| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਮਹਾਸਙ੍ਗਾਮੋ
Mahāsaṅgāmo
વੋਹਰਨ੍ਤੇਨ ਜਾਨਿਤਬ੍ਬਾਦਿવਣ੍ਣਨਾ
Voharantena jānitabbādivaṇṇanā
੩੬੮-੩੭੪. ਮਹਾਸਙ੍ਗਾਮੇ – વਤ੍ਥੁਤੋ વਾ વਤ੍ਥੁਂ ਸਙ੍ਕਮਤੀਤਿ ‘‘ਪਠਮਪਾਰਾਜਿਕવਤ੍ਥੁ ਮਯਾ ਦਿਟ੍ਠਂ વਾ ਸੁਤਂ વਾ’’ਤਿ વਤ੍વਾ ਪੁਨ ਪੁਚ੍ਛਿਯਮਾਨੋ ਨਿਘਂਸਿਯਮਾਨੋ ‘‘ਨ ਮਯਾ ਪਠਮਪਾਰਾਜਿਕਸ੍ਸ વਤ੍ਥੁ ਦਿਟ੍ਠਂ, ਨ ਸੁਤਂ; ਦੁਤਿਯਪਾਰਾਜਿਕਸ੍ਸ વਤ੍ਥੁ ਦਿਟ੍ਠਂ વਾ ਸੁਤਂ વਾ’’ਤਿ વਦਤਿ। ਏਤੇਨੇવ ਨਯੇਨ ਸੇਸવਤ੍ਥੁਸਙ੍ਕਮਨਂ, વਿਪਤ੍ਤਿਤੋ વਿਪਤ੍ਤਿਸਙ੍ਕਮਨਂ ਆਪਤ੍ਤਿਤੋ ਆਪਤ੍ਤਿਸਙ੍ਕਮਨਞ੍ਚ વੇਦਿਤਬ੍ਬਂ। ਯੋ ਪਨ ‘‘ਨੇવ ਮਯਾ ਦਿਟ੍ਠਂ, ਨ ਸੁਤ’’ਨ੍ਤਿ વਤ੍વਾ ਪਚ੍ਛਾ ‘‘ਮਯਾਪੇਤਂ ਦਿਟ੍ਠਂ વਾ ਸੁਤਂ વਾ’’ਤਿ વਦਤਿ, ‘‘ਦਿਟ੍ਠਂ વਾ ਸੁਤਂ વਾ’’ਤਿ વਤ੍વਾ ਪਚ੍ਛਾ ‘‘ਨ ਦਿਟ੍ਠਂ વਾ ਨ ਸੁਤਂ વਾ’’ਤਿ વਦਤਿ, ਅਯਂ ਅવਜਾਨਿਤ੍વਾ ਪਟਿਜਾਨਾਤਿ, ਪਟਿਜਾਨਿਤ੍વਾ ਅવਜਾਨਾਤੀਤਿ વੇਦਿਤਬ੍ਬੋ। ਏਸੇવ ਅਞ੍ਞੇਨਞ੍ਞਂ ਪਟਿਚਰਤਿ ਨਾਮ।
368-374. Mahāsaṅgāme – vatthuto vā vatthuṃ saṅkamatīti ‘‘paṭhamapārājikavatthu mayā diṭṭhaṃ vā sutaṃ vā’’ti vatvā puna pucchiyamāno nighaṃsiyamāno ‘‘na mayā paṭhamapārājikassa vatthu diṭṭhaṃ, na sutaṃ; dutiyapārājikassa vatthu diṭṭhaṃ vā sutaṃ vā’’ti vadati. Eteneva nayena sesavatthusaṅkamanaṃ, vipattito vipattisaṅkamanaṃ āpattito āpattisaṅkamanañca veditabbaṃ. Yo pana ‘‘neva mayā diṭṭhaṃ, na suta’’nti vatvā pacchā ‘‘mayāpetaṃ diṭṭhaṃ vā sutaṃ vā’’ti vadati, ‘‘diṭṭhaṃ vā sutaṃ vā’’ti vatvā pacchā ‘‘na diṭṭhaṃ vā na sutaṃ vā’’ti vadati, ayaṃ avajānitvā paṭijānāti, paṭijānitvā avajānātīti veditabbo. Eseva aññenaññaṃ paṭicarati nāma.
੩੭੫. વਣ੍ਣਾવਣ੍ਣੋਤਿ ਨੀਲਾਦਿવਣ੍ਣਾવਣ੍ਣવਸੇਨ ਸੁਕ੍ਕવਿਸ੍ਸਟ੍ਠਿਸਿਕ੍ਖਾਪਦਂ વੁਤ੍ਤਂ। વਚਨਮਨੁਪ੍ਪਦਾਨਨ੍ਤਿ ਸਞ੍ਚਰਿਤ੍ਤਂ વੁਤ੍ਤਂ। ਕਾਯਸਂਸਗ੍ਗਾਦਿਤ੍ਤਯਂ ਸਰੂਪੇਨੇવ વੁਤ੍ਤਂ। ਇਤਿ ਇਮਾਨਿ ਪਞ੍ਚ ਮੇਥੁਨਧਮ੍ਮਸ੍ਸ ਪੁਬ੍ਬਭਾਗੋ ਪੁਬ੍ਬਪਯੋਗੋਤਿ વੇਦਿਤਬ੍ਬਾਨਿ।
375.Vaṇṇāvaṇṇoti nīlādivaṇṇāvaṇṇavasena sukkavissaṭṭhisikkhāpadaṃ vuttaṃ. Vacanamanuppadānanti sañcarittaṃ vuttaṃ. Kāyasaṃsaggādittayaṃ sarūpeneva vuttaṃ. Iti imāni pañca methunadhammassa pubbabhāgo pubbapayogoti veditabbāni.
੩੭੬. ਚਤ੍ਤਾਰਿ ਅਪਲੋਕਨਕਮ੍ਮਾਨੀਤਿ ਅਧਮ੍ਮੇਨવਗ੍ਗਾਦੀਨਿ। ਸੇਸੇਸੁਪਿ ਏਸੇવ ਨਯੋ। ਇਤਿ ਚਤ੍ਤਾਰਿ ਚਤੁਕ੍ਕਾਨਿ ਸੋਲ਼ਸ ਹੋਨ੍ਤਿ।
376.Cattāri apalokanakammānīti adhammenavaggādīni. Sesesupi eseva nayo. Iti cattāri catukkāni soḷasa honti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. વੋਹਰਨ੍ਤੇਨ ਜਾਨਿਤਬ੍ਬਾਦਿ • 1. Voharantena jānitabbādi
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਙ੍ਗਾਮਦ੍વਯવਣ੍ਣਨਾ • Saṅgāmadvayavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / વੋਹਰਨ੍ਤੇਨਜਾਨਿਤਬ੍ਬਾਦਿવਣ੍ਣਨਾ • Voharantenajānitabbādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વੋਹਰਨ੍ਤੇਨ ਜਾਨਿਤਬ੍ਬਾਦਿવਣ੍ਣਨਾ • Voharantena jānitabbādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / વੋਹਰਨ੍ਤੇਨ ਜਾਨਿਤਬ੍ਬਾਦਿવਣ੍ਣਨਾ • Voharantena jānitabbādivaṇṇanā
