| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੦. વੋਹਾਰਕਥਾવਣ੍ਣਨਾ
10. Vohārakathāvaṇṇanā
੩੪੭. ਇਦਾਨਿ વੋਹਾਰਕਥਾ ਨਾਮ ਹੋਤਿ। ਤਤ੍ਥ ਬੁਦ੍ਧੋ ਭਗવਾ ਲੋਕੁਤ੍ਤਰੇਨ વੋਹਾਰੇਨ વੋਹਰਤੀਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਅਨ੍ਧਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਲਦ੍ਧਿવਸੇਨ ਪਟਿਞ੍ਞਾ ਪਰવਾਦਿਸ੍ਸ। ਲੋਕੁਤ੍ਤਰੇ ਸੋਤੇਤਿਆਦੀਨਿ ਤਸ੍ਸ ਅਯੁਤ੍ਤવਾਦੀਭਾવਦੀਪਨਤ੍ਥਂ વੁਤ੍ਤਾਨਿ। ਅਯਞ੍ਹੇਤ੍ਥ ਅਧਿਪ੍ਪਾਯੋ – ‘‘ਸਦ੍ਦਾਯਤਨਮੇવ ਤੇ ਲੋਕੁਤ੍ਤਰਂ, ਉਦਾਹੁ ਸੋਤਾਦੀਨਿਪੀ’’ਤਿ।
347. Idāni vohārakathā nāma hoti. Tattha buddho bhagavā lokuttarena vohārena voharatīti yesaṃ laddhi, seyyathāpi etarahi andhakānaṃ; te sandhāya pucchā sakavādissa, laddhivasena paṭiññā paravādissa. Lokuttare sotetiādīni tassa ayuttavādībhāvadīpanatthaṃ vuttāni. Ayañhettha adhippāyo – ‘‘saddāyatanameva te lokuttaraṃ, udāhu sotādīnipī’’ti.
ਹਞ੍ਚਿ ਬੁਦ੍ਧਸ੍ਸ ਭਗવਤੋ વੋਹਾਰੋ ਲੋਕਿਯੇ ਸੋਤੇ ਪਟਿਹਞ੍ਞਤੀਤਿ ਏਤ੍ਥ ਯਦਿ ਸੋ ਲੋਕੁਤ੍ਤਰੇ ਪਟਿਹਞ੍ਞੇਯ੍ਯ। ਲੋਕੁਤ੍ਤਰੋ ਸਿਯਾਤਿ ਏવਮਤ੍ਥੋ ਨ ਗਹੇਤਬ੍ਬੋ। ਲੋਕਿਯੇ ਪਟਿਹਞ੍ਞਮਾਨਸ੍ਸ ਪਨ ਲੋਕੁਤ੍ਤਰਤਾ ਨਾਮ ਨਤ੍ਥੀਤਿ ਅਯਮੇਤ੍ਥਾਧਿਪ੍ਪਾਯੋ। ਲੋਕਿਯੇਨ વਿਞ੍ਞਾਣੇਨਾਤਿ ਏਤ੍ਥਾਪਿ ਲੋਕਿਯੇਨੇવਾਤਿ ਅਤ੍ਥੋ। ਇਤਰਥਾ ਅਨੇਕਨ੍ਤਤਾ ਸਿਯਾ। ਲੋਕੁਤ੍ਤਰਞ੍ਹਿ ਲੋਕਿਯੇਨਪਿ ਞਾਣੇਨ ਞਾਯਤੀ। ਏવਂ ਸਬ੍ਬਂ ਯਥਾਨੁਰੂਪਤੋ વੇਦਿਤਬ੍ਬਂ। ਸਬ੍ਬੇ ਤੇ ਮਗ੍ਗਂ ਭਾવੇਨ੍ਤੀਤਿ ਪਞ੍ਹੇਸੁ ਯੇ ਮਗ੍ਗਂ ਨਪ੍ਪਟਿਲਭਨ੍ਤਿ, ਤੇ ਸਨ੍ਧਾਯ ਪਟਿਕ੍ਖਿਪਤਿ। ਯੇ ਪਟਿਲਭਨ੍ਤਿ, ਤੇ ਸਨ੍ਧਾਯ ਪਟਿਜਾਨਾਤਿ।
Hañci buddhassa bhagavato vohāro lokiye sote paṭihaññatīti ettha yadi so lokuttare paṭihaññeyya. Lokuttaro siyāti evamattho na gahetabbo. Lokiye paṭihaññamānassa pana lokuttaratā nāma natthīti ayametthādhippāyo. Lokiyena viññāṇenāti etthāpi lokiyenevāti attho. Itarathā anekantatā siyā. Lokuttarañhi lokiyenapi ñāṇena ñāyatī. Evaṃ sabbaṃ yathānurūpato veditabbaṃ. Sabbe te maggaṃ bhāventīti pañhesu ye maggaṃ nappaṭilabhanti, te sandhāya paṭikkhipati. Ye paṭilabhanti, te sandhāya paṭijānāti.
੩੫੧. ਸੋવਣ੍ਣਮਯਾਯਾਤਿ ਸੁવਣ੍ਣਮਯਾਯ। ਇਦਂ ਪਰવਾਦਿਸ੍ਸ ਉਦਾਹਰਣਂ।
351. Sovaṇṇamayāyāti suvaṇṇamayāya. Idaṃ paravādissa udāharaṇaṃ.
ਏਲ਼ਣ੍ਡਿਯਾਯਾਤਿ ਏਲ਼ਣ੍ਡਮਯਾਯ। ਇਦਂ ਸਕવਾਦਿਸ੍ਸ ਉਦਾਹਰਣਂ। ਲੋਕਿਯਂ વੋਹਰਨ੍ਤਸ੍ਸ ਲੋਕਿਯੋਤਿ ਅਯਮ੍ਪਿ ਏਕਾ ਲਦ੍ਧਿ। ਸਾ ਏਤਰਹਿ ਏਕਚ੍ਚਾਨਂ ਅਨ੍ਧਕਾਨਂ ਲਦ੍ਧਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
Eḷaṇḍiyāyāti eḷaṇḍamayāya. Idaṃ sakavādissa udāharaṇaṃ. Lokiyaṃ voharantassa lokiyoti ayampi ekā laddhi. Sā etarahi ekaccānaṃ andhakānaṃ laddhi. Sesamettha uttānatthamevāti.
વੋਹਾਰਕਥਾવਣ੍ਣਨਾ।
Vohārakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੯) ੧੦. વੋਹਾਰਕਥਾ • (19) 10. Vohārakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੦. વੋਹਾਰਕਥਾવਣ੍ਣਨਾ • 10. Vohārakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੦. વੋਹਾਰਕਥਾવਣ੍ਣਨਾ • 10. Vohārakathāvaṇṇanā
