассанааяа… вивадданаанубассанааяа… бан̃н̃аасамбаннан̃жа.
Aniccānupassanāya ko ādi, kiṃ majjhe, kiṃ pariyosānaṃ…pe… evaṃ tivattagataṃ cittaṃ tividhakalyāṇakaṃ dasalakkhaṇasampannaṃ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca. Dukkhānupassanāya…pe… anattānupassanāya… nibbidānupassanāya… virāgānupassanāya… nirodhānupassanāya… paṭinissaggānupassanāya… khayānupassanāya… vayānupassanāya… vipariṇāmānupassanāya… animittānupassanāya… appaṇihitānupassanāya… suññatānupassanāya… adhipaññādhammavipassanāya… yathābhūtañāṇadassanāya… ādīnavānupassanāya… paṭisaṅkhānupassanāya… vivaṭṭanānupassanāya… paññāsampannañca.
сод̇аабад̇д̇имаг̇г̇асса…бз… сагад̣̇ааг̇аамимаг̇г̇асса… анааг̇аамимаг̇г̇асса… арахад̇д̇амаг̇г̇асса го аад̣̇и, гим̣ маж̇жхз, гим̣ барияосаанам̣? арахад̇д̇амаг̇г̇асса бадибад̣̇аависуд̣̇д̇хи аад̣̇и убзгкаануб̣рууханаа маж̇жхз, самбахам̣санаа барияосаанам̣. арахад̇д̇амаг̇г̇асса бадибад̣̇аависуд̣̇д̇хи аад̣̇и. аад̣̇исса гад̇и лагкан̣аани? аад̣̇исса д̇ийн̣и лагкан̣аани. яо д̇асса барибант̇о д̇ад̇о жид̇д̇ам̣ висуж̇жхад̇и, висуд̣̇д̇хад̇д̇аа жид̇д̇ам̣ маж̇жхимам̣ самат̇анимид̇д̇ам̣ бадибаж̇ж̇ад̇и, бадибаннад̇д̇аа д̇ад̇т̇а жид̇д̇ам̣ багканд̣̇ад̇и . яан̃жа барибант̇ад̇о жид̇д̇ам̣ висуж̇жхад̇и, яан̃жа висуд̣̇д̇хад̇д̇аа жид̇д̇ам̣ маж̇жхимам̣ самат̇анимид̇д̇ам̣ бадибаж̇ж̇ад̇и, яан̃жа бадибаннад̇д̇аа д̇ад̇т̇а жид̇д̇ам̣ багканд̣̇ад̇и – арахад̇д̇амаг̇г̇асса бадибад̣̇аависуд̣̇д̇хи аад̣̇и. аад̣̇исса имаани д̇ийн̣и лагкан̣аани. д̇зна вужжад̇и – ‘‘арахад̇д̇амаг̇г̇о аад̣̇игаляаан̣о жзва ход̇и лагкан̣асамбанно жа’’.
Sotāpattimaggassa…pe… sakadāgāmimaggassa… anāgāmimaggassa… arahattamaggassa ko ādi, kiṃ majjhe, kiṃ pariyosānaṃ? Arahattamaggassa paṭipadāvisuddhi ādi upekkhānubrūhanā majjhe, sampahaṃsanā pariyosānaṃ. Arahattamaggassa paṭipadāvisuddhi ādi. Ādissa kati lakkhaṇāni? Ādissa tīṇi lakkhaṇāni. Yo tassa paripantho tato cittaṃ visujjhati, visuddhattā cittaṃ majjhimaṃ samathanimittaṃ paṭipajjati, paṭipannattā tattha cittaṃ pakkhandati . Yañca paripanthato cittaṃ visujjhati, yañca visuddhattā cittaṃ majjhimaṃ samathanimittaṃ paṭipajjati, yañca paṭipannattā tattha cittaṃ pakkhandati – arahattamaggassa paṭipadāvisuddhi ādi. Ādissa imāni tīṇi lakkhaṇāni. Tena vuccati – ‘‘arahattamaggo ādikalyāṇo ceva hoti lakkhaṇasampanno ca’’.
арахад̇д̇амаг̇г̇асса убзгкаануб̣рууханаа маж̇жхз. маж̇жхасса гад̇и лагкан̣аани? маж̇жхасса д̇ийн̣и лагкан̣аани. висуд̣̇д̇хам̣ жид̇д̇ам̣ аж̇жхубзгкад̇и, самат̇абадибаннам̣ аж̇жхубзгкад̇и, згад̇д̇убадтаанам̣ аж̇жхубзгкад̇и. яан̃жа висуд̣̇д̇хам̣ жид̇д̇ам̣ аж̇жхубзгкад̇и, яан̃жа самат̇абадибаннам̣ аж̇жхубзгкад̇и, яан̃жа згад̇д̇убадтаанам̣ аж̇жхубзгкад̇и. д̇зна вужжад̇и – ‘‘арахад̇д̇амаг̇г̇о маж̇жхзгаляаан̣о жзва ход̇и лагкан̣асамбанно жа’’.
