| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಮಹಾಸಙ್ಗಾಮಂ
Mahāsaṅgāmaṃ
ವೋಹರನ್ತೇನ ಜಾನಿತಬ್ಬಾದಿವಣ್ಣನಾ
Voharantena jānitabbādivaṇṇanā
೩೬೮-೩೭೪. ಮಹಾಸಙ್ಗಾಮೇ ಪಾಳಿಯಂ ಸಙ್ಗಾಮಾವಚರೇನಾತಿ ಅನುವಿಜ್ಜಕಂ ಸನ್ಧಾಯ ವುತ್ತಂ। ವತ್ಥೂತಿ ಮೇಥುನಾದಿವೀತಿಕ್ಕಮೋ। ನಿದಾನನ್ತಿ ವೇಸಾಲಿಆದಿಪಞ್ಞತ್ತಿಟ್ಠಾನಂ। ಪುಗ್ಗಲೋ ಅಕಾರಕೋ ಜಾನಿತಬ್ಬೋತಿ ಏತ್ಥ ಸಙ್ಘೇ ವಾ ಗಣೇ ವಾ ಪರಿಣಾಯಕಭೂತೋ ಪುಗ್ಗಲೋತಿ ದಟ್ಠಬ್ಬಂ।
368-374. Mahāsaṅgāme pāḷiyaṃ saṅgāmāvacarenāti anuvijjakaṃ sandhāya vuttaṃ. Vatthūti methunādivītikkamo. Nidānanti vesāliādipaññattiṭṭhānaṃ. Puggalo akārako jānitabboti ettha saṅghe vā gaṇe vā pariṇāyakabhūto puggaloti daṭṭhabbaṃ.
೩೭೫. ವಿಸ್ಸಟ್ಠಿಸಿಕ್ಖಾಪದನ್ತಿ ನೀಲಾದಿದಸನ್ನಂ ಸುಕ್ಕಾನಂ ಮೋಚನವಸೇನ ವುತ್ತಂ ಸುಕ್ಕವಿಸ್ಸಟ್ಠಿಸಿಕ್ಖಾಪದಂ। ತಞ್ಹಿ ತೇಲಾದಿಮನ್ದವಣ್ಣಾನಂ ನೀಲಾದಿಪಚುರವಣ್ಣಾನಂ ವಸೇನ ‘‘ವಣ್ಣಾವಣ್ಣಾ’’ತಿ ವುತ್ತಂ। ಪಚುರತ್ಥೇ ಹಿ ಇಧ ಅವಣ್ಣೋತಿ ಅ-ಕಾರೋ।
375.Vissaṭṭhisikkhāpadanti nīlādidasannaṃ sukkānaṃ mocanavasena vuttaṃ sukkavissaṭṭhisikkhāpadaṃ. Tañhi telādimandavaṇṇānaṃ nīlādipacuravaṇṇānaṃ vasena ‘‘vaṇṇāvaṇṇā’’ti vuttaṃ. Pacuratthe hi idha avaṇṇoti a-kāro.
೩೭೯. ಯಾವ ಅಕನಿಟ್ಠಬ್ರಹ್ಮಾನೋ ದ್ವಿಧಾ ಹೋನ್ತೀತಿ ಏತ್ಥ ಅವಿಹಾದಿಸುದ್ಧಾವಾಸಿಕಾ ಅಞ್ಞಭೂಮೀಸು ಅರಿಯಾ ಧಮ್ಮವಾದೀಪಕ್ಖಂ ಏವ ಭಜನ್ತಿ, ಇತರೇ ದುವಿಧಮ್ಪೀತಿ ದಟ್ಠಬ್ಬಂ।
379.Yāva akaniṭṭhabrahmāno dvidhā hontīti ettha avihādisuddhāvāsikā aññabhūmīsu ariyā dhammavādīpakkhaṃ eva bhajanti, itare duvidhampīti daṭṭhabbaṃ.
ವೋಹರನ್ತೇನ ಜಾನಿತಬ್ಬಾದಿವಣ್ಣನಾ ನಿಟ್ಠಿತಾ।
Voharantena jānitabbādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೧. ವೋಹರನ್ತೇನ ಜಾನಿತಬ್ಬಾದಿ • 1. Voharantena jānitabbādi
೨. ಅಗತಿಅಗನ್ತಬ್ಬೋ • 2. Agatiagantabbo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā
ವೋಹರನ್ತೇನ ಜಾನಿತಬ್ಬಾದಿವಣ್ಣನಾ • Voharantena jānitabbādivaṇṇanā
ಅಗತಿಅಗನ್ತಬ್ಬವಣ್ಣನಾ • Agatiagantabbavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಸಙ್ಗಾಮದ್ವಯವಣ್ಣನಾ • Saṅgāmadvayavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ವೋಹರನ್ತೇನಜಾನಿತಬ್ಬಾದಿವಣ್ಣನಾ • Voharantenajānitabbādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
ವೋಹರನ್ತೇನ ಜಾನಿತಬ್ಬಾದಿವಣ್ಣನಾ • Voharantena jānitabbādivaṇṇanā
ಅಗತಿಅಗನ್ತಬ್ಬವಣ್ಣನಾ • Agatiagantabbavaṇṇanā
