| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
махаасан̇г̇аамо
Mahāsaṅgāmo
1. вохаранд̇зна ж̇аанид̇аб̣б̣аад̣̇и
1. Voharantena jānitabbādi
368. сан̇г̇аамааважарз бхигкунаа сан̇гхз вохаранд̇зна вад̇т̇у ж̇аанид̇аб̣б̣ам̣, вибад̇д̇и ж̇аанид̇аб̣б̣аа, аабад̇д̇и ж̇аанид̇аб̣б̣аа, нид̣̇аанам̣ ж̇аанид̇аб̣б̣ам̣, аагааро ж̇аанид̇аб̣б̣о, буб̣б̣аабарам̣ ж̇аанид̇аб̣б̣ам̣, гад̇аагад̇ам̣ ж̇аанид̇аб̣б̣ам̣, гаммам̣ ж̇аанид̇аб̣б̣ам̣, ад̇хигаран̣ам̣ ж̇аанид̇аб̣б̣ам̣, самат̇о ж̇аанид̇аб̣б̣о, на чанд̣̇ааг̇ад̇и г̇анд̇аб̣б̣аа, на д̣̇осааг̇ад̇и г̇анд̇аб̣б̣аа, на мохааг̇ад̇и г̇анд̇аб̣б̣аа, на бхаяааг̇ад̇и г̇анд̇аб̣б̣аа, сан̃н̃аабанийяз таанз сан̃н̃аабзд̇аб̣б̣ам̣, ниж̇жхаабанийяз таанз ниж̇жхаабзд̇аб̣б̣ам̣, бзгканийяз таанз бзгкид̇аб̣б̣ам̣, басаад̣̇анийяз таанз басаад̣̇зд̇аб̣б̣ам̣, лад̣̇д̇хабагкомхийд̇и барабагко нааваж̇аанид̇аб̣б̣о, б̣ахуссуд̇омхийд̇и аббассуд̇о нааваж̇аанид̇аб̣б̣о, т̇зрад̇аромхийд̇и навагад̇аро нааваж̇аанид̇аб̣б̣о, асамбад̇д̇ам̣ на б̣яаахаад̇аб̣б̣ам̣, самбад̇д̇ам̣ д̇хаммад̇о винаяад̇о на барихаабзд̇аб̣б̣ам̣, язна д̇хаммзна язна винаязна язна сад̇т̇усаасанзна д̇ам̣ ад̇хигаран̣ам̣ вуубасаммад̇и, д̇ат̇аа д̇ам̣ ад̇хигаран̣ам̣ вуубасамзд̇аб̣б̣ам̣.
368. Saṅgāmāvacare bhikkhunā saṅghe voharantena vatthu jānitabbaṃ, vipatti jānitabbā, āpatti jānitabbā, nidānaṃ jānitabbaṃ, ākāro jānitabbo, pubbāparaṃ jānitabbaṃ, katākataṃ jānitabbaṃ, kammaṃ jānitabbaṃ, adhikaraṇaṃ jānitabbaṃ, samatho jānitabbo, na chandāgati gantabbā, na dosāgati gantabbā, na mohāgati gantabbā, na bhayāgati gantabbā, saññāpanīye ṭhāne saññāpetabbaṃ, nijjhāpanīye ṭhāne nijjhāpetabbaṃ, pekkhanīye ṭhāne pekkhitabbaṃ, pasādanīye ṭhāne pasādetabbaṃ, laddhapakkhomhīti parapakkho nāvajānitabbo, bahussutomhīti appassuto nāvajānitabbo, therataromhīti navakataro nāvajānitabbo, asampattaṃ na byāhātabbaṃ, sampattaṃ dhammato vinayato na parihāpetabbaṃ, yena dhammena yena vinayena yena satthusāsanena taṃ adhikaraṇaṃ vūpasammati, tathā taṃ adhikaraṇaṃ vūpasametabbaṃ.