Arahattamaggassa upekkhānubrūhanā majjhe. Majjhassa kati lakkhaṇāni? Majjhassa tīṇi lakkhaṇāni. Visuddhaṃ cittaṃ ajjhupekkhati, samathapaṭipannaṃ ajjhupekkhati, ekattupaṭṭhānaṃ ajjhupekkhati. Yañca visuddhaṃ cittaṃ ajjhupekkhati, yañca samathapaṭipannaṃ ajjhupekkhati, yañca ekattupaṭṭhānaṃ ajjhupekkhati. Tena vuccati – ‘‘arahattamaggo majjhekalyāṇo ceva hoti lakkhaṇasampanno ca’’.
арахад̇д̇амаг̇г̇асса самбахам̣санаа барияосаанам̣. барияосаанасса гад̇и лагкан̣аани? барияосаанасса жад̇д̇аари лагкан̣аани. д̇ад̇т̇а ж̇аад̇аанам̣ д̇хаммаанам̣ анад̇ивад̇д̇анадтзна самбахам̣санаа, инд̣̇рияаанам̣ згарасадтзна самбахам̣санаа, д̇ад̣̇убаг̇авийрияавааханадтзна самбахам̣санаа, аасзванадтзна самбахам̣санаа. арахад̇д̇амаг̇г̇асса самбахам̣санаа барияосаанам̣. барияосаанасса имаани жад̇д̇аари лагкан̣аани. д̇зна вужжад̇и – ‘‘арахад̇д̇амаг̇г̇о барияосаанагаляаан̣о жзва ход̇и лагкан̣асамбанно жа’’. звам̣ д̇ивад̇д̇аг̇ад̇ам̣ жид̇д̇ам̣ д̇ивид̇хагаляаан̣агам̣ д̣̇асалагкан̣асамбаннам̣ вид̇аггасамбаннан̃жзва ход̇и вижаарасамбаннан̃жа бийд̇исамбаннан̃жа сукасамбаннан̃жа жид̇д̇асса ад̇хидтаанасамбаннан̃жа сад̣̇д̇хаасамбаннан̃жа вийрияасамбаннан̃жа сад̇исамбаннан̃жа самаад̇хисамбаннан̃жа бан̃н̃аасамбаннан̃жа .
Arahattamaggassa sampahaṃsanā pariyosānaṃ. Pariyosānassa kati lakkhaṇāni? Pariyosānassa cattāri lakkhaṇāni. Tattha jātānaṃ dhammānaṃ anativattanaṭṭhena sampahaṃsanā, indriyānaṃ ekarasaṭṭhena sampahaṃsanā, tadupagavīriyavāhanaṭṭhena sampahaṃsanā, āsevanaṭṭhena sampahaṃsanā. Arahattamaggassa sampahaṃsanā pariyosānaṃ. Pariyosānassa imāni cattāri lakkhaṇāni. Tena vuccati – ‘‘arahattamaggo pariyosānakalyāṇo ceva hoti lakkhaṇasampanno ca’’. Evaṃ tivattagataṃ cittaṃ tividhakalyāṇakaṃ dasalakkhaṇasampannaṃ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca .
159.
159.
нимид̇д̇ам̣ ассаасабассаасаа, анаарамман̣амзгажид̇д̇асса;
Nimittaṃ assāsapassāsā, anārammaṇamekacittassa;
аж̇аанад̇о жа д̇аяо д̇хаммз, бхааванаа нубалаб̣бхад̇и.
Ajānato ca tayo dhamme, bhāvanā nupalabbhati.
нимид̇д̇ам̣ ассаасабассаасаа, анаарамман̣амзгажид̇д̇асса;
Nimittaṃ assāsapassāsā, anārammaṇamekacittassa;
ж̇аанад̇о жа д̇аяо д̇хаммз, бхааванаа убалаб̣бхад̇ийд̇и.
Jānato ca tayo dhamme, bhāvanā upalabbhatīti.
