| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒. ทุติยวโคฺค
2. Dutiyavaggo
(๑๙) ๑๐. โวหารกถา
(19) 10. Vohārakathā
๓๔๗. พุทฺธสฺส ภควโต โวหาโร โลกุตฺตโรติ? อามนฺตาฯ โลกุตฺตเร โสเต ปฎิหญฺญติ โน โลกิเย, โลกุตฺตเรน วิญฺญาเณน ปฎิวิชานนฺติ โน โลกิเยน, สาวกา ปฎิวิชานนฺติ โน ปุถุชฺชนาติ? น เหวํ วตฺตเพฺพ…เป.…ฯ
347. Buddhassa bhagavato vohāro lokuttaroti? Āmantā. Lokuttare sote paṭihaññati no lokiye, lokuttarena viññāṇena paṭivijānanti no lokiyena, sāvakā paṭivijānanti no puthujjanāti? Na hevaṃ vattabbe…pe….
นนุ พุทฺธสฺส ภควโต โวหาโร โลกิเย โสเต ปฎิหญฺญตีติ? อามนฺตาฯ หญฺจิ พุทฺธสฺส ภควโต โวหาโร โลกิเย โสเต ปฎิหญฺญติ, โน จ วต เร วตฺตเพฺพ – ‘‘พุทฺธสฺส ภควโต โวหาโร โลกุตฺตโร’’ติฯ
Nanu buddhassa bhagavato vohāro lokiye sote paṭihaññatīti? Āmantā. Hañci buddhassa bhagavato vohāro lokiye sote paṭihaññati, no ca vata re vattabbe – ‘‘buddhassa bhagavato vohāro lokuttaro’’ti.
นนุ พุทฺธสฺส ภควโต โวหารํ โลกิเยน วิญฺญาเณน ปฎิวิชานนฺตีติ? อามนฺตาฯ หญฺจิ พุทฺธสฺส ภควโต โวหารํ โลกิเยน วิญฺญาเณน ปฎิวิชานนฺติ, โน จ วต เร วตฺตเพฺพ – ‘‘พุทฺธสฺส ภควโต โวหาโร โลกุตฺตโร’’ติฯ
Nanu buddhassa bhagavato vohāraṃ lokiyena viññāṇena paṭivijānantīti? Āmantā. Hañci buddhassa bhagavato vohāraṃ lokiyena viññāṇena paṭivijānanti, no ca vata re vattabbe – ‘‘buddhassa bhagavato vohāro lokuttaro’’ti.
นนุ พุทฺธสฺส ภควโต โวหารํ ปุถุชฺชนา ปฎิวิชานนฺตีติ? อามนฺตาฯ หญฺจิ พุทฺธสฺส ภควโต โวหารํ ปุถุชฺชนา ปฎิวิชานนฺติ, โน จ วต เร วตฺตเพฺพ – ‘‘พุทฺธสฺส ภควโต โวหาโร โลกุตฺตโร’’ติฯ
Nanu buddhassa bhagavato vohāraṃ puthujjanā paṭivijānantīti? Āmantā. Hañci buddhassa bhagavato vohāraṃ puthujjanā paṭivijānanti, no ca vata re vattabbe – ‘‘buddhassa bhagavato vohāro lokuttaro’’ti.
๓๔๘. พุทฺธสฺส ภควโต โวหาโร โลกุตฺตโรติ? อามนฺตาฯ มโคฺค ผลํ นิพฺพานํ, โสตาปตฺติมโคฺค โสตาปตฺติผลํ, สกทาคามิมโคฺค สกทาคามิผลํ, อนาคามิมโคฺค อนาคามิผลํ, อรหตฺตมโคฺค อรหตฺตผลํ, สติปฎฺฐานํ สมฺมปฺปธานํ อิทฺธิปาโท อินฺทฺริยํ พลํ โพชฺฌโงฺคติ? น เหวํ วตฺตเพฺพ…เป.…ฯ
348. Buddhassa bhagavato vohāro lokuttaroti? Āmantā. Maggo phalaṃ nibbānaṃ, sotāpattimaggo sotāpattiphalaṃ, sakadāgāmimaggo sakadāgāmiphalaṃ, anāgāmimaggo anāgāmiphalaṃ, arahattamaggo arahattaphalaṃ, satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti? Na hevaṃ vattabbe…pe….
