| Library / Tipiṭaka / တိပိဋက • Tipiṭaka / ပရိဝာရ-အဋ္ဌကထာ • Parivāra-aṭṭhakathā |
မဟာသင္ဂာမော
Mahāsaṅgāmo
ဝောဟရန္တေန ဇာနိတဗ္ဗာဒိဝဏ္ဏနာ
Voharantena jānitabbādivaṇṇanā
၃၆၈-၃၇၄. မဟာသင္ဂာမေ – ဝတ္ထုတော ဝာ ဝတ္ထုံ သင္ကမတီတိ ‘‘ပဌမပာရာဇိကဝတ္ထု မယာ ဒိဋ္ဌံ ဝာ သုတံ ဝာ’’တိ ဝတ္ဝာ ပုန ပုစ္ဆိယမာနော နိဃံသိယမာနော ‘‘န မယာ ပဌမပာရာဇိကသ္သ ဝတ္ထု ဒိဋ္ဌံ, န သုတံ; ဒုတိယပာရာဇိကသ္သ ဝတ္ထု ဒိဋ္ဌံ ဝာ သုတံ ဝာ’’တိ ဝဒတိ။ ဧတေနေဝ နယေန သေသဝတ္ထုသင္ကမနံ, ဝိပတ္တိတော ဝိပတ္တိသင္ကမနံ အာပတ္တိတော အာပတ္တိသင္ကမနဉ္စ ဝေဒိတဗ္ဗံ။ ယော ပန ‘‘နေဝ မယာ ဒိဋ္ဌံ, န သုတ’’န္တိ ဝတ္ဝာ ပစ္ဆာ ‘‘မယာပေတံ ဒိဋ္ဌံ ဝာ သုတံ ဝာ’’တိ ဝဒတိ, ‘‘ဒိဋ္ဌံ ဝာ သုတံ ဝာ’’တိ ဝတ္ဝာ ပစ္ဆာ ‘‘န ဒိဋ္ဌံ ဝာ န သုတံ ဝာ’’တိ ဝဒတိ, အယံ အဝဇာနိတ္ဝာ ပဋိဇာနာတိ, ပဋိဇာနိတ္ဝာ အဝဇာနာတီတိ ဝေဒိတဗ္ဗော။ ဧသေဝ အညေနညံ ပဋိစရတိ နာမ။
368-374. Mahāsaṅgāme – vatthuto vā vatthuṃ saṅkamatīti ‘‘paṭhamapārājikavatthu mayā diṭṭhaṃ vā sutaṃ vā’’ti vatvā puna pucchiyamāno nighaṃsiyamāno ‘‘na mayā paṭhamapārājikassa vatthu diṭṭhaṃ, na sutaṃ; dutiyapārājikassa vatthu diṭṭhaṃ vā sutaṃ vā’’ti vadati. Eteneva nayena sesavatthusaṅkamanaṃ, vipattito vipattisaṅkamanaṃ āpattito āpattisaṅkamanañca veditabbaṃ. Yo pana ‘‘neva mayā diṭṭhaṃ, na suta’’nti vatvā pacchā ‘‘mayāpetaṃ diṭṭhaṃ vā sutaṃ vā’’ti vadati, ‘‘diṭṭhaṃ vā sutaṃ vā’’ti vatvā pacchā ‘‘na diṭṭhaṃ vā na sutaṃ vā’’ti vadati, ayaṃ avajānitvā paṭijānāti, paṭijānitvā avajānātīti veditabbo. Eseva aññenaññaṃ paṭicarati nāma.
၃၇၅. ဝဏ္ဏာဝဏ္ဏောတိ နီလာဒိဝဏ္ဏာဝဏ္ဏဝသေန သုက္ကဝိသ္သဋ္ဌိသိက္ခာပဒံ ဝုတ္တံ။ ဝစနမနုပ္ပဒာနန္တိ သဉ္စရိတ္တံ ဝုတ္တံ။ ကာယသံသဂ္ဂာဒိတ္တယံ သရူပေနေဝ ဝုတ္တံ။ ဣတိ ဣမာနိ ပဉ္စ မေထုနဓမ္မသ္သ ပုဗ္ဗဘာဂော ပုဗ္ဗပယောဂောတိ ဝေဒိတဗ္ဗာနိ။
375.Vaṇṇāvaṇṇoti nīlādivaṇṇāvaṇṇavasena sukkavissaṭṭhisikkhāpadaṃ vuttaṃ. Vacanamanuppadānanti sañcarittaṃ vuttaṃ. Kāyasaṃsaggādittayaṃ sarūpeneva vuttaṃ. Iti imāni pañca methunadhammassa pubbabhāgo pubbapayogoti veditabbāni.
၃၇၆. စတ္တာရိ အပလောကနကမ္မာနီတိ အဓမ္မေနဝဂ္ဂာဒီနိ။ သေသေသုပိ ဧသေဝ နယော။ ဣတိ စတ္တာရိ စတုက္ကာနိ သောဠသ ဟောန္တိ။
376.Cattāri apalokanakammānīti adhammenavaggādīni. Sesesupi eseva nayo. Iti cattāri catukkāni soḷasa honti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၁. ဝောဟရန္တေန ဇာနိတဗ္ဗာဒိ • 1. Voharantena jānitabbādi
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / သင္ဂာမဒ္ဝယဝဏ္ဏနာ • Saṅgāmadvayavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဝောဟရန္တေနဇာနိတဗ္ဗာဒိဝဏ္ဏနာ • Voharantenajānitabbādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝောဟရန္တေန ဇာနိတဗ္ဗာဒိဝဏ္ဏနာ • Voharantena jānitabbādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ဝောဟရန္တေန ဇာနိတဗ္ဗာဒိဝဏ္ဏနာ • Voharantena jānitabbādivaṇṇanā