гат̇ам̣ имз д̇аяо д̇хаммаа згажид̇д̇асса аарамман̣аа на хонд̇и, на жимз д̇аяо д̇хаммаа авид̣̇ид̇аа хонд̇и, на жа жид̇д̇ам̣ вигкзбам̣ г̇ажчад̇и, бад̇хаанан̃жа бан̃н̃ааяад̇и, баяог̇ан̃жа саад̇хзд̇и, висзсамад̇хиг̇ажчад̇и? сзяяат̇ааби ругко самз бхуумибхааг̇з нигкид̇д̇о. д̇амзнам̣ бурисо гагажзна чинд̣̇зяяа. ругкз пудтагагажад̣̇анд̇аанам̣ васзна бурисасса сад̇и убадтид̇аа ход̇и; на ааг̇ад̇з ваа г̇ад̇з ваа гагажад̣̇анд̇з манаси гарод̇и. на ааг̇ад̇аа ваа г̇ад̇аа ваа гагажад̣̇анд̇аа авид̣̇ид̇аа хонд̇и , бад̇хаанан̃жа бан̃н̃ааяад̇и, баяог̇ан̃жа саад̇хзд̇и. яат̇аа ругко самз бхуумибхааг̇з нигкид̇д̇о. звам̣ убаниб̣анд̇ханаа нимид̇д̇ам̣. яат̇аа гагажад̣̇анд̇аа, звам̣ ассаасабассаасаа. яат̇аа ругкз пудтагагажад̣̇анд̇аанам̣ васзна бурисасса сад̇и убадтид̇аа ход̇и, на ааг̇ад̇з ваа г̇ад̇з ваа гагажад̣̇анд̇з манаси гарод̇и, на ааг̇ад̇аа ваа г̇ад̇аа ваа гагажад̣̇анд̇аа авид̣̇ид̇аа хонд̇и, бад̇хаанан̃жа бан̃н̃ааяад̇и, баяог̇ан̃жа саад̇хзд̇и. звамзвам̣ бхигку наасигаг̇г̇з ваа муканимид̇д̇з ваа сад̇им̣ убадтабзд̇ваа нисинно ход̇и, на ааг̇ад̇з ваа г̇ад̇з ваа ассаасабассаасз манаси гарод̇и, на ааг̇ад̇аа ваа г̇ад̇аа ваа ассаасабассаасаа авид̣̇ид̇аа хонд̇и, бад̇хаанан̃жа бан̃н̃ааяад̇и, баяог̇ан̃жа саад̇хзд̇и. висзсамад̇хиг̇ажчад̇и бад̇хаанан̃жа.
Kathaṃ ime tayo dhammā ekacittassa ārammaṇā na honti, na cime tayo dhammā aviditā honti, na ca cittaṃ vikkhepaṃ gacchati, padhānañca paññāyati, payogañca sādheti, visesamadhigacchati? Seyyathāpi rukkho same bhūmibhāge nikkhitto. Tamenaṃ puriso kakacena chindeyya. Rukkhe phuṭṭhakakacadantānaṃ vasena purisassa sati upaṭṭhitā hoti; na āgate vā gate vā kakacadante manasi karoti. Na āgatā vā gatā vā kakacadantā aviditā honti , padhānañca paññāyati, payogañca sādheti. Yathā rukkho same bhūmibhāge nikkhitto. Evaṃ upanibandhanā nimittaṃ. Yathā kakacadantā, evaṃ assāsapassāsā. Yathā rukkhe phuṭṭhakakacadantānaṃ vasena purisassa sati upaṭṭhitā hoti, na āgate vā gate vā kakacadante manasi karoti, na āgatā vā gatā vā kakacadantā aviditā honti, padhānañca paññāyati, payogañca sādheti. Evamevaṃ bhikkhu nāsikagge vā mukhanimitte vā satiṃ upaṭṭhapetvā nisinno hoti, na āgate vā gate vā assāsapassāse manasi karoti, na āgatā vā gatā vā assāsapassāsā aviditā honti, padhānañca paññāyati, payogañca sādheti. Visesamadhigacchati padhānañca.
гад̇амам̣ бад̇хаанам̣? аарад̣̇д̇хавийрияасса гааяоби жид̇д̇амби гамманияам̣ ход̇и – ид̣̇ам̣ бад̇хаанам̣. гад̇амо баяог̇о? аарад̣̇д̇хавийрияасса убаггилзсаа бахийяанд̇и, вид̇аггаа вуубасаманд̇и – аяам̣ баяог̇о. гад̇амо висзсо? аарад̣̇д̇хавийрияасса сан̃н̃ож̇анаа бахийяанд̇и, анусаяаа б̣яанд̇ийхонд̇и 1. аяам̣ висзсо. звам̣ имз д̇аяо д̇хаммаа згажид̇д̇асса аарамман̣аа на хонд̇и , на жимз д̇аяо д̇хаммаа авид̣̇ид̇аа хонд̇и, на жа жид̇д̇ам̣ вигкзбам̣ г̇ажчад̇и, бад̇хаанан̃жа бан̃н̃ааяад̇и, баяог̇ан̃жа саад̇хзд̇и, висзсамад̇хиг̇ажчад̇и.
