| Library / Tipiṭaka / ติปิฎก • Tipiṭaka / ปริวาร-อฎฺฐกถา • Parivāra-aṭṭhakathā |
มหาสงฺคาโม
Mahāsaṅgāmo
โวหรเนฺตน ชานิตพฺพาทิวณฺณนา
Voharantena jānitabbādivaṇṇanā
๓๖๘-๓๗๔. มหาสงฺคาเม – วตฺถุโต วา วตฺถุํ สงฺกมตีติ ‘‘ปฐมปาราชิกวตฺถุ มยา ทิฎฺฐํ วา สุตํ วา’’ติ วตฺวา ปุน ปุจฺฉิยมาโน นิฆํสิยมาโน ‘‘น มยา ปฐมปาราชิกสฺส วตฺถุ ทิฎฺฐํ, น สุตํ; ทุติยปาราชิกสฺส วตฺถุ ทิฎฺฐํ วา สุตํ วา’’ติ วทติฯ เอเตเนว นเยน เสสวตฺถุสงฺกมนํ, วิปตฺติโต วิปตฺติสงฺกมนํ อาปตฺติโต อาปตฺติสงฺกมนญฺจ เวทิตพฺพํฯ โย ปน ‘‘เนว มยา ทิฎฺฐํ, น สุต’’นฺติ วตฺวา ปจฺฉา ‘‘มยาเปตํ ทิฎฺฐํ วา สุตํ วา’’ติ วทติ, ‘‘ทิฎฺฐํ วา สุตํ วา’’ติ วตฺวา ปจฺฉา ‘‘น ทิฎฺฐํ วา น สุตํ วา’’ติ วทติ, อยํ อวชานิตฺวา ปฎิชานาติ, ปฎิชานิตฺวา อวชานาตีติ เวทิตโพฺพฯ เอเสว อเญฺญนญฺญํ ปฎิจรติ นามฯ
368-374. Mahāsaṅgāme – vatthuto vā vatthuṃ saṅkamatīti ‘‘paṭhamapārājikavatthu mayā diṭṭhaṃ vā sutaṃ vā’’ti vatvā puna pucchiyamāno nighaṃsiyamāno ‘‘na mayā paṭhamapārājikassa vatthu diṭṭhaṃ, na sutaṃ; dutiyapārājikassa vatthu diṭṭhaṃ vā sutaṃ vā’’ti vadati. Eteneva nayena sesavatthusaṅkamanaṃ, vipattito vipattisaṅkamanaṃ āpattito āpattisaṅkamanañca veditabbaṃ. Yo pana ‘‘neva mayā diṭṭhaṃ, na suta’’nti vatvā pacchā ‘‘mayāpetaṃ diṭṭhaṃ vā sutaṃ vā’’ti vadati, ‘‘diṭṭhaṃ vā sutaṃ vā’’ti vatvā pacchā ‘‘na diṭṭhaṃ vā na sutaṃ vā’’ti vadati, ayaṃ avajānitvā paṭijānāti, paṭijānitvā avajānātīti veditabbo. Eseva aññenaññaṃ paṭicarati nāma.
๓๗๕. วณฺณาวโณฺณติ นีลาทิวณฺณาวณฺณวเสน สุกฺกวิสฺสฎฺฐิสิกฺขาปทํ วุตฺตํฯ วจนมนุปฺปทานนฺติ สญฺจริตฺตํ วุตฺตํฯ กายสํสคฺคาทิตฺตยํ สรูเปเนว วุตฺตํฯ อิติ อิมานิ ปญฺจ เมถุนธมฺมสฺส ปุพฺพภาโค ปุพฺพปโยโคติ เวทิตพฺพานิฯ
375.Vaṇṇāvaṇṇoti nīlādivaṇṇāvaṇṇavasena sukkavissaṭṭhisikkhāpadaṃ vuttaṃ. Vacanamanuppadānanti sañcarittaṃ vuttaṃ. Kāyasaṃsaggādittayaṃ sarūpeneva vuttaṃ. Iti imāni pañca methunadhammassa pubbabhāgo pubbapayogoti veditabbāni.
๓๗๖. จตฺตาริ อปโลกนกมฺมานีติ อธเมฺมนวคฺคาทีนิฯ เสเสสุปิ เอเสว นโยฯ อิติ จตฺตาริ จตุกฺกานิ โสฬส โหนฺติฯ
376.Cattāri apalokanakammānīti adhammenavaggādīni. Sesesupi eseva nayo. Iti cattāri catukkāni soḷasa honti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๑. โวหรเนฺตน ชานิตพฺพาทิ • 1. Voharantena jānitabbādi
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / สงฺคามทฺวยวณฺณนา • Saṅgāmadvayavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / โวหรเนฺตนชานิตพฺพาทิวณฺณนา • Voharantenajānitabbādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / โวหรเนฺตน ชานิตพฺพาทิวณฺณนา • Voharantena jānitabbādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / โวหรเนฺตน ชานิตพฺพาทิวณฺณนา • Voharantena jānitabbādivaṇṇanā
