| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
10. வோஹாரகதா²வண்ணனா
10. Vohārakathāvaṇṇanā
347. வோஹாரகதா²யங் உதா³ஹு ஸோதாதீ³னிபீதி ஏகந்தலோகியேஸு விஸயவிஸயீஸு விஸயஸ்ஸேவ லோகுத்தரபா⁴வோ, ந விஸயீனந்தி நத்தெ²த்த² காரணங். யதா² ச விஸயீனங் லோகுத்தரபா⁴வோ அஸித்³தோ⁴, ததா² விஸயஸ்ஸ ஸத்³தா³யதனஸ்ஸ. தத்த² யதா² அஸித்³த⁴லோகுத்தரபா⁴வஸ்ஸ தஸ்ஸ லோகுத்தரதா, ஏவங் ஸோதாதீ³னங் ஆபன்னாதி கிந்தி தானிபி லோகுத்தரானீதி அத்தோ² த³ட்ட²ப்³போ³.
347. Vohārakathāyaṃ udāhu sotādīnipīti ekantalokiyesu visayavisayīsu visayasseva lokuttarabhāvo, na visayīnanti natthettha kāraṇaṃ. Yathā ca visayīnaṃ lokuttarabhāvo asiddho, tathā visayassa saddāyatanassa. Tattha yathā asiddhalokuttarabhāvassa tassa lokuttaratā, evaṃ sotādīnaṃ āpannāti kinti tānipi lokuttarānīti attho daṭṭhabbo.
யதி³ லோகுத்தரே படிஹஞ்ஞெய்ய, லோகுத்தரோ ஸியாதி அத்தோ² ந க³ஹேதப்³போ³. ந ஹி லோகுத்தரே படிஹஞ்ஞதீதி பரிகப்பிதேபி ஸத்³த³ஸ்ஸ லோகுத்தரபா⁴வோ அத்தீ²தி அதி⁴ப்பாயோ. ‘‘லோகியேன ஞாணேனா’’தி உத்³த⁴டங், ‘‘விஞ்ஞாணேனா’’தி பன பாளி, தஞ்ச விஞ்ஞாணங் ஸோதஸம்ப³ந்தே⁴ன ஸோதவிஞ்ஞாணந்தி விஞ்ஞாயதீதி. அனேகந்ததாதி லோகியேன ஞாணேன ஜானிதப்³ப³தோ லோகியோதி ஏதஸ்ஸ ஹேதுஸ்ஸ லோகியே லோகுத்தரே ச ஸம்ப⁴வதோ அனேகந்தபா⁴வோ ஸியாதி அதி⁴ப்பாயோ.
Yadi lokuttare paṭihaññeyya, lokuttaro siyāti attho na gahetabbo. Na hi lokuttare paṭihaññatīti parikappitepi saddassa lokuttarabhāvo atthīti adhippāyo. ‘‘Lokiyena ñāṇenā’’ti uddhaṭaṃ, ‘‘viññāṇenā’’ti pana pāḷi, tañca viññāṇaṃ sotasambandhena sotaviññāṇanti viññāyatīti. Anekantatāti lokiyena ñāṇena jānitabbato lokiyoti etassa hetussa lokiye lokuttare ca sambhavato anekantabhāvo siyāti adhippāyo.
வோஹாரகதா²வண்ணனா நிட்டி²தா.
Vohārakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (19) 10. வோஹாரகதா² • (19) 10. Vohārakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 10. வோஹாரகதா²வண்ணனா • 10. Vohārakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 10. வோஹாரகதா²வண்ணனா • 10. Vohārakathāvaṇṇanā