Katamaṃ padhānaṃ? Āraddhavīriyassa kāyopi cittampi kammaniyaṃ hoti – idaṃ padhānaṃ. Katamo payogo? Āraddhavīriyassa upakkilesā pahīyanti, vitakkā vūpasamanti – ayaṃ payogo. Katamo viseso? Āraddhavīriyassa saññojanā pahīyanti, anusayā byantīhonti 2. Ayaṃ viseso. Evaṃ ime tayo dhammā ekacittassa ārammaṇā na honti , na cime tayo dhammā aviditā honti, na ca cittaṃ vikkhepaṃ gacchati, padhānañca paññāyati, payogañca sādheti, visesamadhigacchati.
160.
160.
аанаабаанассад̇и яасса, барибун̣н̣аа субхаавид̇аа;
Ānāpānassati yassa, paripuṇṇā subhāvitā;
анубуб̣б̣ам̣ барижид̇аа, яат̇аа б̣уд̣̇д̇хзна д̣̇зсид̇аа;
Anupubbaṃ paricitā, yathā buddhena desitā;
со имам̣ логам̣ бабхаасзд̇и, аб̣бхаа муд̇д̇ова жанд̣̇имаад̇и.
So imaṃ lokaṃ pabhāseti, abbhā muttova candimāti.
аананд̇и ассаасо, но бассаасо. абаананд̇и 3 бассаасо, но ассаасо. ассаасавасзна убадтаанам̣ сад̇и, бассаасавасзна убадтаанам̣ сад̇и.
Ānanti assāso, no passāso. Apānanti 4 passāso, no assāso. Assāsavasena upaṭṭhānaṃ sati, passāsavasena upaṭṭhānaṃ sati.
яо ассасад̇и д̇ассубадтаад̇и, яо бассасад̇и д̇ассубадтаад̇и. барибун̣н̣аад̇и бариг̇г̇ахадтзна барибун̣н̣аа, бариваарадтзна барибун̣н̣аа, барибуурадтзна барибун̣н̣аа . субхаавид̇аад̇и жад̇ассо бхааванаа – д̇ад̇т̇а ж̇аад̇аанам̣ д̇хаммаанам̣ анад̇ивад̇д̇анадтзна бхааванаа, инд̣̇рияаанам̣ згарасадтзна бхааванаа, д̇ад̣̇убаг̇авийрияавааханадтзна бхааванаа, аасзванадтзна бхааванаа. д̇ассимз жад̇д̇ааро бхааванадтаа яаанийгад̇аа хонд̇и вад̇т̇угад̇аа анудтид̇аа барижид̇аа сусамаарад̣̇д̇хаа.
Yo assasati tassupaṭṭhāti, yo passasati tassupaṭṭhāti. Paripuṇṇāti pariggahaṭṭhena paripuṇṇā, parivāraṭṭhena paripuṇṇā, paripūraṭṭhena paripuṇṇā . Subhāvitāti catasso bhāvanā – tattha jātānaṃ dhammānaṃ anativattanaṭṭhena bhāvanā, indriyānaṃ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā. Tassime cattāro bhāvanaṭṭhā yānīkatā honti vatthukatā anuṭṭhitā paricitā susamāraddhā.