พุทฺธสฺส ภควโต โวหาโร โลกุตฺตโรติ? อามนฺตาฯ อตฺถิ เกจิ พุทฺธสฺส ภควโต โวหารํ สุณนฺตีติ? อามนฺตาฯ โลกุตฺตโร ธโมฺม โสตวิเญฺญโยฺย, โสตสฺมิํ ปฎิหญฺญติ, โสตสฺส อาปาถํ อาคจฺฉตีติ? น เหวํ วตฺตเพฺพ…เป.…ฯ
Buddhassa bhagavato vohāro lokuttaroti? Āmantā. Atthi keci buddhassa bhagavato vohāraṃ suṇantīti? Āmantā. Lokuttaro dhammo sotaviññeyyo, sotasmiṃ paṭihaññati, sotassa āpāthaṃ āgacchatīti? Na hevaṃ vattabbe…pe….
นนุ โลกุตฺตโร ธโมฺม น โสตวิเญฺญโยฺย, น โสตสฺมิํ ปฎิหญฺญติ, น โสตสฺส อาปาถํ อาคจฺฉตีติ? อามนฺตาฯ หญฺจิ โลกุตฺตโร ธโมฺม น โสตวิเญฺญโยฺย, น โสตสฺมิํ ปฎิหญฺญติ, น โสตสฺส อาปาถํ อาคจฺฉติ, โน จ วต เร วตฺตเพฺพ – ‘‘พุทฺธสฺส ภควโต โวหาโร โลกุตฺตโร’’ติฯ
Nanu lokuttaro dhammo na sotaviññeyyo, na sotasmiṃ paṭihaññati, na sotassa āpāthaṃ āgacchatīti? Āmantā. Hañci lokuttaro dhammo na sotaviññeyyo, na sotasmiṃ paṭihaññati, na sotassa āpāthaṃ āgacchati, no ca vata re vattabbe – ‘‘buddhassa bhagavato vohāro lokuttaro’’ti.
๓๔๙. พุทฺธสฺส ภควโต โวหาโร โลกุตฺตโรติ? อามนฺตาฯ อตฺถิ เกจิ พุทฺธสฺส ภควโต โวหาเร รเชฺชยฺยุนฺติ? อามนฺตาฯ โลกุตฺตโร ธโมฺม ราคฎฺฐานิโย รชนีโย กมนีโย มทนีโย พนฺธนีโย มุจฺฉนีโยติ? น เหวํ วตฺตเพฺพ…เป.…ฯ
349. Buddhassa bhagavato vohāro lokuttaroti? Āmantā. Atthi keci buddhassa bhagavato vohāre rajjeyyunti? Āmantā. Lokuttaro dhammo rāgaṭṭhāniyo rajanīyo kamanīyo madanīyo bandhanīyo mucchanīyoti? Na hevaṃ vattabbe…pe….
นนุ โลกุตฺตโร ธโมฺม น ราคฎฺฐานิโย น รชนีโย น กมนีโย น มทนีโย น พนฺธนีโย น มุจฺฉนีโยติ? อามนฺตาฯ หญฺจิ โลกุตฺตโร ธโมฺม น ราคฎฺฐานิโย น รชนีโย น กมนีโย น มทนีโย น พนฺธนีโย น มุจฺฉนีโย, โน จ วต เร วตฺตเพฺพ – ‘‘พุทฺธสฺส ภควโต โวหาโร โลกุตฺตโร’’ติฯ
Nanu lokuttaro dhammo na rāgaṭṭhāniyo na rajanīyo na kamanīyo na madanīyo na bandhanīyo na mucchanīyoti? Āmantā. Hañci lokuttaro dhammo na rāgaṭṭhāniyo na rajanīyo na kamanīyo na madanīyo na bandhanīyo na mucchanīyo, no ca vata re vattabbe – ‘‘buddhassa bhagavato vohāro lokuttaro’’ti.
พุทฺธสฺส ภควโต โวหาโร โลกุตฺตโรติ? อามนฺตาฯ อตฺถิ เกจิ พุทฺธสฺส ภควโต โวหาเร ทุเสฺสยฺยุนฺติ? อามนฺตาฯ โลกุตฺตโร ธโมฺม โทสฎฺฐานิโย โกปฎฺฐานิโย ปฎิฆฎฺฐานิโยติ? น เหวํ วตฺตเพฺพ…เป.…ฯ
Buddhassa bhagavato vohāro lokuttaroti? Āmantā. Atthi keci buddhassa bhagavato vohāre dusseyyunti? Āmantā. Lokuttaro dhammo dosaṭṭhāniyo kopaṭṭhāniyo paṭighaṭṭhāniyoti? Na hevaṃ vattabbe…pe….
