| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
10. вохаарагат̇ааван̣н̣анаа
10. Vohārakathāvaṇṇanā
347. вохаарагат̇ааяам̣ уд̣̇ааху сод̇аад̣̇ийнибийд̇и зганд̇алогиязсу висаяависаяийсу висаяассзва логуд̇д̇арабхааво, на висаяийнанд̇и над̇т̇зд̇т̇а гааран̣ам̣. яат̇аа жа висаяийнам̣ логуд̇д̇арабхааво асид̣̇д̇хо, д̇ат̇аа висаяасса сад̣̇д̣̇ааяад̇анасса. д̇ад̇т̇а яат̇аа асид̣̇д̇халогуд̇д̇арабхаавасса д̇асса логуд̇д̇арад̇аа, звам̣ сод̇аад̣̇ийнам̣ аабаннаад̇и гинд̇и д̇ааниби логуд̇д̇араанийд̇и ад̇т̇о д̣̇адтаб̣б̣о.
347. Vohārakathāyaṃ udāhu sotādīnipīti ekantalokiyesu visayavisayīsu visayasseva lokuttarabhāvo, na visayīnanti natthettha kāraṇaṃ. Yathā ca visayīnaṃ lokuttarabhāvo asiddho, tathā visayassa saddāyatanassa. Tattha yathā asiddhalokuttarabhāvassa tassa lokuttaratā, evaṃ sotādīnaṃ āpannāti kinti tānipi lokuttarānīti attho daṭṭhabbo.
яад̣̇и логуд̇д̇арз бадихан̃н̃зяяа, логуд̇д̇аро сияаад̇и ад̇т̇о на г̇ахзд̇аб̣б̣о. на хи логуд̇д̇арз бадихан̃н̃ад̇ийд̇и баригаббид̇зби сад̣̇д̣̇асса логуд̇д̇арабхааво ад̇т̇ийд̇и ад̇хиббааяо. ‘‘логиязна н̃аан̣знаа’’д̇и уд̣̇д̇хадам̣, ‘‘вин̃н̃аан̣знаа’’д̇и бана баал̣и, д̇ан̃жа вин̃н̃аан̣ам̣ сод̇асамб̣анд̇хзна сод̇авин̃н̃аан̣анд̇и вин̃н̃ааяад̇ийд̇и. анзганд̇ад̇аад̇и логиязна н̃аан̣зна ж̇аанид̇аб̣б̣ад̇о логияод̇и зд̇асса хзд̇усса логияз логуд̇д̇арз жа самбхавад̇о анзганд̇абхааво сияаад̇и ад̇хиббааяо.
Yadi lokuttare paṭihaññeyya, lokuttaro siyāti attho na gahetabbo. Na hi lokuttare paṭihaññatīti parikappitepi saddassa lokuttarabhāvo atthīti adhippāyo. ‘‘Lokiyena ñāṇenā’’ti uddhaṭaṃ, ‘‘viññāṇenā’’ti pana pāḷi, tañca viññāṇaṃ sotasambandhena sotaviññāṇanti viññāyatīti. Anekantatāti lokiyena ñāṇena jānitabbato lokiyoti etassa hetussa lokiye lokuttare ca sambhavato anekantabhāvo siyāti adhippāyo.
вохаарагат̇ааван̣н̣анаа нидтид̇аа.
Vohārakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (19) 10. вохаарагат̇аа • (19) 10. Vohārakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 10. вохаарагат̇ааван̣н̣анаа • 10. Vohārakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. вохаарагат̇ааван̣н̣анаа • 10. Vohārakathāvaṇṇanā