яаанийгад̇аад̇и яад̇т̇а яад̇т̇а ааган̇кад̇и д̇ад̇т̇а д̇ад̇т̇а васиббад̇д̇о ход̇и б̣алаббад̇д̇о взсаараж̇ж̇аббад̇д̇о . д̇асса мз д̇з д̇хаммаа ааваж̇ж̇анабадиб̣ад̣̇д̇хаа 5 хонд̇и ааган̇кабадиб̣ад̣̇д̇хаа манасигаарабадиб̣ад̣̇д̇хаа жид̇д̇уббаад̣̇абадиб̣ад̣̇д̇хаа. д̇зна вужжад̇и – ‘‘яаанийгад̇аа’’д̇и. вад̇т̇угад̇аад̇и яасмим̣ яасмим̣ вад̇т̇усмим̣ жид̇д̇ам̣ сваад̇хидтид̇ам̣ ход̇и, д̇асмим̣ д̇асмим̣ вад̇т̇усмим̣ сад̇и субадтид̇аа ход̇и. яасмим̣ яасмим̣ ваа бана вад̇т̇усмим̣ сад̇и суубадтид̇аа 6 ход̇и, д̇асмим̣ д̇асмим̣ вад̇т̇усмим̣ жид̇д̇ам̣ сваад̇хидтид̇ам̣ ход̇и. д̇зна вужжад̇и – ‘‘вад̇т̇угад̇аа’’д̇и. анудтид̇аад̇и вад̇т̇усмим̣ язна язна жид̇д̇ам̣ абхинийхарад̇и д̇зна д̇зна сад̇и анубаривад̇д̇ад̇и. язна язна ваа бана сад̇и анубаривад̇д̇ад̇и д̇зна д̇зна жид̇д̇ам̣ абхинийхарад̇и. д̇зна вужжад̇и – ‘‘анудтид̇аа’’д̇и. барижид̇аад̇и бариг̇г̇ахадтзна барижид̇аа, бариваарадтзна барижид̇аа, барибуурадтзна барижид̇аа. сад̇ияаа бариг̇г̇ан̣ханд̇о ж̇инаад̇и баабагз агусалз д̇хаммз. д̇зна вужжад̇и – ‘‘барижид̇аа’’д̇и. сусамаарад̣̇д̇хаад̇и жад̇д̇ааро сусамаарад̣̇д̇хаа – д̇ад̇т̇а ж̇аад̇аанам̣ д̇хаммаанам̣ анад̇ивад̇д̇анадтзна сусамаарад̣̇д̇хаа, инд̣̇рияаанам̣ згарасадтзна сусамаарад̣̇д̇хаа, д̇ад̣̇убаг̇авийрияавааханадтзна сусамаарад̣̇д̇хаа, д̇аббажжанийгаанам̣ гилзсаанам̣ сусамуухад̇ад̇д̇аа 7 сусамаарад̣̇д̇хаа.
Yānīkatāti yattha yattha ākaṅkhati tattha tattha vasippatto hoti balappatto vesārajjappatto . Tassa me te dhammā āvajjanapaṭibaddhā 8 honti ākaṅkhapaṭibaddhā manasikārapaṭibaddhā cittuppādapaṭibaddhā. Tena vuccati – ‘‘yānīkatā’’ti. Vatthukatāti yasmiṃ yasmiṃ vatthusmiṃ cittaṃ svādhiṭṭhitaṃ hoti, tasmiṃ tasmiṃ vatthusmiṃ sati supaṭṭhitā hoti. Yasmiṃ yasmiṃ vā pana vatthusmiṃ sati sūpaṭṭhitā 9 hoti, tasmiṃ tasmiṃ vatthusmiṃ cittaṃ svādhiṭṭhitaṃ hoti. Tena vuccati – ‘‘vatthukatā’’ti. Anuṭṭhitāti vatthusmiṃ yena yena cittaṃ abhinīharati tena tena sati anuparivattati. Yena yena vā pana sati anuparivattati tena tena cittaṃ abhinīharati. Tena vuccati – ‘‘anuṭṭhitā’’ti. Paricitāti pariggahaṭṭhena paricitā, parivāraṭṭhena paricitā, paripūraṭṭhena paricitā. Satiyā pariggaṇhanto jināti pāpake akusale dhamme. Tena vuccati – ‘‘paricitā’’ti. Susamāraddhāti cattāro susamāraddhā – tattha jātānaṃ dhammānaṃ anativattanaṭṭhena susamāraddhā, indriyānaṃ ekarasaṭṭhena susamāraddhā, tadupagavīriyavāhanaṭṭhena susamāraddhā, tappaccanīkānaṃ kilesānaṃ susamūhatattā 10 susamāraddhā.
161. сусаманд̇и ад̇т̇и самам̣, ад̇т̇и сусамам̣. гад̇амам̣ самам̣? яз д̇ад̇т̇а ж̇аад̇аа анаваж̇ж̇аа гусалаа б̣од̇хибагкияаа – ид̣̇ам̣ самам̣. гад̇амам̣ сусамам̣? яам̣ д̇зсам̣ д̇зсам̣ д̇хаммаанам̣ аарамман̣ам̣ нирод̇хо ниб̣б̣аанам̣ – ид̣̇ам̣ сусамам̣. ид̇и ид̣̇ан̃жа самам̣ ид̣̇ан̃жа сусамам̣ н̃аад̇ам̣ ход̇и д̣̇идтам̣ вид̣̇ид̇ам̣ сажчигад̇ам̣ пассид̇ам̣ бан̃н̃ааяа. аарад̣̇д̇хам̣ ход̇и вийрияам̣ асаллийнам̣, убадтид̇аа сад̇и асаммуул̣аа 11, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. д̇зна вужжад̇и – ‘‘сусамаарад̣̇д̇хаа’’д̇и.