369. вад̇т̇у ж̇аанид̇аб̣б̣анд̇и адтабаарааж̇игаанам̣ 1 вад̇т̇у ж̇аанид̇аб̣б̣ам̣, д̇звийсасан̇гхаад̣̇исзсаанам̣ вад̇т̇у ж̇аанид̇аб̣б̣ам̣, д̣̇взанияад̇аанам̣ вад̇т̇у ж̇аанид̇аб̣б̣ам̣, д̣̇взжад̇д̇аарийсаниссаг̇г̇ияаанам̣ вад̇т̇у ж̇аанид̇аб̣б̣ам̣, адтаасийд̇исад̇абаажид̇д̇ияаанам̣ вад̇т̇у ж̇аанид̇аб̣б̣ам̣, д̣̇ваад̣̇асабаадид̣̇зсанийяаанам̣ вад̇т̇у ж̇аанид̇аб̣б̣ам̣, д̣̇уггадаанам̣ вад̇т̇у ж̇аанид̇аб̣б̣ам̣, д̣̇уб̣бхаасид̇аанам̣ вад̇т̇у ж̇аанид̇аб̣б̣ам̣.
369. Vatthu jānitabbanti aṭṭhapārājikānaṃ 2 vatthu jānitabbaṃ, tevīsasaṅghādisesānaṃ vatthu jānitabbaṃ, dveaniyatānaṃ vatthu jānitabbaṃ, dvecattārīsanissaggiyānaṃ vatthu jānitabbaṃ, aṭṭhāsītisatapācittiyānaṃ vatthu jānitabbaṃ, dvādasapāṭidesanīyānaṃ vatthu jānitabbaṃ, dukkaṭānaṃ vatthu jānitabbaṃ, dubbhāsitānaṃ vatthu jānitabbaṃ.
370. вибад̇д̇и ж̇аанид̇аб̣б̣аад̇и сийлавибад̇д̇и ж̇аанид̇аб̣б̣аа, аажааравибад̇д̇и ж̇аанид̇аб̣б̣аа, д̣̇идтивибад̇д̇и ж̇аанид̇аб̣б̣аа, ааж̇ийвавибад̇д̇и ж̇аанид̇аб̣б̣аа.
370.Vipatti jānitabbāti sīlavipatti jānitabbā, ācāravipatti jānitabbā, diṭṭhivipatti jānitabbā, ājīvavipatti jānitabbā.
371. аабад̇д̇и ж̇аанид̇аб̣б̣аад̇и баарааж̇игаабад̇д̇и ж̇аанид̇аб̣б̣аа, сан̇гхаад̣̇исзсаабад̇д̇и ж̇аанид̇аб̣б̣аа, т̇уллажжаяаабад̇д̇и ж̇аанид̇аб̣б̣аа, баажид̇д̇ияаабад̇д̇и ж̇аанид̇аб̣б̣аа, баадид̣̇зсанийяаабад̇д̇и ж̇аанид̇аб̣б̣аа, д̣̇уггадаабад̇д̇и ж̇аанид̇аб̣б̣аа, д̣̇уб̣бхаасид̇аабад̇д̇и ж̇аанид̇аб̣б̣аа.
371.Āpatti jānitabbāti pārājikāpatti jānitabbā, saṅghādisesāpatti jānitabbā, thullaccayāpatti jānitabbā, pācittiyāpatti jānitabbā, pāṭidesanīyāpatti jānitabbā, dukkaṭāpatti jānitabbā, dubbhāsitāpatti jānitabbā.
372. нид̣̇аанам̣ ж̇аанид̇аб̣б̣анд̇и адтабаарааж̇игаанам̣ нид̣̇аанам̣ ж̇аанид̇аб̣б̣ам̣, д̇звийсасан̇гхаад̣̇исзсаанам̣ нид̣̇аанам̣ ж̇аанид̇аб̣б̣ам̣, д̣̇взанияад̇аанам̣ нид̣̇аанам̣ ж̇аанид̇аб̣б̣ам̣, д̣̇взжад̇д̇аарийсаниссаг̇г̇ияаанам̣ нид̣̇аанам̣ ж̇аанид̇аб̣б̣ам̣, адтаасийд̇исад̇абаажид̇д̇ияаанам̣ нид̣̇аанам̣ ж̇аанид̇аб̣б̣ам̣, д̣̇ваад̣̇асабаадид̣̇зсанийяаанам̣ нид̣̇аанам̣ ж̇аанид̇аб̣б̣ам̣, д̣̇уггадаанам̣ нид̣̇аанам̣ ж̇аанид̇аб̣б̣ам̣, д̣̇уб̣бхаасид̇аанам̣ нид̣̇аанам̣ ж̇аанид̇аб̣б̣ам̣.