นนุ โลกุตฺตโร ธโมฺม น โทสฎฺฐานิโย น โกปฎฺฐานิโย น ปฎิฆฎฺฐานิโยติ? อามนฺตาฯ หญฺจิ โลกุตฺตโร ธโมฺม น โทสฎฺฐานิโย น โกปฎฺฐานิโย น ปฎิฆฎฺฐานิโย, โน จ วต เร วตฺตเพฺพ – ‘‘พุทฺธสฺส ภควโต โวหาโร โลกุตฺตโร’’ติฯ
Nanu lokuttaro dhammo na dosaṭṭhāniyo na kopaṭṭhāniyo na paṭighaṭṭhāniyoti? Āmantā. Hañci lokuttaro dhammo na dosaṭṭhāniyo na kopaṭṭhāniyo na paṭighaṭṭhāniyo, no ca vata re vattabbe – ‘‘buddhassa bhagavato vohāro lokuttaro’’ti.
พุทฺธสฺส ภควโต โวหาโร โลกุตฺตโรติ? อามนฺตาฯ อตฺถิ เกจิ พุทฺธสฺส ภควโต โวหาเร มุเยฺหยฺยุนฺติ? อามนฺตาฯ โลกุตฺตโร ธโมฺม โมหฎฺฐานิโย อญฺญาณกรโณ อจกฺขุกรโณ ปญฺญานิโรธิโก วิฆาตปกฺขิโก อนิพฺพานสํวตฺตนิโกติ? น เหวํ วตฺตเพฺพ…เป.…ฯ
Buddhassa bhagavato vohāro lokuttaroti? Āmantā. Atthi keci buddhassa bhagavato vohāre muyheyyunti? Āmantā. Lokuttaro dhammo mohaṭṭhāniyo aññāṇakaraṇo acakkhukaraṇo paññānirodhiko vighātapakkhiko anibbānasaṃvattanikoti? Na hevaṃ vattabbe…pe….
นนุ โลกุตฺตโร ธโมฺม น โมหฎฺฐานิโย น อญฺญาณกรโณ น อจกฺขุกรโณ ปญฺญาวุทฺธิโก อวิฆาตปกฺขิโก นิพฺพานสํวตฺตนิโกติ? อามนฺตาฯ หญฺจิ โลกุตฺตโร ธโมฺม น โมหฎฺฐานิโย น อญฺญาณกรโณ น อจกฺขุกรโณ ปญฺญาวุทฺธิโก อวิฆาตปกฺขิโก นิพฺพานสํวตฺตนิโก, โน จ วต เร วตฺตเพฺพ – ‘‘พุทฺธสฺส ภควโต โวหาโร โลกุตฺตโร’’ติฯ
Nanu lokuttaro dhammo na mohaṭṭhāniyo na aññāṇakaraṇo na acakkhukaraṇo paññāvuddhiko avighātapakkhiko nibbānasaṃvattanikoti? Āmantā. Hañci lokuttaro dhammo na mohaṭṭhāniyo na aññāṇakaraṇo na acakkhukaraṇo paññāvuddhiko avighātapakkhiko nibbānasaṃvattaniko, no ca vata re vattabbe – ‘‘buddhassa bhagavato vohāro lokuttaro’’ti.
๓๕๐. พุทฺธสฺส ภควโต โวหาโร โลกุตฺตโรติ? อามนฺตาฯ เย เกจิ พุทฺธสฺส ภควโต โวหารํ สุณนฺติ, สเพฺพ เต มคฺคํ ภาเวนฺตีติ? น เหวํ วตฺตเพฺพ…เป.…ฯ
350. Buddhassa bhagavato vohāro lokuttaroti? Āmantā. Ye keci buddhassa bhagavato vohāraṃ suṇanti, sabbe te maggaṃ bhāventīti? Na hevaṃ vattabbe…pe….
