| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
10. வோஹாரகதா²வண்ணனா
10. Vohārakathāvaṇṇanā
347. இதா³னி வோஹாரகதா² நாம ஹோதி. தத்த² பு³த்³தோ⁴ ப⁴க³வா லோகுத்தரேன வோஹாரேன வோஹரதீதி யேஸங் லத்³தி⁴, ஸெய்யதா²பி ஏதரஹி அந்த⁴கானங்; தே ஸந்தா⁴ய புச்சா² ஸகவாதி³ஸ்ஸ, லத்³தி⁴வஸேன படிஞ்ஞா பரவாதி³ஸ்ஸ. லோகுத்தரே ஸோதேதிஆதீ³னி தஸ்ஸ அயுத்தவாதீ³பா⁴வதீ³பனத்த²ங் வுத்தானி. அயஞ்ஹெத்த² அதி⁴ப்பாயோ – ‘‘ஸத்³தா³யதனமேவ தே லோகுத்தரங், உதா³ஹு ஸோதாதீ³னிபீ’’தி.
347. Idāni vohārakathā nāma hoti. Tattha buddho bhagavā lokuttarena vohārena voharatīti yesaṃ laddhi, seyyathāpi etarahi andhakānaṃ; te sandhāya pucchā sakavādissa, laddhivasena paṭiññā paravādissa. Lokuttare sotetiādīni tassa ayuttavādībhāvadīpanatthaṃ vuttāni. Ayañhettha adhippāyo – ‘‘saddāyatanameva te lokuttaraṃ, udāhu sotādīnipī’’ti.
ஹஞ்சி பு³த்³த⁴ஸ்ஸ ப⁴க³வதோ வோஹாரோ லோகியே ஸோதே படிஹஞ்ஞதீதி எத்த² யதி³ ஸோ லோகுத்தரே படிஹஞ்ஞெய்ய. லோகுத்தரோ ஸியாதி ஏவமத்தோ² ந க³ஹேதப்³போ³. லோகியே படிஹஞ்ஞமானஸ்ஸ பன லோகுத்தரதா நாம நத்தீ²தி அயமெத்தா²தி⁴ப்பாயோ. லோகியேன விஞ்ஞாணேனாதி எத்தா²பி லோகியேனேவாதி அத்தோ². இதரதா² அனேகந்ததா ஸியா. லோகுத்தரஞ்ஹி லோகியேனபி ஞாணேன ஞாயதீ. ஏவங் ஸப்³ப³ங் யதா²னுரூபதோ வேதி³தப்³ப³ங். ஸப்³பே³ தே மக்³க³ங் பா⁴வெந்தீதி பஞ்ஹேஸு யே மக்³க³ங் நப்படிலப⁴ந்தி, தே ஸந்தா⁴ய படிக்கி²பதி. யே படிலப⁴ந்தி, தே ஸந்தா⁴ய படிஜானாதி.
Hañci buddhassa bhagavato vohāro lokiye sote paṭihaññatīti ettha yadi so lokuttare paṭihaññeyya. Lokuttaro siyāti evamattho na gahetabbo. Lokiye paṭihaññamānassa pana lokuttaratā nāma natthīti ayametthādhippāyo. Lokiyena viññāṇenāti etthāpi lokiyenevāti attho. Itarathā anekantatā siyā. Lokuttarañhi lokiyenapi ñāṇena ñāyatī. Evaṃ sabbaṃ yathānurūpato veditabbaṃ. Sabbe te maggaṃ bhāventīti pañhesu ye maggaṃ nappaṭilabhanti, te sandhāya paṭikkhipati. Ye paṭilabhanti, te sandhāya paṭijānāti.
351. ஸோவண்ணமயாயாதி ஸுவண்ணமயாய. இத³ங் பரவாதி³ஸ்ஸ உதா³ஹரணங்.
351. Sovaṇṇamayāyāti suvaṇṇamayāya. Idaṃ paravādissa udāharaṇaṃ.
ஏளண்டி³யாயாதி ஏளண்ட³மயாய. இத³ங் ஸகவாதி³ஸ்ஸ உதா³ஹரணங். லோகியங் வோஹரந்தஸ்ஸ லோகியோதி அயம்பி ஏகா லத்³தி⁴. ஸா ஏதரஹி ஏகச்சானங் அந்த⁴கானங் லத்³தி⁴. ஸேஸமெத்த² உத்தானத்த²மேவாதி.
Eḷaṇḍiyāyāti eḷaṇḍamayāya. Idaṃ sakavādissa udāharaṇaṃ. Lokiyaṃ voharantassa lokiyoti ayampi ekā laddhi. Sā etarahi ekaccānaṃ andhakānaṃ laddhi. Sesamettha uttānatthamevāti.
வோஹாரகதா²வண்ணனா.
Vohārakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (19) 10. வோஹாரகதா² • (19) 10. Vohārakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 10. வோஹாரகதா²வண்ணனா • 10. Vohārakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 10. வோஹாரகதா²வண்ணனா • 10. Vohārakathāvaṇṇanā