372.Nidānaṃjānitabbanti aṭṭhapārājikānaṃ nidānaṃ jānitabbaṃ, tevīsasaṅghādisesānaṃ nidānaṃ jānitabbaṃ, dveaniyatānaṃ nidānaṃ jānitabbaṃ, dvecattārīsanissaggiyānaṃ nidānaṃ jānitabbaṃ, aṭṭhāsītisatapācittiyānaṃ nidānaṃ jānitabbaṃ, dvādasapāṭidesanīyānaṃ nidānaṃ jānitabbaṃ, dukkaṭānaṃ nidānaṃ jānitabbaṃ, dubbhāsitānaṃ nidānaṃ jānitabbaṃ.
373. аагааро ж̇аанид̇аб̣б̣од̇и сан̇гхо аагаарад̇о ж̇аанид̇аб̣б̣о, г̇ан̣о аагаарад̇о ж̇аанид̇аб̣б̣о, буг̇г̇ало аагаарад̇о ж̇аанид̇аб̣б̣о, жод̣̇аго аагаарад̇о ж̇аанид̇аб̣б̣о, жуд̣̇ид̇аго аагаарад̇о ж̇аанид̇аб̣б̣о . сан̇гхо аагаарад̇о ж̇аанид̇аб̣б̣од̇и бадиб̣ало ну ко аяам̣ сан̇гхо имам̣ ад̇хигаран̣ам̣ вуубасамзд̇ум̣ д̇хаммзна винаязна сад̇т̇усаасанзна уд̣̇ааху нод̇и, звам̣ сан̇гхо аагаарад̇о ж̇аанид̇аб̣б̣о. г̇ан̣о аагаарад̇о ж̇аанид̇аб̣б̣од̇и бадиб̣ало ну ко аяам̣ г̇ан̣о имам̣ ад̇хигаран̣ам̣ вуубасамзд̇ум̣ д̇хаммзна винаязна сад̇т̇усаасанзна уд̣̇ааху нод̇и, звам̣ г̇ан̣о аагаарад̇о ж̇аанид̇аб̣б̣о . буг̇г̇ало аагаарад̇о ж̇аанид̇аб̣б̣од̇и бадиб̣ало ну ко аяам̣ буг̇г̇ало имам̣ ад̇хигаран̣ам̣ вуубасамзд̇ум̣ д̇хаммзна винаязна сад̇т̇усаасанзна уд̣̇ааху нод̇и, звам̣ буг̇г̇ало аагаарад̇о ж̇аанид̇аб̣б̣о. жод̣̇аго аагаарад̇о ж̇аанид̇аб̣б̣од̇и гажжи ну ко аяамааяасмаа бан̃жасу д̇хаммзсу бад̇идтааяа барам̣ жод̣̇зд̇и уд̣̇ааху нод̇и, звам̣ жод̣̇аго аагаарад̇о ж̇аанид̇аб̣б̣о. жуд̣̇ид̇аго аагаарад̇о ж̇аанид̇аб̣б̣од̇и гажжи ну ко аяамааяасмаа д̣̇вийсу д̇хаммзсу бад̇идтид̇о сажжз жа агуббз жа уд̣̇ааху нод̇и, звам̣ жуд̣̇ид̇аго аагаарад̇о ж̇аанид̇аб̣б̣о.