เย เกจิ พุทฺธสฺส ภควโต โวหารํ สุณนฺติ, สเพฺพ เต มคฺคํ ภาเวนฺตีติ? อามนฺตาฯ พาลปุถุชฺชนา พุทฺธสฺส ภควโต โวหารํ สุณนฺติ, พาลปุถุชฺชนา มคฺคํ ภาเวนฺตีติ? น เหวํ วตฺตเพฺพ…เป.… มาตุฆาตโก มคฺคํ ภาเวติ…เป.… ปิตุฆาตโก… อรหนฺตฆาตโก… รุหิรุปฺปาทโก… สงฺฆเภทโก พุทฺธสฺส ภควโต โวหารํ สุณาติ, สงฺฆเภทโก มคฺคํ ภาเวตีติ? น เหวํ วตฺตเพฺพ…เป.…ฯ
Ye keci buddhassa bhagavato vohāraṃ suṇanti, sabbe te maggaṃ bhāventīti? Āmantā. Bālaputhujjanā buddhassa bhagavato vohāraṃ suṇanti, bālaputhujjanā maggaṃ bhāventīti? Na hevaṃ vattabbe…pe… mātughātako maggaṃ bhāveti…pe… pitughātako… arahantaghātako… ruhiruppādako… saṅghabhedako buddhassa bhagavato vohāraṃ suṇāti, saṅghabhedako maggaṃ bhāvetīti? Na hevaṃ vattabbe…pe….
๓๕๑. ลพฺภา โสวณฺณมยาย ลฎฺฐิยา ธญฺญปุโญฺชปิ สุวณฺณปุโญฺชปิ อาจิกฺขิตุนฺติ? อามนฺตาฯ เอวเมวํ ภควา โลกุตฺตเรน โวหาเรน โลกิยมฺปิ โลกุตฺตรมฺปิ ธมฺมํ โวหรตีติฯ
351. Labbhā sovaṇṇamayāya laṭṭhiyā dhaññapuñjopi suvaṇṇapuñjopi ācikkhitunti? Āmantā. Evamevaṃ bhagavā lokuttarena vohārena lokiyampi lokuttarampi dhammaṃ voharatīti.
ลพฺภา เอลณฺฑิยาย ลฎฺฐิยา ธญฺญปุโญฺชปิ สุวณฺณปุโญฺชปิ อาจิกฺขิตุนฺติ? อามนฺตาฯ เอวเมวํ ภควา โลกิเยน โวหาเรน โลกิยมฺปิ โลกุตฺตรมฺปิ ธมฺมํ โวหรตีติฯ
Labbhā elaṇḍiyāya laṭṭhiyā dhaññapuñjopi suvaṇṇapuñjopi ācikkhitunti? Āmantā. Evamevaṃ bhagavā lokiyena vohārena lokiyampi lokuttarampi dhammaṃ voharatīti.
๓๕๒. พุทฺธสฺส ภควโต โวหาโร โลกิยํ โวหรนฺตสฺส โลกิโย โหติ, โลกุตฺตรํ โวหรนฺตสฺส โลกุตฺตโร โหตีติ? อามนฺตาฯ โลกิยํ โวหรนฺตสฺส โลกิเย โสเต ปฎิหญฺญติ, โลกุตฺตรํ โวหรนฺตสฺส โลกุตฺตเร โสเต ปฎิหญฺญติ; โลกิยํ โวหรนฺตสฺส โลกิเยน วิญฺญาเณน ปฎิวิชานนฺติ, โลกุตฺตรํ โวหรนฺตสฺส โลกุตฺตเรน วิญฺญาเณน ปฎิวิชานนฺติ; โลกิยํ โวหรนฺตสฺส ปุถุชฺชนา ปฎิวิชานนฺติ , โลกุตฺตรํ โวหรนฺตสฺส สาวกา ปฎิวิชานนฺตีติ? น เหวํ วตฺตเพฺพ…เป.…ฯ
352. Buddhassa bhagavato vohāro lokiyaṃ voharantassa lokiyo hoti, lokuttaraṃ voharantassa lokuttaro hotīti? Āmantā. Lokiyaṃ voharantassa lokiye sote paṭihaññati, lokuttaraṃ voharantassa lokuttare sote paṭihaññati; lokiyaṃ voharantassa lokiyena viññāṇena paṭivijānanti, lokuttaraṃ voharantassa lokuttarena viññāṇena paṭivijānanti; lokiyaṃ voharantassa puthujjanā paṭivijānanti , lokuttaraṃ voharantassa sāvakā paṭivijānantīti? Na hevaṃ vattabbe…pe….
