| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༡༠. ཝོཧཱརཀཐཱཝཎྞནཱ
10. Vohārakathāvaṇṇanā
༣༤༧. ཝོཧཱརཀཐཱཡཾ ཨུདཱཧུ སོཏཱདཱིནིཔཱིཏི ཨེཀནྟལོཀིཡེསུ ཝིསཡཝིསཡཱིསུ ཝིསཡསྶེཝ ལོཀུཏྟརབྷཱཝོ, ན ཝིསཡཱིནནྟི ནཏྠེཏྠ ཀཱརཎཾ། ཡཐཱ ཙ ཝིསཡཱིནཾ ལོཀུཏྟརབྷཱཝོ ཨསིདྡྷོ, ཏཐཱ ཝིསཡསྶ སདྡཱཡཏནསྶ། ཏཏྠ ཡཐཱ ཨསིདྡྷལོཀུཏྟརབྷཱཝསྶ ཏསྶ ལོཀུཏྟརཏཱ, ཨེཝཾ སོཏཱདཱིནཾ ཨཱཔནྣཱཏི ཀིནྟི ཏཱནིཔི ལོཀུཏྟརཱནཱིཏི ཨཏྠོ དཊྛབྦོ།
347. Vohārakathāyaṃ udāhu sotādīnipīti ekantalokiyesu visayavisayīsu visayasseva lokuttarabhāvo, na visayīnanti natthettha kāraṇaṃ. Yathā ca visayīnaṃ lokuttarabhāvo asiddho, tathā visayassa saddāyatanassa. Tattha yathā asiddhalokuttarabhāvassa tassa lokuttaratā, evaṃ sotādīnaṃ āpannāti kinti tānipi lokuttarānīti attho daṭṭhabbo.
ཡདི ལོཀུཏྟརེ པཊིཧཉྙེཡྻ, ལོཀུཏྟརོ སིཡཱཏི ཨཏྠོ ན གཧེཏབྦོ། ན ཧི ལོཀུཏྟརེ པཊིཧཉྙཏཱིཏི པརིཀཔྤིཏེཔི སདྡསྶ ལོཀུཏྟརབྷཱཝོ ཨཏྠཱིཏི ཨདྷིཔྤཱཡོ། ‘‘ལོཀིཡེན ཉཱཎེནཱ’’ཏི ཨུདྡྷཊཾ, ‘‘ཝིཉྙཱཎེནཱ’’ཏི པན པཱལི༹, ཏཉྩ ཝིཉྙཱཎཾ སོཏསམྦནྡྷེན སོཏཝིཉྙཱཎནྟི ཝིཉྙཱཡཏཱིཏི། ཨནེཀནྟཏཱཏི ལོཀིཡེན ཉཱཎེན ཛཱནིཏབྦཏོ ལོཀིཡོཏི ཨེཏསྶ ཧེཏུསྶ ལོཀིཡེ ལོཀུཏྟརེ ཙ སམྦྷཝཏོ ཨནེཀནྟབྷཱཝོ སིཡཱཏི ཨདྷིཔྤཱཡོ།
Yadi lokuttare paṭihaññeyya, lokuttaro siyāti attho na gahetabbo. Na hi lokuttare paṭihaññatīti parikappitepi saddassa lokuttarabhāvo atthīti adhippāyo. ‘‘Lokiyena ñāṇenā’’ti uddhaṭaṃ, ‘‘viññāṇenā’’ti pana pāḷi, tañca viññāṇaṃ sotasambandhena sotaviññāṇanti viññāyatīti. Anekantatāti lokiyena ñāṇena jānitabbato lokiyoti etassa hetussa lokiye lokuttare ca sambhavato anekantabhāvo siyāti adhippāyo.
ཝོཧཱརཀཐཱཝཎྞནཱ ནིཊྛིཏཱ།
Vohārakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༩) ༡༠. ཝོཧཱརཀཐཱ • (19) 10. Vohārakathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༠. ཝོཧཱརཀཐཱཝཎྞནཱ • 10. Vohārakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༠. ཝོཧཱརཀཐཱཝཎྞནཱ • 10. Vohārakathāvaṇṇanā
