| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
មហាសង្គាមំ
Mahāsaṅgāmaṃ
វោហរន្តេន ជានិតព្ពាទិវណ្ណនា
Voharantena jānitabbādivaṇṇanā
៣៦៨-៣៧៤. មហាសង្គាមេ បាឡិយំ សង្គាមាវចរេនាតិ អនុវិជ្ជកំ សន្ធាយ វុត្តំ។ វត្ថូតិ មេថុនាទិវីតិក្កមោ។ និទានន្តិ វេសាលិអាទិបញ្ញត្តិដ្ឋានំ។ បុគ្គលោ អការកោ ជានិតព្ពោតិ ឯត្ថ សង្ឃេ វា គណេ វា បរិណាយកភូតោ បុគ្គលោតិ ទដ្ឋព្ពំ។
368-374. Mahāsaṅgāme pāḷiyaṃ saṅgāmāvacarenāti anuvijjakaṃ sandhāya vuttaṃ. Vatthūti methunādivītikkamo. Nidānanti vesāliādipaññattiṭṭhānaṃ. Puggalo akārako jānitabboti ettha saṅghe vā gaṇe vā pariṇāyakabhūto puggaloti daṭṭhabbaṃ.
៣៧៥. វិស្សដ្ឋិសិក្ខាបទន្តិ នីលាទិទសន្នំ សុក្កានំ មោចនវសេន វុត្តំ សុក្កវិស្សដ្ឋិសិក្ខាបទំ។ តញ្ហិ តេលាទិមន្ទវណ្ណានំ នីលាទិបចុរវណ្ណានំ វសេន ‘‘វណ្ណាវណ្ណា’’តិ វុត្តំ។ បចុរត្ថេ ហិ ឥធ អវណ្ណោតិ អ-ការោ។
375.Vissaṭṭhisikkhāpadanti nīlādidasannaṃ sukkānaṃ mocanavasena vuttaṃ sukkavissaṭṭhisikkhāpadaṃ. Tañhi telādimandavaṇṇānaṃ nīlādipacuravaṇṇānaṃ vasena ‘‘vaṇṇāvaṇṇā’’ti vuttaṃ. Pacuratthe hi idha avaṇṇoti a-kāro.
៣៧៩. យាវ អកនិដ្ឋព្រហ្មានោ ទ្វិធា ហោន្តីតិ ឯត្ថ អវិហាទិសុទ្ធាវាសិកា អញ្ញភូមីសុ អរិយា ធម្មវាទីបក្ខំ ឯវ ភជន្តិ, ឥតរេ ទុវិធម្បីតិ ទដ្ឋព្ពំ។
379.Yāva akaniṭṭhabrahmāno dvidhā hontīti ettha avihādisuddhāvāsikā aññabhūmīsu ariyā dhammavādīpakkhaṃ eva bhajanti, itare duvidhampīti daṭṭhabbaṃ.
វោហរន្តេន ជានិតព្ពាទិវណ្ណនា និដ្ឋិតា។
Voharantena jānitabbādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
១. វោហរន្តេន ជានិតព្ពាទិ • 1. Voharantena jānitabbādi
២. អគតិអគន្តព្ពោ • 2. Agatiagantabbo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā
វោហរន្តេន ជានិតព្ពាទិវណ្ណនា • Voharantena jānitabbādivaṇṇanā
អគតិអគន្តព្ពវណ្ណនា • Agatiagantabbavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សង្គាមទ្វយវណ្ណនា • Saṅgāmadvayavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / វោហរន្តេនជានិតព្ពាទិវណ្ណនា • Voharantenajānitabbādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
វោហរន្តេន ជានិតព្ពាទិវណ្ណនា • Voharantena jānitabbādivaṇṇanā
អគតិអគន្តព្ពវណ្ណនា • Agatiagantabbavaṇṇanā