373.Ākāro jānitabboti saṅgho ākārato jānitabbo, gaṇo ākārato jānitabbo, puggalo ākārato jānitabbo, codako ākārato jānitabbo, cuditako ākārato jānitabbo . Saṅgho ākārato jānitabboti paṭibalo nu kho ayaṃ saṅgho imaṃ adhikaraṇaṃ vūpasametuṃ dhammena vinayena satthusāsanena udāhu noti, evaṃ saṅgho ākārato jānitabbo. Gaṇo ākārato jānitabboti paṭibalo nu kho ayaṃ gaṇo imaṃ adhikaraṇaṃ vūpasametuṃ dhammena vinayena satthusāsanena udāhu noti, evaṃ gaṇo ākārato jānitabbo . Puggalo ākārato jānitabboti paṭibalo nu kho ayaṃ puggalo imaṃ adhikaraṇaṃ vūpasametuṃ dhammena vinayena satthusāsanena udāhu noti, evaṃ puggalo ākārato jānitabbo. Codako ākārato jānitabboti kacci nu kho ayamāyasmā pañcasu dhammesu patiṭṭhāya paraṃ codeti udāhu noti, evaṃ codako ākārato jānitabbo. Cuditako ākārato jānitabboti kacci nu kho ayamāyasmā dvīsu dhammesu patiṭṭhito sacce ca akuppe ca udāhu noti, evaṃ cuditako ākārato jānitabbo.
374. буб̣б̣аабарам̣ ж̇аанид̇аб̣б̣анд̇и гажжи ну ко аяамааяасмаа вад̇т̇уд̇о ваа вад̇т̇ум̣ сан̇гамад̇и, вибад̇д̇ид̇о ваа вибад̇д̇им̣ сан̇гамад̇и, аабад̇д̇ид̇о ваа аабад̇д̇им̣ сан̇гамад̇и, аваж̇аанид̇ваа ваа бадиж̇аанаад̇и, бадиж̇аанид̇ваа ваа аваж̇аанаад̇и, ан̃н̃зна ваа ан̃н̃ам̣ бадижарад̇и, уд̣̇ааху нод̇и, звам̣ буб̣б̣аабарам̣ ж̇аанид̇аб̣б̣ам̣.
374.Pubbāparaṃ jānitabbanti kacci nu kho ayamāyasmā vatthuto vā vatthuṃ saṅkamati, vipattito vā vipattiṃ saṅkamati, āpattito vā āpattiṃ saṅkamati, avajānitvā vā paṭijānāti, paṭijānitvā vā avajānāti, aññena vā aññaṃ paṭicarati, udāhu noti, evaṃ pubbāparaṃ jānitabbaṃ.
375. гад̇аагад̇ам̣ ж̇аанид̇аб̣б̣анд̇и мзт̇унад̇хаммо ж̇аанид̇аб̣б̣о, мзт̇унад̇хаммасса ануломам̣ ж̇аанид̇аб̣б̣ам̣, мзт̇унад̇хаммасса буб̣б̣абхааг̇о ж̇аанид̇аб̣б̣о. мзт̇унад̇хаммо ж̇аанид̇аб̣б̣од̇и д̣̇ваяам̣д̣̇ваяасамаабад̇д̇и ж̇аанид̇аб̣б̣аа. мзт̇унад̇хаммасса ануломам̣ ж̇аанид̇аб̣б̣анд̇и бхигку ад̇д̇ано мукзна барасса ан̇г̇аж̇аад̇ам̣ г̇ан̣хаад̇и . мзт̇унад̇хаммасса буб̣б̣абхааг̇о ж̇аанид̇аб̣б̣од̇и ван̣н̣ааван̣н̣о 3, гааяасам̣саг̇г̇о, д̣̇удтуллаваажаа, ад̇д̇агаамабаарижарияаа, важанамануббад̣̇аанам̣ 4.