น วตฺตพฺพํ – ‘‘พุทฺธสฺส ภควโต โวหาโร โลกิยํ โวหรนฺตสฺส โลกิโย โหติ, โลกุตฺตรํ โวหรนฺตสฺส โลกุตฺตโร โหตีติ? อามนฺตาฯ นนุ ภควา โลกิยมฺปิ โลกุตฺตรมฺปิ ธมฺมํ โวหรตีติ? อามนฺตาฯ หญฺจิ ภควา โลกิยมฺปิ โลกุตฺตรมฺปิ ธมฺมํ โวหรติ, เตน วต เร วตฺตเพฺพ – ‘‘พุทฺธสฺส ภควโต โวหาโร โลกิยํ โวหรนฺตสฺส โลกิโย โหติ, โลกุตฺตรํ โวหรนฺตสฺส โลกุตฺตโร โหตี’’ติฯ
Na vattabbaṃ – ‘‘buddhassa bhagavato vohāro lokiyaṃ voharantassa lokiyo hoti, lokuttaraṃ voharantassa lokuttaro hotīti? Āmantā. Nanu bhagavā lokiyampi lokuttarampi dhammaṃ voharatīti? Āmantā. Hañci bhagavā lokiyampi lokuttarampi dhammaṃ voharati, tena vata re vattabbe – ‘‘buddhassa bhagavato vohāro lokiyaṃ voharantassa lokiyo hoti, lokuttaraṃ voharantassa lokuttaro hotī’’ti.
พุทฺธสฺส ภควโต โวหาโร โลกิยํ โวหรนฺตสฺส โลกิโย โหติ, โลกุตฺตรํ โวหรนฺตสฺส โลกุตฺตโร โหตีติ? อามนฺตาฯ มคฺคํ โวหรนฺตสฺส มโคฺค โหติ, อมคฺคํ โวหรนฺตสฺส อมโคฺค โหติ, ผลํ โวหรนฺตสฺส ผลํ โหติ, อผลํ โวหรนฺตสฺส อผลํ โหติ, นิพฺพานํ โวหรนฺตสฺส นิพฺพานํ โหติ, อนิพฺพานํ โวหรนฺตสฺส อนิพฺพานํ โหติ, สงฺขตํ โวหรนฺตสฺส สงฺขตํ โหติ, อสงฺขตํ โวหรนฺตสฺส อสงฺขตํ โหติ, รูปํ โวหรนฺตสฺส รูปํ โหติ, อรูปํ โวหรนฺตสฺส อรูปํ โหติ, เวทนํ โวหรนฺตสฺส เวทนา โหติ, อเวทนํ โวหรนฺตสฺส อเวทนา โหติ, สญฺญํ โวหรนฺตสฺส สญฺญา โหติ, อสญฺญํ โวหรนฺตสฺส อสญฺญา โหติ, สงฺขาเร โวหรนฺตสฺส สงฺขารา โหนฺติ, อสงฺขาเร โวหรนฺตสฺส อสงฺขารา โหนฺติ, วิญฺญาณํ โวหรนฺตสฺส วิญฺญาณํ โหติ, อวิญฺญาณํ โวหรนฺตสฺส อวิญฺญาณํ โหตีติ ? น เหวํ วตฺตเพฺพ…เป.…ฯ
Buddhassa bhagavato vohāro lokiyaṃ voharantassa lokiyo hoti, lokuttaraṃ voharantassa lokuttaro hotīti? Āmantā. Maggaṃ voharantassa maggo hoti, amaggaṃ voharantassa amaggo hoti, phalaṃ voharantassa phalaṃ hoti, aphalaṃ voharantassa aphalaṃ hoti, nibbānaṃ voharantassa nibbānaṃ hoti, anibbānaṃ voharantassa anibbānaṃ hoti, saṅkhataṃ voharantassa saṅkhataṃ hoti, asaṅkhataṃ voharantassa asaṅkhataṃ hoti, rūpaṃ voharantassa rūpaṃ hoti, arūpaṃ voharantassa arūpaṃ hoti, vedanaṃ voharantassa vedanā hoti, avedanaṃ voharantassa avedanā hoti, saññaṃ voharantassa saññā hoti, asaññaṃ voharantassa asaññā hoti, saṅkhāre voharantassa saṅkhārā honti, asaṅkhāre voharantassa asaṅkhārā honti, viññāṇaṃ voharantassa viññāṇaṃ hoti, aviññāṇaṃ voharantassa aviññāṇaṃ hotīti ? Na hevaṃ vattabbe…pe….
โวหารกถา นิฎฺฐิตาฯ
Vohārakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๐. โวหารกถาวณฺณนา • 10. Vohārakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๐. โวหารกถาวณฺณนา • 10. Vohārakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๐. โวหารกถาวณฺณนา • 10. Vohārakathāvaṇṇanā