161.Susamanti atthi samaṃ, atthi susamaṃ. Katamaṃ samaṃ? Ye tattha jātā anavajjā kusalā bodhipakkhiyā – idaṃ samaṃ. Katamaṃ susamaṃ? Yaṃ tesaṃ tesaṃ dhammānaṃ ārammaṇaṃ nirodho nibbānaṃ – idaṃ susamaṃ. Iti idañca samaṃ idañca susamaṃ ñātaṃ hoti diṭṭhaṃ viditaṃ sacchikataṃ phassitaṃ paññāya. Āraddhaṃ hoti vīriyaṃ asallīnaṃ, upaṭṭhitā sati asammūḷā 12, passaddho kāyo asāraddho, samāhitaṃ cittaṃ ekaggaṃ. Tena vuccati – ‘‘susamāraddhā’’ti.
анубуб̣б̣ам̣ барижид̇аад̇и д̣̇ийгхам̣ ассаасавасзна буримаа буримаа барижид̇аа, бажчимаа бажчимаа анубарижид̇аа. д̣̇ийгхам̣ бассаасавасзна буримаа буримаа барижид̇аа, бажчимаа бажчимаа анубарижид̇аа. рассам̣ ассаасавасзна буримаа буримаа барижид̇аа , бажчимаа бажчимаа анубарижид̇аа. рассам̣ бассаасавасзна буримаа буримаа барижид̇аа, бажчимаа бажчимаа анубарижид̇аа…бз… бадиниссаг̇г̇аанубассий ассаасавасзна буримаа буримаа барижид̇аа, бажчимаа бажчимаа анубарижид̇аа. бадиниссаг̇г̇аанубассий бассаасавасзна буримаа буримаа барижид̇аа, бажчимаа бажчимаа анубарижид̇аа. саб̣б̣ааби сол̣асавад̇т̇угаа аанаабаанассад̇ияо ан̃н̃аман̃н̃ам̣ барижид̇аа жзва хонд̇и анубарижид̇аа жа. д̇зна вужжад̇и – ‘‘анубуб̣б̣абарижид̇аа’’д̇и.
Anupubbaṃ paricitāti dīghaṃ assāsavasena purimā purimā paricitā, pacchimā pacchimā anuparicitā. Dīghaṃ passāsavasena purimā purimā paricitā, pacchimā pacchimā anuparicitā. Rassaṃ assāsavasena purimā purimā paricitā , pacchimā pacchimā anuparicitā. Rassaṃ passāsavasena purimā purimā paricitā, pacchimā pacchimā anuparicitā…pe… paṭinissaggānupassī assāsavasena purimā purimā paricitā, pacchimā pacchimā anuparicitā. Paṭinissaggānupassī passāsavasena purimā purimā paricitā, pacchimā pacchimā anuparicitā. Sabbāpi soḷasavatthukā ānāpānassatiyo aññamaññaṃ paricitā ceva honti anuparicitā ca. Tena vuccati – ‘‘anupubbaparicitā’’ti.
яат̇аад̇и д̣̇аса яат̇ад̇т̇аа – ад̇д̇ад̣̇амат̇ад̇т̇о яат̇ад̇т̇о, ад̇д̇асамат̇ад̇т̇о яат̇ад̇т̇о, ад̇д̇абариниб̣б̣аабанад̇т̇о яат̇ад̇т̇о, абхин̃н̃ад̇т̇о яат̇ад̇т̇о, барин̃н̃ад̇т̇о яат̇ад̇т̇о, бахаанад̇т̇о яат̇ад̇т̇о, бхааванад̇т̇о яат̇ад̇т̇о, сажчигирияад̇т̇о яат̇ад̇т̇о, сажжаабхисамаяад̇т̇о яат̇ад̇т̇о, нирод̇хз бад̇идтаабагад̇т̇о яат̇ад̇т̇о.
Yathāti dasa yathatthā – attadamathattho yathattho, attasamathattho yathattho, attaparinibbāpanattho yathattho, abhiññattho yathattho, pariññattho yathattho, pahānattho yathattho, bhāvanattho yathattho, sacchikiriyattho yathattho, saccābhisamayattho yathattho, nirodhe patiṭṭhāpakattho yathattho.
