| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
မဟာသင္ဂာမံ
Mahāsaṅgāmaṃ
ဝောဟရန္တေန ဇာနိတဗ္ဗာဒိဝဏ္ဏနာ
Voharantena jānitabbādivaṇṇanā
၃၆၈-၃၇၄. မဟာသင္ဂာမေ ပာဠိယံ သင္ဂာမာဝစရေနာတိ အနုဝိဇ္ဇကံ သန္ဓာယ ဝုတ္တံ။ ဝတ္ထူတိ မေထုနာဒိဝီတိက္ကမော။ နိဒာနန္တိ ဝေသာလိအာဒိပညတ္တိဋ္ဌာနံ။ ပုဂ္ဂလော အကာရကော ဇာနိတဗ္ဗောတိ ဧတ္ထ သင္ဃေ ဝာ ဂဏေ ဝာ ပရိဏာယကဘူတော ပုဂ္ဂလောတိ ဒဋ္ဌဗ္ဗံ။
368-374. Mahāsaṅgāme pāḷiyaṃ saṅgāmāvacarenāti anuvijjakaṃ sandhāya vuttaṃ. Vatthūti methunādivītikkamo. Nidānanti vesāliādipaññattiṭṭhānaṃ. Puggalo akārako jānitabboti ettha saṅghe vā gaṇe vā pariṇāyakabhūto puggaloti daṭṭhabbaṃ.
၃၇၅. ဝိသ္သဋ္ဌိသိက္ခာပဒန္တိ နီလာဒိဒသန္နံ သုက္ကာနံ မောစနဝသေန ဝုတ္တံ သုက္ကဝိသ္သဋ္ဌိသိက္ခာပဒံ။ တဉ္ဟိ တေလာဒိမန္ဒဝဏ္ဏာနံ နီလာဒိပစုရဝဏ္ဏာနံ ဝသေန ‘‘ဝဏ္ဏာဝဏ္ဏာ’’တိ ဝုတ္တံ။ ပစုရတ္ထေ ဟိ ဣဓ အဝဏ္ဏောတိ အ-ကာရော။
375.Vissaṭṭhisikkhāpadanti nīlādidasannaṃ sukkānaṃ mocanavasena vuttaṃ sukkavissaṭṭhisikkhāpadaṃ. Tañhi telādimandavaṇṇānaṃ nīlādipacuravaṇṇānaṃ vasena ‘‘vaṇṇāvaṇṇā’’ti vuttaṃ. Pacuratthe hi idha avaṇṇoti a-kāro.
၃၇၉. ယာဝ အကနိဋ္ဌဗ္ရဟ္မာနော ဒ္ဝိဓာ ဟောန္တီတိ ဧတ္ထ အဝိဟာဒိသုဒ္ဓာဝာသိကာ အညဘူမီသု အရိယာ ဓမ္မဝာဒီပက္ခံ ဧဝ ဘဇန္တိ, ဣတရေ ဒုဝိဓမ္ပီတိ ဒဋ္ဌဗ္ဗံ။
379.Yāva akaniṭṭhabrahmāno dvidhā hontīti ettha avihādisuddhāvāsikā aññabhūmīsu ariyā dhammavādīpakkhaṃ eva bhajanti, itare duvidhampīti daṭṭhabbaṃ.
ဝောဟရန္တေန ဇာနိတဗ္ဗာဒိဝဏ္ဏနာ နိဋ္ဌိတာ။
Voharantena jānitabbādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၁. ဝောဟရန္တေန ဇာနိတဗ္ဗာဒိ • 1. Voharantena jānitabbādi
၂. အဂတိအဂန္တဗ္ဗော • 2. Agatiagantabbo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā
ဝောဟရန္တေန ဇာနိတဗ္ဗာဒိဝဏ္ဏနာ • Voharantena jānitabbādivaṇṇanā
အဂတိအဂန္တဗ္ဗဝဏ္ဏနာ • Agatiagantabbavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / သင္ဂာမဒ္ဝယဝဏ္ဏနာ • Saṅgāmadvayavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဝောဟရန္တေနဇာနိတဗ္ဗာဒိဝဏ္ဏနာ • Voharantenajānitabbādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
ဝောဟရန္တေန ဇာနိတဗ္ဗာဒိဝဏ္ဏနာ • Voharantena jānitabbādivaṇṇanā
အဂတိအဂန္တဗ္ဗဝဏ္ဏနာ • Agatiagantabbavaṇṇanā
