| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
மஹாஸங்கா³மோ
Mahāsaṅgāmo
வோஹரந்தேன ஜானிதப்³பா³தி³வண்ணனா
Voharantena jānitabbādivaṇṇanā
368-374. மஹாஸங்கா³மே – வத்து²தோ வா வத்து²ங் ஸங்கமதீதி ‘‘பட²மபாராஜிகவத்து² மயா தி³ட்ட²ங் வா ஸுதங் வா’’தி வத்வா புன புச்சி²யமானோ நிக⁴ங்ஸியமானோ ‘‘ந மயா பட²மபாராஜிகஸ்ஸ வத்து² தி³ட்ட²ங், ந ஸுதங்; து³தியபாராஜிகஸ்ஸ வத்து² தி³ட்ட²ங் வா ஸுதங் வா’’தி வத³தி. ஏதேனேவ நயேன ஸேஸவத்து²ஸங்கமனங், விபத்திதோ விபத்திஸங்கமனங் ஆபத்திதோ ஆபத்திஸங்கமனஞ்ச வேதி³தப்³ப³ங். யோ பன ‘‘நேவ மயா தி³ட்ட²ங், ந ஸுத’’ந்தி வத்வா பச்சா² ‘‘மயாபேதங் தி³ட்ட²ங் வா ஸுதங் வா’’தி வத³தி, ‘‘தி³ட்ட²ங் வா ஸுதங் வா’’தி வத்வா பச்சா² ‘‘ந தி³ட்ட²ங் வா ந ஸுதங் வா’’தி வத³தி, அயங் அவஜானித்வா படிஜானாதி, படிஜானித்வா அவஜானாதீதி வேதி³தப்³போ³. ஏஸேவ அஞ்ஞேனஞ்ஞங் படிசரதி நாம.
368-374. Mahāsaṅgāme – vatthuto vā vatthuṃ saṅkamatīti ‘‘paṭhamapārājikavatthu mayā diṭṭhaṃ vā sutaṃ vā’’ti vatvā puna pucchiyamāno nighaṃsiyamāno ‘‘na mayā paṭhamapārājikassa vatthu diṭṭhaṃ, na sutaṃ; dutiyapārājikassa vatthu diṭṭhaṃ vā sutaṃ vā’’ti vadati. Eteneva nayena sesavatthusaṅkamanaṃ, vipattito vipattisaṅkamanaṃ āpattito āpattisaṅkamanañca veditabbaṃ. Yo pana ‘‘neva mayā diṭṭhaṃ, na suta’’nti vatvā pacchā ‘‘mayāpetaṃ diṭṭhaṃ vā sutaṃ vā’’ti vadati, ‘‘diṭṭhaṃ vā sutaṃ vā’’ti vatvā pacchā ‘‘na diṭṭhaṃ vā na sutaṃ vā’’ti vadati, ayaṃ avajānitvā paṭijānāti, paṭijānitvā avajānātīti veditabbo. Eseva aññenaññaṃ paṭicarati nāma.
375. வண்ணாவண்ணோதி நீலாதி³வண்ணாவண்ணவஸேன ஸுக்கவிஸ்ஸட்டி²ஸிக்கா²பத³ங் வுத்தங். வசனமனுப்பதா³னந்தி ஸஞ்சரித்தங் வுத்தங். காயஸங்ஸக்³கா³தி³த்தயங் ஸரூபேனேவ வுத்தங். இதி இமானி பஞ்ச மேது²னத⁴ம்மஸ்ஸ புப்³ப³பா⁴கோ³ புப்³ப³பயோகோ³தி வேதி³தப்³பா³னி.
375.Vaṇṇāvaṇṇoti nīlādivaṇṇāvaṇṇavasena sukkavissaṭṭhisikkhāpadaṃ vuttaṃ. Vacanamanuppadānanti sañcarittaṃ vuttaṃ. Kāyasaṃsaggādittayaṃ sarūpeneva vuttaṃ. Iti imāni pañca methunadhammassa pubbabhāgo pubbapayogoti veditabbāni.
376. சத்தாரி அபலோகனகம்மானீதி அத⁴ம்மேனவக்³கா³தீ³னி. ஸேஸேஸுபி ஏஸேவ நயோ. இதி சத்தாரி சதுக்கானி ஸோளஸ ஹொந்தி.
376.Cattāri apalokanakammānīti adhammenavaggādīni. Sesesupi eseva nayo. Iti cattāri catukkāni soḷasa honti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. வோஹரந்தேன ஜானிதப்³பா³தி³ • 1. Voharantena jānitabbādi
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸங்கா³மத்³வயவண்ணனா • Saṅgāmadvayavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / வோஹரந்தேனஜானிதப்³பா³தி³வண்ணனா • Voharantenajānitabbādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வோஹரந்தேன ஜானிதப்³பா³தி³வண்ணனா • Voharantena jānitabbādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / வோஹரந்தேன ஜானிதப்³பா³தி³வண்ணனா • Voharantena jānitabbādivaṇṇanā