б̣уд̣̇д̇ход̇и яо со бхаг̇аваа саяамбхуу анаажарияаго буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхи, д̇ад̇т̇а жа саб̣б̣ан̃н̃уд̇ам̣ баабун̣и, б̣алзсу жа васийбхаавам̣.
Buddhoti yo so bhagavā sayambhū anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ pāpuṇi, balesu ca vasībhāvaṃ.
162. б̣уд̣̇д̇ход̇и гзнадтзна б̣уд̣̇д̇хо? б̣уж̇жхид̇аа сажжаанийд̇и – б̣уд̣̇д̇хо. б̣од̇хзд̇аа баж̇ааяаад̇и – б̣уд̣̇д̇хо. саб̣б̣ан̃н̃уд̇ааяа б̣уд̣̇д̇хо. саб̣б̣ад̣̇ассаавид̇ааяа б̣уд̣̇д̇хо. анан̃н̃анзяяад̇ааяа б̣уд̣̇д̇хо. висавид̇ааяа 13 б̣уд̣̇д̇хо. кийн̣аасавасан̇каад̇зна б̣уд̣̇д̇хо. нирубалзбасан̇каад̇зна 14 б̣уд̣̇д̇хо. зганд̇авийд̇арааг̇од̇и – б̣уд̣̇д̇хо. зганд̇авийд̇ад̣̇осод̇и – б̣уд̣̇д̇хо. зганд̇авийд̇амоход̇и – б̣уд̣̇д̇хо. зганд̇аниггилзсод̇и – б̣уд̣̇д̇хо. згааяанамаг̇г̇ам̣ г̇ад̇од̇и – б̣уд̣̇д̇хо. зго ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и – б̣уд̣̇д̇хо. аб̣уд̣̇д̇хивихад̇ад̇д̇аа б̣уд̣̇д̇хибадилаабхаа – б̣уд̣̇д̇хо. б̣уд̣̇д̇ход̇и нзд̇ам̣ наамам̣ маад̇араа гад̇ам̣, на бид̇араа гад̇ам̣, на бхаад̇араа гад̇ам̣, на бхаг̇инияаа гад̇ам̣, на мид̇д̇аамажжзхи гад̇ам̣, на н̃аад̇исаалохид̇зхи гад̇ам̣, на саман̣аб̣раахман̣зхи гад̇ам̣, на д̣̇звад̇аахи гад̇ам̣. вимогканд̇игамзд̇ам̣ б̣уд̣̇д̇хаанам̣ бхаг̇аванд̇аанам̣ б̣од̇хияаа муулз саха саб̣б̣ан̃н̃уд̇ан̃аан̣асса бадилаабхаа сажчигаа бан̃н̃ад̇д̇и яад̣̇ид̣̇ам̣ – б̣уд̣̇д̇ход̇и. д̣̇зсид̇аад̇и ад̇д̇ад̣̇амат̇ад̇т̇о яат̇ад̇т̇о яат̇аа б̣уд̣̇д̇хзна д̣̇зсид̇о, ад̇д̇асамат̇ад̇т̇о яат̇ад̇т̇о яат̇аа б̣уд̣̇д̇хзна д̣̇зсид̇о, ад̇д̇абариниб̣б̣аабанад̇т̇о яат̇ад̇т̇о яат̇аа б̣уд̣̇д̇хзна д̣̇зсид̇о…бз… нирод̇хз бад̇идтаабагад̇т̇о яат̇ад̇т̇о яат̇аа б̣уд̣̇д̇хзна д̣̇зсид̇о.
162.Buddhoti kenaṭṭhena buddho? Bujjhitā saccānīti – buddho. Bodhetā pajāyāti – buddho. Sabbaññutāya buddho. Sabbadassāvitāya buddho. Anaññaneyyatāya buddho. Visavitāya 15 buddho. Khīṇāsavasaṅkhātena buddho. Nirupalepasaṅkhātena 16 buddho. Ekantavītarāgoti – buddho. Ekantavītadosoti – buddho. Ekantavītamohoti – buddho. Ekantanikkilesoti – buddho. Ekāyanamaggaṃ gatoti – buddho. Eko anuttaraṃ sammāsambodhiṃ abhisambuddhoti – buddho. Abuddhivihatattā buddhipaṭilābhā – buddho. Buddhoti netaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ. Vimokkhantikametaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā sacchikā paññatti yadidaṃ – buddhoti. Desitāti attadamathattho yathattho yathā buddhena desito, attasamathattho yathattho yathā buddhena desito, attaparinibbāpanattho yathattho yathā buddhena desito…pe… nirodhe patiṭṭhāpakattho yathattho yathā buddhena desito.