375.Katākataṃ jānitabbanti methunadhammo jānitabbo, methunadhammassa anulomaṃ jānitabbaṃ, methunadhammassa pubbabhāgo jānitabbo. Methunadhammo jānitabboti dvayaṃdvayasamāpatti jānitabbā. Methunadhammassa anulomaṃjānitabbanti bhikkhu attano mukhena parassa aṅgajātaṃ gaṇhāti . Methunadhammassa pubbabhāgo jānitabboti vaṇṇāvaṇṇo 5, kāyasaṃsaggo, duṭṭhullavācā, attakāmapāricariyā, vacanamanuppadānaṃ 6.
376. гаммам̣ ж̇аанид̇аб̣б̣анд̇и сол̣асагаммаани ж̇аанид̇аб̣б̣аани – жад̇д̇аари абалоганагаммаани ж̇аанид̇аб̣б̣аани, жад̇д̇аари н̃ад̇д̇игаммаани ж̇аанид̇аб̣б̣аани, жад̇д̇аари н̃ад̇д̇ид̣̇уд̇ияагаммаани ж̇аанид̇аб̣б̣аани, жад̇д̇аари н̃ад̇д̇ижад̇уд̇т̇агаммаани ж̇аанид̇аб̣б̣аани.
376.Kammaṃ jānitabbanti soḷasakammāni jānitabbāni – cattāri apalokanakammāni jānitabbāni, cattāri ñattikammāni jānitabbāni, cattāri ñattidutiyakammāni jānitabbāni, cattāri ñatticatutthakammāni jānitabbāni.
377. ад̇хигаран̣ам̣ ж̇аанид̇аб̣б̣анд̇и жад̇д̇аари ад̇хигаран̣аани ж̇аанид̇аб̣б̣аани – виваад̣̇аад̇хигаран̣ам̣ ж̇аанид̇аб̣б̣ам̣, ануваад̣̇аад̇хигаран̣ам̣ ж̇аанид̇аб̣б̣ам̣, аабад̇д̇аад̇хигаран̣ам̣ ж̇аанид̇аб̣б̣ам̣, гижжаад̇хигаран̣ам̣ ж̇аанид̇аб̣б̣ам̣.
377.Adhikaraṇaṃ jānitabbanti cattāri adhikaraṇāni jānitabbāni – vivādādhikaraṇaṃ jānitabbaṃ, anuvādādhikaraṇaṃ jānitabbaṃ, āpattādhikaraṇaṃ jānitabbaṃ, kiccādhikaraṇaṃ jānitabbaṃ.
378. самат̇о ж̇аанид̇аб̣б̣од̇и сад̇д̇а самат̇аа ж̇аанид̇аб̣б̣аа – саммукаавинаяо ж̇аанид̇аб̣б̣о, сад̇ивинаяо ж̇аанид̇аб̣б̣о, амуул̣хавинаяо ж̇аанид̇аб̣б̣о, бадин̃н̃аад̇агаран̣ам̣ ж̇аанид̇аб̣б̣ам̣, язбхуяяасигаа ж̇аанид̇аб̣б̣аа, д̇ассабаабияасигаа ж̇аанид̇аб̣б̣аа, д̇ин̣авад̇т̇аараго ж̇аанид̇аб̣б̣о.
378.Samatho jānitabboti satta samathā jānitabbā – sammukhāvinayo jānitabbo, sativinayo jānitabbo, amūḷhavinayo jānitabbo, paṭiññātakaraṇaṃ jānitabbaṃ, yebhuyyasikā jānitabbā, tassapāpiyasikā jānitabbā, tiṇavatthārako jānitabbo.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / вохаранд̇зна ж̇аанид̇аб̣б̣аад̣̇иван̣н̣анаа • Voharantena jānitabbādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇г̇аамад̣̇ваяаван̣н̣анаа • Saṅgāmadvayavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вохаранд̇знаж̇аанид̇аб̣б̣аад̣̇иван̣н̣анаа • Voharantenajānitabbādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаранд̇зна ж̇аанид̇аб̣б̣аад̣̇иван̣н̣анаа • Voharantena jānitabbādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вохаранд̇зна ж̇аанид̇аб̣б̣аад̣̇иван̣н̣анаа • Voharantena jānitabbādivaṇṇanā