сод̇и г̇ахадто ваа ход̇и баб̣б̣аж̇ид̇о ваа. логод̇и. канд̇халого д̇хаад̇улого ааяад̇аналого вибад̇д̇ибхавалого вибад̇д̇исамбхавалого самбад̇д̇ибхавалого самбад̇д̇исамбхавалого. зго лого – саб̣б̣з сад̇д̇аа аахаарадтид̇игаа…бз… адтаараса логаа – адтаараса д̇хаад̇уяо. бабхаасзд̇ийд̇и ад̇д̇ад̣̇амат̇ад̇т̇ам̣ яат̇ад̇т̇ам̣ абхисамб̣уд̣̇д̇хад̇д̇аа . со имам̣ логам̣ обхаасзд̇и бхаасзд̇и бабхаасзд̇и. ад̇д̇асамат̇ад̇т̇ам̣ яат̇ад̇т̇ам̣ абхисамб̣уд̣̇д̇хад̇д̇аа. со имам̣ логам̣ обхаасзд̇и бхаасзд̇и бабхаасзд̇и. ад̇д̇абариниб̣б̣аабанад̇т̇ам̣ яат̇ад̇т̇ам̣ абхисамб̣уд̣̇д̇хад̇д̇аа. со имам̣ логам̣ обхаасзд̇и бхаасзд̇и бабхаасзд̇и…бз… нирод̇хз бад̇идтаабагад̇т̇ам̣ яат̇ад̇т̇ам̣ абхисамб̣уд̣̇д̇хад̇д̇аа. со имам̣ логам̣ обхаасзд̇и бхаасзд̇и бабхаасзд̇и.
Soti gahaṭṭho vā hoti pabbajito vā. Lokoti. Khandhaloko dhātuloko āyatanaloko vipattibhavaloko vipattisambhavaloko sampattibhavaloko sampattisambhavaloko. Eko loko – sabbe sattā āhāraṭṭhitikā…pe… aṭṭhārasa lokā – aṭṭhārasa dhātuyo. Pabhāsetīti attadamathatthaṃ yathatthaṃ abhisambuddhattā . So imaṃ lokaṃ obhāseti bhāseti pabhāseti. Attasamathatthaṃ yathatthaṃ abhisambuddhattā. So imaṃ lokaṃ obhāseti bhāseti pabhāseti. Attaparinibbāpanatthaṃ yathatthaṃ abhisambuddhattā. So imaṃ lokaṃ obhāseti bhāseti pabhāseti…pe… nirodhe patiṭṭhāpakatthaṃ yathatthaṃ abhisambuddhattā. So imaṃ lokaṃ obhāseti bhāseti pabhāseti.
аб̣бхаа муд̇д̇ова жанд̣̇имаад̇и яат̇аа аб̣бхаа, звам̣ гилзсаа. яат̇аа жанд̣̇о, звам̣ арияан̃аан̣ам̣. яат̇аа жанд̣̇имаа д̣̇звабуд̇д̇о, звам̣ бхигку. яат̇аа жанд̣̇о аб̣бхаа муд̇д̇о махигаа муд̇д̇о д̇хуумараж̇аа муд̇д̇о раахуг̇ахан̣аа 17 виббамуд̇д̇о бхаасад̇з жа д̇абад̇з жа вирожад̇з 18 жа, звамзвам̣ бхигку саб̣б̣агилзсзхи виббамуд̇д̇о бхаасад̇з жа д̇абад̇з жа вирожад̇з жа. д̇зна вужжад̇и – аб̣бхаа муд̇д̇ова жанд̣̇имаад̇и. имаани д̇зраса вод̣̇аанз н̃аан̣аани.
Abbhā muttova candimāti yathā abbhā, evaṃ kilesā. Yathā cando, evaṃ ariyañāṇaṃ. Yathā candimā devaputto, evaṃ bhikkhu. Yathā cando abbhā mutto mahikā mutto dhūmarajā mutto rāhugahaṇā 19 vippamutto bhāsate ca tapate ca virocate 20 ca, evamevaṃ bhikkhu sabbakilesehi vippamutto bhāsate ca tapate ca virocate ca. Tena vuccati – abbhā muttova candimāti. Imāni terasa vodāne ñāṇāni.
вод̣̇аанан̃аан̣анид̣̇д̣̇зсо жад̇уд̇т̇о.
Vodānañāṇaniddeso catuttho.
бхаан̣авааро.
Bhāṇavāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 4. вод̣̇аанан̃аан̣анид̣̇д̣̇зсаван̣н̣анаа • 4. Vodānañāṇaniddesavaṇṇanā
